Kikwete ateua Makatibu Tawala wapya saba

Mpita Njia

JF-Expert Member
Mar 3, 2008
6,997
1,163
UNITED REPUBLIC OF TANZANIA
DIRECTORATE OF PRESIDENTIAL COMMUNICATIONS
Telephone: 255-22-2114512, 2116898
E-mail: ikulumawasiliano@yahoo.com
press@ikulu.go.tz
Fax: 255-22-2113425



PRESIDENT'S OFFICE,
THE STATE HOUSE,
P.O. BOX 9120,
DAR ES SALAAM.
Tanzania.


TAARIFA KWA VYOMBO VYA HABARI: UTEUZI
NA UHAMISHO WA MAKATIBU TAWALA WA MIKOA _________________________
Rais wa Jamhuri ya Muungano wa Tanzania, Mheshimiwa Jakaya Mrisho Kikwete, leo, Jumatano, Machi 21, 2012 ameteua Makatibu Tawala wa Mikoa saba na kufanya uhamisho wa wengine watatu.Ifuatayo chini ni taarifa kamili iliyotolewa na Katibu Mkuu Kiongozi, Balozi Ombeni Y. Sefue ikitangaza uteuzi huo:-

A: MAKATIBU TAWALA WA MIKOA

(i)
Dkt. Faisal Hassan Haji ISSA, ameteuliwa kuwa Katibu Tawala wa Mkoa wa KILIMANJARO. Kabla ya hapo Dkt. Faisal alikuwa Mkurugenzi wa Maendeleo ya Rasilimali Watu, Ofisi ya Rais, Menejimenti ya Utumishi wa Umma.

(ii)
Bibi Mariam Amri MTUNGUJA, ameteuliwa kuwa Katibu Tawala wa Mkoa wa MBEYA. Kabla ya hapo Bibi Mtunguja alikuwa Mkurugenzi Mtendaji wa Halmashauri ya Wilaya ya Nachingwea.

(iii)
Bwana Eliya Mtinangi NTANDU, ameteuliwa kuwa Katibu Tawala wa Mkoa wa MOROGORO. Kabla ya hapo Bwana Ntandu alikuwaKatibu Tawala Msaidizi, Ofisi ya Mkuu wa Mkoa, Dar es Salaam.

(iv) Bwana Severine Bimbona Marco KAHITWA, ameteuliwa kuwa Katibu Tawala wa Mkoa wa GEITA. Kabla ya hapo Bwana Kahitwa alikuwa Mkurugenzi Msaidizi, Idara ya Uchambuzi wa Sera, Ofisi ya Waziri Mkuu, Tawala za Mikoa na Serikali za Mitaa, Dodoma.

(v) Eng. Emmanuel N.M. KALOBELO, ameteuliwa kuwa Katibu Tawala wa Mkoa wa KATAVI. Kabla ya hapo Eng. Kalobelo alikuwa Mkurugenzi Mtendaji wa Halmasharui ya Wilaya ya Mpanda Mkoa wa Katavi.

(vi) Bwana Hassan Mpapi BENDEYEKO, ameteuliwa kuwa Katibu Tawala wa Mkoa wa RUVUMA. Kabla ya hapo Bwana Bendeyeko alikuwa Kaimu Katibu Tawala wa Mkoa wa Kilimanjaro.

(vii) Dkt. Anselem Herbert Shauri TARIMO, ameteuliwa kuwa Katibu Tawala wa Mkoa wa SHINYANGA. Kabla ya hapo Dkt. Tarimo alikuwa Kaimu Katibu Tawala wa Mkoa wa Ruvuma.Uteuzi huu unaanzia tarehe 21 Machi, 2012. Wataapishwa Ikulu, Jumamosi tarehe 24 Machi, 2012 saa nne asubuhi.
B: UHAMISHO

(i) Bibi Mgeni BARUANI – Katibu Tawala wa Mkoa wa Morogoro anahamishiwa Mkoa wa NJOMBE.

(ii) Bibi Mwamvua A. JILUMBI – Katibu Tawala wa Mkoa wa Shinyanga anahamishiwa Mkoa wa SIMIYU.

(iii) Bibi Bertha O. SWAI, Katibu Tawala wa Mkoa wa Mbeya anahamishiwa Mkoa wa PWANI.
Balozi Ombeni Y. Sefue
KATIBU MKUU KIONGOZI

IKULU,
DAR ES SALAM.

21 Machi, 2012
 
Hao watendaji wanamsaidia rais utendaji kazi? Au nikifuta jasho kwa kukosa tucheo flani?
 
Hata Hajua Qualification Zao; Mkoa wa Katavi Sasa Katibu ni Eng. na Mkuu wa Mkoa Eng.

Nilidhani tuna upungufu wa Eng. nchini
 
Hoyo ni mikoa mipya Mkuu, imetangazwa hivi majuzi kwenye gazeti la serikali
Hii serikali sijawahi kuona upuuzi wa namna hii.........

Mkoa wa Katavi una miwala mbili!!!......hii ni akili au dafu!!!
 
Hii serikali sijawahi kuona upuuzi wa namna hii.........

Mkoa wa Katavi una miwala mbili!!!......hii ni akili au dafu!!!


Mkuu ni wilaya sio miwala
Hiyo ni kumfurahisha PM anayetokea huko bana
Si unaona mpaka uwanja wa ndege umejengwa kule mkulu akienda asichafuke vumbi
Vipaumbele vya bongo ni kupeana ulaji tuu sio maendeleo
 
Hii serikali sijawahi kuona upuuzi wa namna hii.........

Mkoa wa Katavi una miwala mbili!!!......hii ni akili au dafu!!!

miwala mbili ndo nini?au una maanisha wilaya? khaa watu kweli mna hasira mpaka mnakosea kuandika kudadadekii
 
Du!
Anateua tu, hafuatilii wanachofanya!
alafu piga na gharama za kuwaweka hawa makatibu tawala huko kwenye vituo vya kazi, je wanafanya kazi gani pamoja na wakuu wa mikoa!?

Jamani wakuu, ni muda wa kutoa sauti zetu ili katika mchakato huu wa katiba mpya wakuu wa mikoa waondolewe na hata ikiwezekana vyeo vingine visivyo na tija kwa nchi hii vifutwe.

Kodi za Watanzanzania masikini haziwezi na sio busara kutumika kulipia fadhila kwa baadhi ya wapuuzi wachache

 
..Katika kazi ambazo Rais Kikwete anapenda kuzifanya ni hii ya Uteuzi, Sasa subirini Uteuzi wa Wakuu wa Wilaya Soon.
 
0 Reactions
Reply
Back
Top Bottom