Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kesi ya Godbless Lema na wenzake Februari 7

Discussion in 'Jukwaa la Siasa' started by Mungi, Jan 17, 2012.

  1. Mungi

    Mungi JF Gold Member

    #1
    Jan 17, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180
    KESI inayomkabili Mbunge wa Arusha Mjini, Godbless Lema itaanza kusikilizwa maelezo ya awali Februari 7 mwaka huu katika Mahakama ya Hakimu Mkazi wa Mkoa wa Arusha.

    Lema na wenzake 19 walishitakiwa kwa madai ya kufanya mkusanyiko usio halali na kutotii
    amri halali ya Mkuu wa Polisi wa Wilaya ya Arusha (OCD), Zuberi Mwombeji.

    Walifikishwa mahakamani hapo Oktoba 28, mwaka jana mbele ya Hakimu Mkazi Judith
    Kamala, wakishtakiwa kwa makosa matano ya kukusanyika bila kibali, kuhamasisha watu
    kufanya vurugu, kutokubali amri halali ya OCD Mwombeji na kula njama ya kutenda kosa.

    Mwendesha Mashtaka wa Serikali, Rose Sulle aliieleza mahakama hiyo kuwa upelelezi wa
    kesi hiyo umekamilikana akaiomba kupanga tarehe ya kuanza kusikiliza maelezo ya awali.

    Kabla ya kupanga tarehe hiyo, Hakimu Judith alimuuliza Lema wapi aliko wakili wao, Method
    Kimomogoro, naye akajibu kwamba amepatwa na dharura.

    Hakimu Mkazi Judith aliahirisha kesi hiyo hadi Februari 7, mwaka huu.

    Hata hivyo, Lema baadaye aliiomba mahakama hiyo kuzingatia muda wa kuanza kesi akitoa
    mfano wa kesi hiyo iliyopangwa kuanza saa 3: 00 asubuhi, lakini ilichelewa kuanza hadi saa 5:00 asubuhi.

    Hakimu Judith alisema Mahakama inazingatia sana muda lakini wakati wa asubuhi
    wanasikiliza kesi za madai na kuzitolea uamuzi na baada ya hapo ndipo wanasikiliza kesi za
    jinai.
     
  2. LiverpoolFC

    LiverpoolFC JF-Expert Member

    #2
    Jan 17, 2012
    Joined: Apr 12, 2011
    Messages: 10,956
    Likes Received: 78
    Trophy Points: 145
    Mungi!

    Tunashukuru kwa ratiba na MUNGU aki2jalia tutakuwa wote hapo!

    Hii mbinu ya hii mahakama itaisha tu!
     
Loading...