Marehemu Swetu akiwa chumba cha wagonjwa mahututi (ICU) Muhimbili muda mfupi kabla ya kukata roho kama zilizvyonaswa na shushushu wa Uwazi
RAFIKI wa marehemu Swetu Fundikira aitwae Sostenes Mbuya ambaye alikuwa naye muda mchache kabla ya kupigwa na wanajeshi wa Jeshi la Wananchi wa Tanzania ameeleza kilichomponza
Akizungumza na mwandishi wetu jana Mbuya alisema yeye ndiye alikuwa dereva na kilichomponza Fundikira ni kumtetea asipigwe.
Mimi nilikuwa naendesha na tulipofika Kinondoni kwa Manyanya askari wale walitusimamisha na kuanza kunipiga, Fundikira aliponitetea wakamgeukia yeye na baadaye wakamshusha na kutoweka naye, alisema Mbuya ambaye alidai aliamua kwenda kuwaarifu rafiki wengine wa marehemu akiwemo Benny Kinyaiya.
Fundikira alifariki dunia juzi Jumapili saa tatu asubuhi baada ya kile kinachodaiwa kupigwa na askari wa JWTZ kutokana na kukwaruzwa kwa gari lao lenye usajili namba T880 AVW na marehemu.
Wanajeshi wanaotuhumiwa kufanya unyama huo ni Koplo Ali Ngumbe na ndugu yake Praiveti Mohamed Ngumbe pamoja na Sajenti Rhoda Robert ambaye awali ilidaiwa kuwa ni mke wa Koplo Ali, hata hivyo taarifa zilizopatikana baadaye zimebaini kuwa si wanandoa.
Habari za kiuchunguzi zilizofanywa na waandishi wetu na kuthibitishwa na Kamanda wa Polisi wa Mkoa wa Kinondoni, Elias Kalinga, zinasema Mohamed Ngumbe ameingia mitini baada ya kutokea tukio hilo wakati wenzake wanashikiliwa na polisi katika Kituo cha Salender. Askari hao wote wanafanya kazi Kambi ya Lugalo jijini Dar es Salaam.
Mmoja wa watu walioshuhudia tukio hilo, Kinyaiya, aliyezungumza na mwandishi wetu alisema mara baada ya askari hao kuanza kumpiga Fundikira , alipigiwa simu na marehemu.
Fundikira alinipigia simu akiniarifu kuwa anapigwa. Nilichukua gari langu na kwenda eneo la tukio na kukuta akipigwa na askari hao. Niliwaambia kuwa wasimpige na kama ana kosa wamfikishe polisi lakini mama mmoja ambaye anaitwa Rhoda alikataa, akawa akisisitiza marehemu andelee kupewa mkongoto akidai kuwa eti mimi hayanihusu, alisema Kinyaiya.
Aliongeza kuwa aliwaomba askari hao wasiendelee kumpiga marehemu kwa kuwa wakati huo alikuwa akitokwa na damu mdomoni na askari hao wakamwambia kuwa wanampeleka Kituo cha Polisi Oysterbay, lakini alipowafuata huko hakuwakuta.
Pale Oysterbay, polisi waniliambia kuwa hakuna tukio kama hilo lililoripotiwa hapo, hivyo mimi na wenzangu tukaamua kwenda Kituo cha Salender ambako tuliambiwa rafiki yetu amepelekwa hospitali kwa kuwa hali yake ni mbaya, alisema Kinyaiya ambaye ni mtangazaji maarufu wa televisheni nchini na kuthibitisha kuwa ameshatoa maelezo yake katika kituo cha polisi Salender.
source; global publishers
another shallow grave... basi ukiona wanawake kimbi maana waheshaua waume zao; ukiona wamanaume kimbi.. wameshau wanawake zao
Ingawa nako kuko corrupt lakini naamini kwa hili watatusaidia kwa kuwa fair.
