Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kikwete aambiwa abebe mizigo yake!

Discussion in 'Jukwaa la Siasa' started by Japhari Shabani (RIP), Aug 22, 2011.

  1. Japhari Shabani (RIP)

    Japhari Shabani (RIP) R I P

    #1
    Aug 22, 2011
    Joined: Jan 16, 2007
    Messages: 721
    Likes Received: 6
    Trophy Points: 0
    • WABUNGE WADAI MSEKWA NI GAMBA JINGINE CCM

    na Salehe Mohamed, Dodoma

    MAKADA na wabunge kadhaa wa Chama Cha Mapinduzi (CCM) wanatilia shaka uwezo na dhamira za baadhi ya mawaziri katika Serikali ya Rais Jakaya Kikwete, na sasa wamemtaka awaondoe kama anataka kunusuru chama na serikali yake.

    Wanasema Rais Kikwete asipofanya mabadiliko sasa, hataungwa mkono na wananchi, wakiwamo baadhi ya wana CCM wenye nguvu na ushawishi wanaoitakia mema nchi hii.

    Makada hao wanakiri kwamba serikali imepoteza heshima mbele ya jamii kutokana na kukithiri kwa vitendo vya rushwa, matumizi mabaya ya madaraka na kukosa uamuzi mgumu kwenye ufumbuzi wa matatizo ya wananchi, likiwamo tatizo la mgawo wa umeme.

    Wanadai sasa hivi Bunge ndilo limebaki kuwa mkombozi wao maana linajadili yale yaliyoishinda serikali, na hata kuiagiza ifanye na kurekebisha makosa ya wazi.

    Na baada ya wabunge wa CCM kuona serikali imelala usingizi, na chama kinachoongozwa na mwenyekiti ambaye ndiye rais, kinashabikia udhaifu a serikali, wameshtuka na kuanza kuishambulia serikali, hasa baada ya kuona wabunge wa upinzani wanatoa hoja zinazogusa maisha ya wananchi wa kawaida.

    Miongoni mwa wabunge ambao wameamua kuungana na wapinzani katika kutetea masilahi ya wananchi ni Deo Filikunjombe (Ludewa), Beatrice Shelukindo (Kilindi), Christopher ole Sendeka (Simanjiro), Dk. Khamis Kigwangalah (Nzega) na Kaika Telele (Ngorongoro).

    Wabunge hawa, kwa nyakati tofauti, wamewashambulia viongozi wao kwa kushindwa kuwajibika ipasavyo na hivyo kusababisha matatizo kwa wananchi.

    Hata hivyo, duru za siasa zinadai kwamba inawezekana mashambulizi ya wabunge hawa wa CCM ni kiinimacho cha kudhoofisha nguvu ya wapinzani, kama ilivyokuwa kwa waliojiita wapambanaji wa ufisadi, ambao miaka miwili kabla ya uchaguzi mkuu uliopita walitumika kupoka ajenda ya ufisadi kutoka kwa wapinzani, hasa Chama cha Demokrasia na Maendeleo (CHADEMA) ili CCM iweze kuaminiwa tena na umma.

    Telele na Sendeka walimshambulia Makamu Mwenyekiti wa CCM, Pius Msekwa, kwa kutoa vibali vya ujenzi wa hoteli yenye hadhi ya nyota tano katika hifadhi ya Bonde la Ngorongoro ambalo haliruhusiwi kwa shughuli za kibinadamu.

    Shelukindo naye alimshambulia Waziri wa Maliasili na Utalii kwa kumteua Kaimu Mwenyekiti wa UVCCM, Benno Malisa, katika kamati ya kusimamia ugawaji wa vitalu vya uwindaji wakati hana sifa zinazostahili.

    Mbunge huyo pia katika vikao vya wabunge wa chama hicho, alimshambulia Katibu Mkuu Kiongozi, Philemon Luhanjo, kwa kufanya ukabila kwenye Idara ya Wanyamapori.

    Mashambulizi ya wabunge hawa yameonekana kuwashtua baadhi ya viongozi wa chama hicho ambao mara kadhaa wamekuwa wakilinda udhaifu wa watendaji wa chama na serikali kwa lengo la kuogopa kuharibu taswira ya chama.

    Kutajwa kwa Msekwa katika uuzaji wa maeneo akitumia jina la Rais Jakaya Kikwete kumezua maswali miongoni mwa makada wa chama hicho juu ya uhalali wa dhana ya kujivua gamba inayopigiwa chapuo hivi sasa.

    Hoja inayojengwa na makada hao ni kuwa kama Msekwa anashiriki katika vitendo vya ufisadi atakuwa na mamlaka gani ya kuwahoji makada wanaotuhumiwa kujihusisha na vitendo hivyo?

    Hata hivyo, baadhi ya wabunge waliozungumza na gazeti hili wameweka wazi kuwa kulinda maovu hayo ni kukiua chama chao na wabunge wake ambao hivi sasa wameamua kutetea masilahi ya majimbo yao bila woga.

    Baadhi yao wamebainisha kuwa kama serikali itashindwa kuwasikiliza, wao wataachana nayo, na wataendelea kutetea majimbo yao.

    "Hivi sasa kilichopo ni kutetea wananchi wetu kwenye majimbo tuliyotokea, tukifanya mchezo wananchi watapoteza imani kwetu kama walivyofanya kwenye chama," alisema mbunge mmoja kwa sharti la kutotajwa jina.

    Wachambuzi wa masuala ya siasa wanabainisha kuwa miongoni mwa mambo yanayoifanya CCM kupoteza mvuto kwa jamii ni kupanda kwa mafuta, tuhuma za ufisadi, maisha magumu na mgawo wa umeme.

    Mmoja wa viongozi serikalini amelidokeza Tanzania Daima Jumapili kuwa baadhi ya mawaziri wanashindwa kuwajibika kikamilifu kiasi cha kushindwa kuwawajibisha watendaji wasiotekeleza majukumu yao.

    "Tunaisubiri NEC (Halmashauri Kuu ya CCM) itakayokutana mwezi ujao kama itafanya maamuzi ya kukinusuru chama chetu. Isiporekebisha mambo hali itakuwa mbaya zaidi. Si umeona bungeni mambo yanavyotuwia magumu?" alisema.

    Kada mmoja wa siku nyingi kutoka Kanda ya Ziwa alisema, "Kama rais hataki kutuondolea hii mizigo yake, tunaweza kumlazimisha na yeye akafunga virago akaondoka nayo."

    Alidai kwamba ingawa JK katika siku za hivi karibuni ameleta dhana ya kujivua gamba kama njia ya kukihalalisha chama mbele ya umma, kitendo cha rais kushindwa kuchukua hatua mapema dhidi ya wale anaowadhania kuwa ni magamba kimemfanya aonekane kiongozi dhaifu.

    Alisema hata utekelezaji wa dhana hiyo ukifanyika vibaya unaweza kumdhuru rais mwenyewe kwa sababu amewapa watu wengi muda wa kufanya tafakuri ya kutosha, na wamegundua kwamba magamba ndani ya CCM ni zaidi ya hao ambao wamekuwa wakitajwa.

    Alienda mbali hata kudai kwamba uchambuzi wa kina ukifanywa, hata mwenyekiti mwenyewe anaweza kujikuta ni gamba ndani ya chama, jambo ambalo litakiletea chama madhara makubwa kuliko ilivyodhaniwa.

    Alisema wabunge wameshtuka kwa sababu wamegundua rais anawatumia kujiimarisha kisiasa wakati akijua yeye anastaafu miaka minne ijayo, na baadhi yao watakuwa bado wanahitaji kujijenga kisiasa kwa malengo ya siku zijazo.


    "Kwa sababu hiyo, tutafika mahali tutampuuza kwa masilahi ya watu wetu, chama chetu na nchi yetu. Haaminiki tena, maana kama ameweza kuchonganishwa na watu waliomtafutia urais, itakuwaje sisi tusio karibu naye?"


    Source: Tanzania Daima
     
  2. mKaLI_mOkO

    mKaLI_mOkO Member

    #2
    Aug 22, 2011
    Joined: Aug 6, 2011
    Messages: 25
    Likes Received: 0
    Trophy Points: 3
    JK mwenyewe ni gamba kama ana uzalendo wa kweli ajivue.....hata mwaka hajafikisha awamu hii nchi ishamshinda hii.
     
  3. Felixonfellix

    Felixonfellix JF-Expert Member

    #3
    Aug 22, 2011
    Joined: Feb 16, 2010
    Messages: 1,682
    Likes Received: 3
    Trophy Points: 135
    Mhhhhhh
     
  4. Kachanchabuseta

    Kachanchabuseta JF-Expert Member

    #4
    Aug 22, 2011
    Joined: Mar 8, 2010
    Messages: 7,290
    Likes Received: 3
    Trophy Points: 135
    Crap ze crap ze upupu
     
  5. Edson

    Edson JF-Expert Member

    #5
    Aug 22, 2011
    Joined: Mar 7, 2009
    Messages: 9,052
    Likes Received: 479
    Trophy Points: 180
    tatizo liko kwa mwenyekit wa chama na ambaye anajiita Raisi huyu ndo kikwazo anapaswa kuondolewa
     
  6. Rejao

    Rejao JF-Expert Member

    #6
    Aug 22, 2011
    Joined: May 4, 2010
    Messages: 9,223
    Likes Received: 146
    Trophy Points: 160
    Kama ulishindwa kumuondoa kwa kura 2010, sasa hivi utamuondoa kwa vigezo gani?
     
  7. HT

    HT JF-Expert Member

    #7
    Aug 22, 2011
    Joined: Jul 29, 2011
    Messages: 1,899
    Likes Received: 3
    Trophy Points: 0
    which serikali are they talking about!? Do we have any govt? Where is it?
     
  8. M

    Mwanaweja JF-Expert Member

    #8
    Aug 22, 2011
    Joined: Feb 8, 2011
    Messages: 3,577
    Likes Received: 4
    Trophy Points: 135
    msema kweli sikuzote huonekana mtu mbaya sana lakini huu ndio ukweli wala hakuna mjandala tuangalie mbele natuone nini kilicho kifikisha ccm hapo na kinaelekea wapi? naamini kama ccm wasipolrekebika huu kweli ni mwisho na hiyo mizingo ndio itadondoka nayo na kuelekea shimo amabako kamwe hawatatoka
     
  9. MtamaMchungu

    MtamaMchungu JF-Expert Member

    #9
    Aug 22, 2011
    Joined: Apr 10, 2011
    Messages: 3,360
    Likes Received: 152
    Trophy Points: 160
    He has nothing significant to lose, kapata 2nd term yake sasa hivi anaimalizia japo kwa kelele nyingi. Tatizo litakuwa kwa hao atakaowaachia chama dhaifu kisichoisha visasi.
     
  10. Shine

    Shine JF-Expert Member

    #10
    Aug 22, 2011
    Joined: Feb 5, 2011
    Messages: 11,516
    Likes Received: 8
    Trophy Points: 0
    Dhana ya gamba si alitaka kuitumia ili ajisafishe na kukisafisha chama angali akijua yeye mwenye ni miongoni acha nae aone utamu wa gamba
     
  11. President Elect

    President Elect JF-Expert Member

    #11
    Aug 22, 2011
    Joined: Aug 9, 2011
    Messages: 693
    Likes Received: 5
    Trophy Points: 35
    Mh. Rais JK, yuko mbali sana na wananchi wake. Ni jambo jema kwa makada wa CCM kumshauri mwenyekiti wao na kumsogeza karibu na wananchi.

    Wana-CCM wakimwachia JK alizamishe jahazi lao, na wao watazama naye!
     
  12. Sajenti

    Sajenti JF-Expert Member

    #12
    Aug 22, 2011
    Joined: Apr 24, 2008
    Messages: 3,677
    Likes Received: 11
    Trophy Points: 0
    ....Marehemu Horace Kolimba aliwaambia chama kimepoteza muelekeo wakamuona majinuuuuni. Nadhani alishaona uozo mapema na sasa serikali nayo chali....Hasara tupu!!
     
  13. Daffi

    Daffi JF-Expert Member

    #13
    Aug 22, 2011
    Joined: Jun 25, 2011
    Messages: 3,729
    Likes Received: 119
    Trophy Points: 160
    Mama wa magamba atawezaje wavua watoto wake magamba!!!gamba ni gamba!ukitaka kuvua magamba anza na gamba kubwa ndo umalizie na madogo!damn ccm
     
  14. RealMan

    RealMan JF-Expert Member

    #14
    Aug 22, 2011
    Joined: Nov 9, 2010
    Messages: 2,314
    Likes Received: 90
    Trophy Points: 145
    Mgogoro uko hapo kwenye red.

    Watamshauri nini ambacho hajawahi kushauriwa..?

    Kwani wahenga waliposema "sikio la kufa.........." walimaanisha nini?
     
  15. olele

    olele JF-Expert Member

    #15
    Aug 22, 2011
    Joined: Dec 2, 2010
    Messages: 688
    Likes Received: 163
    Trophy Points: 60
    Source: Tanzania Daima
    source hiyo inaandika habari za upande mmoja, siwezi comment
     
  16. Rutashubanyuma

    Rutashubanyuma JF-Expert Member

    #16
    Aug 22, 2011
    Joined: Sep 24, 2010
    Messages: 61,370
    Likes Received: 490
    Trophy Points: 180
    mimi mpaka kesho ninashangaa ya kuwa tulipigwa changa la moto kuwa kamati kuu ni gamba na ndiyo maana ikajiuzulu sasa yawaje JK, Msekwa, Meghji, na wengineo wengi kutoka Zanzibar na akina Makinda wao waonekane siyo gamba? Wababe hawa wao wanaendelea kutesa tu..................ukishangaa la musa utaona la firauni............lol

    Hili zoezi la kujivua gamba laoneka ni la kiubaguzi lazima Mwenyekiti abebe msalaba wake kwa kushindwa kuliongoza hili taifa kupitia serikali yake hawezi kuwa ni kiongozi wa kulaumu walio chini yake tu...................where is leadership in blaming others for blunders of judgment that happened while you were in-charge...................
     
  17. S

    Sanchez Member

    #17
    Aug 22, 2011
    Joined: Aug 5, 2011
    Messages: 11
    Likes Received: 0
    Trophy Points: 0
    Kwani nani kakuambia alipata urais kwa kura nyingi!Usalama wa taifa ndiyo walio muweka madarakani na siyo kura za wananchi.stupid
     
  18. t

    the mkerewe JF-Expert Member

    #18
    Aug 22, 2011
    Joined: Nov 16, 2010
    Messages: 232
    Likes Received: 0
    Trophy Points: 0
    Last uchaguzi Mubaraka alishinda kwa 93 %
     
  19. T

    Tetere Enjiwa JF-Expert Member

    #19
    Aug 22, 2011
    Joined: Aug 21, 2011
    Messages: 217
    Likes Received: 1
    Trophy Points: 0
    Tumia hekima kidogo tu, nyie ndio mtakao mponza mwenzenu kwa ajili ya kulinda maslahi yenu ya muda mfupi. Mtamsaidia sana kama mtamwambia ukweli. Ukitumia kigezo cha kura hata gadaffi, mubaraka, nk. walishinda kwa kura tena zaidi ya 90% acha hii ya kwenu ya 61%. Mshaurini kwa hekima acheni usanii kwenye mambo ya msingi mtajiponza nyie na mnayejipendekeza kwake. Mambo sasa ni magumu huo ndio ukweli mchungu tafuteni suluhisho.
     
  20. gmosha48

    gmosha48 JF-Expert Member

    #20
    Aug 22, 2011
    Joined: Oct 19, 2010
    Messages: 1,452
    Likes Received: 85
    Trophy Points: 145
    Kamuulize Gadafi, Ben Ali na Mubaraka.
     
Loading...