Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Korti yaamuru Mzungu kucharazwa viboko kumi

Discussion in 'Habari na Hoja mchanganyiko' started by kilimasera, Jan 20, 2011.

  1. kilimasera

    kilimasera JF-Expert Member

    #1
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    MAHAKAMA ya Wilaya ya Bukoba, imemhukumu Robert Maintland (42), raia wa Ugiriki kutumikia kifungo cha miaka miwili jela na kucharazwa viboko kumi, baada ya kupatikana na hatia ya kuingia nchini kinyume cha sheria.
    Hukumu hiyo ilitolewa juzi na Hakimu Mfawidhi wa mahakama hiyo, Peter Matete.

    Hukumu hiyo inaweza kuwa faraja kwa wananchi wapatao 100 wa kitongoji cha Bujenjeke, Kijiji cha Ruhija, Kata ya Ijumbi mkoani Kagera ambao walikuwa wakivutana na Mgiriki huyo ambaye alikuwa akituhumiwa kuwanyanyasa akishirikiana na polisi.

    Polisi mkoani Kagera walikuwa wakilalamikiwa kwamba wanamkingia kifua raia huyo wa kigeni ambaye manyanyaso yake dhidi ya raia yaliwafanya baadhi yao kukimbia nyumba zao na kulala vichakani.

    Wakazi wa Bujenjeke waliwahi kuwaambia waandishi wa habari kuwa walikuwa wakilala na kushinda porini, kukwepa kupigwa na askari polisi na mgambo ambao walikuwa wakivaa mavazi ya kufunika nyuso zao maarufu kama mavazi ya kininja.

    Lakini juzi, Mahakama ya Bukoba iliridhika na ushahidi uliotolewa dhidi ya mtuhumiwa, hivyo hakimu Matete alimtia hatiani kwa kosa la kuwepo nchini bila kibali na kumhukumu kwenda jela miaka miwili na viboko kumi au kulipa faini ya Sh80,000.

    Hata hivyo, Maintland alilipa faini ambayo haikumuondolea adhabu ya kuchapwa viboko ambayo ilikuwa itekelezwe jana.
    Mapema hati ya mashtaka iliyowasilishwa mahakamani hapo na mwendesha mashtaka wa Idara ya Uhamiaji, Gerald Mardai ilidai kuwa, raia huyo alikamatwa Februari 23, mwaka jana, akiwa Kituo cha Polisi Bukoba bila kibali halali cha kuingia nchini.

    Pia ilidaiwa kuwa, Maintland alikuwa na hati tatu za kusafiria zikiwa na majina tofauti, ambazo alizitumia kuingia nchini isivyo halali.

    Katika ushahidi uliowasilishwa mahakamani, hati za Uingereza na Afrika Kusini zilikuwa na jina la Robert John Rubeinstein, huku vielelezo vingine vya Ugiriki vikionyesha kwamba alikuwa akitumia majina ya John Robert Penesis na Robert John Maintland.

    Maintland amekuwa na mgogoro wa muda mrefu na wanakijiji wa Ruhija wilayani Muleba, mwaka jana aliripotiwa na baadhi ya vyombo vya habari kuwachapa viboko wananchi waliodaiwa kuingia katika ardhi yake.

    Baadhi ya familia kijijini hapo na Bujenjeke waliondolewa kwa kuvunjiwa nyumba zao kwa madai ya kuvamia eneo la “Buguma Estate” ambalo mzungu huyo alidaiwa kumiliki kihalali kwa shughuli za uwekezaji.

    Miongoni mwa wakazi wa Kijiji cha Bujenjeke waliomlalamikia mzungu huyo, ni Leonida Pancras (54), aliyemtuhumu kufukua kaburi la marehemu mume wake na kubomoa nyumba akimshinikiza kuhama eneo hilo.

    Pia, miongoni mwa waliomtuhumu mzungu huyo kwa kuwacharaza viboko ni Geniva Romward (30), aliyedai Novemba 2, 2008 alichapwa kwa ushirikiano wa mgambo na polisi wa Muleba.

    Mmoja wa walinzi wa mzungu huyo, Joas Kyatuka, anadaiwa kushiriki matukio ya kubomoa nyumba na kufukuza wananchi waliojenga karibu na eneo hilo, Romward ni miongoni mwa wananchi wengi waliofunguliwa mashtaka ya kuvamia eneo la mwekezaji huyo.

    Akizungumza mwaka jana kujibu malalamiko ya wananchi hao, Maintland alisisitiza kuwa eneo hilo analimiliki kisheria na kudai kuwa, mgogoro huo ulikuwa unakuzwa na wanasiasa wilayani Muleba.

    Kwa mujibu wa wananchi hao, Maintland alifika kijijini hapo mwaka 2003 na kuanza kuweka uzio katika eneo mojawapo la kijiji hicho bila kuishirikisha jamii husika, lakini baadaye aliondoka kurudi kwao.

    Mwaka 2008 Maintland alirejea tena nchini na hapo ndipo mgogoro ulipoanza kwani aliwaamuru wananchi hao kuondoka katika eneo hilo, huku akijigamba kwamba alikuwa tayari kuwalipa fidia kati ya Sh100,000 na Sh350,000, malipo ambayo hata hivyo wananchi hao waliyakataa.
     
  2. The Finest

    The Finest JF-Expert Member

    #2
    Jan 20, 2011
    Joined: Jul 14, 2010
    Messages: 21,711
    Likes Received: 33
    Trophy Points: 145
    Dawa ya moto ni moto
     
  3. kilimasera

    kilimasera JF-Expert Member

    #3
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    hv sheria zao huko kwao hawa wagiriki huwa wanachapwa viboko?na anaechapa huwa ni hakim au polisi?
     
  4. Abdulhalim

    Abdulhalim JF-Expert Member

    #4
    Jan 20, 2011
    Joined: Jul 20, 2007
    Messages: 16,463
    Likes Received: 16
    Trophy Points: 135
    Habari njema hii, Amen to that.
     
  5. Michelle

    Michelle JF-Expert Member

    #5
    Jan 20, 2011
    Joined: Nov 16, 2010
    Messages: 7,289
    Likes Received: 25
    Trophy Points: 145
    mmmmh,yawezekana tunaishi na magaidi hapa au wezi walioshindikana!!!majina yote hayo yanini interchangeably???
     
  6. Abdulhalim

    Abdulhalim JF-Expert Member

    #6
    Jan 20, 2011
    Joined: Jul 20, 2007
    Messages: 16,463
    Likes Received: 16
    Trophy Points: 135
    Uekezaji uekezaji, my a$$ ..
     
  7. kilimasera

    kilimasera JF-Expert Member

    #7
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    wapo ila lawama kwa wananchi na serikali mtu ataingiaje bila kibali na mnamuona tu mpaka anawanyanyasa mnamwangalia tu walitakiwa kuandamana mpaka kunakohusika
     
  8. Ngambo Ngali

    Ngambo Ngali JF-Expert Member

    #8
    Jan 20, 2011
    Joined: Apr 17, 2009
    Messages: 3,123
    Likes Received: 55
    Trophy Points: 145
    Je adhabu hii ni halali kweli, Immigration Act kifungu 31(2) kinasema ni faini isiyozidi laki moja au kifungo ksichozidi miaka mitatu.

    Sijaona adhabu ya viboko, wandugu au hakimu alikuwa overzelous?
     
  9. Fidel80

    Fidel80 JF-Expert Member

    #9
    Jan 20, 2011
    Joined: May 3, 2008
    Messages: 21,983
    Likes Received: 49
    Trophy Points: 145
    Kama hukumu ya Chenge
    Ameshindwa kulipa faini hiyo ya sh. 80,000/=?
     
  10. Abdulhalim

    Abdulhalim JF-Expert Member

    #10
    Jan 20, 2011
    Joined: Jul 20, 2007
    Messages: 16,463
    Likes Received: 16
    Trophy Points: 135
    Kaka adhabu ya viboko ndio inanifanya niapate butterflies tumboni. hihihihi

    Kama ameipata hiyo itakuwa pouwa sana...lazima akasimulie kwa mkewe.
     
  11. kilimasera

    kilimasera JF-Expert Member

    #11
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    inadepend anachapwa na nani maana kuna watu wanachapa lakini haziingii mwilini
     
  12. TIMING

    TIMING JF-Expert Member

    #12
    Jan 20, 2011
    Joined: Apr 12, 2008
    Messages: 21,797
    Likes Received: 53
    Trophy Points: 145
    I hope Mnali (yule DC aliyewachapa walimu katerero) atakua na kazi sana tukianza kucharaza wageni

    hahahaaaaaaaa
     
  13. Gaijin

    Gaijin JF-Expert Member

    #13
    Jan 20, 2011
    Joined: Aug 21, 2007
    Messages: 11,849
    Likes Received: 17
    Trophy Points: 0
    Adhabu ya viboko labda kwa kuwa na yeye alifanyia ukatili kwa kuchapa viboko jirani zake au? Manake kuingia nchini bila vibali kweli wastahili viboko?
     
  14. kilimasera

    kilimasera JF-Expert Member

    #14
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    mnali hakuhapa bali alimtuma polisi mie nadhani mahakama ziajili wachapaji ili kupunguza pengo la vijana wanaokosa ajira
     
  15. TIMING

    TIMING JF-Expert Member

    #15
    Jan 20, 2011
    Joined: Apr 12, 2008
    Messages: 21,797
    Likes Received: 53
    Trophy Points: 145
    sijakuelewa hapa mkuu
     
  16. Abdulhalim

    Abdulhalim JF-Expert Member

    #16
    Jan 20, 2011
    Joined: Jul 20, 2007
    Messages: 16,463
    Likes Received: 16
    Trophy Points: 135
    Kaka adhabu za polisi ni standard. Unapewa kipimo sahihi.
     
  17. K

    Kenge (Eng) JF-Expert Member

    #17
    Jan 20, 2011
    Joined: Dec 7, 2006
    Messages: 482
    Likes Received: 9
    Trophy Points: 35
    Huyu hakimu ni mlevi sana
     
  18. kilimasera

    kilimasera JF-Expert Member

    #18
    Jan 20, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    sorry acid keybord ina kigugumizi mnali hakuchapa bali alimtuma polisi
     
  19. D

    DOCTORMO Member

    #19
    Jan 20, 2011
    Joined: Oct 21, 2010
    Messages: 43
    Likes Received: 0
    Trophy Points: 0
    hivi kweli kunauhuwiano gani kati ya kufungwa miaka miwili na kulipa 80,000? hivi sheria zetu ziko weak au? nisawa umemwambia mumfunge au awanunulie soda, kiukweli atachagua kuwapa hela ya soda. Kweli inabidi tufanye mabadiliko makubwa sana ili kujiondoa kwenye manyanyaso haya.
     
  20. N

    Ndevu mbili JF-Expert Member

    #20
    Jan 20, 2011
    Joined: Jan 11, 2011
    Messages: 382
    Likes Received: 2
    Trophy Points: 0
    Kivipi?
    Yaani mtu ananyanyasa raia,hadi rai wanahama makazi yao....
    Eti anakutwa na kosa la kuingia nchini bila kibali?
    Tena anadaiwa faini elf80/- wanasheria mtusaidie!!!.
     
Loading...