Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kikwete avuruga vita vya mafisadi

Discussion in 'Jukwaa la Siasa' started by Candid Scope, May 11, 2011.

  1. Candid Scope

    Candid Scope JF-Expert Member

    #1
    May 11, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    RAIS Jakaya Kikwete, anaelezwa kukwamisha vita dhidi ya ufisadi ndani na nje ya chama chake, Chama cha Mapinduzi (CCM), baada ya kuamua kumteua mtuhumiwa wa kashfa ya Richomond, Bashir Mrindoko, kuwa Naibu Katibu Mkuu Wizara ya Maji. Tayari hatua hiyo imeanza kumgharimu kisiasa aliyekuwa Mwenyekiti wa Kamati Teule ya Bunge iliyochunguza kashfa hiyo, Dk. Harrisson Mwakyembe, ambaye pia ni Naibu Waziri wa Ujenzi.

    Duru za siasa kutoka ndani ya CCM, zinasema kuwa uteuzi wa Mrindoko umewashtua wengi na kuibua hoja endapo Rais Kikwete ana dhamira ya dhati kupambana na ufisadi nchini. “Ripoti ya kamati ya Mwakyembe ilitaka Mrindoko na wenzake wawajibishwe kwa ufisadi waliohusishwa nao katika zabuni ya Richmond, lakini badala ya kumuwajibisha, juzi Rais Kikwete amempa cheo cha kuwa Naibu Katibu Mkuu Wizara ya Maji. Unaweza kujiuliza, kweli Rais ana dhamira ya kupambana na ufisadi?” alihoji kada mmoja wa CCM.

    Kada mmoja ambaye aliomba jina lake lihifadhiwe, alihoji uhalali wa CCM kutaka kuwatimua kwenye chama wabunge wake Edward Lowassa, Rostam Aziz na Andrew Chenge kwa tuhuma za ufisadi wakati Rais, ambaye pia ni mwenyekiti wa chama hicho taifa, anamfumbia macho Mrindoko. “Mimi simtetei Lowassa na wenzake, lakini katika hali ya kawaida, kama ndani ya chama Rais anaongoza vikao kuwafukuza ‘Mapacha Watatu’ kwa tuhuma za ufisadi, kwa nini mtuhumiwa mwingine wa ufisadi (Mrindoko) aliyependekezwa awajibishwe anapewa cheo kingine?” alihoji kada huyo. “Mtuhumiwa wa ufisadi aliyepaswa kuchukuliwa hatua za kinidhamu na za kisheria leo amepewa cheo kipya cha kuwa Naibu Katibu Mkuu Wizara ya Maji. Ni rahisi kwa ngamia kuingia kwenye tundu la sindano kuliko CCM kuachana na mafisadi,” alisema.

    Kada huyo ambaye pia ni mjumbe wa Halmashauri Kuu ya CCM (NEC), alimlaumu Rais Kikwete kuwa anavuruga vita dhidi ya ufisadi kwa kushindwa kuchukua maamuzi magumu ya kuwatosa watuhumiwa wa ufisadi. Alisema uteuzi huo unazidi kulipa taifa ushahidi jinsi Rais Kikwete na chama chake wanavyoendelea kukumbatia ufisadi licha ya kujidai kujivua gamba hivi karibuni.

    Katika mapendekezo yake, Kamati ya Mwakyembe ilimtaja Mrindoko na wenzake kuwa walihusika katika kuibeba kampuni ya Richamond na kuipa kazi ya kufua umeme wa dharura wakati haikustahili. Wengine waliotakiwa kuwajibishwa kwa kuliingiza taifa kwa makusudi kwenye kashfa ya Richmond na kusababisha hasara kubwa ni pamoja na Waziri wa Nishati na Madini wakati huo, Dk. Ibrahim Msabaha; aliyekuwa Katibu Mkuu Wizara ya Nishati na Madini, Arthur Mwakapugi; na Bashir Mrindoko. Watendaji hao walidaiwa kushindwa kumshauri Katibu Mkuu mpya wa Wizara ya Nishati na Madini kuhusu udhaifu wa Richmond Development Company LLC ambao ulijulikana dhahiri toka mwaka 2004 kwenye Mkataba wa Bomba la Mafuta.

    Mrindoko ndiye aliyeiandikia barua kampuni ya Richmond kusitisha mkataba wake na serikali mwezi mmoja tu kabla ya mchakato wa zabuni ya umeme wa dharura haujaanza. Kwa upande wa aliyekuwa Waziri Mkuu, Lowassa, Kamati ya Mwakyembe ilipendekeza kuwa kwa kuzingatia umuhimu wa nafasi aliyonayo katika uendeshaji wa shughuli za serikali na uongozi wa nchi kwa ujumla, ni wajibu wake mwenyewe kupima uzito wa matokeo ya uchunguzi huu na wajibu wake kikatiba ndani na nje ya Bunge. Vile vile ilisema ni wajibu wa Bunge ambalo linathibitisha uteuzi wake kwa mujibu wa Ibara ya 51 103 inayothibitisha uteuzi wake.

    Hivi karibuni Chama cha Demokrasia na Maendeleo (CHADEMA), kimemtaka Dk. Mwakyembe ajiuzulu serikalini, kwani kuteuliwa kwa Mrindoko kuwa Naibu Katibu Mkuu Wizara ya Maji ni kinyume na ripoti ya kamati yake aliyoiongoza. Katika hatua nyingine, CCM inakusudia kutumia mikanda ya video kuwaonyesha wajumbe wa Halmashauri Kuu (NEC) na Kamati Kuu (CC) wanaopinga kwamba hakukuwa na majina ya wabunge watatu waliotajwa kuhusishwa na ufisadi na kutakiwa kujiuzulu. Wabunge wanaodaiwa kutajwa kuhusika na ufisadi na kutakiwa kujiuzulu ni pamoja na Waziri Mkuu Mstaafu, Edward Lowassa (Monduli), Rostam Aziz (Igunga) na Andrew Chenge (Bariadi Magharibi).

    Habari ambazo Tanzania Daima Jumatano imezipata, zilisema kuwa chama hicho kinakusudia kuonyesha mikanda hiyo ya video ili kubaini ukweli wa suala hilo. Hadi sasa suala la wabunge hao kutakiwa kujiondoa au kutimuliwa kwenye chama, limeigawa CCM katika makundi mawili makubwa.

    Kundi moja linadai kuwa suala la makada hao maarufu kama Mapacha Watatu, lilijadiliwa na kufikia maamuzi ya kuwataka wapime uzito na kuchukua hatua au watimuliwe wakati kundi lingine likipinga kwamba vikao vya CCM vilivyomalizika hivi karibuni mjini Dodoma, havikupitisha uamuzi huo wala kutaja majina yao. Mmoja wa makada wa CCM ambaye aliomba jina lake lihifadhiwe, aliliambia gazeti hili kwamba mikanda hiyo itaonyeshwa katika kikao kijacho cha NEC kabla ya wajumbe kujadili yatokanayo na kikao kilichopita. “Hakuna ubishi kwamba suala la ufisadi na maamuzi ya NEC iliyopita, limekigawa chama. Wapo wanaopinga akiwemo Katibu Mkuu mpya, Willson Mukama, kwamba hakuna majina yaliyotajwa, huku kundi lingine likisema majina ya kina Lowassa, Chenge na Rostam yalitajwa. Ili kukata mzizi wa fitna, tutalazimika kuangalia mkanda mzima uliorekodiwa kwenye vikao hivyo,” alisema kada huyo.

    Alipoulizwa na gazeti hili kuhusu sakata hilo, Katibu wa Itikadi na Uenezi, Nape Nnauye, alisema kwa kawaida vikao vya CC na NEC hurekodiwa kwa sababu za kichama. “Mimi naamini hatuna sababu ya kufikia kuonyesha mikanda ya vikao vilivyopita kwa sababu rekodi zipo. Ila ni kweli kwamba vikao hivyo huwa vinarekodiwa kwa sababu ya kuweka kumbukumbu za chama,” alisema Nape. Alisisitiza kuwa maazimio ya NEC ni kuhakikisha watuhumiwa wa ufisadi wanatoka ndani ya chama na hilo lilisitizwa pia na Rais Kikwete wakati wa hotuba yake ya kufunga kikao cha NEC.

    Tangu kumalizika kwa vikao hivyo, sekretarieti mpya wakiongozwa na Naibu Katibu Mkuu, Kapteni John Chiligati, na Katibu wa Itikadi na Uenezi, Nape Nauye, katika mikutano yao ya kujitambulisha, wamekuwa wakidai kuwa NEC imepitisha uamuzi wa kuwatimua makada hao. Wanasema kwa nyakati tofauti kuwa makada hao wamepewa siku hadi kikao kijacho wawe wamejiengua vinginevyo watatimuliwa na chama. Hata hivyo hivi karibuni Katibu Mkuu, Mukama katika mkutano wake na wahariri wa vyombo vya habari alisema kuwa katika maamuzi ya NEC, hakuna majina yaliyotajwa.

    Tanzania Daima
     
  2. Candid Scope

    Candid Scope JF-Expert Member

    #2
    May 11, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    Alihamasisha kujivua magamba lakini kwa mlango wa nyuma anayarudia magamba aliyoyavua, sawa na mbwa kurudia matapishi yake
     
  3. boma2000

    boma2000 JF-Expert Member

    #3
    May 11, 2011
    Joined: Oct 18, 2009
    Messages: 2,966
    Likes Received: 22
    Trophy Points: 135
    Mimi bado naamini kwa asilimia 101 kuwa Kujivua gamba ni maneno tu ya kisiasa ambayo yametafitiwa ili kulaghai wananchi lakini ukweli uko wazi, mkuu wa kaya ndiye tatizo na hana uwezo wa aina yoyote kufanya mabadiliko katika kusafisha chama na kuendeleza nchi yetu hii tunayoipenda
     
  4. LINCOLINMTZA

    LINCOLINMTZA JF-Expert Member

    #4
    May 11, 2011
    Joined: Mar 15, 2011
    Messages: 1,640
    Likes Received: 2
    Trophy Points: 0
    Kila kunapotokea uteuzi wa viongozi ndani ya Chama ndipo wanaonyesha msimamo wa chama. Angalia kuanzia spika na kuendelea. Kweli sikio la kufa halisikii hata kikombe cha babu.
     
  5. Katavi

    Katavi Platinum Member

    #5
    May 11, 2011
    Joined: Aug 31, 2009
    Messages: 37,621
    Likes Received: 2,805
    Trophy Points: 280
    Hana dhamira ya dhati kupambana na mafisadi na ufisadi
     
  6. Wizzo

    Wizzo JF-Expert Member

    #6
    May 11, 2011
    Joined: Nov 28, 2010
    Messages: 644
    Likes Received: 19
    Trophy Points: 35
    kushney
     
  7. Njowepo

    Njowepo JF-Expert Member

    #7
    May 11, 2011
    Joined: Feb 26, 2008
    Messages: 9,171
    Likes Received: 292
    Trophy Points: 180
    <br />
    <br />
    ccm wana sound za apa na pale unajua ata iyo kujivua gamba wanataka kutupotezea tuu!
     
  8. Makene

    Makene JF-Expert Member

    #8
    May 11, 2011
    Joined: Nov 1, 2010
    Messages: 1,476
    Likes Received: 3
    Trophy Points: 135
    Wajinga Ndio waliuawa
     
  9. p

    punainen-red JF-Expert Member

    #9
    May 11, 2011
    Joined: Nov 18, 2010
    Messages: 1,735
    Likes Received: 4
    Trophy Points: 0
    Arrrrrgggg! Hivi kuna Mtanganyika mwenye akili timamu anayeamini kuwa m-kwere siyo fisadi????
     
  10. Kiby

    Kiby JF-Expert Member

    #10
    May 11, 2011
    Joined: Nov 16, 2009
    Messages: 4,530
    Likes Received: 305
    Trophy Points: 180
    Mtu mwovu hawezi pata ujasiri hata mara moja kuukemea uovu kwa dhati.
    Kama mnakumbuka maazimiyo 23 kuhusu Richmond yaliyotolewa na bunge kushughulikiwa, taasisi zote husika ziliwashughulikia watu wake isipokuwa rais tu ndie aliyekuwa na kigugumizi kushughulikia yaliyomhusu yeye kama rais. Na toka wakati huo rais kushindwa kutekeleza wajibu wake taifa limeshuhudia malumbano yasiyoisha ndani ya serikali na chama gamba.
    .
     
  11. Titans

    Titans JF-Expert Member

    #11
    May 11, 2011
    Joined: Dec 31, 2010
    Messages: 602
    Likes Received: 271
    Trophy Points: 80
    give me the long range rifle....
     
  12. K

    Kichakoro JF-Expert Member

    #12
    May 11, 2011
    Joined: Sep 10, 2008
    Messages: 1,019
    Likes Received: 403
    Trophy Points: 180
    Hivi Bashir ni mkristu ...... sio kwamba mi mdini ila nilikua nataka kujua tu
     
  13. Sijali

    Sijali JF-Expert Member

    #13
    May 11, 2011
    Joined: Sep 30, 2010
    Messages: 1,963
    Likes Received: 325
    Trophy Points: 180
    Huyu anaitakia Tanzania nini? Sidhani mtu mwenye uzalendo na nia njema ya nchi yake ataweka maslahi yake ya usahiba juu ya manufaa ya nchi. Huyu ataka kuzua balaa.
    Tanzania hivi sasa ni muflis, na huyu jamaa hata hajali hilo!
    Ni afadhali madola yote wahisani wazuie misaada yote ya kifedha kwa serikali ya mtu huyu.
     
  14. t

    timbilimu JF-Expert Member

    #14
    May 12, 2011
    Joined: Sep 2, 2010
    Messages: 4,661
    Likes Received: 49
    Trophy Points: 145
    Ni kweli mkuu wa kaya ni tatizo,lkn hata hao wana CCM wanaomlaumu,hawana uwezo wa kuisafisha CCM! Hilo lichama limeanza kuumwa siku nyingi,bahati yake mbaya linataka mfia yeye! Mimi nkisikia watu wa nje ya CCM wanaponda uongozi wake nawaelewa,lakini inapokua wanaomlaumu ni wana CCM wenzake na hasa viongozi wakuu wastaafu sielewi wanalalamikia kitu gani! Ni wao walioshindwa tengeneza misingi ya kidemokrasia chama chao kisivamiwe na wakora na wababaishaji. Wengi wa hawa wanaotuhumiwa wakati Jk anaingia madarakani amewakuta tayari ni viongozi. Kwa hiyo wasubiri wazame wote,wasijidai eti wao ni wasafi. Wanatetea matumbo yao wala siyo wananchi wa Tanzania!
     
  15. Candid Scope

    Candid Scope JF-Expert Member

    #15
    May 12, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    Kabla yake mambo yalikuwa nafuu. Kumbuka kipindi cha utawala wa Mkapa Kikwete ndiye aliyeanza mtandao wa kupenya kushika hatamu za nchi, na hivyo ili aweze kumudu vizuri mtandao wake alihitaji kuwahusisha matajiri wampe mbinu za kuvuja pesa za walipa kodi, na hakujua kwamba kuna siku mambo yatawekwa hadharani. Washiriki wake hana budi kuwapa madaraka vinginevyo wasijevujisha zaidi yaliyojilia.

    Sasa mmeshuhudia wanavyocheza usanii wao walipokuja na speed ya kuwapa barua za kujiengua waliowaita waliosababisha chama kudhoofika, leo wamegeuza upande wa pili wa kibao kwamba katika kiko cha Dodoma hawakuazimia hivyo, sasa wimbo waliokuwa wanaimba mwezi mzima kuhusu kuwashughulikia mafisadi. Kwa maneno mengine CCM inawachezea akili watanzania.
     
  16. UmkhontoweSizwe

    UmkhontoweSizwe JF-Expert Member

    #16
    May 12, 2011
    Joined: Dec 19, 2008
    Messages: 2,619
    Likes Received: 25
    Trophy Points: 145
    Agriiiiiiiii! Nani yuko hapo Awuleth' Umshini Wami?? Maana hawa mafisadi bila huo tutavuna mabua tu.
     
  17. t

    timbilimu JF-Expert Member

    #17
    May 13, 2011
    Joined: Sep 2, 2010
    Messages: 4,661
    Likes Received: 49
    Trophy Points: 145
    mkuu nakuelewa. na ni kweli Jk na washirika wake wanao mchango mkubwa ambao umeifikisha CCM ktk hali iliyonayo sasa. lkn mimi sikubaliani na mtazamo kwamba kundi linalopinga mafisadi ndani ya CCM ni viongozi wanaoipenda Tz na wananchi wake. hata wao hawana jipya! huwezi wasikia wakikemea vitendo vya uchakachuaji ama wizi wa kura unaofanywa na chama chao. wanachotaka ni kukaa madarakani kwa njia yoyote! so kwangu mimi hii inaitwa kujivua magamba ni vita ya makundi ndani ya CCM kugombea madaraka 2015 ambayo kwa chama yao itaanza mwakani kwa uchaguzi ndani ya CCM
     
  18. f

    frankkarashani Member

    #18
    May 13, 2011
    Joined: Oct 5, 2010
    Messages: 20
    Likes Received: 0
    Trophy Points: 0
    Ha ha haaaa! Yaonesha JMKK ni mgumu kuelewa na mwepesi kusahau!!
     
  19. c

    chama JF-Expert Member

    #19
    May 13, 2011
    Joined: Aug 6, 2010
    Messages: 8,006
    Likes Received: 8
    Trophy Points: 0
    Mh. Raisi hawezi kuongoza vita dhidi ya ufisadi wakati yeye mwenyewe ni mhusika wa kashfa zote, inachefua pale anapojifanya hajui nini kinachoendelea, swala la kumteua Bashiri Mrindoko kuwa katibu mkuu wa wizara ya maji ni tu ya uthibitisho huo. Mh.Raisi anapaswa kuweka utaifa mbele kama ameshindwa na kazi na ajiuzulu badala ya kuendelea kulivuruga taifa letu.

    Chama
    Gongo la Mboto DSM
     
  20. The Son of Man

    The Son of Man JF-Expert Member

    #20
    May 13, 2011
    Joined: Feb 9, 2010
    Messages: 10,952
    Likes Received: 357
    Trophy Points: 180
    CCM hawawezi kupamba na na ufisadi mazee, hawa jamaa ndivyo walivyo. Hakuna mkakati mahususi wa kupambana na ufisadi!
     
Loading...