Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kila mtu anavuna alichopanda

Discussion in 'Habari na Hoja mchanganyiko' started by Mtambuzi, Jun 16, 2009.

  1. Mtambuzi

    Mtambuzi Platinum Member

    #1
    Jun 16, 2009
    Joined: Oct 29, 2008
    Messages: 8,572
    Likes Received: 692
    Trophy Points: 280
    Kila mtu maishani ni zao la mbegu fulani. Hakuwezi kuwa na zao bila mbegu. Kila jambo ambalo linatutokea ni lazima limepandwa na sisi wenyewe au wengine, na sisi tukalipokea kwa sababu tunatembea kwenye masafa ya mawimbi ya aina moja.


    Kila jambo tunafikiri, kutenda, au kusema, kwa sababu ni nguvu, ni lazima lizae matokeo kama hayo au makubwa ama mabaya zaidi. Kama ni baya, litazaa baya zaidi na kama ni zuri litazaa zuri zaidi, huwezi kupanda mahindi, ikaota bangi.



    Kama mawazoni mwako kumejaa chuki , vitendo vyako ni vya kiharamia na kauli zako ni za kuchonganisha, basi usitarajie nafuu, kwani kamwe hutaweza kuvuna nafuu kutoka katika mbegu hizo unazopanda. Utavuna ulichopanda, hiyo ni kanuni ya maumbile, huwezi kuibadili.


    Kila mtu maisha anayoishi ndiyo uchaguzi wake, ameyapanda mwenyewe na sasa anavuna.

    Ni vigumu wengi kukubali kwamba maisha wanayoishi ni uchaguzi wao. Hata baadhi ya wale waliofanikiwa kupata watakacho wanaweza kukuambia, “Ni kazi ya Mungu bwana, amenijaalia.”



    Hawajui kwamba, wao ndiyo mungu kwenye kutaka nini kitokee maishani mwao.
    Baadhi ya dini zinasema, jisaidie na ndipo Mungu atakusaidia. Nyingine zinasema, bisha hodi utafunguliwa. Kubisha hodi ni hadi utembee na kufika mlangoni, bila kufika mlangoni hutafunguliwa. Hii inaonesha kwamba ni sisi tunaoanza kufanya ili jambo liwe.
    Kama tunataka kupata tunacholenga kwenye maisha yetu, hatuna budi kujua pia tunachopanda kila siku kupitia mawazo, vitendo na kauli zetu.

    Kama unawapenda baadhi ya watu na kuwachukia wengine, utavuna kutoka pande zote, chuki na upendo.

    Kufikiri, mitazamo, imani, hisia,vitendo na kauli, ni mbegu ambazo zinapokuja kuzaa baada ya kupandwa hutuletea mazao tuliyoyapanda. Inawezekana tulisahau au kutojua kwamba, tunapanda mbegu fulani. Hili la kutojua halizuii mbegu hiyo kuzaliwa na kukua, hadi kuvunwa, ikiwa ni ya mmea huo huo.

    Kwa kadiri tunavyotilia nguvu mawazo, hisia, vitendo, kauli, mitazamo na imani fulani tulizonazo, ndivyo ambavyo tunanyweshea na kutilia mbolea mbegu hizo na matokeo yake yatakuwa mazuri sana kwa ubaya au uzuri, kutegemea tulipanda nini.
    Jambo la msingi hapa ni kuchagua kupanda kile ambacho mtu anakipenda.



    Ruhusu kwenye mawazo yako, imani zako, hisia zako, mitazamo yako, vitendo na kauli zako, yale tu ambayo yatakupa furaha, amani na utulivu.



    Pia ambavyo vitakupa ridhiko, upendo na uelewa.

    Usiruhusu hofu, ukosefu, chuki, kijicho,na chochote chenye kuumiza au kumuumiza mwingine, maana hicho ndicho kitakachokujia hata kama hukitaki.
     
  2. B

    Babuyao JF-Expert Member

    #2
    Jun 16, 2009
    Joined: Jun 6, 2009
    Messages: 1,729
    Likes Received: 23
    Trophy Points: 135
    Jinsi unavoongea yaonekana wewe ni mtu usiyeamini juu ya uwepo wa Mungu na maongozi yake katika viumbe vyake. Kwa wanaoamini juu ya uwepo wa Mungu, tunakubali kabisa kwamba Mungu anaongoza historia ya mwanadamu. Yeye ametuumba na kutupa akili na utashi wa kuweza kufahamu mambo na kufanya uchaguzi huru. Ndiyo maana tunakuwa responsible na matendo yetu mema au mabaya. Hapo ni sawa unaposema lazima kupanda mbegu nzuri.

    Lakini mbegu nzuri tu haitoshi. Bado mwanadamu anahitaji neema za Mungu ili hiyo mbegu aliyoipanda mwanadamu iweze kuzaa matunda. Ndiyo maana tunamwomba Mungu atujalie hiki na kile, maana yake amwage neema zake ili juhudi zetu ziweze kuzaa matunda. Kwa hiyo mtu anaposema "kazi ya Mungu bwana amenijalia" haina maana kwamba Mungu kaangusha mambo bila mwanadamu kufanya kazi. Hapana. Mwanadamu ana wajibu wake, na Mungu ana nafasi yake katika kazi nzima ya mwanadamu.
     
Loading...