Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kilango: Katiba mppya haikwepeki

Discussion in 'KATIBA Mpya' started by Mungi, Dec 27, 2010.

  1. Mungi

    Mungi JF Gold Member

    #1
    Dec 27, 2010
    Joined: Sep 23, 2010
    Messages: 16,944
    Likes Received: 352
    Trophy Points: 180
    Monday, 27 December 2010 08:18 0diggsdigg

    [​IMG]Anne Kilango akisisitza jambo kuhusu suala la katiba mpya alipoongea na waandishi wa habari

    Boniface Meena
    MJADALA kuhusu katiba mpya ya Jamhuri ya Muungano wa Tanzania, umeendelea kupamba moto na jana Mbunge wa Same Mashariki (CCM), Anne Kilango, aliitaka serikali kusikiliza kilio cha wananchi na kukitolea kauli kulingana na matakwa yao.Akizungumza katika mahojiano maalumu na gazeti hili, Kilango alisema kwa mazingira yaliyopo, katiba mpya haiepukiki na kwamba serikali inapaswa kuanza maandalizi ya kupata katiba hiyo.

    "Nitashangaa kama serikali haitafanya hivyo wakati wenye nchi (Watanzania) na ambao wameiweka madarakani, wana kiu ya upata katiba itakayokidhi mahitaji yao," alisema Kilango.
    "Suala la katiba mpya kwa sasa haliepukiki na serikali inapaswa kushirikiana na vyama vyote vya siasa vilivyosajiliwa, kuhakikisha kuwa katiba inayoliliwa na wananchi, inapatikana na kukidhi matakwa yao," alisema.

    Kilango alisema madai ya katiba mpya ni halali kwa kuwa yanatolewa na wenye nchi, ambao ni Watanzania.

    "Wananchi wapewe katiba mpya na kingine chochote wanachohitaji kwa kuwa ni haki yao. Suala hili lisichukuliwe kisiasa tena," alionya.

    Hata hivyo mbunge huyo, alitumia fursa hiyo kuwaonya wanasiasa wasilifanyie suala hilo malumbano yasiyokuwa ya msingi kwa sababu malumbano hayo yanaweza kuleta machafuko.

    Alisema wanasiasa hawapaswi kulifanya suala hilo malumbano kwa kuwa wanaweza kujenga au kubomoa nchi.

    "Wanasiasa hatuna haja ya kujadili hili la katiba kama mapambano. Hatuhitaji hilo," alisema Kilango akitolea mfano wa nchi za Gabon na Congo Brazaville, ambazo alisema zimeingia katika vurugu kwa sababu ya wanasiasa kujingiza kwenye mapambano ya katiba.

    Alisema ni ukweli usipoingika kuwa Watanzania sasa wanahitaji katiba na namna pekee ya kufikia utekelezaji wa madai hayo ni kuvishirikisha vyama vyote vya siasa katika suala hilo, badala ya wanasiasa kulumbana.

    "Nakumbuka kauli ya Waziri Mkuu, Mizengo Pinda aliposema kuwa suala la katiba mpya linazungumzika, hiyo ni picha kamili ya kuonyesha kwamba serikali haijafunga milango katika jambo zito kama hili,"alisema.

    Aliisihi serikali ijipange vizuri, ili itafute njia sahihi kabisa ya namna ya kuwapatia wananchi katiba mpya kwa amani na utulivu.

    "Serikali isiache suala hili likaitwa mapambano, nina uhakika kabisa kwamba wenye nchi, wanachokihitaji na kukitamani itawapa,"alisema Kilango.

    Kilango ni mbunge wa kwanza wa CCM, kuwahi kujikita kwenye mjadala wa katiba tangu suala hilo liibuliwe na Chadema baada ya kumalizika kwa uchaguzi mkuu Oktoba 31 mwaka huu.

    Tangu Chadema ilipoamua kususia matokeo ya uchaguzi wa rais kwa kutoka nje wakati Rais Jakaya Kikwete akitoa hotuba ya kuzindua Bunge na kuanza harakati za kudai katiba, suala hilo limezungumwa kwa kina na watu wa kada tofauti.

    Idadi kubwa ya watu hao, wametahadharisha kuwa nchi inaweza kuingia matatizoni kama serikali haitashughulikia uandikaji wa katiba mpya.

    Lakini tayari Waziri Mkuu Mizengo, ameshalitolea tamko siala hilo na kuahidi kumshauri Rais Jakaya Kikwete, kuunda timu ya watu kwa ajili ya kulishughulikia.

    Pinda alitangaza uamuzi huo Desemba 17 katika mkutano na wahariri wa vyombo mbalimbali vya habari ofisini kwake jijini Dar es Salaam.

    "Isije watu wakadhani serikali ina kigugumizi; hapana. Sasa mjadala umeiva na ni vizuri lizungumzwe kwa utaratibu. Nipo tayari kuzungumza na rais. Nitamshauri mzee (rais) na nitaweka nguvu zangu huko... hilo halitawezekana tusipoweka 'initiative' (juhudi)," alisema Pinda.

    "La pili, tunataka kuzungumza machache, lakini kubwa ni hili la katiba mpya. Kumekuwa na maelezo mengi, marefu, mjadala mkali; sasa hili nataka niseme tusione kama madai ya katiba si ya msingi sana; hapana. Ni ya msingi. Kwa serikali mabadiliko ya katiba ni utaratibu wa kawaida kwani ni jambo lililo ndani ya katiba," alisema Pinda.

    Rais wa serikali ya awamu ya tatu, Benjamin Mkapa, mawaziri wakuu wa zamani, Joseph Warioba na Frederick Sumaye, Jaji Mkuu Agustino Ramadhan, Msajili wa Vyama vya Siasa, John Tendwa na majaji wengine pia wamezungumzia umuhimu wa katiba mpya na kuungwa mkono na wanasiasa na viongozi wa dini.

    Tendwa, ambaye ni mtumishi wa umma, ndiye aliyeenda mbali zaidi baada ya kueleza bayana kuwa katiba ya sasa inampa madaraka makubwa rais na kwamba kama katiba mpya haitaundwa, kuna hatari ya nchi kuharibikiwa katika siku za baadaye.

    Katika mazungumzo yake na wahariri, waziri mkuu alisema "mimi binafsi sioni tatizo kwa hilo kufanyika, lakini kama serikali zipo namna mbili za kulishughulikia. Moja ni kutafuta utaratibu wa kumshauri rais aunde kamati ya watu wangalie maeneo gani ya kuingiza katika katiba hata ikibidi wananchi waulizwe kuhusu ya kuwekwa mezani kwa kuhusisha vyama vya siasa na wanazuoni."

    Pinda aliitaja njia ya pili kuwa ni rais kuunda timu yake ya kiserikali itakayoangalia mapendekezo ya tume zilizoundwa awali kuangalia marekebisho ya katiba na kuchukua mapendekezo yaliyojirudia yatakayoonekana kufaa kuingizwa katika katiba.

    "Tume zote zina viporo vya kuanzia na kuchukua kuliko hali ilivyo sasa ambayo kila mmoja anasema lake kuhusu katiba," alisema Pinda.

    Alisema kutokana na tume hizo yapo yaliyotekelezwa na yale ambayo yaliahirishwa kwa sababu ya wakati.

    Hata hivyo alisema ni bora kuruhusu tume itakayokuwa pana na kuyatazama mapendekezo ya tume za awali, kuangalia na kushauri akisema kuwa huenda ikaona mambo mengine.

    Katiiba ya kwanza ya Tanganyika iliundwa na mkoloni mwaka 1920 na mwaka 1961 ikaundwa katiba mpya baada ya uhuru na ikadumu mwaka mmoja baada ya katiba ya Jamhuri kuundwa mwaka 1962. Katiba ya Jamhuri ilidumu hadi mwaka 1964, wakati Tanganyika ilipoungana na Zanzibar na hivyo kuwa na katiba ya Muungano.

    Katiba ya Muungano haikuandikwa upya hadi mwaka 1977 na baada ya hapo kumefanyika marekebisho 13, yakiwemo ya mwaka 1992 wakati serikali iliporejesha mfumo wa vyama vingi, lakini wanazuoni wameyapachika jina marekebisho hayo kuwa ni viraka.

    Kuhusu mabadiliko ya katiba ya Zanzibar kusigana na katiba ya Muungano, Pinda alisema mapendekezo yaliyozaa marekebisho hayo ndiyo yaliyozaa maridhiano na kwamba katiba lazima ilenge maridhiano.

    Hata hivyo alisema kuwa kazi iliyobaki ni ndogo ambayo alisema ni kuichukua katiba ya Zanzibar na kuioanisha na ya Muungano ili mtiririko wake uende vema bila kuathiri upande mmoja.
     
  2. Speaker

    Speaker JF-Expert Member

    #2
    Dec 27, 2010
    Joined: Aug 12, 2010
    Messages: 6,359
    Likes Received: 16
    Trophy Points: 135
    haya,karibuni ulingoni msije kuachwa na historia
     
  3. CHIKIRA MTABARI

    CHIKIRA MTABARI Verified User

    #3
    Dec 27, 2010
    Joined: Aug 1, 2007
    Messages: 4,754
    Likes Received: 3,621
    Trophy Points: 280
    walete hiyo katiba tena kikubwa wazingatie "separation of power" sio lazima waziri awe mbunge
     
  4. m

    mtemiwao JF-Expert Member

    #4
    Dec 27, 2010
    Joined: Sep 5, 2010
    Messages: 384
    Likes Received: 0
    Trophy Points: 0
    Hatutaki viraka,tupeni mpya kabisa ambayo tutashiriki wazalendo wote cio ya wachache
     
  5. K

    Kipre tchetche JF-Expert Member

    #5
    Dec 27, 2010
    Joined: Dec 13, 2010
    Messages: 238
    Likes Received: 1
    Trophy Points: 0
    Wailete hio katiba haraka wasizibe masikio
    watz tumechoka kunyanyaswa na kikundi
    cha watu wachache wasiokua na utu.
     
  6. sweetlady

    sweetlady JF-Expert Member

    #6
    Dec 27, 2010
    Joined: Dec 24, 2010
    Messages: 16,980
    Likes Received: 55
    Trophy Points: 145
    Tunaisubiri kwa hamu zote. Ni kweli haikwepeki mama mfikishie habari na nduguyo Selina Kombani! Tumechoka kutawaliwa tunataka kuongozwa!
     
  7. TUNTEMEKE

    TUNTEMEKE JF-Expert Member

    #7
    Dec 27, 2010
    Joined: Jun 15, 2009
    Messages: 4,577
    Likes Received: 4
    Trophy Points: 0
    Katiba mpya ndio kilio chetu,viraka hatutaki.Katiba ya enzi za party supremacy eti inatumika miaka hii ya vyama vingi?P
     
  8. Mabel

    Mabel JF-Expert Member

    #8
    Dec 27, 2010
    Joined: Sep 1, 2010
    Messages: 1,003
    Likes Received: 3
    Trophy Points: 135
    Si ajabu JK nae akaja kusema 'Katika mpya haikwepeki' na amekuwa akiililia siku nyingi. Full usanii mwanzo mwisho
     
  9. Mzalendo Mkuu

    Mzalendo Mkuu JF-Expert Member

    #9
    Dec 27, 2010
    Joined: Nov 2, 2010
    Messages: 722
    Likes Received: 5
    Trophy Points: 0
    Njia nzuri ya kuendana na maisha halisi ni kubaki kwenye ukweli tu. Wote ambao hawako kwenye ukweli au ambao wanaishi nje ha maisha yao halisi whether juu au chini ya kipato chao, au wahujumu nchi au wanafisadi uchumi wa nchi, WANAISHI MAISHA YA SHIDA. Ukikwepa katiba utaishi maisha ya mashaka, ukifisadi utakuwa na pesa nyingi lakini utaishi maisha ya mashaka sana. ushaidi tunao jamani kuwa hao wanaotajwa kuwa ni mafisadi siku zote wanaishi maisha ya ujajiri mwingi lakini bila furaha yoyote. Wanateseka sana. Wanajuta na wataendelea kujuta.
     
  10. U

    Uwezo Tunao JF-Expert Member

    #10
    Dec 27, 2010
    Joined: Nov 14, 2010
    Messages: 6,948
    Likes Received: 8
    Trophy Points: 0

    Mama Kilango Malecela NI KAMANDA na wala si mtu wa kukaribishwa katika mapambano haya. Ni kama Katapila mwenyewe tu kama utakua unamkumbuka!!!

    Bado nasubiri sauti ya KAMANDA MWINGINE wa uhakika; Mhe Mama Maghimbi. Hawa waheshimiwa wawili, kati ya wengine wengi tu ndani ya CCM na kwingineko, hawasimuliwi kitu juu ya kilio cha mnyonge.

    Kama anatusikia mwambieni JF tunamsubiri kauli yake juu ya Katiba Mpya MUSTAKABAL wa Umoja wetu Kitaifa.

    Akina mama wanapoamua juu ya jambo ...
     
  11. BAK

    BAK JF-Expert Member

    #11
    Dec 27, 2010
    Joined: Feb 11, 2007
    Messages: 50,074
    Likes Received: 9,780
    Trophy Points: 280
    Wakati idadi ya makada ndani ya CCM wanaouona umuhimu mkubwa wa katiba mpya inazidi kuongezeka, Kikwete anasubiri kuunda jopo la washauri na kuwapa miaka miwili au hata zaidi na kulipwa mabilioni ya pesa kama posho ili kuangalia kama kuna umuhimu wa kutunga katiba mpya au kuendelea kuibandika viraka hii iliyopo. Kama huu si usanii sijui ni nini tena. Hongera Mama Kilango kwa kuliona hili mapema.
     
  12. U

    Uwezo Tunao JF-Expert Member

    #12
    Dec 27, 2010
    Joined: Nov 14, 2010
    Messages: 6,948
    Likes Received: 8
    Trophy Points: 0



    ... hapo umenena, mwenye sikio na asikie!!!

    Katika hili si utani kwamba mke wa mvuvi hasimuliwi harufu ya samaki!!!
     
  13. Mwiba

    Mwiba JF-Expert Member

    #13
    Dec 27, 2010
    Joined: Oct 23, 2007
    Messages: 7,604
    Likes Received: 189
    Trophy Points: 160
    Hakuna KATIBA mpya kama hakuna Tanganyika ? Kufanya au kutunga Katiba mpya wakati Tanganyika haipo ni wizi na ufisadi na ndio utakuwa mwisho wa Muungano .Maana hiyo katiba mpya ni ya nchi zipi ,kama ni Tanzania ni lazima wawepo Tanganyika na Zanzibar ili mambo yao yatakayohusika na Katiba hiyo yazungumzike ,huku kukurupuka tu na kusema KATIBA mpya ,ni lazima mjue katiba hiyo inamgusa nani na nani na waguswa wapo wapi ,kama hawapo nini kifanywe ,ndio maana mkaona CCM hawataki hata kuisikia kwani itabidi kuundwe serikali ya mpito ya Tanganyika, tafuteni wanasheria muwaulize kwanza kabla hamjakurupuka mkadhani ni rahisi au vile mtakavyo tu kwa kuwa mmekosa ushindi.
     
  14. TIMING

    TIMING JF-Expert Member

    #14
    Dec 27, 2010
    Joined: Apr 12, 2008
    Messages: 21,797
    Likes Received: 53
    Trophy Points: 145
    tatizo wamam wa siku hizi hawaaminiki kabisa....wanfiki wengi
     
  15. BAK

    BAK JF-Expert Member

    #15
    Dec 27, 2010
    Joined: Feb 11, 2007
    Messages: 50,074
    Likes Received: 9,780
    Trophy Points: 280

    Mkapa, Warioba, Sumaye, Lowassa, Kilango, SAS, baadhi ya waliowahi kuwa majaji wakuu wote wanaona umuhimu wa kutunga katiba mpya hata kama Tanganyika haitakuwepo, lakini wewe unakuja na alinacha zako zisizoeleweka. Kwa taarifa yako tu hakuna wa kuzuia katiba mpya kama kuna Tanganyika au la ni lazima katiba mpya ipatikane maana Watanzania wa leo siyo wale wa mwaka 47 wengi tunauona umuhimu mkubwa wa katiba mpya katika kuleta maendeleo ya nchi yetu na pia kupambana na mafisadi/ving'ang'anizi vya madaraka ambao hufanya kila njia hata kuiba chaguzi ili kuendelea kubaki madarakani.

    Alutta Continua!
     
  16. TIMING

    TIMING JF-Expert Member

    #16
    Dec 27, 2010
    Joined: Apr 12, 2008
    Messages: 21,797
    Likes Received: 53
    Trophy Points: 145
    Mkuu huyo anaumwa muache tu aisee... kesi yake ni ile kama ya mke mwenza aliyechuja hata akipika baba hali wala haulizi
     
Loading...