Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kesi ya Lema ngoma nzito

Discussion in 'Habari na Hoja mchanganyiko' started by mdau wetu, Oct 18, 2011.

  1. m

    mdau wetu JF-Expert Member

    #1
    Oct 18, 2011
    Joined: Apr 20, 2011
    Messages: 549
    Likes Received: 0
    Trophy Points: 0
    UMATI mkubwa wa wananchi wanaojitokeza kusikiliza kesi ya kupinga matokeo ya Uchaguzi Mkuu inayomkabili Mbunge wa Arusha Mjini, Godbless Lema, umemfanya Jaji Aloyce Mujulisi kuamuru isikilizwe katika chumba kikubwa cha mahakama na kufungwa kwa vipaza sauti.

    Uamuzi huo umefikiwa jana na Jaji Aloyce Mujulizi wakati akiahirisha kesi hiyo mpaka Oktoba 25 , mwaka huu, baada ya wapiga chapa wa mahakama hiyo kushindwa kuwapatia mawakili wa wadaiwa nakala ya maamuzi madogo na ya mwenendo wa usikilizaji wa pingamizi la awali kama ilivyokuwa imeamriwa na vikao vya mahakama ya rufaa vinavyoendelea.

    Alisema kuwa kutokana na wananchi wengi kuwa na shauku ya kufuatilia kesi hiyo alimtaka msajili wa mahakama hiyo awapangie ukumbi mwingine ambao ni mkubwa kuliko walioutumia na wafunge vipaza sauti ili wale watakaokosa nafasi ndani wasikilize wakiwa nje.
    Awali jaji huyo waliwaomba wananchi waliofurika ndani ya mahakama hiyo kupungua ili kuepuka madhara yanayoweza kutokea kwa kukosa hewa lakini walikataa wakimwambia watavumilia hali hiyo.

    Aidha jaji huyo alimtaka msajili wa mahakama kuhakikisha anaweka matangazo kuonyesha siku na mahali kesi hiyo itakapofanyika pamoja na kuandika barua wizarani kuomba kuongezewa muda wa usikilizaji hasa baada ya kuonekana kuwa muda wa mwaka mmoja wa usikilizaji shauri hilo kisheria hautatosha.

    Katika tukio la kushangaza mara baada ya kesi hiyo kuahirishwa mwanamke mmoja aliyekuwa amevaa hijabu, aliyejitambulisha kwa jina la Amina Ally na mfuasi wa CCM aliibuka na madai kuwa aliitwa mchawi na baadhi ya watu kwa kuwa alivaa vazi hilo.

    Mwanamke huyo ambaye alikuwa amekaa mbele kabisa kwenye chumba cha mahakama alisema kuwa aliona watu wakimnyooshea vidole ndani ya mahakama kuwa yeye ni mchawi na kuwa kijana mmoja aliyemtaja kwa jina moja la Rashid alimfuata mara baada ya kesi kuahirishwa na kumwambia kuwa yeye ni mchawi na wangemvua hijabu yake.

    Hata hivyo katika hatua nyingine katibu wa Baraza la Waislam Tanzania (BAKWATA) mkoani hapa, Abdulkarim Jonjo, aliyeongozana na mwanamke huyo wakati akiongea na waaandishi wa habari alisema kuwa yeye hakuona mwanamke huyo akinyooshewa kidole ila alisikia tuhuma za kuwepo kwa wachawi.

    Baada ya waandishi kumbana mwanamke huyo kwa maswali lilitokea kundi la wafuasi wa CCM wakawachukua pamoja na katibu huyo wa Bakwata na kuondoka kwa gari la katibu wa mkoa wa chama hicho aina ya Land Criizer VX lenye namba za usajili, T 436 ARX .

    Kwa upande wake mbunge wa Arusha Lema alipoulizwa juu ya suala hilo alisema kuwa yeye hakumnyooshea mtu yeyote kidole ndani ya mahakama hiyo huku akidai kuwa kama kuna anayejihisi kudaiwa mchawi basi ana tatizo.

    Hata hivyo alisema kuwa vijana wa CHADEMA walifanikiwa kumpiga picha mwanamke huyo akifanya vitendo visivyo vya kawaida ndani ya mahakama hiyo vinavyodhaniwa kuwa ni vya kishirikina.

    "Kwenye picha hizo mwanamke huyo anaonekana akijipaka vitu vya ajabu kwenye kucha na akitoa vitu vingine na kuvikandamiza kwenye mikono wakati kesi ikiendelea, mkanda huu tutaupeleka kwa masheikh na wachungaji watuambie kama vitendo hivyo vinakubalika kwenye dini zetu; CCM iache kuchanganya siasa na dini," alisema mbunge huyo.

    Shauri hilo la madai namba 13 ya mwaka 2010 lililofunguliwa na wapiga kura watatu wa jimbo hilo, Mussa Mkanga, Agnes Mollel na Happy Kivuyo, wanaowakilishwa na mawakili Modest Akida na Alute Mughwai, mdaiwa wa kwanza, Lema anatetewa na wakili, Method Kimomogoro, na mwanasheria mkuu wa serikali akitetewa na mawakili wa serikali, Juma Masanja na Timon Vitalis.

    Katika matokeo ya Uchaguzi Mkuu uliofanyika Oktoba, mwaka jana, Lema alimshinda kwa kura nyingi aliyekuwa Waziri wa Nchi Ofisi ya Makamu wa Rais (Mazingira), Dk. Burian, ambaye alikuwa mshindani wake wa karibu kwa tofauti ya kura 56,196 huku Burian akiambulia kura 37460.
     
  2. M

    Maengo JF-Expert Member

    #2
    Oct 18, 2011
    Joined: Jul 7, 2011
    Messages: 280
    Likes Received: 0
    Trophy Points: 0
    2ko pamoja lema!
     
  3. Cha Moto

    Cha Moto JF-Expert Member

    #3
    Oct 18, 2011
    Joined: Jul 2, 2011
    Messages: 946
    Likes Received: 3
    Trophy Points: 35
    Ni kweli kesi hii itatushangaza uamuzi wake!
    Tusubiri
     
  4. Kaka Sam

    Kaka Sam JF-Expert Member

    #4
    Oct 18, 2011
    Joined: Jul 29, 2009
    Messages: 543
    Likes Received: 1
    Trophy Points: 0
    arusha mjini ni chadema tuu hata iweje, miji yote mikubwa imefunguka akili isipokuwa dar tu, maana dar wapiga kura ni wachina na makabachori...
     
  5. m

    massai JF-Expert Member

    #5
    Oct 18, 2011
    Joined: May 2, 2011
    Messages: 655
    Likes Received: 3
    Trophy Points: 0
    MWENYEZI MUNGU atatulinda wanachadema na maovu yote,kwani tupo katika kusimamia ukweli na haki na usawa
     
  6. Beautiful Lady

    Beautiful Lady Senior Member

    #6
    Oct 18, 2011
    Joined: Jun 8, 2011
    Messages: 137
    Likes Received: 1
    Trophy Points: 0
    Uchawi mahakamani.... ! ccm kweli imechoka.
     
  7. Daudi Mchambuzi

    Daudi Mchambuzi JF-Expert Member

    #7
    Oct 18, 2011
    Joined: Nov 25, 2010
    Messages: 21,209
    Likes Received: 11,541
    Trophy Points: 280

    Salaleee!!! Kwa iyo aliyepigwa picha akifanya mambo ya ajabu yasiyoeleweka hapo mahakani aliambatana na msafara wa CCM na BAR-KWATA.
     
  8. king'amuzi

    king'amuzi JF-Expert Member

    #8
    Oct 18, 2011
    Joined: Jan 10, 2011
    Messages: 612
    Likes Received: 4
    Trophy Points: 35
    Nakerwa sana issue inapokuwa ngumu kwa wenzetu kutumia dini za watu kama ukuta."watanzania hawagawanyiki kwa dini wala kabila! poleni sana
     
  9. M

    Mrdash1 JF-Expert Member

    #9
    Oct 18, 2011
    Joined: Sep 21, 2010
    Messages: 1,378
    Likes Received: 3
    Trophy Points: 0
    Halafu mchawi mwenyewe was a beautiful lady alijipodoa kucha, vidole uso nk
     
  10. Mohamedi Mtoi

    Mohamedi Mtoi R I P

    #10
    Oct 18, 2011
    Joined: Dec 11, 2010
    Messages: 3,326
    Likes Received: 36
    Trophy Points: 0
    Kwish nehi ccm..
     
  11. Puppy

    Puppy JF-Expert Member

    #11
    Oct 18, 2011
    Joined: Oct 6, 2011
    Messages: 1,885
    Likes Received: 191
    Trophy Points: 160
    Dini haitakaa itugawanye milele, sisi ni wamoja, watanzania wamoja.

    Waambie watafute njia nyingine
     
  12. Masanilo

    Masanilo JF-Expert Member

    #12
    Oct 18, 2011
    Joined: Oct 2, 2007
    Messages: 22,323
    Likes Received: 110
    Trophy Points: 160
    Kwanini hawa BAR KWATA wasisimamishe mgombea wao! ? ifikie wakati wajisajili kama chama cha siasa
     
  13. G

    Giddy Mangi JF-Expert Member

    #13
    Oct 18, 2011
    Joined: Feb 14, 2011
    Messages: 833
    Likes Received: 4
    Trophy Points: 0
    Baba Katika Jina la Yesu Uzima wa Milele utakuwa nisi CDM Amen
     
  14. Pezzonovante

    Pezzonovante JF-Expert Member

    #14
    Oct 18, 2011
    Joined: May 1, 2008
    Messages: 643
    Likes Received: 1
    Trophy Points: 0
    mmmmmmmmmmmmmmmmmmmmm jamani tazameni mambo haya.
     
  15. K

    Konya JF-Expert Member

    #15
    Oct 18, 2011
    Joined: Jun 4, 2011
    Messages: 915
    Likes Received: 6
    Trophy Points: 35
    siasa za tz ka movie
     
Loading...