Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kortini kwa kuua wazazi wao

Discussion in 'Jukwaa la Sheria (The Law Forum)' started by Rutashubanyuma, Dec 31, 2010.

  1. Rutashubanyuma

    Rutashubanyuma JF-Expert Member

    #1
    Dec 31, 2010
    Joined: Sep 24, 2010
    Messages: 61,342
    Likes Received: 477
    Trophy Points: 180
    Kortini kwa kuua wazazi wao


    Na Bazil Makungu, Ludewa

    WAKAZI wa Madunda Wilaya ya Ludewa, mkoani Iringa, Bw. Tito Willa (29) na mkewe Bi. Theopista Mtitu (29) juzi wamefikishwa katika Mahakama ya Wilaya kwa makosa mawili ya kuwaua
    wazazi wao, Bw. Laurent Willa (60) na Bi. Alfonsia Msanga (56) kwa kuwakata vichwa.

    Wakisomewa mashtaka hayo mbele ya Hakimu wa Mahakama hiyo, Bi. Mariam Rhobi Omari, Mwendesha Mashtaka wa Polisi, Bw. Robert Mwaluswa alisema katika kosa la kwanza washtakiwa wote kwa pamoja Desemba 25 mwaka huu saa 12:00 jioni walimuua Laurent Willa kwa panga na kutenganisha kichwa chake na kiwiliwili nyumbani mwake.

    Katika kosa la pili, Bw. Robert aliiambia mahakama hiyo kuwa katika muda na mahali palepale washtakiwa kwa makusudi walimuua kwa mapanga Bi. Alfonsia Msanga na kutenganisha kichwa na kiwiliwili chake. Pia watoto hao baada ya kufanya mauaji hao wanadaiwa walifanya sherehe.

    Awali akizungumza na Majira mtoto wa marehemu, Bw. Damasco Willa alisema amepata karatasi aliyoandika na marehemu kama wosia iliyodai amechoshwa na vitisho kutoka kwa mwanawe, kwamba angemuua wakati wowote.

    "Muda mrefu sasa kaka yangu amekuwa akimpa vitisho baba na mama yangu bila sababu yoyote ya msingi huku akiwasingizia mambo ya ushirikina, jambo ambalo siyo la kweli," alisema.Washtakiwa wote hawakutakiwa kujibu lolote kwa kuwa mahakama hiyo haina uwezo wa kusikiliza kesi hiyo.
     
  2. Rutashubanyuma

    Rutashubanyuma JF-Expert Member

    #2
    Dec 31, 2010
    Joined: Sep 24, 2010
    Messages: 61,342
    Likes Received: 477
    Trophy Points: 180
    Haya ni maoni ya marehemu na pekee yake bado haliwezi kuwaunganisha watuhumiwa kwenye shitaka la mauaji.............
     
Loading...