Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kuhusu mgomo wa madaktari: John Mnyika

Discussion in 'Jukwaa la Siasa' started by OSOKONI, Jan 27, 2012.

  1. OSOKONI

    OSOKONI JF-Expert Member

    #1
    Jan 27, 2012
    Joined: Oct 20, 2011
    Messages: 7,113
    Likes Received: 1,379
    Trophy Points: 280
    [h=2]Friday, January 27, 2012[/h][h=3]KUHUSU MGOMO WA MADAKTARI[/h]

    Mgomo wa madaktari unaoendelea hivi sasa umedhihirisha kwamba tuna serikali dhaifu yenye ombwe la uongozi. Haiwezekani wananchi wakawa wanakufa kwa kukosa matibabu stahiki na wengine wakipata madhara kutokana na kuchelewa kupata matibabu sababu ya mgomo wa madaktari halafu viongozi wenye dhamana hawachukui hatua sahihi.


    Rais Jakaya Kikwete ambaye ndiye mwenye dhamana kwa mujibu wa katiba ya Jamhuri ya Muungano wa Tanzania ibara ya 33 ndiye kiongozi wa shughuli za serikali na ibara ya 35 shughuli zote za utendaji wa serikali zinatekelezwa na watumishi wa serikali kwa niaba ya Rais; ameondoka kwenda nje ya nchi mgomo ulipoanza na hakuna kauli yoyote mpaka sasa toka kwa Makamu wa Rais wala kwa Ikulu.

    Waziri Mkuu Mizengo Pinda badala ya kwenda kwenye eneo la mgomo na kuzungumza na madaktari naye ameishia kuzungumza na vyombo vya habari. Waziri wa Afya Dk. Haji Mponda na Naibu Waziri Dk. Lucy Nkya nao jana wamezungumza na waandishi wa habari badala ya kwenda kukutana na madaktari na kuzungumza nao kuhusu madai yao ya msingi.

    Kwa upande wetu CHADEMA tulitoa kauli tarehe 25 Januari 2012 ya kutaka serikali ichukue hatua na tuliona tuipe serikali nafasi ifanye kazi yake hata hivyo serikali haionyeshi kuupa uzito unaostahili mgogoro huu wenye kuathiri hali za wagonjwa na maisha ya wananchi katika maeneo mbalimbali ya nchi.

    Tuliacha kwenda katika eneo la mgomo kukutana na madaktari katika siku za awali kuepusha suala hili kutafsiriwa kuwa ni la kisiasa. Hata hivyo, kuchelewa kwa serikali kukutana na madaktari kunahitaji hatua za pamoja. Dhamira yangu kama mwananchi, mbunge katika mkoa wa Dar es salaam na kiongozi wa chama cha siasa naumizwa na hali inayoendelea. Ni vigumu kuweza kuendelea na majukumu ya kibunge na ya kichama katika masuala mengine wakati serikali iko legelege katika suala ambalo linahusu uhai wa wananchi wenzangu uko mashakani.

    Hivyo nawajibika siku ya leo kuelekeza nguvu katika kuungana mkono na madaktari katika madai yao ili kuishinikiza serikali kuweza kutuma ujumbe mkubwa kukutana na madaktari leo au kesho. Na iwapo serikali haitakutana nao katika muda huo, itabidi uongozi wa kambi ya upinzani bungeni ukiwa ni serikali kivuli na uongozi mkuu wa CHADEMA ukiwa ni chama mbadala kuweza kukutana nao.

    Natambua kwamba uzembe na ufisadi katika serikali kwenye sekta ya afya unaligharimu taifa na maisha ya wananchi. Hivyo, CHADEMA inaitaka serikali kukamilisha kwa haraka majadiliano na madaktari na kutimiza madai yao ili kuepusha madhara zaidi kwa umma.

    Nawapa pole wananchi ambao wameathirika na migomo inayoendelea na kuzingatia kwamba mgomo huo umesababishwa na udhaifu katika serikali.

    Natoa mwito kwa umma wa watanzania kuwaunga mkono madaktari na watumishi wengine wa sekta ya afya katika hospitali na zahanati za umma kama sehemu ya kuboresha huduma katika maeneo husika.

    Madai ya madaktari na watumishi wengine wa sekta ya afya nchini yasiposhughulikiwa kwa wakati na kwa ukamilifu watumishi husika wanaweza wasiwe kwenye mgomo wa wazi kama ilivyo kwa baadhi ya hospitali na zahanati nchini lakini wataendelea na migomo baridi kwa kutoa huduma mbovu au kuacha kazi kwenye maeneo ya umma na wengine kwenda kufanya kazi nje ya nchi wakati kukiwa na uhaba wa watumishi nchini.

    Aidha, pamoja na migomo inayoendelea, naendelea kutoa rai kwa madaktari na watumishi wengine wa umma kuhakikisha maisha ya wagonjwa walio katika hali ya hatari yanaokolewa.

    Nimezungumza na viongozi wetu wakuu kuhusu suala hili na natoa mwito kwa wadau wote kuunganisha nguvu katika kuisimamia serikali kushughulikia madai ya madaktari na wafanyakazi wengine wa sekta ya afya kwa haraka ili kuepusha madhara zaidi kwa umma.

    Wananchi wenzangu wa Jimbo la Ubungo na umma kwa ujumla uzingatie kwamba tangu Mwalimu Nyerere aondoke madarakani mwaka 1985, Serikali ya CCM imeongeza wingi wa majengo mbalimbali kwenye sekta ya afya hata hivyo imeshindwa kusimamia utoaji bora wa huduma za afya katika zahanati, hospitali na vituo vya afya. Kutokana na mfumo mbaya wa usimamizi wa sekta ya afya, misingi imara ya kuimarisha sekta ya afya iliyowekwa baada ya uhuru imevunjwa na kubomolewa ikiwemo katika masuala yanayohusu kujali maslahi ya watumishi wa umma katika sekta hii muhimu.

    Hali hii imefanya Wizara ya Afya na Ustawi wa Jamii kuwa na nakisi ya watumishi asilimia 48% na takwimu zinaonesha kuwa 18% ya wafamasia, 15% ya madaktari, 13% ya madaktari wasaidizi waliacha vituo vyao vya kazi na kwenda kutafuta kazi kwenye mashirika ambayo yanalipa mishahara mikubwa na mizuri. Nakisi hii itaongezeka zaidi iwapo madai ya msingi ya madaktari na watumishi wengine hayatashughulikiwa na serikali itaendelea kuchelewa kushughulikia migogoro na migomo mingine inayoendelea.

    Ni imani yangu kwamba serikali ikiwa na dhamira inaweza kuongeza mishahara kwa watumishi wa sekta ya afya ili kuweza kuwavutia wataalamu kubakia nchini badala ya kwenda kugoma au kwenda kutafuta kazi nje ya nchi kutokana na malipo mazuri huko. Hii ni pamoja kuwezesha malipo ya mazingira magumu kutolewa kwa watumishi wa afya wanaofanya kazi katika maeneo na kada maalum.

    Kwa sababu hii, leo sitashiriki kikao cha Kamati ya Bunge ya Nishati na Madini kinachoendelea ili kupata wasaa wa kufuatilia kwa karibu suala hili na kuwasiliana na viongozi wenzangu kwa ajili ya hatua zaidi za pamoja.

    Wenu katika utumishi wa umma,



    John Mnyika (Mb)
     
  2. F

    FJM JF-Expert Member

    #2
    Jan 27, 2012
    Joined: Apr 11, 2011
    Messages: 8,091
    Likes Received: 76
    Trophy Points: 145
    Mchango mzuri Mnyika lakini nilitegema waziri kivuli wa Afya aitoe hii statement. CHADEMA jitahidini kwenye safu ya 'shadow cabinet' Waziri wa serikali iliyo madakarani akifanya/asipofanya jambo ni vema tena kwa haraka sana Waziri kivuli akasema CHADEMA wangefanya nini tofauti? Sasa Waziri kivuli yuko wapi?
     
  3. MTAZAMO

    MTAZAMO JF-Expert Member

    #3
    Jan 27, 2012
    Joined: Feb 8, 2011
    Messages: 10,994
    Likes Received: 1,912
    Trophy Points: 280
    Nashanga!!! Waziri kivuli wa Afya ni nani vile?
     
  4. Kahema

    Kahema JF-Expert Member

    #4
    Jan 27, 2012
    Joined: May 21, 2010
    Messages: 201
    Likes Received: 2
    Trophy Points: 35
    mwanzo mzuri, ila wasiwasi wangu ni kwamba chadema wakienda hapo serikari watasema mgomo huo ni wa kisiasa, wakati najua kabisa yawezekana mpaka sasa hawajui waanzie wapi kumaliza hilo tatizo maana walidhani madaktari watabeep kama walivyozoea kwa walimu.
     
  5. m

    mwikumwiku Senior Member

    #5
    Jan 27, 2012
    Joined: Jul 15, 2011
    Messages: 153
    Likes Received: 0
    Trophy Points: 0
    mkuu umetowa changamoto nzuri sana! Wasi wasi wangu humu ndani watakuita wewe ni gamba! Hata hivyo ukweli utabaki pale pale! Pamoja na dhamira "nzuri" ya CHADEMA kujaribu kuikomboa nchi yetu kutoka mikononi mwa warafi wachache, bado chama hiki kinaupungufu watu wenye uzoefu wa kuendesha serikali!

    Wakati huu wa mgomo wa madaktari ambapo waziri wa afya na timu yake wameudhihirishia umma kwamba hawana uwezo wakuongoza wizara tulitegemea kuona waziri kivuli akitueleza yeye na seikali yake ya chadema wangefanya nini kutatua mgogoro huu! Badala yake tamko linatolewa na kiongozi wa chama!!
     
  6. H

    Huihui2 JF-Expert Member

    #6
    Jan 27, 2012
    Joined: Jan 5, 2012
    Messages: 395
    Likes Received: 0
    Trophy Points: 33
    Ni Dr Mbassa, mbunge wa CDM jimbo la Biharamulo lakini nahisi hana uelewa wa kutosha
     
  7. mpiganaji jm

    mpiganaji jm Member

    #7
    Jan 27, 2012
    Joined: Feb 9, 2011
    Messages: 76
    Likes Received: 0
    Trophy Points: 0
    That y cdm inatakiwakuongoza nchi hii cz hawa ccm wamechemka, madaktari wanagoma baba riz anasurvey nchi za mbali
     
  8. Myakubanga

    Myakubanga JF-Expert Member

    #8
    Jan 27, 2012
    Joined: Oct 3, 2011
    Messages: 5,723
    Likes Received: 54
    Trophy Points: 145
    Songa mbele kijana pamoja naviongozi wenzako mhakikishe hawa serikali wanatimiza wjibu wao...
     
  9. D

    DOMA JF-Expert Member

    #9
    Jan 27, 2012
    Joined: Mar 17, 2011
    Messages: 936
    Likes Received: 15
    Trophy Points: 35
    ****** yupo angani ama kweli cdm chapeni kazi tutafika tu.
     
  10. M

    MIGNON JF-Expert Member

    #10
    Jan 27, 2012
    Joined: Nov 23, 2009
    Messages: 1,872
    Likes Received: 463
    Trophy Points: 180
    Alie post ni Osokoni lakini mwisho jina la John Mnyika,hapo sielewi kidogo.
     
  11. Mtu wa Pwani

    Mtu wa Pwani JF-Expert Member

    #11
    Jan 27, 2012
    Joined: Dec 26, 2006
    Messages: 4,085
    Likes Received: 11
    Trophy Points: 135
    sasa kutoenda kwenye kikao ndio umesaidia nn ? au ndio kujijenga kisiasa?
     
  12. Bukanga

    Bukanga JF-Expert Member

    #12
    Jan 27, 2012
    Joined: Dec 13, 2010
    Messages: 2,852
    Likes Received: 699
    Trophy Points: 280
    Wengi wa wananchi wa Pwani si VILAZA kama wewe........................ Pole!!!!
     
  13. MAMA POROJO

    MAMA POROJO JF-Expert Member

    #13
    Jan 27, 2012
    Joined: Nov 22, 2007
    Messages: 4,971
    Likes Received: 11
    Trophy Points: 135
    Sauti kutoka nyikani? ikiletwa kwenu na John nyika.... pole pole baba ni rahisi kupiga chenga za midadi ukiwa nje ya uwanja.
     
  14. Mamndenyi

    Mamndenyi JF-Expert Member

    #14
    Jan 27, 2012
    Joined: Apr 11, 2011
    Messages: 27,234
    Likes Received: 1,904
    Trophy Points: 280
    Sawa nimesoma na nimejaribu kukuelewa,
    lakini serikali yetu haiko serious na mambo ambayo
    yanaweza kuleta majanga ya kitaifa kama hili la mgomo wa madaktari,
    mimi pia naungana na madaktari, acha wagome mpaka kieleweke.

    Mnyika nakupa big up sana kwa kututengenezea barabara za
    kule uswazi kwetu - mbezi mwisho.

    Kwa kweli umefanya kazi inayosomeka.
    Sasa kuna wale waliojenga fence zao zinafanya greda
    lishindwe kuchonga barabara, nakuomba mkuu uwe sambamba nao
    kwa maana hili likitoka litakuwa limetoka.

    Big up mkuu.
     
  15. d

    davidie JF-Expert Member

    #15
    Jan 27, 2012
    Joined: Oct 10, 2011
    Messages: 329
    Likes Received: 0
    Trophy Points: 0
    yaani cdm pamoja na uwezo wao wa kuyaona hayo mapungufu lakini wakitoa njia mmbadala ya kutatua tatizo utaambiwa wamechochea mgomo. Na hii ni dalili ya woga wa magamba
     
  16. d

    davidie JF-Expert Member

    #16
    Jan 27, 2012
    Joined: Oct 10, 2011
    Messages: 329
    Likes Received: 0
    Trophy Points: 0
    SIO KILA ALIAE KWENYE MSIBA ANAUCHUNGU NA MAREHEMU:lol:
     
  17. Nyalotsi

    Nyalotsi JF-Expert Member

    #17
    Jan 27, 2012
    Joined: Jul 20, 2011
    Messages: 4,752
    Likes Received: 116
    Trophy Points: 160
    updates: kikaoni mawaziri mponda,ghasia,nkya pia nyoni na mtasiwa wapo kikaoni. Mwenyekiti anawasomea madai ya madaktari. Pinda amekwepa.!
     
  18. measkron

    measkron JF-Expert Member

    #18
    Jan 27, 2012
    Joined: Apr 11, 2011
    Messages: 3,598
    Likes Received: 190
    Trophy Points: 160
    Mkuu, namwangalia waziri hapa, hajielewi elewi..... Ujumbe ni kwa waziri mkuu,
     
  19. D

    Deo JF-Expert Member

    #19
    Jan 27, 2012
    Joined: Nov 10, 2008
    Messages: 1,106
    Likes Received: 39
    Trophy Points: 145
    Yes, huo ni uchaguzi sahihi wa vipau mbele. Huna haja ya kushiriki vikao wakati wananchi na hasa wagonjwa wakihangaika bila kujua hatima yao. Keep it up young man
     
  20. MAMA POROJO

    MAMA POROJO JF-Expert Member

    #20
    Jan 27, 2012
    Joined: Nov 22, 2007
    Messages: 4,971
    Likes Received: 11
    Trophy Points: 135
    Kila kitu Rais jamani hivi nchi hii hatuwezi kuwawajibisha hata wale ambao Rais akiwa safarini na wao wanalala. Je Tutafika
     
Loading...