Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kortini kwa madai ya kuiba Biblia za Kanisa la Malanasa

Discussion in 'Habari na Hoja mchanganyiko' started by Pdidy, May 27, 2009.

  1. Pdidy

    Pdidy JF-Expert Member

    #1
    May 27, 2009
    Joined: Nov 22, 2007
    Messages: 25,552
    Likes Received: 1,609
    Trophy Points: 280
    Kortini kwa madai ya kuiba Biblia za Kanisa la MalanasaNa Colletha Mwangamila

    MKAZI wa Buguruni mwenye asili ya kiasia Hanif Fazal (40), jana alifikishwa katika Mahakama ya Mwanzo Buguruni kwa tuhuma za kujifanya mlokole na kuiba Biblia 11 zenye thamani ya Sh 850,000 pamoja na kipaza sauti mali ya kanisa la Malanasa (Assembles of God).

    Ilidaiwa na mwendesha mashtaka wa polisi ,Pc Mtesigwa, mbele ya Hakimu Emanuel Mbonamasabo kuwa, mtuhumiwa alifanya kitendo hicho Mei 24 mwaka huu, huko maeneo ya Buguruni ambako Fazal aliiba Biblia kumi na moja na kipaza sauti.

    Hata hivyo mtuhumiwa alipoulizwa kuhusika na tuhuma hizo alikana shtaka na kesi iliahirishwa hadi Juni mosi, mwaka huu.

    Katika tukio lingine Ayubu Said (19), mkazi wa Vingunguti Mtambani alifikishwa mahakamani hapo kwa tuhuma za kumtaja Zainabu Diwani kuwa ni mchawi.

    Ilidaiwa mahakamani hapo kwamba Mei mosi, mwaka huu, huko Vingunguti Mtambani, Ayubu alimtuhumu mlalamikaji kuwa ni mchawi. Hata hivyo mtuhumiwa alipoulizwa kuhusika na tuhuma hizo alikana kuhusika na kesi iliahirishwa hadi Juni mosi mwaka huu itakaposikilizwa tena
     
Loading...