Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Karudi Baba Mmoja (Toleo Jipya)

Discussion in 'Jukwaa la Lugha' started by Companero, Mar 11, 2010.

  1. Companero

    Companero Platinum Member

    #1
    Mar 11, 2010
    Joined: Jul 12, 2008
    Messages: 5,392
    Likes Received: 56
    Trophy Points: 145
    Karudi baba fulani, toka safari ya nje
    Kavimba yote maini, na kucheua punje
    Wanae wakaleta ubani, ili kuepua njenje
    Wakataka na madini, yawafae nje nje

    Akatamka mtumbua, nimevimbiwa kwelikweli
    Hata mkinitumbua, sitatapika nje nje mali
    Roho yaniumbua, uhai waniacha dhalili
    Kama mnataka vitumbua, mjiunge na serikali

    Wakazidi kumdodosa, baba alopoteza imani
    Baba yetu mwanasiasa, mbona unatupa deni
    Akili zetu za kudesa, hazijajua yaliyo sirini
    Kama tunataka pesa, tutapataje chamani?

    ======

    NB: Vina na Mizani vitapangwa baadaye...

     
  2. TIMING

    TIMING JF-Expert Member

    #2
    Mar 11, 2010
    Joined: Apr 12, 2008
    Messages: 21,797
    Likes Received: 53
    Trophy Points: 145
    Hii ni proper kabisa
    ni safari, per diem, tungi, misosi, mafolder, excess luggage na nothing added when coming back to work except pending issues
     
  3. C

    Choveki JF-Expert Member

    #3
    Mar 11, 2010
    Joined: Apr 16, 2006
    Messages: 448
    Likes Received: 8
    Trophy Points: 35


    Ahsante kwa madongo!, na kwao kuwafikia!
    Umewapinga vigongo, na sisi twashangilia
    Wanatuvunja migongo, na wao wajinonea
    Mfano wao vibwengo, na damu watunyonyea!

    Wanajiita vigogo, ugogo wa kudokoa
    Wanatugea vichogo, wakati wajishibia
    Wala kidogo kidogo, na buyu wamalizia
    Mfano wao vibwengo, jasho letu washibia

    Watavifunga virago, na hilo naashiria
    Watuwachia mihogo, maharage na bamia
    Wajifanya kama mbogo, kwa wao uharamia
    Mfano wao vibwengo, watoto watuulia!
     
  4. Limbani

    Limbani JF-Expert Member

    #4
    Mar 11, 2010
    Joined: Apr 24, 2008
    Messages: 1,395
    Likes Received: 33
    Trophy Points: 145
    That's really, hii kweli inatuonesha jinsi hata wazee wetu zamani kama walikuwa wanakwenda mbali bado walikuwa wanatuachia wosia wa Wapi mali tutapata. Maana baba kwenye hadithi hii baada ya kuzunguka nchi zote au sehemu zote lakn alikiri kuwa mali inapatikana shambani tu!

    Ujumbe kwetu:
    Marekani, Uingereza, Uturuki, China, Kenya n.k. Sio suluhisho la matatizo yetu! Suluhisho letu ni kulima kahawa, pamba, pareto, mpunga, mahindi, ulezi n.k. na kuyachakata/processing mazao hayo hapa nchini na kuuza nje ziada! Vingenevyo ni kufukuza upepo
     
  5. Companero

    Companero Platinum Member

    #5
    Mar 12, 2010
    Joined: Jul 12, 2008
    Messages: 5,392
    Likes Received: 56
    Trophy Points: 145
    Karudi Baba Mmoja (Toleo Asilia) hili hapa:

    Karudi baba mmoja, toka safari ya mbali,
    kavimba yote mapaja, na kutetemeka mwili,
    watoto wake wakaja, ili kumtaka hali,
    wakataka na kauli, iwafae maishani.

    Akatamka mgonjwa, ninaumwa kwelikweli,
    hata kama nikichanjwa, haitoki homa kali,
    roho naona yachinjwa, kifo kina nikabili,
    kama mnataka mali, mtayapata shambani.

    Wakazidi kumchimba, baba mwenye homa kali,
    baba yetu watufumba, hatujui fumbo hili,
    akili zetu nyembamba, hazijajua methali,
    kama tunataka mali, tutapataje shambani?

    Kwanza shirikianeni, nawapa hiyo kauli,
    fanyeni kazi shambani, mwisho mtapata mali,
    haya sasa buriani, kifo kimeniwasili,
    kama mnataka mali mtayapata shambani.

    Alipokwisha kutaja, fumbo hili la akili,
    mauti nayo yakaja, roho ikaacha mwili,
    na watoto kwa umoja, wakakumbuka kauli,
    kama mnataka mali, tutayapata shambani.

    Shamba wakapalilia, bila kupata ajali,
    mavuno yakawajia, wakafaidi ugali,
    wote wakashangilia, usemi wakakubali,

    "KAMA MNATAKA MALI MTAYAPATA SHAMBANI".
     
  6. M

    Magehema JF-Expert Member

    #6
    Mar 12, 2010
    Joined: Aug 11, 2008
    Messages: 446
    Likes Received: 3
    Trophy Points: 35
    kilimo kwanza
     
  7. M

    Mshika Moja Member

    #7
    Mar 12, 2010
    Joined: Oct 31, 2008
    Messages: 21
    Likes Received: 0
    Trophy Points: 0
    Hilo shairi la karudi baba mmoja wengine linatuklumbusha mbali, enzi ile kulipokuwa na malenga mashuhuri sana, au gurus walioumia vichwa kutoa ujumbe.

    Nlaifananisha na sizitaki mmbichi hizi.
     
  8. ChaMtuMavi

    ChaMtuMavi JF-Expert Member

    #8
    Mar 12, 2010
    Joined: Oct 15, 2008
    Messages: 332
    Likes Received: 0
    Trophy Points: 33
    Endelazea hapa.

    Kwanza sambaratikeni, nawapa huo wosia
    Mali jilimbikizieni, siri msiwaambie
    wakilalama washitini, Na msije wasikia,
    kuleni vyenu sirini, na wanenu limbikizia

    Chukua Chako Mapema, ndiyo sera za CCM
    Muwaonapo wahema, kuomba kura CCM
    Wakipata ni neema, mtaji wao CCM
    Tujipangeni mapema, mpeje kura CCM

    Misingi wameivunja, kwa wao ubinafsi
    Urahisi kujiwekea, mali kuzibinafsi
    Ni wapi tutaanzia, imarisha zetu nafsi
    Nchi inateketea, kwa msingi binafsi

    Zamani tulijifunza, kuwa cheo ni dhamana
    Madili tulijifunza, tuweze shika dhamana
    Tumebakia mafunza, yasiyojua dhamana
    Nani aje kutufunza, tuirudishe dhamana




     
  9. F

    FM JF-Expert Member

    #9
    Mar 12, 2010
    Joined: Jul 2, 2009
    Messages: 202
    Likes Received: 0
    Trophy Points: 0
    Natamani baada ya mstari wa kwanza ungefuata mstari huu
    "zugeni mu ugomvini, wasijue mu wamoja,
     
  10. ChaMtuMavi

    ChaMtuMavi JF-Expert Member

    #10
    Mar 12, 2010
    Joined: Oct 15, 2008
    Messages: 332
    Likes Received: 0
    Trophy Points: 33
    Umesomeka FM, Inaleta akili hii

    Kwanza sambaratikeni, nawapa huo wosia
    "zugeni mu ugomvini, wasijue mu wamoja,

    Mali jilimbikizieni, siri msije wambia
    wakilalama washitini,
    na wanenu limbikizia,

    Chukua Chako Mapema, ndiyo sera za CCM
    Muwaonapo wahema, kuomba kura CCM
    Wakipata ni neema, mtaji wao CCM
    Tujipangeni mapema, mpeje kura CCM

    Misingi wameivunja, kwa wao ubinafsi
    Urahisi kujiwekea, mali kuzibinafsi
    Ni wapi tutaanzia, imarisha zetu nafsi
    Nchi inateketea, kwa msingi binafsi

    Zamani tulijifunza, kuwa cheo ni dhamana
    Madili tulijifunza, tuweze shika dhamana
    Tumebakia mafunza, yasiyojua dhamana
    Nani aje kutufunza, tuirudishe dhamana
     
  11. Companero

    Companero Platinum Member

    #11
    Mar 13, 2010
    Joined: Jul 12, 2008
    Messages: 5,392
    Likes Received: 56
    Trophy Points: 145
    UBETI WA 4 WA TOLEO JIPYA

    Kwanza kaukasini, nawapa hilo dili
    Kutaneni kule mjengoni, kisha mjilipe bili
    Haya sasa kwaherini, mauti yanikabili
    Kama mwataka kuwini, kiukeni maadili
     
  12. Kiranga

    Kiranga JF-Expert Member

    #12
    Mar 13, 2010
    Joined: Jan 29, 2009
    Messages: 34,583
    Likes Received: 5,637
    Trophy Points: 280
    Harudi baba mmoja, toka safari ya mbali
    Harudi hata kiroja, bali kifo cha ambari
    Harudi mbaba soja, na si sababu ya mali
    Tanzania ya bazazi, arudi kufanya nini?

    Baba alivyoondoka, katu hakutaka rudi
    Alivyokwishachomoka, kurudi katu kwa budi
    Nasema si kuropoka, kurudi hata kwa udi
    Ufisadi wazi wazi, arudi kufanza kipi?

    Kwanza kutokake zengwe, hata pasi kuipata
    Vichaa ka wa Mirembe, wajaliwa uambata
    Waruka wabemba bembe, bila senti katakata
    Nyumbani hakuna kazi, arudi kufanza kipi?

    Miaka yake yapita, nadhiri bado akiri
    Ughaibu kajikita, kama hanazo akili
    Bi Mkubwa amuita, imani yamuajiri
    Tanzania ya makadhi, arudi kufanya nini?

    Tanzania ya makadhi, ustaadhi wenye mahadhi
    Ya milioni makazi, kimarekani si nazi
    Sembuse tuso jahazi, wala mtumbwi wa Chazi
    Tanzania ya maPazi, arudi kufanya nini?
     
  13. O

    Ogah JF-Expert Member

    #13
    Mar 13, 2010
    Joined: Mar 10, 2006
    Messages: 6,190
    Likes Received: 15
    Trophy Points: 135
    Mwankijiji uko wapi aisee......naona wakuu hapa wameshakuchokoza.......ngoja nami nikajifue kidogo.....later
     
  14. Companero

    Companero Platinum Member

    #14
    Mar 13, 2010
    Joined: Jul 12, 2008
    Messages: 5,392
    Likes Received: 56
    Trophy Points: 145
    UBETI WA 5 WA TOLEO JIPYA

    Alipokwisha watonya, misingi hii ya kifisadi
    Pesa zikashindwa mponya, akageuka samadi
    Na warithi wakampokonya, malize kwa ukaidi
    Kama mwataka jichanganya, kuweni mahasidi
     
  15. kaburunye

    kaburunye JF-Expert Member

    #15
    May 14, 2010
    Joined: May 12, 2010
    Messages: 675
    Likes Received: 4
    Trophy Points: 0
    Wadau hebu tukumbushane enzi zile za mashairi ya primary (nadhani ni darasa la nne):

    Karudi baba mmoja, toka safari ya mbali,
    Kavimba yote mapaja, na kutetemeka mwili,
    watoto wake wakaja, ili kumtaka hali,
    wakataka na kauli, iwafae maishani.

    Kwa wenye kumbukumbu nzuri hebu ongezeeni beti zinazofuata. Samahani hii ni kwa wale waliosoma St. Government. Kwa mliosoma Intaneshino skuli sidhani kama mlikutana na kitu hii
     
  16. Mom

    Mom JF-Expert Member

    #16
    May 14, 2010
    Joined: Oct 13, 2009
    Messages: 708
    Likes Received: 1
    Trophy Points: 0
    baba alie kufani, akajibu lile swali
    ninakufa masikini, baba yenu sina hali
    neno moja lishikeni, kama mnataka mali
    kama mnataka mali, mtayapata shambani

    wakazidi kumchimba, baba mwenye homa kali,


    jamani ni siku nyingi bwana, akili imejaa mambo mengi sana nitarudi later kumalizia
     
  17. consigliori

    consigliori JF-Expert Member

    #17
    May 14, 2010
    Joined: Mar 29, 2010
    Messages: 388
    Likes Received: 2
    Trophy Points: 35
    Mimi nakumbuka mistari hii michache;

    akatamka mgonjwa, ninaumwa kwelikweli
    hatakama nikichanjwa, haitoki homa kali
    roho naona yachinjwa, kifo kimenikabiri
    kama mnataka mali, mtayapata shambani

    Zamani sana mkuu, si rahisi kukumbuka mambo haya
     
  18. Z

    Zebaki Member

    #18
    May 14, 2010
    Joined: Sep 25, 2007
    Messages: 43
    Likes Received: 0
    Trophy Points: 0
    the good ol' days... nakumbuka ya Sungura...

    Hadithi inayokuja ni ya sungura sikia
    hadithi uliyongoja leo ninakuletea
    alitoka siku moja njaa alipo sikia
    njaa aliposikia sungura nakwambia

    Siku ile akaenda porini kutembelea
    akayaona matunda mtini yameenea
    sungura akayapenda mtini akasogea
    mtini akasogea sungura nakwambia

    zilikuwa kama beti sita hivi, nimesahau nafikiri inaendelea hivi au kuna beti nimeziruka...

    karuka tena karuka matnda hakufikia
    mwisho wake akachoka kachoka hata mkia
    penye mti akatoka pembeni akasogea
    pembeni akasoge sungura nakwambia

    sizitaki mbichi hizi sungura akagumia
    naona nafanya kazi bila faida kujua
    yakamtoka machozi matunda akalilia
    matunda akalilia sungura nakwambia
     
  19. U

    Ubungoubungo JF-Expert Member

    #19
    May 14, 2010
    Joined: Jul 28, 2008
    Messages: 2,508
    Likes Received: 13
    Trophy Points: 135
    anayeijua ile story ya sadiki aliyekimbilia mjini kutafuta kazi aiweke hapa wajameni....maisha yalivyomshinda town karudi na viraka vya nguo.
     
  20. Z

    Zebaki Member

    #20
    May 14, 2010
    Joined: Sep 25, 2007
    Messages: 43
    Likes Received: 0
    Trophy Points: 0
    sikumbuki hiyo ya Sadiki lakini nakumbuka hii nyimbo...

    Mkulima mwenye shamba alipanda viazi
    akachimba chimba chimba akaona almasi
    lo lo lo bahati ya mtu mwenye shamba
    akatupa jembe upande akaenda mjini
    kununua motokaa sasa ni tajiri
    lo lo lo bahati ya mtu mwenye shamba!
     
Loading...