Kamba aliyojinyongea mtu au Kabanga ina siri gani?

[Segito wa Kalenga]

Habari zenyu wadau wote wa JF!

Ni matumaini yangu kuwa mnaendelea vyema na ujenzi wa Taifa.

Mwaka jana nilipata tatizo la ndugu yangu kujinyonga nyumbani kwangu.Kama ujuavyo sisi tuliopo nje ya nchi hutuchukua muda mrefu kupanga mazishi juu ya kusafirisha kurudisha msiba nyumbani.

Sasa nilikabidhiwa vitu vya marehemu ikiwemo nguo,vyeti na kamba aliojinyongea ambayo wa kwetu walisisitiza nirudi nayo. Tulizika salama tukamaliza msiba na kusahau.hayo yote ni mwaka jana mwanzoni.

Nikiwa sina hili wala lile jana usiku nilipata wageni watatu. Siwajui na wala sijawahi kuwaona. Walijitambulisha na wakasema wamekua wakinitafuta saaana. Shida yao kwangu ni ile kamba aliojinyongea nayo marehemu.

Nilishangaa sana. Nikawauliza nyie mwaitaka ya kazi gani? Wakacheka na kusema hata wao hawajui ila kuna mtu yupo Congo amewaagiza. Waliahidi kunipa Dola za Marekani 10,000 cash. Niliwajibu kama ndugu zangu waliichoma baada ya kumaliza msiba kwa hivi sina nayo tena. Walisikitika wakaondoka.

Ukweli ni kwamba ninayo hiyo kamba na haikuchomwa. Ila kabla sijawapa nataka nijue kwanini wanaitaka hiyo kamba vibaya sana na wanatoa pesa nyingi kiasi hicho kwa ajili ya kamba tu au kuna siri gani iliojificha?

Natanguliza shukrani na nasubiri kuwasoma.

Asanteni sana.

=========

Ushirikina unatumia vitu vingi na tofauti tofauti ili vyombo vikamilike, kuna vitu ambavyo ni rahisi kuvipata katika mazingira yetu kama vile baadhi ya miti, michanga ya kaburi, udongo wa kichuguu nk

Kuna vitu ambavyo ni vya kuhangaikia ama uvipate kwa bahati navyo ni kondo la uzazi, kitovu cha mtoto, mfupa wa mtu, kamba ya mtu aliyojinyongea, majivu ya nyumba iliyoungua au mtu, nyoka aliyekufa, maji ya kuoshea maiti nk

Hivi na vinginevyo ni rasilimali kubwa katika uchawi na wakati mwengine inabidi mtu kutoa pesa nyingi au kwenda mbali kuvitafuta, kwani nguvu ya uchawi inategemea na vitendea kazi unavyotumia (vyachira)

Tunapozungumzia uchawi wengi hujenga picha kuwa mchawi ni mtu masikini kabisa, hapana......wapo wachawi wakubwa na wenye pesa nyingi na hawa wapo tayari kununua chochote au hata kuua ili mradi wajiimarishe zaidi katika walichokusudia (rejea wanaohitaji ndg zetu albino)

Katika uchawi ni kama sayansi nyingine, huyu anaweza kutumia chuma kupasulia nazi, yule akatumia chuma kutengeneza mitambo na mwengine akatumia kujengea daraja ndivyo ulivyo uchawi vifaa vyake havina matumizi ya aina moja.

KAMBA YA ALIYEJINYONGA

Hii tayari imetenda, imeua na katika uchawi hii inafanyiwa vyombo na ikachanganywa na dawa nyingine ikatumika kuua kwa manuizi tu (kama ulivyomuua fulani basi na fulani afe)

Sasa mchawi ananufaikaje mtu huyo akifa?
Hana lazima akaua mtu ila kitendo cha kuwa na dawa hiyo tu wenzake watamfuata hata kwa pesa awapatie kiasi.

Pia hutumika katika mengi zaidi...

Uchawi unatokana na vitu halisi na ndani yake kuna nguvu za kiroho
Mfano udongo wa nyumba iliyohamwa unaweza kutumiwa kukuhamisha kazini, nyumban nk

Kaburi linaweza tumiwa kukufunga kauli nk nk

 

[Chiwaso]

KAMBA KWA DOLA 10,000. SI UNGWAPA TU BADALA YA KUBAKI NAYO HUKU IKIKUONGEZEA MASWALI NA UZUNI KIBAO.

 

[babamwenyenyumba]

@mshanajr njooo huku

 

[Rapherl]

We kamba umemnyongea marehemu nyumbani kwako umekaa nayo mpaka leo ya nini?

 

[platozoom]

Maeneo ya ziwani akifariki mtu kwa maji na asipatikane mapema wavuvi huingia majini kumsaka kwa nyavu.

Ile nyavu iliyotumika kumtoa huwa inalindwa kuliko maiti, ukiiacha watu wataigawana kwa spidi ya ajabu.

 

[X_INTELLIGENCE]

kuwa makini wasije wakakumaliza na ww

 

[miss chagga]

mshana jr njoo............. mimi nina swali kwako mtoa mada sasa wewe hiyo kamaba umekaa nayo ya nini?

 

[Segito wa Kalenga]

KAMBA KWA DOLA 10,000. SI UNGWAPA TU BADALA YA KUBAKI NAYO HUKU IKIKUONGEZEA MASWALI NA UZUNI KIBAO.

Mkuu mbele ya kuwapa hiyo kamba napaswa nijue kwanini wanaitaka vibaya sana?Kama wao watanipa mimi hiyo pesa wao watapata pesa ngapi?Mjini hapa!Na hivi nipo na njaa ya maajabu plus sina kazi mwaka wa pili huu naishi kwa kuunga unga hell no.Siwezi.

 

[Segito wa Kalenga]

mshana jr njoo............. mimi nina swali kwako mtoa mada sasa wewe hiyo kamaba umekaa nayo ya nini?

Marehemu alifia kwangu so vitu vyote nilikabidhiwa mimi.Ndugu walivikataa wanasema vina mkosi so nikaviweka tu stoo.Nilisema ntavichoma nikasahau mpaka leo vipo tuu

 

[Segito wa Kalenga]

kuwa makini wasije wakakumaliza na ww

Kweli kabisa mkuu inapaswa nijue kinachoendelea mapemaaa

 

[miss chagga]

Marehemu alifia kwangu so vitu vyote nilikabidhiwa mimi.Ndugu walivikataa wanasema vina mkosi so nikaviweka tu stoo.Nilisema ntavichoma nikasahau mpaka leo vipo tuu

haya mama ngoja huyo kijana niliyemwita atatuambia ina maana gani

 

[Ground 00]

Wape hiyo kamba mkuu. Halafu dola 2000 zisogeze pande hizi. Hiyo ni kamba tu kama ya kuku mgeni mguuni...usiwaze sana

 

[Patience123]

Watu wana imani za ajabu sana duniani.

 

[gstar]

Hiyo kamba ukiwapa yatakayo kupata ni makubwa na wala huta faidi hiyo hela utakayo pewa!!

 

[Segito wa Kalenga]

Wape hiyo kamba mkuu. Halafu dola 2000 zisogeze pande hizi. Hiyo ni kamba tu kama ya kuku mgeni mguuni...usiwaze sana

umetishaaa.Ngoja niwape tu then tukutane kwa Mfojo tule nyama tupunguze machungu ya maisha

 

[Ground 00]

umetishaaa.Ngoja niwape tu then tukutane kwa Mfojo tule nyama tupunguze machungu ya maisha

Wape halafu nitafute. Kaa mbali na miss chagga. Teh teh teh

 

[Benny]

Kumbe unaweza kujinyonga familia yako ikauza hiyo kamba usd 10,000 ukawatoa kwenye umasikini

 

[Elli]

Kweli kila kitu ni deal dunia hii.... si ungewapa ya uongo ya ukweli ukabaki nayo??

 

[Elli]

Nimeona kwenye title umeandika kitu kama kabanga sijaelewa hapo...

 

[idawa]

Kwa hapa bongo mtu akijinyonga kwa kamba, polisi wakija kumfungua ujue kamba ni mali yao.