Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kinyozi asiyenyoa!

Discussion in 'Jukwaa la Lugha' started by Mzee Mwanakijiji, Mar 2, 2009.

  1. Mzee Mwanakijiji

    Mzee Mwanakijiji Platinum Member

    #1
    Mar 2, 2009
    Joined: Mar 10, 2006
    Messages: 30,394
    Likes Received: 2,461
    Trophy Points: 280
    Kituko nimekiona, hapa kwetu kijijini,
    Kuna mtu ni kijana, anaitwa bwana Joni,
    Ana sifa ya aina, maana sijabaini,
    Kinyozi asiyenyoa, huyo kinyozi wa nini?

    Wanamuita kinyozi, apitapo mtaani,
    Eti yeye ni mjuzi, wa fani ya kizamani,
    Wala hakuanza juzi, alianzia mjini,
    Kinyozi asiyenyoa, huyo kinyozi wa nini?

    Na tena hana ofisi, kila siku yu nyumbani,
    Kuna kitu ninahisi, kumuhusu bwana joni,
    Sijauona mkasi, kaushika mkononi,
    Kinyozi asiyenyoa, huyo kinyozi wa nini?

    Madada wamsifia, eti ni fundi jamani,
    Kila anapopitia, wanajigonga kwa joni,
    Wakaka wamchukia, kinyozi kinyozi gani,
    Kinyozi asiyenyoa, huyo kinyozi wa nini?

    Beti zangu zimekoma, swali ninalo kichwani,
    Isiwe natia noma, nifukuzwe kijijini,
    Nilosema nimesema, mnijibuni watani,
    Kinyozi asiyenyoa, huyo kinyozi wa nini?

    Na. M. M. Mwanakijiji (Sauti ya Kijiji)
     
  2. B

    Baija Bolobi JF-Expert Member

    #2
    Mar 2, 2009
    Joined: Feb 25, 2009
    Messages: 751
    Likes Received: 115
    Trophy Points: 60
    Ukisikia akina dada wanashangilia ujue jamaa hanyoi, anasuka tu.
     
  3. Suki

    Suki JF-Expert Member

    #3
    Mar 3, 2009
    Joined: Nov 20, 2007
    Messages: 373
    Likes Received: 1
    Trophy Points: 0
    Wa kijiji una mambo,kwa mzee wa makamo
    Au niseme mtambo,wangu huu msimamo
    Bwana Joni wa kitambo,si enzi tu za kilimo
    Ukijua jina lake,waijua siri yake

    Huna haja kuwazua,ukafanya mashindano
    Huitaji pekechua,sikiza yake soprano
    Wadada waigundua,hata katika maono
    Mkasi wake mdomo,na kichwa chenye ujazo
     
  4. Mzee Mwanakijiji

    Mzee Mwanakijiji Platinum Member

    #4
    Mar 3, 2009
    Joined: Mar 10, 2006
    Messages: 30,394
    Likes Received: 2,461
    Trophy Points: 280
    Jibu nimelisikia, rafiki mpendwa Suki,
    Bw. Joni atishia, utadhania fataki,
    Wengine atutambia, ayeya kama hataki,
    Kama jinale ni siri, si kinyozi, kinyonyozi!

    Atufunze na wengine, hicho anachonyonyoa,
    Kweupe tena saa nane, Joni ati ananyoa,
    Fundi mwingine nene, mbona sina cha kunyoa!
    kama jinale ni siri, si kinyozi, kinyonyozi!

    Tuwashauri wa dada, wamejaa kijijini,
    Vinyozi wasio ada, na mikasi mikononi,
    Wananyoa na ziada, akili himo kichwani,
    Kama jinale ni siri, si kinyozi, kinyonyozi!
     
  5. Suki

    Suki JF-Expert Member

    #5
    Mar 3, 2009
    Joined: Nov 20, 2007
    Messages: 373
    Likes Received: 1
    Trophy Points: 0
    Jinale hilo li wazi,mashakani sijiweke
    Ni kama mfua nazi,kaziye ndi jina lake
    Wadada wenye uchizi,wakubali changa lake
    Ukinyozi hauwezi,ingawa vifaa tele

    Umenipa mshawasha,wa kijiji kukupasha
    Yaliyojiri kwa Asha,nywele kutaka ziosha
    Hakuhitaji utasha,wala staili za kingosha
    Amerudi ka mzuka,na nywele zimesinyaa

    Aliitwa kaka Joni,kuelezea tukio
    Wala haikuwa soni,iloleta uvutio
    Ni sauti ya puani,na vidole vya kindio
    Jambo limezua jambo,kinyozi awa tishio

    Ingekuwa ni fundisho,kama wote wangekacha
    Wangeepuka michosho,ilowapata mapacha
    Walimegwa kiudosho,na nywele zikawachacha
    Fanya hima weka biti,labda ujumbe tafika
     
    Last edited: Mar 3, 2009
  6. Mzee Mwanakijiji

    Mzee Mwanakijiji Platinum Member

    #6
    Mar 3, 2009
    Joined: Mar 10, 2006
    Messages: 30,394
    Likes Received: 2,461
    Trophy Points: 280
    Suki umenikosha.. nitakujibu nikiamka majaaliwa! wasalimie huko..
     
  7. Kuntakinte

    Kuntakinte JF-Expert Member

    #7
    Mar 3, 2009
    Joined: May 26, 2007
    Messages: 705
    Likes Received: 2
    Trophy Points: 0
    Ebwana ndiioooo. Hii imenikosha sanaaa mkuuuuuu. Aminiiiiiia Mkuu.
     
Loading...