Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kikwete ngoma nzito - Sitta, Nape wasubiri huruma yake

Discussion in 'Jukwaa la Siasa' started by nngu007, Nov 6, 2011.

  1. nngu007

    nngu007 JF-Expert Member

    #1
    Nov 6, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    [TABLE="class: contentpaneopen"]
    [TR]
    [TD="class: createdate"]Saturday, 05 November 2011 21:01[/TD]
    [/TR]
    [TR]
    [TD]




    Mwenyekiti wa CCM taifa, Rais Jakaya Kikwete
    [​IMG]

    SITTA, NAPE WASUBIRI HURUMA YAKE
    Na Waandishi wetu
    BUNDI mharibifu anazidi kuinyemelea CCM hali inayotishia mgawanyiko mkubwa miongoni mwa makada na wanachama wa chama hicho kikongwe nchini na barani Afrika.Tangu kumalizika kwa uchaguzi mkuu mwaka jana, CCM imejikuta kwenye malumbano mazito miongoni mwa makada wake, yanayochangiwa kwa kiasi kikubwa na mitazamo tofauti katika uendeshaji wa chama na utekelezaji wa misimamo inayotolewa na chama likiwemo suala la kujivua gamba.

    Katika hali inayozidisha tishio la mpasuko huo, wenyeviti wa mikoa wa chama hicho sasa wamemtega Mwenyekiti wa CCM taifa, Rais Jakaya Kikwete, wakimtaka amfukuze uanachama Waziri wa Ushirikiano wa Jumuiya ya Afrika Mashariki (EAC), Samuel Sitta.

    Kwenye kikao cha kutathimini uhai wa chama katika mikoa yao kilichofanyika wiki hii jijini Dar es Salaam, wenyeviti hao walishauri, Sitta avuliwe uanachama wa CCM kwa madai kuwa amemtukana, Mwenyekiti wa Taifa, Rais Kikwete.

    Mbali na Sitta, baadhi ya wenyeviti hao walitaka Katibu wa Itikadi na Uenezi wa Halmashauri Kuu ya Taifa ya CCM, Nape Nnauye, adhibitiwe kwa madai kuwa amekuwa akitoa matamshi ya upotoshaji yanayokwenda kinyume na maazimio ya Halmashauri Kuu ya Taifa ya CCM (NEC).

    Walidai kuwa Sitta alimtukana Rais Kikwete na wajumbe wa Kamati Kuu ya CCM kupitia Kipindi cha dakika 45, kinachorushwa na Kituo cha ITV, kutokana na hatua yake ya kulalamikia utaratibu uliopendekezwa na chama hicho kusimamisha mwanamke kugombea kiti cha Uspika wa Bunge, kwa madai kuwa uamuzi huo ulitokana na shinikizo la mafisadi lililolenga kumwengua kwenye nafasi hiyo.

    Ingawa baadhi ya wenyeviti walipinga ushauri huo, kauli hii ni mtihani mpya na mzito kwa Rais Kikwete ambaye anatarajiwa kuongoza Kikao cha Kamati Kuu (CC) na Halmashauri Kuu (NEC) Novemba 23, mwaka huu mjini Dodoma.Sitta aliwahi kunusurika kuvuliwa uanachama baada ya baadhi ya wajumbe wa NEC kumtuhumu kuwa anaendesha bunge kwa ajili ya kuwasaidia wapinzani na kukivuruga chama hicho.

    Hata hivyo, Mwenyekiti Rais Kikwete na baadhi ya wajumbe wengine walimnusuru na kuendelea na wadhifa wake wa Spika hadi alipomaliza kipindi chake cha miaka mitano ya kuliongoza Bunge la Tisa mwaka jana.

    Kama wenyeviti hawa ambao pia ni wajumbe wa NEC watashikilia msimamo wao wa kutaka Sitta ang'olewe, huenda kikao kijacho kitakuwa moto, hivyo busara za Mwenyekiti (Rais Kikwete) zitahitajika kupoza hali hiyo inayotishia mpasuko mkubwa.

    Hata hivyo, wadadisi wa mambo ya kisiasa ndani ya CCM wanaamini kuwa kikao hicho cha wenyeviti ni sehemu ya maandalizi ya msingi kupima joto halisi la kisiasa ndani ya chama kuanzia ngazi ya mikoa kabla ya Kikao cha Kamati Kuu (CC) kitakachofuatiwa na NEC.
    Kuna taarifa kwamba, wengi wa wenyeviti wanaoshinikiza kung'olewa Sitta, wanaungwa mkono na kundi la watuhumiwa ufisadi ambao wamekuwa kama paka na panya na kundi linalojipambanua kuwa wapambanaji dhidi ya ufisadi ndani ya chama hicho, linaloungwa mkono na mwanasiasa huyo.


    Hivi sasa kuna kila dalili kuwa CCM inapita katika wakati mgumu, kutokana na makundi hayo mawili yanayovutana chini huku kila moja likijaribu kuonyesha kuwa lina nguvu dhidi ya lingine.

    Kundi la watuhumiwa wa ufisadi sasa linadaiwa kutumia nguvu ya fedha na vikao vya chama kuhakikisha linawageuzia kibao cha kujivua gamba wanaowapinga ili watoshwe na chama hicho.

    
Kauli ya Msekwa
    Makamu Mwenyekiti wa CCM- Tanzania Bara, Pius Msekwa, akizungumza baada ya mapumziko ya mchana ya kikao hicho, alikiri malumbano hayo kutawala kikao hicho na kusema; "Tunachofanya hapa ni kupokea taarifa ya hali halisi ya kisiasa ndani ya chama kwa mikoa yote ya bara na visiwani. Hiki siyo kikao cha maamuzi".

    "Ni vikao vinavyofanyika mara kwa mara, lakini safari hii mimi ndiyo naongoza nikichukua nafasi ya Mwenyekiti wa Taifa ambaye ni Rais. Yeye yuko nje, sasa tumeona ni vema niwepo hapa kusimamia na kusikiliza taarifa za wenyeviti wa mikoa yote," aliongeza Msekwa.

    Kujivua Gamba
    Akizungumzia kujivua gamba, Msekwa alisema baadhi wanahoji kwa nini jambo hilo haliendi kwa kasi ili kulikamilisha na hatua hiyo iweze kufika pia ngazi ya chini.

    Makamu huyo alisema, ni kweli uamuzi huo wa kukisafisha chama ni wa NEC, lakini akatoa angalizo kwamba, "Tunachofanya sasa katika kutekeleza hili ni kitu kinachoitwa ‘Political Management.' Hatuwezi kufanya jambo hili kwa shinikizo".

    Alisema CCM ni chama cha siasa ambacho kinaendeshwa kwa mujibu wa taratibu zote za kiuongozi hivyo, hata utekelezaji wa maamuzi yake unapaswa kusukumwa kwa kanuni na misingi ya uongozi wa chama cha kisiasa na si vinginevyo.

    Mkutano wa NEC
    Mbali na suala la kujivua gamba inayotarajiwa kutawala mkutano NEC, mpasuko ndani ya Umoja wa Vijana wa chama hicho (UVCCM) nao unatajwa kuteka kikao hicho.

    Kwa mujibu wa ratiba ya kikao hicho ambayo gazeti hili limefanikiwa kuiona jijini Dar es Salaam wiki hii na kuthibitishwa na baadhi ya wajumbe wa NEC, kikao hicho kitakaa baada ya kukamilika maandalizi yake ya msingi.

    Msimamo wa Ndejembi
    Katika hali inayoonesha kuzidi kufukuta moto ndani ya CCM, kada mkongwe wa CCM , Pancres Ndejembi, ameibuka na kusema kuwa rais ajaye anaweza kutokana na chama chochote ili mradi asiwe fisadi.

    Ndejembi alisema kwa sasa Watanzania wana macho na masikio, hivyo hawawezi kuchagua mtu ambaye ni fisadi katika nafasi ya urais na kukemea watu wanaoendeleza malumbano wakati muda muafaka haujafika.
    Ndejembi alitoa kauli hiyo jana katika mahojiano maalumu na Mwananchi Jumapili nyumbani kwake Mtaa wa Kilimani, Dodoma ambapo alisema mtu atakayechaguliwa kuwa rais ni lazima awe mtu safi asiye na doa ndani ya chama na Serikali kwa ujumla.

    "Mabishano ndani ya chama hayafai, kwa kuwa ipo Katiba ya CCM ambayo inaelekeza jinsi watu wanavyoweza kutoa hoja. Kubishana katika vikao kuhusu urais ni ujinga unaotakiwa kukomeshwa mara moja,'' alisema na kuongeza;
    "Kama mabishano yao yanalenga urais basi watakuwa wamekosea kwa kuwa huu si wakati wa kujadili mambo hayo kwani Tanzania ina rais na anaitwa Jakaya Mrisho Kikwete sasa kwa nini waendeleze malumbano hayo katika kipindi hiki?''
    Alisema kuwa wanaobishana wamesahau kuwa Tanzania inaongozwa na mfumo wa siasa wa vyama vingi ambapo kila chama kitasimamisha mgombea wake na kuwa chama kitakachosimamisha mgombea safi ndicho kitakachoibuka na ushindi.
    Kada huyo aliwataka Watanzania kutulia kwa kuwa wakati utafika ambapo watatakiwa kuangalia nani anafaa kuwa rais wao lakini kipindi hiki ifahamike kuwa hakuna mwenye mamlaka ya kutangaza habari za urais kwa kuwa bado kuna kipindi kirefu mbele yao.
    Kuhusu mvutano ndani ya CCM, alikemea na kusema kuwa tabia iliyojengeka kwa sasa ni mbaya kwa sababu watu wanalumbana bila ya kufuata utaratibu wa chama.
    Alisema watu wanaolumbana kwa sasa ndani ya chama wana ugomvi wao binafsi na wanaivuruga CCM.
    "Hebu watafute kitabu cha Mwalimu kiitwacho ‘Tujisahihishe' ambacho kiliandikwa kwa lengo maalumu la migogoro midogomidogo kama hiyo.''

    Ndejembi aliwahi kuwa Mwenyekiti wa CCM Mkoa wa Dodoma 1982-2007 na katika kipindi hicho alikuwa Mwenyekiti wa Wenyeviti wa Mikoa wa chama hicho.

    Ole Millya na vijana
    Kwa upande wake, Mwenyekiti wa UVCCM Mkoa wa Arusha, James Millya amekionya chama hicho na kueleza kuwa kama kinataka kuendelea kushika dola, kihakikishe kinakuwa karibu zaidi na kundi kubwa la vijana na kuwapa matumaini.

    Akizungumza katika mahojiano na Mwananchi Jumapili jana, Millya alisema chama chochote cha siasa hakiwezi kukamata dola kama hakiungwi mkono na vijana ambao ndio wengi.

    "UVCCM Arusha tunampongeza sana mlezi wetu Stephen Wassira akishirikiana na katibu wetu UVCCM, Martin Shigella kwa kufanikisha muafaka Arusha, tunaamini sasa tutasonga mbele kusaidia chama," alisema Millya.

    Hata hivyo, alisema angalizo ambalo analitoa sasa kwa CCM ni kuwasikiliza vijana na kuwa nao karibu ili iendelee kukamata dola.

    Akizungumzia siasa za makundi ndani ya CCM, Millya alisema ni tatizo kubwa ndani ya chama hicho na kwamba linatokana na siasa za majitaka na ubinafsi.

    Sir Kahama
    Mwanasiasa mkongwe nchini, Sir George Kahama (82) naye ameishauri CCM na kuitaka kutambua kuwa ili nchi itawalike lazima pawepo demokrasia ya kweli kinyume na hapo, umma utachoka na kuingia mitaani kuleta vurugu.

    Sir Kahama alitoa kauli hiyo hivi karibuni kwenye mahojiano maalumu na Mwananchi Jumapili nyumbani kwake Dar es Salaam, kuhusu mustakabali wa kisiasa maendeleo ya mfumo wa vyama vingi vya siasa nchini.


    [/TD]
    [/TR]
    [/TABLE]
     
  2. Bujibuji

    Bujibuji JF-Expert Member

    #2
    Nov 6, 2011
    Joined: Feb 4, 2009
    Messages: 27,113
    Likes Received: 5,311
    Trophy Points: 280
    CCM buriani, mwanga wa milele uwaangazie.
     
  3. CHIETH

    CHIETH Senior Member

    #3
    Nov 6, 2011
    Joined: Aug 15, 2011
    Messages: 179
    Likes Received: 0
    Trophy Points: 0
    Hapa penye highlights nyekundu ndiko kuna point na ni patamu. Naomba WanaCCM hapa JF watafakari. Huo ndo ukweli hata mkiendelea kumponda lema na Chadema yake. Najua mnarasimali fedha na polisi kuyaweza yote lakini............. Vurugu hailetwi na chadema ila wananchi watakaposema bas..Amesema Sir Kahama sio mimi. Tutafakari.
     
  4. M

    Molemo JF-Expert Member

    #4
    Nov 6, 2011
    Joined: Sep 24, 2010
    Messages: 13,252
    Likes Received: 334
    Trophy Points: 180
    William Malecela apaone hapa ili amshauri rafiki yake Nape aachane na majungu kuhusu Lema
     
  5. mikatabafeki

    mikatabafeki JF-Expert Member

    #5
    Nov 6, 2011
    Joined: Dec 29, 2010
    Messages: 12,838
    Likes Received: 2,008
    Trophy Points: 280
    wote ni walevi wa ubongo hivo hawatambui wanalolifanya
     
  6. o

    oldonyo JF-Expert Member

    #6
    Nov 6, 2011
    Joined: Aug 11, 2011
    Messages: 554
    Likes Received: 1
    Trophy Points: 35
    Huyu kwenye picha aliye vaa nguo ya kijani ni nani?
     
  7. Somji Juma

    Somji Juma Verified User

    #7
    Nov 6, 2011
    Joined: Jul 2, 2011
    Messages: 2,458
    Likes Received: 267
    Trophy Points: 180
    anaitwa JAKAYA MRISHO KIKWETE,ni RAHISI wa 4 wa TZ,sifa yake kubwa ni muoga hata kwa mawaziri aliowachagua yeye mwenyewe,pia ni mtu wa kulipiza sana visasi,vilevile hana msimamo na pia kwa sasa kazi yake kubwa ni kusafiri HOVYO na kumuomba mungu siku ziende haraka ili 2015 ifke kabla wananchi hatujamtoa kwa NGUVU YA UMMA.....

    Nadhani ushawahi kumcikia huyu mtu kabla ila labda hukuwah kumuona tu.?
     
  8. DASA

    DASA JF-Expert Member

    #8
    Nov 6, 2011
    Joined: Jan 6, 2011
    Messages: 1,030
    Likes Received: 5
    Trophy Points: 0
    Mi nafikiri 6 asisubiri kung'olewa!! Ajing'oe mwenyewe.
     
  9. t

    timbilimu JF-Expert Member

    #9
    Nov 6, 2011
    Joined: Sep 2, 2010
    Messages: 4,661
    Likes Received: 49
    Trophy Points: 145
    Msaliti ni msaliti tu hata umpe nini atakusaliti tu! CCM mpo?
     
  10. C

    Cipro Senior Member

    #10
    Nov 6, 2011
    Joined: Aug 8, 2011
    Messages: 159
    Likes Received: 2
    Trophy Points: 35
    hii inaitwa natural death
     
  11. samora10

    samora10 JF-Expert Member

    #11
    Nov 6, 2011
    Joined: Jul 21, 2010
    Messages: 5,893
    Likes Received: 407
    Trophy Points: 180
    hao wenyeviti wa mikoa nao kumbe vilaza pia? kwa hiyo ccm yote hamna hata mwenye akili ya kumshauri mwenzie... we are doomed!
     
  12. nyamemba

    nyamemba JF-Expert Member

    #12
    Nov 6, 2011
    Joined: Nov 3, 2011
    Messages: 623
    Likes Received: 66
    Trophy Points: 45
    at least bado mzee Sitta pamoja na ukinyonga wake ana kamvuto,akijiondoa kwenye shimo la magamba atang'ara zaidi.Wakuu naomba namba zake za simu niongee nae
     
  13. nngu007

    nngu007 JF-Expert Member

    #13
    Nov 6, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    Wenyeviti wa Mikoa ni Vizee viliyochoka hakuna aliye na Umri wa Miaka 68 kwenda juu wao kwao ni kupenda vya Dezo toka CCM; Nyumba, Usafiri, Chakula na watoto kupelekwa shule au kupatiwa kazi serikalini na wao kuwa mikia ya CCMHakuna kazi wanazofanya hao Wazee
     
  14. usininukuu

    usininukuu JF-Expert Member

    #14
    Nov 6, 2011
    Joined: Aug 8, 2011
    Messages: 380
    Likes Received: 0
    Trophy Points: 0
    Ndugu wakigombana ww chukua jembe ukalime
     
  15. trachomatis

    trachomatis JF-Expert Member

    #15
    Nov 6, 2011
    Joined: Jun 7, 2011
    Messages: 3,552
    Likes Received: 25
    Trophy Points: 135
    waache waparurane.. Bado bungeni,mkutano wao wa 2012... Je CCM ilipata kutabiriwa itamfia mtu si ndiyo? Je ni yupi? Mwenyekiti atakayefuata ama huyuhuyu?!
     
  16. G

    GAGAGIGIKOKO Senior Member

    #16
    Nov 6, 2011
    Joined: Jul 31, 2011
    Messages: 126
    Likes Received: 0
    Trophy Points: 0
    HAKUNAGA mtu msafi ccm!! HAKUNAGAAAAAA......!!!
     
  17. Mwanajamii

    Mwanajamii JF-Expert Member

    #17
    Nov 6, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    chanzo itakuwa ni gazeti la Tanzania daima hata kama umeficha kwani ndilo lenye bifu na CCM
     
  18. Mwanajamii

    Mwanajamii JF-Expert Member

    #18
    Nov 6, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    Hao ni CHADEMA na CCM wanawindana kwa taarifa za uchokonozi
     
  19. Mwanajamii

    Mwanajamii JF-Expert Member

    #19
    Nov 6, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    ya Sitta kuvuliwa uanachama yaliandikwa sana huko nyuma na sasa yameibuka tena kwa lengo lilelile la kuuza magazeti
     
  20. Washawasha

    Washawasha JF-Expert Member

    #20
    Nov 6, 2011
    Joined: Aug 7, 2006
    Messages: 8,368
    Likes Received: 146
    Trophy Points: 160
    dah! Kazi ipo . Nalog off
     
Loading...