Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kortini kwa kumtapeli Mama Kikwete

Discussion in 'Habari na Hoja mchanganyiko' started by kilimasera, Feb 25, 2010.

  1. kilimasera

    kilimasera JF-Expert Member

    #1
    Feb 25, 2010
    Joined: Dec 2, 2009
    Messages: 3,072
    Likes Received: 9
    Trophy Points: 135
    Mwanafunzi wa Shule ya Sekondari Jangwani (jina tunalihifadhi), mkazi wa Mbagala Kuu jijini Dar es Salaam, amefikishwa mahakamani kujibu shtaka la kughushi cheti cha elimu.
    Anadaiwa kukiwasilisha cheti hicho katika ofisi za mfuko wa Wanawake na Maendeleo (WAMA), unaoongozwa na mke wa Rais Jakaya Kikwete, Mama Salma Kikwete, kisha kujipatia Sh. 689,500.
    Kesi hiyo imefunguliwa katika mahakama ya wilaya ya Ilala ambapo hati ya mashtaka ilisomwa na Wakili Credo Lugaju, mbele ya Hakimu Mkazi Pamella Kalala.
    Mwanafunzi huyo anakabiliwa na mashtaka matatu ya kughushi, kuwasilisha hati za kughushi na la kujipatia pesa kwa njia ya udanganyifu
    Katika shtaka la kwanza ilidaiwa kuwa katika siku, muda na tarehe isiyofahamika huko shuleni Jangwani, mshtakiwa alighushi cheti cha matokeo ya mtihani wa kidato cha nne chenye namba 0890208.
    Cheti hicho chenye namba S. 0204/0561 kilidaiwa kuonyesha matokeo ya kughushi yaliyodaiwa na mshtakiwa kuwa ni halali.
    Pia ilidaiwa kuwa Juni 12, mwaka jana, muda wa mchana katika ofisi za WAMA zilizoko mtaa wa Luthuli, huku akijua kuwa ni kosa na kinyume cha sheria, mshtakiwa huyo aliwasilisha cheti cha kughushi.
    Cheti kinachodaiwa kuhusika katika shtaka hilo kilikuwa na jina la Halima Mahamoud na kiliwakilishwa kwa mtu aliyetajwa kwa jina la Subira Mgalu.
    Katika shtaka la tatu, ilidaiwa kuwa kati ya Juni 6 na Desemba 29 mwaka jana, muda wa mchana huko ofisi za WAMA, mshtakiwa alijipatia Sh. 689,500 kutoka kwenye ofisi hizo kwa udanganyifu.
    Ilidaiwa kuwa alijifanya anakwenda kuzitumia kwa ajili ya kulipia ada ya shule, matumizi ya shule na tiba kitendo ambacho ni uongo.
    Mshtakiwa alikana makosa yote na kurudishwa rumande kwa kukosa wadhamini wawili wa kuajiriwa katika taasisi zinazotambulika serikalini.
    Kesi hiyo ilipangwa kutajwa tena mahakamani hapo Machi 4 mwaka huu na upelelezi bado haujakamilika.
     
  2. M-bongotz

    M-bongotz JF-Expert Member

    #2
    Feb 25, 2010
    Joined: Jan 7, 2010
    Messages: 1,726
    Likes Received: 20
    Trophy Points: 135
    Kwa hiyo anaitwa Halima Mahmoud..,sasa wamehifadhi jina gani hapo..
     
  3. Bujibuji

    Bujibuji JF-Expert Member

    #3
    Feb 25, 2010
    Joined: Feb 4, 2009
    Messages: 27,062
    Likes Received: 5,251
    Trophy Points: 280
    Riziwani katapeliwa na fundi seremala kesi iko mahakamani,
    leo mama kikwete katapeliwa.
    Je ni kwamba hawa ni matajiri sana au hawana kabisa mbinu za kuwagundua matapeli?
     
Loading...