Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

KCMC yajenga wodi ya majeruhi wa pikipiki

Discussion in 'Habari na Hoja mchanganyiko' started by Ngongo, Oct 8, 2011.

  1. Ngongo

    Ngongo JF-Expert Member

    #1
    Oct 8, 2011
    Joined: Sep 20, 2008
    Messages: 11,848
    Likes Received: 3,016
    Trophy Points: 280
    [TABLE="align: left"]
    [TR]
    [TD="class: kaziBody"]HOSPITALI ya Rufaa ya KCMC imelazimika kujenga wodi nyingine ya wagonjwa maalumu kwa ajili ya wanaopata ajali za pikipiki ili kutoa nafasi kwa wagonjwa wengine kutumia wodi za kawaida zinazotumiwa sasa na majeruhi wa bodaboda.

    Askofu Mkuu wa Kanisa la Kiinjili la Kilutheri Tanzania (KKKT) Dayosisi ya Kaskazini linalomiliki hospitali hiyo, Dk. Martin Shao alisema hayo wakati akizungumza na wajumbe wa mkutano mkuu wa saba wa jimbo la Siha, mkoani Kilimanjaro.

    Alisema hatua hiyo inafuatia majeruhi wa ajali za pikipiki ambao baadhi yao hupata ulemavu wa kudumu, kukaa muda mrefu hospitalini hapo kwa ajili ya matibabu huku baadhi ya wagonjwa wa maradhi mengine wakikosa nafasi ya kuhudumiwa ipasavyo.

    Dk Shao alikuwa akizungumzia ajali ya meli ya mv Spice Islander iliyosababisha vifo vya zaidi ya watu 200, alisema baadhi ya ajali nchini zikiwamo za pikipiki husababishwa na uzembe wa madereva na baadhi ya mamlaka zinazosimamia vyombo vya usafiri.

    Askofu Shao alisema pamoja na mipango ya Mungu lakini vyanzo vya ajali nyingi ni uzembe wa madereva jambo ambalo linapaswa kufuatiliwa kwa kina na serikali kupitia vyombo vyake vya usalama ili kuepusha mamia ya watanzania kupoteza maisha.

    Alisema ipo haja kwa serikali kuchukua hatua kali za kisheria kwa baadhi ya watu wanaobainika kufanya uzembe kwa namna moja au nyingine na kusababisha vifo vya mamia ya Watanzania wasio na hatia.

    “Mara zote tumeshuhudia vyombo vinavyosimamia usafiri vikijadili na kutoa matamko kwa wamiliki na madereva wa vyombo vinavyotumia barabara lakini usafiri wa maji na anga huwa haujadiliwi sana...kuna kila sababu kujitathmini upya,” alisema.

    Kwa upande wake Mkurugenzi wa Hospitali ya KCMC, Dk. Moshi Ntabaye alisita kuzungumzia taarifa hiyo ya Askofu Shao lakini alikiri kuongezwa kwa wodi tatu hospitalini hapo.

    “Kwa sasa sipo tayari kuzungumza na waandishi wa habari kwa simu, maana kuna mwandishi nilizungumza naye (Siyo wa HabariLeo) lakini alipokwenda kuandika aliongeza vitu ambavyo sikumueleza,” alisema.

    Mmoja wa wauguzi aliyepo hospitalini hapo ambaye aliomba asitajwe kwa kuwa siyo msemaji alisema kwa sasa hospitali hiyo imeongeza wodi tatu kubwa zikiwamo za walioungua, majeruhi na ngozi ambazo ujenzi wake unafuatia msongamano wagonjwa.

    Awali kamanda wa kikosi cha usalama barabarani mkoani Kilimanjaro, Peter Sima alisema ajali za pikipiki zimeongezeka mkoani humo ambapo kwa kipindi cha Januari hadi Septemba 2010 walikufa watu 29 na majeruhi 113.

    Alisema kwa kipindi cha Januari hadi Septemba mwaka huu waliokufa ni 39 na majeruhi 151 ambapo ni wastani wa watu wanne kufa kila siku huku wastani wa watu 17 kujeruhiwa kila siku.

    “Ajali za pikipiki ni kubwa…majeruhi wote wanalazwa katika hospitali ya mkoa ya Mawenzi na rufaa ya KCMC, hata hivyo tumetoa elimu kwa waendeshaji wa pikipiki ikiwemo kukamata madereva 17,762 na wengine 286 wamefikishwa mahakamani,” alisema.

    Kwa upande wa ajali za vyombo vingine vya usafiri yakiwamo magari kwa kipindi cha mwaka Januari hadi Septemba 2010 zilitokea ajali 932 na waliokufa ni 123 na ajali hizo kwa Januari/Septemba 2011 zilitokea ajali 937 na waliokufa ni 170 na majeruhi 666.


    Source. Habarileo.

    Duh hizi Toyo zitatumaliza nashauri hiyo wodi iitwe Toyo wadi.


    [/TD]
    [/TR]
    [TR]
    [TD="class: Text"] [/TD]
    [/TR]
    [TR]
    [TD="class: Text"][TABLE]
    [TR]
    [TD][/TD]
    [/TR]
    [/TABLE]
    [/TD]
    [/TR]
    [/TABLE]
     
  2. Mrimi

    Mrimi JF-Expert Member

    #2
    Oct 8, 2011
    Joined: Jul 18, 2011
    Messages: 1,643
    Likes Received: 39
    Trophy Points: 145
    Mimi nakuwa sielewi kabisa, hawa jamaa wa bodaboda wakisikia habari kama hizi wanajisikiaje. Siamini kama wanapenda kufa ila nikiwaona wengine wanavyoendesha, ni wazi wanapenda kufa.

    OK, kazi kwao....
     
  3. Ngongo

    Ngongo JF-Expert Member

    #3
    Oct 8, 2011
    Joined: Sep 20, 2008
    Messages: 11,848
    Likes Received: 3,016
    Trophy Points: 280
    Mkuu Mrimi.

    Tatizo la Tanzania siku zote hawangalii chanzo cha tatizo ndiyo maana ndugu zetu afya wamekimbilia kujenga wodi jeshi la polisi hawana habari kabisa.Siku hizi ukipelekwa Mt Meru kwa case ya kuvunjika swali la kwanza ni ajali ya Toyo au !!!!!.


     
  4. Nyalotsi

    Nyalotsi JF-Expert Member

    #4
    Oct 8, 2011
    Joined: Jul 20, 2011
    Messages: 4,755
    Likes Received: 116
    Trophy Points: 160
    ukipelekwa moi bora useme nimegongwa na gari. Ikifahamika ni toyo,wale jamaa hawajigusi kuumiza kichwa namna ya kupanga mifupa. Wanakata mguu aafu wanakudischarge ukaponee hom
     
  5. babukijana

    babukijana JF-Expert Member

    #5
    Oct 8, 2011
    Joined: Jul 21, 2009
    Messages: 4,084
    Likes Received: 359
    Trophy Points: 180
    dah aisee hata mitaani vijana wanapungua kwa kufa kwa ajali,pia ukiwaona wanavyoendesha unaona hawa bora waanguke na kuvunja miguu
    nasikia sikuhizi ukinunua toyo unapewa na magongo for free
     
  6. ndetichia

    ndetichia JF-Expert Member

    #6
    Oct 8, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    wodi ya kichina hadi vifaa vyake vitakuwa mchina..
     
  7. jmushi1

    jmushi1 JF-Expert Member

    #7
    Oct 8, 2011
    Joined: Nov 2, 2007
    Messages: 16,048
    Likes Received: 41
    Trophy Points: 145
    Toyo ndiyo piki piki wakuu?Nakubaliana na wewe Ngongo.Kujenga hospitals specifically for motorbikes accidents ni kuangalia ulipoangukia badala ya pale ulipojikwaa.
     
  8. v

    valid statement JF-Expert Member

    #8
    Oct 8, 2011
    Joined: Sep 18, 2011
    Messages: 2,730
    Likes Received: 160
    Trophy Points: 160
    kwani hawa waendesha pikipiki wanaelewa sasa? Wanatoka kumzika mwenzao aliyegongwa akikimbiza pikipiki, lakini hawajifunzi,wanaendesha kwa fujo, kwa sifa, na kwa kutofata sheria...dawa ni kuwajengea wodi yao tu hawa!
     
  9. Crucifix

    Crucifix JF-Expert Member

    #9
    Oct 9, 2011
    Joined: Feb 20, 2011
    Messages: 1,618
    Likes Received: 25
    Trophy Points: 135
    Kama hivyo ndivyo; dawa ni kuwajengea wodi au kuwachimbia makaburi?
     
  10. B

    Black Devil Member

    #10
    Oct 9, 2011
    Joined: Mar 16, 2011
    Messages: 58
    Likes Received: 1
    Trophy Points: 0
    Mkuu Ngongo,

    Tatizo la Tanzania ni mfumo mzima.
    1. Barabara hazina ugao wa matumizi- baiskeli, Toyo wala Miguu Hamna. Ni magari pekee Kama mkoloni alivyo acha.
    2. Madharau kwa wandesha magari kwa Toyo.
    3. Toyo inavuta stimu, unavyozidi kukoleza ndo nyege Zake zina Panda...

     
  11. Mwakalinga Y. R

    Mwakalinga Y. R Tanzanite Member

    #11
    Oct 9, 2011
    Joined: Oct 22, 2008
    Messages: 2,723
    Likes Received: 14
    Trophy Points: 135
    Basi hii ni hatari sana ,kweli haya mambo yanatokea ama ni uzushi.?
     
  12. babukijana

    babukijana JF-Expert Member

    #12
    Oct 9, 2011
    Joined: Jul 21, 2009
    Messages: 4,084
    Likes Received: 359
    Trophy Points: 180
     
  13. Ngongo

    Ngongo JF-Expert Member

    #13
    Oct 10, 2011
    Joined: Sep 20, 2008
    Messages: 11,848
    Likes Received: 3,016
    Trophy Points: 280
    Mkuu Nyalotsi hii nadhani liko hospital zote Mt Meru ukisema umepata ajali ya Toyo allocation ya akitanda na kumwona mtaalamu wa mifupa inakuwa taabu kabisa nimeshuhudia jamaa yangu aliuvunjika mguu nakwambia kuanzia mhudumu,nesi hadi madakatari hawakuwa na muda wa kumuhudumia zaidi ya masimamgo "Toyo zitawamaliza".


     
  14. mikatabafeki

    mikatabafeki JF-Expert Member

    #14
    Oct 10, 2011
    Joined: Dec 29, 2010
    Messages: 12,838
    Likes Received: 2,011
    Trophy Points: 280
    ukipelekwa tu pale wanauliza ajali ya nini wakisikia tu sanlg kaumia nni mkono utasikia kaaaata mkono
     
  15. Mulhat Mpunga

    Mulhat Mpunga JF-Expert Member

    #15
    Oct 10, 2011
    Joined: Oct 28, 2010
    Messages: 19,106
    Likes Received: 6,759
    Trophy Points: 280
    hahahaaa nayo inakuwa free kama helmet aisii
     
  16. Mzee

    Mzee JF-Expert Member

    #16
    Oct 10, 2011
    Joined: Feb 2, 2011
    Messages: 11,592
    Likes Received: 1,322
    Trophy Points: 280
    Hawa jamaa wanaoendesha hizi bodaboda sijui wana roho za aina gani. Kila siku kunatokea ajali za pikipiki, zinaua na wengine wanapata ukilema wa maisha. Lakini bado hawajifunzi..



    Kujenga wodi maalumu kwa ajili ya wahanga wa bodaboda hiyo sio suluhisho. Lazma jeshi la polisi liamke ktk hili.
     
  17. Mzee

    Mzee JF-Expert Member

    #17
    Oct 10, 2011
    Joined: Feb 2, 2011
    Messages: 11,592
    Likes Received: 1,322
    Trophy Points: 280
    unacheka nini?
     
  18. jameeyla

    jameeyla Senior Member

    #18
    Oct 10, 2011
    Joined: Aug 12, 2011
    Messages: 119
    Likes Received: 0
    Trophy Points: 0
    hii ni kweli nafikiri chanzo cha tatizo kwanza hizi TOYO hazina ubora unaotakiwa yaani serikali wamekubali kuyaingiza haya mapikipiki sijui kwa ajili ya vigezo gani,pili waendesha pikipiki hawana vifaa vya kujikinga kwa ajali-HELMET za kichina yaani ukianguka nayo badala ya kukulinda wewe usiumie yenyewe ndiyo inakuwa ya kwanza kukupasua kichwa,,hebu turudi enzi za HONDA kweli na HELMET zake kwanza kama huna nguvu ya kutosha huwezi kuiendesha na kofia yake pia ni ya kuziba kichwa kizima mpaka shingo na ukipata ajali nayo basi ukipona mshukuru mungu, kuliko hizi ajali za kila siku tukifanya tathmini ya haraka inawezekana baada ya miaka 3 mbele taifa likawa na vilema wengi na hii kupunguza ujenzi wa taifa kwa kiasi kikubwa.
     
  19. Mulhat Mpunga

    Mulhat Mpunga JF-Expert Member

    #19
    Oct 10, 2011
    Joined: Oct 28, 2010
    Messages: 19,106
    Likes Received: 6,759
    Trophy Points: 280
    nilie? Hawa najamaa wa boda wengi wanajitakia wenyewe!! Wanajifunza bike kidogo then wanajifanya wajuaji!!
     
  20. BONGOLALA

    BONGOLALA JF-Expert Member

    #20
    Oct 10, 2011
    Joined: Sep 14, 2009
    Messages: 13,040
    Likes Received: 1,339
    Trophy Points: 280
    hata MOI wanalalamika pamefurika wagonjwa wa ajali za pikipiki.
     
Loading...