Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kikwete awaambia UVCCM 'msitutishe'; ahoji walikopata fedha

Discussion in 'Jukwaa la Siasa' started by EasyFit, Nov 24, 2011.

  1. EasyFit

    EasyFit JF-Expert Member

    #1
    Nov 24, 2011
    Joined: Jul 4, 2011
    Messages: 1,227
    Likes Received: 85
    Trophy Points: 145
    Imeandikwa na Neville Meena, Dodoma

    UTEKELEZAJI wa mpango wa CCM uliolenga kuwashinikiza watuhumiwa wa ufisadi kuachia nafasi zao za uongozi ndani ya chama hicho, umechukua sura mpya na sasa Kamati Kuu (CC) inaomba ipewe kibali cha kuwachukulia hatua zaidi wale ambao wamegoma kujiuzulu.

    Juzi, katika kikao chake mjini hapa, CC iliazimia kuomba idhini ya Halmashauri Kuu (NEC) ya CCM ili ifanye kazi hiyo baada ya kuwepo ukimya ambao unaashiria kutokuwepo viongozi na makada ambao wako tayari kujiuzulu nyadhifa zao kwa hiari.

    Tangu kupitishwa kwa mpango huo maarufu kwa jina la kujivua gamba katika kikao cha NEC kilichopita cha Aprili mwaka huu, ni kada mmoja tu, Rostam Aziz aliyechukua hatua za kujiuzulu ubunge wa Jimbo la Igunga na ujumbe wa NEC, lakini wengine wamekuwa kimya hadi sasa.

    Katika kikao cha Aprili NEC hiyo ya CCM ilipitisha maazimio 26 lakini kubwa ni lile lililokuwa likihimiza vita dhidi ya ufisadi kuendelea na kutoa mwito kwa watu wanaotajwa na jamii kuhusika na ufisadi ambao wako ndani ya chama kujitathmini kisha kuchukua hatua za kuachia madaraka waliyo nayo.

    Sehemu ya mwisho ya azimio hilo inasomeka: "Wasipoachia madaraka chama kiwachukulie hatua mara moja."

    Mmoja wa wajumbe wa CC ambaye ameomba jina lake kuhifadhiwa alisema: "Tunawaomba NEC waturuhusu jambo hili tulifanyie kazi sisi (CC) na litafanyiwa kazi kupitia taratibu za kawaida za chama kwa kuzingatia kanuni na taratibu za maadili za chama hicho."

    Kubadilika kwa utaratibu wa kuwashughulikia watuhumiwa wa ufisadi, kulipokewa kwa shangwe na wafuasi wa watuhumiwa hao ambao wanasema kulikuwa na ajenda ya siri, kubwa likiwa ni vita ya urais wa 2015.

    Hata hivyo, kada mwingine ambaye yuko karibu wa vigogo wa chama hicho alisema: "Hivi sasa hali itakuwa mbaya zaidi kwa watuhumiwa, tunakokwenda si hiari tena itakuwa ni lazima ikiwa chama kitawapata na hatia."

    "Ujue azimio la kwanza lilikuwa na pande mbili, kwanza ni watuhumiwa hao kujipima wenyewe kisha kuchukua hatua, lakini pili ni upande wa chama, sasa ukomo wa upande wa kwanza ambao ni kuchukua hatua wenyewe umekwisha, sasa ni zamu ya upande wa pili ambao ni wa chama," alisema kada huyo ambaye pia ni mshiriki wa vikao vya uamuzi ndani ya CCM.

    Makatibu wapya
    Halmashauri ya CCM iliyoanza mkutano wake jana, ilifanya mabadiliko ya makatibu wa chama hicho katika mikoa sita.Walioteuliwa ni Joyce Masunga, Mohamed Nyawenga, Pazi Mamulima, Zainab Shomari, Abdallah Mihewa na Rahel Ndegeleki ambao watapangiwa vituo vya kazi hivi karibuni.

    Habari kutoka katika kikao cha Kamati Kuu zinasema kwamba imebariki pendekezo la kumvua madaraka kiongozi mmoja wa ngazi za juu baada ya kutiwa hatiani kwa kosa la kubadili orodha ya matokeo ya kura za madiwani wa Viti Maalumu bila kushirikisha vikao husika.

    Kigogo huyo alitiwa hatiani kuchakachua orodha ya madiwani iliyowasilishwa Tume ya Tiafa ya Uchaguzi (NEC) kwa kuondoa jina namba mbili katika mtiririko wa orodha hiyo na kuliweka chini, hivyo kumkosesha mmoja wa makada wa chama chake nafasi ya kuwa diwani.

    Kikwete anena
    Kikao cha NEC kilianza jana saa 5:00 asubuhi kwa Rais Kikwete kuwatoa hofu wajumbe akisema hakuna kitakachoharibika. Mara baada ya kuingia, Rais Kikwete aliwasalimu wajumbe akisema: "Jamani hamjambo …. mmelala salama?" Baada ya wajumbe kujibu ndiyo aliongeza:

    "Mbona nimeambiwa kwamba wajumbe wengine hamjalala vizuri, mmelala na hofu tu, CCM ni chama kikubwa, kwa hiyo jamani tulieni hapa hakuna jambo litakaloharibika, watu msiwe na hofu," alisema kisha kutamka kwamba kikao hicho kimefunguliwa rasmi na kuwataka waandishi wa habari kutoka ndani ya ukumbi wa mikutano.

    Kauli ya Kikwete ilikuwa ni kama mwangwi wa yaliyotokea juzi usiku baada ya kumalizika kwa kikao cha CC, kwani wapambe wa makundi mawili hasimu ndani ya chama hicho yalikuwa yakihaha kushawishi kuungwa mkono na wajumbe wakati wa vikao vya NEC.

    Kati ya saa saba na nane usiku wa kuamkia jana, wapambe wa makundi hayo na mmoja kati ya makada hao alisikika akisema kuwa: "Ujue sikulala kabisa na sasa naingia kwenye NEC, fitina ilikuwa kubwa sana jana (juzi) usiku, lakini tutashinda tu."

    Kundi la makada wanaojipambanua kuwa wapambanaji wa ufisadi walikuwa wakihaha kushawishi wajumbe wa NEC kukataa uamuzi wa suala la kujivua gamba kurejeshwa CC, wakati kundi la pili lilikuwa likishawishi wajumbe kusimama kidete na kuunga mkono pendekezo hilo.

    Habari zilizopatikana jana jioni zinadai kuwa, jana NEC haikuwa imejadili suala lolote kuhusu kujivua gamba na kwamba hata mmoja wa wajumbe ambaye amekuwa akitajwa katika suala hilo, Edward Lowassa alipotaka kulizungumzia aliambiwa asubiri wakati mwafaka wa ajenda husika.

    Katibu wa Itikadi na Uenezi wa CCM, Nape Nnauye alipoulizwa kuhusu pendekezo hilo alisema: "Jamani, kikao hiki bado kinaendelea, kama kuna jambo lolote mimi niliwaahidi kwamba niko tayari kuwaambia."

    "Kwa sasa siwezi kuzungumza lolote zaidi ya yale niliyowafahamisha leo (jana) mchana na ujue kwamba yapo mambo mengi ambayo ili kwenda kwa umma lazima yapate kibali cha NEC, vinginevyo nitakuwa navunja taratibu," alisema Nape.

    Kombora UVCCM
    Katika hatua nyingine, kundi la viongozi na marafiki wa Umoja wa Vijana wa CCM (UVCCM) lililopo Dodoma, jana lilitaharuki baada ya kupokea taarifa za kurushiwa makombora, huku Rais Kikwete akiwazodoa kwa kuwaambia: ‘Msitutishe,' ishara ya kukerwa na taarifa kwamba vijana hao walitishia kuhamia Chadema ikiwa Umoja wao utavunjwa.

    Habari za uhakika kutoka ndani ya kikao cha CC kilichomalizika juzi usiku zinasema, ajenda kuhusu UVCCM ni kama haikuwa rasmi lakini baada ya kuibuliwa na Nape ilisababisha Kaimu Mwenyekiti wa Jumuiya hiyo, Benno Malisa kusakamwa ipasavyo na kutishwa kwamba hatima yake kisiasa inaweza kuwa mbaya.

    "Yule bwana mdogo (Benno) alipata wakati mgumu sana, maana wale wazee walimshughulikia ipasavyo, alijaribu kujitetea lakini haikusaidia, kweli nilimwonea huruma sana maana hakuwa na mtetezi mle ndani," kilisema chanzo kingine kutoka ndani ya CC.

    Taarifa hizo ziliendelea kudai kuwa Nape aliomba kikao hicho kimpe majibu ya kutoa kwa waandishi wa habari ambao wamekuwa wakimwuliza kuhusu suala hilo ambalo alisema hakuwa na majibu.

    "Nimeambiwa UVCCM viongozi wa mikoa na baadhi ya wilaya wako hapa, mwenyekiti naomba nipate majibu nisaidiwe katika hili, kama ni Baraza Kuu linakutana nifahamu na kama kuna mkutano mwingine nijue pia, lakini hali hii inaniweka katika wakati mgumu mimi kama mwenezi," alinukuliwa Nape na chanzo chetu ndani ya CC.

    Maelezo hayo yalisababisha Benno kusimama kutoa utetezi ambao hata hivyo, haukusikilizwa na hapo wajumbe wawili, Mawaziri, William Lukuvi na Steven Wassira kila mmoja kwa wakati wake, aliushambulia umoja huo.

    Inadaiwa kuwa Rais Kikwete ndiye aliyegongelea msumari wa mwisho pale aliponukuliwa na mtoa taarifa wetu akisema: "Mnataka kututisha, msitutishe hata kidogo maana nasikia kwamba mnataka kwenda Chadema, nendeni hata kesho, au mnasubiri tuuvunje ndiyo muondoke!"

    Kadhalika Rais alinukuliwa akihoji vijana hao walikopata fedha zinazowawezesha kukaa hapa kwa muda wote huku akiwakumbusha kwamba CCM hakiwezi kuyumba ikiwa kitawatimua kwani kimewahi kufanya hivyo kwa viongozi wa ngazi za juu.

    Pamoja na hali hiyo, viongozi wengi wa UVCCM wa mikoa na wilaya mbalimbali nchini bado wapo Dodoma na baadhi yao walisema huenda wakatoa tamko baada ya kikao cha NEC kumalizika.


    SOURCE: Mwananchi
     
  2. K

    KIM KARDASH JF-Expert Member

    #2
    Nov 24, 2011
    Joined: Sep 21, 2011
    Messages: 5,073
    Likes Received: 16
    Trophy Points: 135
    Naona Kikwete kacharuka! Kweli hawa vijana ni mzigo tu, kwanza wanamuwakilisha kijana wa nchi gani hivi?
     
  3. Tony Almeda

    Tony Almeda JF-Expert Member

    #3
    Nov 24, 2011
    Joined: Sep 18, 2011
    Messages: 397
    Likes Received: 1
    Trophy Points: 0
    Hana lolote huyu rais mpayukaji, anapenda sifa tu kama anaona wanamakosa si wawaite ngazi za juu watoe maamuzi, Huyu hawezi na ccm itamfia mikononi mwake.
    Kama mwl, Nyerere aliweza kuongoza vikao vya kuwatimua Maalim seif Sharif Hamad, Hamad Rashid na wengineo nini huyu anatishiwa nyau na Benno Malisa na wenzake????
     
  4. FaizaFoxy

    FaizaFoxy JF-Expert Member

    #4
    Nov 24, 2011
    Joined: Apr 13, 2011
    Messages: 50,258
    Likes Received: 8,853
    Trophy Points: 280
    Nyie kina easy fit ndio muwe na mtoa taarifa? unazua mambo weye.
     
  5. Daudi Mchambuzi

    Daudi Mchambuzi JF-Expert Member

    #5
    Nov 24, 2011
    Joined: Nov 25, 2010
    Messages: 21,117
    Likes Received: 11,375
    Trophy Points: 280
    avoid the ignorant." (Qur'an 7:199)
     
  6. Feedback

    Feedback JF-Expert Member

    #6
    Nov 24, 2011
    Joined: Mar 14, 2011
    Messages: 7,901
    Likes Received: 239
    Trophy Points: 160
    Wameshindwa kuukata mbuyu wameanza kuchuma majani yake.
     
  7. UmkhontoweSizwe

    UmkhontoweSizwe JF-Expert Member

    #7
    Nov 24, 2011
    Joined: Dec 19, 2008
    Messages: 2,619
    Likes Received: 25
    Trophy Points: 145
    ​Hana lolote huyu, mbabaishaji tu.
     
  8. K

    KIM KARDASH JF-Expert Member

    #8
    Nov 24, 2011
    Joined: Sep 21, 2011
    Messages: 5,073
    Likes Received: 16
    Trophy Points: 135

    hii nimeipenda...
     
  9. K

    Kwame Nkrumah JF-Expert Member

    #9
    Nov 24, 2011
    Joined: Dec 2, 2008
    Messages: 884
    Likes Received: 1
    Trophy Points: 35
    Sijawahi kuona kiongozi wa JUU wa CCM aliyewahi kutimuliwa.
     
  10. K

    Kwame Nkrumah JF-Expert Member

    #10
    Nov 24, 2011
    Joined: Dec 2, 2008
    Messages: 884
    Likes Received: 1
    Trophy Points: 35
    Adhabu yao kubwa ni kuhamishiwa Mtwara.
     
  11. Feedback

    Feedback JF-Expert Member

    #11
    Nov 24, 2011
    Joined: Mar 14, 2011
    Messages: 7,901
    Likes Received: 239
    Trophy Points: 160
    Malimu Seif Sharif Hamad
     
  12. K

    KIM KARDASH JF-Expert Member

    #12
    Nov 24, 2011
    Joined: Sep 21, 2011
    Messages: 5,073
    Likes Received: 16
    Trophy Points: 135
    kumbe nape aliunguruma?????kweli huyu dogo nunda!hawa uvccm wamekuwa kero kubwa hapa nchini kwa kuhodhi uwakilishi as if wanawakilisha vijana wote hapa nchini,nape alifanya vizuri kuwachokonoa,wamezidi kiherehere,mkutano hauwahusu wamejazana dodoma,mikutano yao inawashinda kutwa vurugu!ccm bora wauvunjilie mbali huu umoja wa kijinga!
     
  13. m

    maliyamungu JF-Expert Member

    #13
    Nov 24, 2011
    Joined: Aug 14, 2011
    Messages: 445
    Likes Received: 1
    Trophy Points: 0
    Daaah!!! Raha juu ya raha mungu ckia kilio cha watanzania ni vema wagombane wapigane chini mambo yawe shwari kabisa tumechoka jamani.
     
  14. M

    Mabewa Senior Member

    #14
    Nov 24, 2011
    Joined: Oct 30, 2011
    Messages: 128
    Likes Received: 0
    Trophy Points: 0
    Taarifa hii naiamini mia kwa mia,ngoja tusubiri leo ndio mziki unakwisha matokeo lazima..si nimesikia kuna viongozi watajiudhuru kama magamba yakigoma kujiudhuru?
     
  15. ntamaholo

    ntamaholo JF-Expert Member

    #15
    Nov 24, 2011
    Joined: Aug 30, 2011
    Messages: 8,428
    Likes Received: 891
    Trophy Points: 280
    CCM ujinga mtupu
     
  16. ntamaholo

    ntamaholo JF-Expert Member

    #16
    Nov 24, 2011
    Joined: Aug 30, 2011
    Messages: 8,428
    Likes Received: 891
    Trophy Points: 280
    maliyamungu hujaielewa taarifa ya mwananchi? Mwenyekiti mwenyewe ni gamba, na tayari alishawatuliza magamba wenzie kuwa hakuna kitakachoharibika. Sasa wewe unashangilia nini hapo!!!!!!!!!
     
  17. Candid Scope

    Candid Scope JF-Expert Member

    #17
    Nov 24, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    [​IMG]

    Nani atamfunga paka kengele?
     
  18. Filipo

    Filipo JF-Expert Member

    #18
    Nov 24, 2011
    Joined: Jan 6, 2011
    Messages: 9,314
    Likes Received: 156
    Trophy Points: 160
    Kweli EL ni gamba gumu kama la kobe! Hata kumtoa sasa imekuwa longolongo! Sijui Nape ataficha wapi uso wake.

    Uvccm nayo kumbe imekuwa agenda!? Duh!

    Ushauri wangu kwa ccm ni kutazama mbali. Wanauchaguzi mkuu mwakani, na mwaka unaofuata kuna uchaguzi wa serikali za mitaa. Waharakishe kuvuana magamba na kuivunja uvccm ili wapambane na cdm wakiwa na swala moja tu la uchaguzi. Wakijichanganya tu, cdm wanaichukua nchi kiulaini kuliko wanavyodhani
     
  19. Duble Chris

    Duble Chris JF-Expert Member

    #19
    Nov 24, 2011
    Joined: May 28, 2011
    Messages: 3,488
    Likes Received: 3
    Trophy Points: 135
    sasa nimeamiani kweli WASSIRA choka mbaya kifikra

    Yeye ndiye aliye kaa na UVCCM na kuwashauri la kufanya leo tena anakuwa mstari wa mbele kuwa shambulia dah hii kali
     
  20. Filipo

    Filipo JF-Expert Member

    #20
    Nov 24, 2011
    Joined: Jan 6, 2011
    Messages: 9,314
    Likes Received: 156
    Trophy Points: 160
    Kweli EL ni gamba gumu kama la kobe! Hata kumtoa sasa imekuwa longolongo! Sijui Nape ataficha wapi uso wake.

    Uvccm nayo kumbe imekuwa agenda!? Duh!

    Ushauri wangu kwa ccm ni kutazama mbali. Wanauchaguzi mkuu mwakani, na mwaka unaofuata kuna uchaguzi wa serikali za mitaa. Waharakishe kuvuana magamba na kuivunja uvccm ili wapambane na cdm wakiwa na swala moja tu la uchaguzi. Wakijichanganya tu, cdm wanaichukua nchi kiulaini kuliko wanavyodhani
     
Loading...