Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Karoti ni kinga dhidi ya Ugonjwa wa Kensa Saratani

Discussion in 'JF Doctor' started by MziziMkavu, Oct 24, 2011.

  1. MziziMkavu

    MziziMkavu JF-Expert Member

    #1
    Oct 24, 2011
    Joined: Feb 3, 2009
    Messages: 38,547
    Likes Received: 2,821
    Trophy Points: 280
    carrote.jpg





    Kwa ujumla wake, karoti ni mboga yenye kiasi kingi cha Vitamini A. Mbali ya vitamini hiyo, karoti ina virutubisho vingine muhimu vyenye uwezo wa kuzuia magonjwa hatari, kama vile saratani, moyo na mengine mengi na kumbuka kwamba; ‘kinga ni bora kuliko tiba’.

    Sifa pekee na kubwa kuhusu karoti inayojulikana na watu wengi, ni uwezo wake wa kuimarisha nuru ya macho na uwezo wa kuona, hususan wakati wa usiku. Katika makala ya leo nitakufahamisha faida nyingine za mboga hii rahisi, inayopatikana kwa wingi, mijini na vijijini. Ukiielewa vizuri, itaokoa maisha yako.

    VIRUTUBISHO VYA KAROTI
    Kwa mujibu wa tafiti kadhaa zilizofanywa, imethibitika kuwa karoti ina kiwango kikubwa cha virutubisho jamii ya ‘carotenoids’ ambavyo husaidia kuupa mwili uwezo wake wa asili wa kupambana na maradhi yanayojitokeza mwilini.

    Katika utafiti huo, imeelezwa kuwa ulaji wa karoti, hata kwa kiasi cha karoti moja tu kwa siku, kinampunguzia mlaji uwezekano wa kupatwa na ugonjwa wa saratani ya matiti kwa asilimia 20.

    Aidha, imeainishwa zaidi kuwa, mlaji wa karoti moja kwa siku, atakuwa pia anajiepusha na kupatwa na saratani za aina nyingine kwa asilimia 50. Saratani hizo zimetajwa kuwa ni saratani ya kibofu cha mkojo, kizazi, utumbo, mapafu na saratani ya koo.

    Katika utafiti wa hivi karibuni wa Taasisi ya Saratani ya Taifa nchini Marekani (National Cancer Institute), imebainika kuwa wagonjwa wengi waliogundulika na saratani ya mapafu, katika milo yao walikuwa hawatumii karoti wala vyakula vingine vyenye virutubisho jamii ya ‘carotenoids’.

    KAROTI NA UGONJWA WA KISUKARI
    Kama tujuavyo, ugonjwa wa kisukari ni maradhi yanayowasumbua watu wengi duniani na hauna tiba. Magonjwa kama kisukari, huweza kumpata mtu kutokana na mpangilio mbaya wa vyakula anavyokula kila siku na staili ya maisha anayoishi kwa ujumla.

    Mtu anaweza kujiepusha na magonjwa mengi hatari, kama kisukari, kwa kuzingatia ulaji usahihi. Kutokana na kiwango cha virutubisho mbalimbali vilivyomo kwenye karoti, mgonjwa wa kisukari anaweza kupata ahueni kwa kufanya karoti kuwa sehemu ya mlo wake wa kila siku.

    Watafiti wamegundua kwamba virubisho vilivyomo kwenye karoti, vina uwezo mkubwa wa kurekebisha kiwango cha sukari mwilini, hivyo kutoa kinga au kumpa mgonjwa nafuu kubwa.

    KAROTI NA MAPAFU
    Kama unaishi au unafanya kazi katika mazingira yenye moshi au wewe ni mvutaji wa sigara, ulaji wa vyakula vyenye vitamin A kwa wingi kama karoti, humuepusha mvutaji na uwezekano wa kupatwa na saratani ya mapafu. Ulaji wa vyakula aina hii kwa mvuta sigara, si wa hiyari kama anataka kujiepusha na saratani ya mapafu.

    JINSI YA KUCHAGUA NA KUHIFADHI KAROTI

    Kwa kawaida, karoti huwa ni mzizi ulionyooka wenye rangi za kung’aa. Zipo karoti za rangi tofauti lakini karoti bora ni ile tuliyoizoea yenye rangi ya chungwa na kwa mujibu wa utafiti, karoti yenye rangi iliyoiva sana ndiyo yenye virubisho vingi zaidi.

    Karoti inaweza kudumu kwa muda mrefu ikihifadhiwa vizuri. Hifadhi karoti yako kwenye jokofu ikiwa kwenye mfuko wa plastiki ambao hauruhusu kupitisha hewa nyingine, ikihifadhiwa vyema, karoti inaweza kukaa hadi wiki mbili bila kuharibika.

    Aidha, wakati wa kuhifadhi karoti yako katika jokofu, usichanganye na matunda mengine kama vile ‘peasi’, nyanya, ‘epo’ na matunda mengine ya jamii hiyo. Inaelezwa kuwa kwa matunda hayo kukaa pamoja, kunaweza kuifanya karoti kuwa chungu.

    Kabla ya kuhifadhi karoti kwenye jokofu, hakikisha umekata majani yake ya juu na mizizi yake ya chini, ili kuzuia karoti kuchipua licha ya kuwa kwenye jokofu.

    JINSI YA KUANDAA NA KUILA KAROTI
    Osha vizuri karoti yako kwa kutumia kifaa maalum cha kusugulia pamoja na maji safi. Wakati wa kuosha karoti, ni vizuri ukitumia maji ya kutiririka na siyo yaliyotuama. Osha karoti kwenye maji ya bomba au kwa kumimina na chombo, usioshee ndani ya chombo kuepuka kuondoka na vijidudu.
     
  2. Kijuche

    Kijuche JF-Expert Member

    #2
    Oct 24, 2011
    Joined: Aug 26, 2010
    Messages: 418
    Likes Received: 0
    Trophy Points: 33
    Shukrani mkuu.
     
  3. Daffi

    Daffi JF-Expert Member

    #3
    Oct 24, 2011
    Joined: Jun 25, 2011
    Messages: 3,729
    Likes Received: 119
    Trophy Points: 160
    Naam!thanxs!
     
  4. Mamndenyi

    Mamndenyi JF-Expert Member

    #4
    Oct 24, 2011
    Joined: Apr 11, 2011
    Messages: 27,249
    Likes Received: 1,916
    Trophy Points: 280
    Asante sana Mku. Kila kitu nahifadhi kwenye faili langu, najua siku moja vitanisaidia sana.
     
  5. feis buku

    feis buku JF-Expert Member

    #5
    Oct 24, 2011
    Joined: Aug 29, 2011
    Messages: 2,371
    Likes Received: 6
    Trophy Points: 0
    ahsante!
     
  6. Edson

    Edson JF-Expert Member

    #6
    Oct 24, 2011
    Joined: Mar 7, 2009
    Messages: 9,053
    Likes Received: 480
    Trophy Points: 180
    mzizi mkavu mi nakushuru sana......mtu ukiwa unakula matango, karote, chungwa, ndizi mbivu,papai, pera, fenesi, walau kila siku unapata aina kama mbili au tatu..hakika utakuwa fiti.....wala haya magonjwa nyemelezi hayakufati fati.....

    halafu hizo juice jamani mnazoandaa nyumbani halafu mnaziacha zinakaa kwa zaidi ya masaa mawili huwa sio.....kunywa mara baada ya kuitengneza....
     
  7. WA-UKENYENGE

    WA-UKENYENGE JF-Expert Member

    #7
    Oct 24, 2011
    Joined: Oct 1, 2011
    Messages: 2,896
    Likes Received: 214
    Trophy Points: 160
    Thanxxxxxxxxxxxxxxxx mkuu!! You are helping alot! Keep it up.
     
  8. GAZETI

    GAZETI JF-Expert Member

    #8
    Oct 25, 2011
    Joined: Feb 24, 2011
    Messages: 2,906
    Likes Received: 245
    Trophy Points: 160
    Mkuu, Mchango wako ni wa dhahabu hapa jukwaani. Mungu tu ndo
    anaweza kukulipa kwa juhudi unazozifanya.
     
  9. Evarm

    Evarm JF-Expert Member

    #9
    Oct 25, 2011
    Joined: Aug 30, 2010
    Messages: 1,404
    Likes Received: 70
    Trophy Points: 145
    Senkyu mzizimkavu
     
Loading...