Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kesi ya CHADEMA kupinga matokeo Desemba 20.........................................

Discussion in 'Jukwaa la Sheria (The Law Forum)' started by Rutashubanyuma, Dec 1, 2010.

  1. Rutashubanyuma

    Rutashubanyuma JF-Expert Member

    #1
    Dec 1, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180
    Kesi ya CHADEMA kupinga matokeo Desemba 20


    Na Suleiman Abeid, Shinyanga

    HATIMAYE Chama cha Demokrasia na Maendeleo (CHADEMA) mkoani Shinyanga kimefungua kesi katika Mahakama Kuu Kanda ya Tabora kesi ya kupinga matokeo ya uchaguzi ya
    kiti cha ubunge wa Jimbo la Shinyanga mjini yaliyomtangaza mgombea wa CCM Bw. Steven Masele kuwa ndiye mshindi.

    Akizungumza na Majira kwa njia ya simu akitokea mkoani Tabora jana, Katibu wa CHADEMA mkoani Shinyanga, Bw. Nyangaki Shilungushela alisema kesi hiyo ilifunguliwa
    juzi katika mahakama hiyo.

    Bw. Shilungushela alisema washtakiwa katika kesi hiyo ni Mkurugenzi wa Uchaguzi, Mwanasheria wa serikali na Bw. Steven Masele ambaye kwa sasa ni mbunge wa Jimbo la Shinyanga mjini kwa tiketi ya Chama Cha Mapinduzi (CCM).

    Katibu huyo alisema kesi hiyo inatarajiwa kuanza kutajwa kwa mara ya kwanza katika mahakama hiyo Desemba 20, mwaka mwaka huu na kwamba CHADEMA katika kesi hiyo
    itawakilishwa na wanasheria wake ambao pia ni mawakili wa kujitegemea nchini, Bw. Mabere Marando na Bw. Tundu Lissu.

    Uamuzi wa CHADEMA kwenda mahakamani unatokana na kutoridhishwa na matokeo ya ubunge yaliyotangazwa na msimamizi msaidizi wa uchaguzi katika Jimbo la Shinyanga mjini, Bw. Festo KangÂ’ombe ambaye alidai kuwa mshindi katika uchaguzi huo ni mgombea wa CCM aliyepata kura 18,570 dhidi ya kura 18,569 alizopata mgombea wa CHADEMA, Bw. Philipo Shelembi.

    Hali hiyo ilisababisha mtafaruku mkubwa miongoni mwa wanachama na wapenzi wa CHADEMA ambao walidai kura za mgombea wao zilikuwa zimechakachuliwa kwa lengo la kumtangaza mgombea wa CCM kuwa ndiye mshindi ambapo Jeshi la polisi lililazimika kutumia mabomu ya kutoa machozi kuwatawanya watu walioingia mitaani kupinga matokeo hayo.
    [​IMG]
     
  2. mfarisayo

    mfarisayo JF-Expert Member

    #2
    Dec 1, 2010
    Joined: Nov 23, 2010
    Messages: 4,924
    Likes Received: 84
    Trophy Points: 145
    Safi sana Pia Kutoka Wilaya ya Manyoni, Jimbo la Manyoni Mgharibi Mgombea kupitia chama cha CHADEMA Donald Lupaa akiongozwa na mwanasheria wa CHADEMA TUNDU LISSU amekata Rufaa ya kupinga Matokeo dhidi ya Mgombea wa CCM John Lwanji. kesi hiyo inaanza kusikilizwa siku ya Keshukutwa Tarehe 3 decemba, 2010.
     
Loading...