Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kuiga tunakoiga, twaiga na vya kijinga?

Discussion in 'Jukwaa la Lugha' started by Mzee Mwanakijiji, Aug 14, 2009.

  1. Mzee Mwanakijiji

    Mzee Mwanakijiji Platinum Member

    #1
    Aug 14, 2009
    Joined: Mar 10, 2006
    Messages: 30,383
    Likes Received: 2,442
    Trophy Points: 280
    Vipo vingi vya kuiga, vinavyopaswa kuigwa,
    Hivyo mtu akiiga, hata yeye ataigwa,
    Ubaya siyo kuiga, ni vile vinavyoigwa,
    Kuiga tunakoiga, twaiga na vya kijinga?

    Mashindano ya urembo, tumeiga asilani,
    Wanatao kwa mapambo, wandele majukwaani,
    Wanasa kama urimbo, na nusu nguo mwilini,
    Kuiga tunakoiga, twaiga na vya kijinga?

    Hilo tumelikubali, tukasema ni modeni,
    Vichupi na suluali, na mavazi ya fukweni,
    Wakiyajibu maswali, kwa lafudhi za kigeni,
    Kuiga tunakoiga, twaiga na vya kijinga?

    Twashindanisha watoto, kwenye urembo jamani,
    Urembo huo ni ndoto, kwa watoto wa shuleni,
    Watoto wawe watoto, twadhulumu jamani,
    Kuiga tunakoiga, twaiga na vya kijinga?

    Hebu pita kijiweni, mwangalie Solomoni,
    Suruali matakoni, na kofia kisogoni,
    Aimba Kimarekani, kakulia Kiwalani,
    Kuiga tunakoiga, twaiga na vya kijinga?

    Tunaporudi nyumbani, twatoka ughaibuni,
    Twajifanya ni wageni, tumesahau kingoni,
    Ndoo ya maji bafuni, twataka ya mvua jamani,
    Kuiga tunakoiga, twaiga na vya kijinga?

    Tuige vilivyo bora, vyenye tunu na thamani,
    Tusiwe tunajichora, kwa kuiga vya kihuni,
    Tuige bila papara, vya kutupa ahueni,
    Kuiga tunakoiga, twaiga na vya kijinga?

    Na. M. M. Mwanakijiji (Sauti ya Kijiji)
     
  2. L

    Lunanilo JF-Expert Member

    #2
    Aug 14, 2009
    Joined: Feb 15, 2008
    Messages: 370
    Likes Received: 0
    Trophy Points: 33
    Laiti ningejaliwa ustadi wa kutunga shairi ningejibu kishari hii hoja yako. Kaa ukijua kuwa nakuunga mkono, uigaji tunaochukuwa saa hakika ni wa kiafkani.
    Hao watoto wa miaka sita na nane wanajua nini kuhusu urembo? si tunawaharibia self esteem zao? Na kuwafanya wafikiri kuwa urembo ndiyo kitu cha maana kuliko kuchapa kazi na kuwa na nidhamu katika kila tufanyacho?

    Nawaagiza wasichana kuwa mrembo hakufanya chochote ili awe mrembo, kajaliwa sura kutokana na waliomzaa kuwa na sura na umbile zuri. ( najua najua mtasema kufanya mazoezi, kujua kuvaa, kupakaa poda, na mengineyo) lakini uzuri wa sura ni wa kuzaliwa. mazoezi na poda vyahitaji kipato kikubwa hivyo mabinti wetu kazaneni shule na kuchapa kazi.

    Shukrani mwanakijiji.
     
  3. C

    Choveki JF-Expert Member

    #3
    Aug 16, 2009
    Joined: Apr 16, 2006
    Messages: 448
    Likes Received: 8
    Trophy Points: 35
    Papara kweli uleke, nimekumbuka msemo
    Kuiga hata upweke, ujuha uso kikomo!
    Mageti na kuta zake, twaiga bila kisomo
    Pokea tano wakwetu, umeyanena maneno!

    Utadhani zumbukuku, vichwani kama hazimo
    Ni lazima ya kikuku, twaiga bila vipimo?
    Usomi wetu mabuku, vichwani mbona hazimo?
    Pokea tano wakwetu, uliyonena maneno!

    Uliyonena maneno, kimekolea kisomo
    Umeonesha muono, uhodari uso kimo
    Tuige yalo manono, machafu yawe kikomo
    Pokea tano wa kwetu, umeyanena maneno!
     
  4. A

    AmaniGK JF-Expert Member

    #4
    Aug 16, 2009
    Joined: Jan 10, 2008
    Messages: 1,100
    Likes Received: 17
    Trophy Points: 135
    Hodi malenga nabisha,nami nipate sikika.
    Dodoma mpaka Arusha,kwa sauti nasikika
    Wino wangu nadondosha,hili jambo lanishika
    Kuiga ni jambo pana,Sijui kipi cha kufanya

    Wakati watupeleka, Vya ungerezani vya tuvuta
    Zamani ninakumbuka,Merekani litushika
    Tulijivika kaboka,sarawili na bukuta
    Kuiga ni jambo pana,sijui kipi cha kufanya

    Kuna swali najiuliza,sipati jibu hakika
    Hipu Hopu tunacheza,mdundiko umetupika
    Kizuri kinajiuza,kibaya cha paparika?
    Kuiga ni jambo pana,sijui kipi cha kufanya

    Kuiga kipi nambieni,Kati ya hivi jamani?
    Kichupi cha bushimeni,au vithong'i vya marekani?
    Baikoko duarani,Au raga sitejini?
    Kuiga ni jambo pana,sijui kipi cha kufanya
     
  5. A

    AmaniGK JF-Expert Member

    #5
    Aug 17, 2009
    Joined: Jan 10, 2008
    Messages: 1,100
    Likes Received: 17
    Trophy Points: 135

    Choveki nimekukubali
     
  6. Barubaru

    Barubaru JF-Expert Member

    #6
    Aug 23, 2009
    Joined: Apr 6, 2009
    Messages: 7,163
    Likes Received: 10
    Trophy Points: 0
    nitapita tena kwa upolee zaidi nami niweke changu.

    Akhasantum
     
  7. H

    HM Hafif JF-Expert Member

    #7
    Aug 24, 2009
    Joined: Aug 16, 2009
    Messages: 1,359
    Likes Received: 1
    Trophy Points: 0
    twasubiri burdani toka kwako Dokta
     
  8. Companero

    Companero Platinum Member

    #8
    Aug 24, 2009
    Joined: Jul 12, 2008
    Messages: 5,392
    Likes Received: 56
    Trophy Points: 145
    Du! Kweli umo! Humo kuna falsafa nzito ya utamaduni! Pata na hizi:

    1. Tatuu ya Kimarikani, au Chale za Umakondeni?

    2. Kujipiasi kwa Uzunguni, au kujitoga kwa Umasaini?

    P.S: Hiyo ya 2 nimeitohoa kutoka kwa mwanafalsafa mmoja wa utamaduni!
     
Loading...