Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kamati ya Madini ya Bunge yahongwa kupitisha Bajeti ya madini?

Discussion in 'Jukwaa la Siasa' started by JOHN MADIBA, Jul 4, 2011.

  1. JOHN MADIBA

    JOHN MADIBA JF-Expert Member

    #1
    Jul 4, 2011
    Joined: Jan 30, 2011
    Messages: 251
    Likes Received: 0
    Trophy Points: 0
    WIZARA ya Nishati na Madini imeingia katika kashfa nzito ambapo baadhi ya maofisa wa wizara hiyo wanatuhumiwa kuwahonga baadhi ya wabunge katika Kamati ya Bunge ya Nishati na Madini kwa kile kinachodaiwa kutaka bajeti ya wizara hiyo kupita kwa urahisi, Mwananchi limebaini.

    Habari zilizopatikana kutoka Dodoma na Dar es Salaam zimedokeza kuwa taarifa za uovu huo tayari zimefikishwa mezani kwa Waziri Mkuu, Mizengo Pinda ambaye amesema atalishughulikia baada ya kuwa amewasiliana na Waziri wa Nishati na Madini, William Ngeleja.

    Kwa mujibu wa habari hizo suala hilo pia tayari limefikishwa kwa Spika wa Bunge, Anne Makinda na kwamba kamati ya uongozi ya bunge anayoiongoza pia imearifiwa kuhusu suala hilo.

    Kashfa hiyo imeikumba wizara hiyo katika kipindi kigumu ambacho nchi iko gizani huku wizara hiyo ikilaumiwa kutokana na uhaba wa nishati ya umeme kiasi cha Waziri Ngeleja kutangaza mgawo wa saa 10 wakati wa mchana na saa sita wakati wa usiku "ni janga la kitaifa".

    Habari zaidi zinasema miongoni mwa mambo muhimu ambayo kamati hiyo ilikuwa ikitaka maelezo ni mapendekezo ya wizara hiyo kutaka kujenga jeno la makao yake makuu jijini Dar es Salaam kinyume cha ilani ya CCM ambayo inaweka wazi kwamba hakutakuwa na ujenzi wa makao makuu ya wizara jijini humo katika kipindi cha miaka mitano ijayo.

    Habari zilizolifikia Mwananchi zilidai kwamba, Mwenyekiti wa Kamati ya Nishati na Madini ya Bunge, January Makamba ndiye aliyewasilisha malalamiko kwa Pinda na Makinda baada ya kubaini 'ulegevu' miongoni mwa wajumbe wa kamati yake wakati wa mchakato wa kujadili mapendekezo ya bajeti ya Wizara hiyo na kwamba mapema alikuwa ameishapokea taarifa kuhusu baadhi ya wajumbe wake kuhongwa.

    "Mwenyekiti (January) alipewa taarifa za wajumbe wawili wa kamati yake ambao walikataa hongo hiyo, na baada ya kufanya uchunguzi alibaini kwamba kuna kila dalili kwamba baadhi ya wabunge katika kamati yake walikuwa wamebadili msimamo katika baadhi ya mambo," kilieleza chanzo chetu mjini Dodoma.

    Habari zaidi zilidai kuwa kufuatia hali hiyo, January aliitisha kikao cha wabunge ambao ni wajumbe wa kamati yake na kugeuka mbogo, huku akiweka bayana kuchukizwa kwake na taarifa za wajumbe wake kuhongwa na kwamba alikwenda mbali zaidi akitishia kujiuzulu nafasi ya uenyekiti ili kutoa nafasi kwa wabunge hao kuchagua mwenyekiti mwingine ambaye atakuwa tayari kuvumilia uovu huo.

    "Yule kijana (January) alikasirika sana, alichukizwa kweli kweli na hali hiyo kwa sababu ni kama wajumbe waliopokea hizo bahasha walikuwa wakimzunguka kwani tayari walikuwa wanajua nini wanachopaswa kufanya ili kuziokoa sekta za nishati na madini,"kilieleza chanzo hicho.

    Kadhalika suala hilo la hongo lilijadiliwa katika kikao cha pamoja baina ya wajumbe wa kamati hiyo na viongozi wa Wizara ya Nishati na Madini, ambapo Waziri Ngeleja na Naibu wake, Adam Malima waliomba radhi kutokana na tukio hilo, hivyo kamati hiyo kuagiza maofisa wa wizara waliohusika wachukuliwe hatua.

    "Ni kama Ngeleja na Malima walimalizana na kamati, si unajua maana ni kama January alikuwa peke yake, kama kulikuwa na wanaomsapoti (wanaomuunga mkono) walikuwa ni wachache, hivyo kama waziri na naibu wake waliomba radhi hakukuwa jinsi zaidi ya kumalizana nao," zilidai taarifa hizo na kuongeza:

    "Hata hivyo Mwenyekiti na baadhi ya wajumbe walimwagiza Ngeleja na Malima kuwachukulia hatua maofisa waliohusika na ugawaji wa fedha hizo kwa baadhi ya wabunge".

    Kauli za viongozi

    Mwananchi liliwasiliana na January ili kufahamu undani wa suala hilo, lakini mbunge huyo wa Bumbuli hakukanusha wala kukubali kuhusu baadhi ya wajumbe wake kupokea rushwa.

    "Nani kakwambia bwana, mimi siwezi kuzungumza lolote, mambo ya kamati jamani si yote tunayoweza kuweka wazi, lakini siku hizi hatufanyi vikao bila kuwaruhusu waandishi wa habari, kama hayo yangetokea si yangeonekana wakati huo?,"alihoji January.

    Waziri Ngeleja kama ilivyo kwa January naye hakukubali wala kukanusha kuwepo kwa tuhuma hizo na badala yake alisisitiza kwamba anayeweza kuzizungumzia ni mwenyekiti wa kamati akimaanisha January.

    "Unasikia, kama jambo limetokea kwenye kamati mimi sina mamlaka ya kulizungumzia hata kidogo maana nitakuwa navunja kanuni, kama wengine nilivyowaambia maana naona leo wengi wananitafuta kwa habari hii, mpigieni mwenyekiti wa kamati yeye ana mamlaka, mimi kwangu no comment (siwezi kusema chochote),"alisema Ngeleja kwa simu.

    Spika wa Bunge, Makinda kwa upande wake pia alikanusha kupokea taarifa hizo. "Mimi ndiyo nazisikia kutoka kwako, pengine kama zimeletwa kwa barua sijaiona, lakini sifahamu kitu kama hicho," alisema Makinda alipozungumza kwa simu na Mwananchi.

    Kwa upande wake Naibu Spika Job Ndugai alisema kuwa hana taarifa hizo kwa kuwa yeye alikuwa nje ya nchi kikazi. "Ndugu yangu, pengine ukimpata Spika anaweza kukusaidia, mimi nimerudi jioni hii (jana jioni) ndio naingia hapa Dodoma najiandaa kwa ajili ya kesho,"alisema Ndugai.
     
  2. M

    Mapujds JF-Expert Member

    #2
    Jul 4, 2011
    Joined: May 12, 2011
    Messages: 1,291
    Likes Received: 1
    Trophy Points: 135
    Ngeleja anaomba msamaha na kuonkana kama amemalizana na kamati!!hao maofisa wa wizara wamezitowa wapi hizo hela kama sio wizarani? Je, waziri hausiki kwa hili? Maana bila yeye waziri kuwaagiza maofisa wasinge gawa hongo, kuna jambo limejificha.

    Na huyu makinda mbona mara nyingi maswali ya kushtukiza huwa anakwepa? Then baada ya kukutana na wanamagamba anakuja na majibu yake. izWara inatia aibu kwanini hizopesa za hongo wasingenunulia majenereta wakapelea Kigoma, Rukwa na Ruvuma ili wananchi wapate umeme?
     
  3. F

    FUSO JF-Expert Member

    #3
    Jul 4, 2011
    Joined: Nov 19, 2010
    Messages: 9,742
    Likes Received: 297
    Trophy Points: 180
    Mimi siamini kama mbunge wa Tanzania - Mwakilishi wa wananchi zaidi ya 5,000 ambaye kazi yake ni kuwasemea dukuduku zao na na kuwatetea mbele ya serikali, huyu naye achukue bahasha? - Wakuu tuwe serious na hili jambo hili tunapolijadili ni zito sana.

    Kama kweli ikithibitika kuwa ni kweli basi nchi hii imekwisha - imeoza kwa rushwa na tusitegee maendeleo yoyote bila kubadili uongozi wa nchi hii kwa haraka sana.

    Hii ni hatari kwa usalama wa taifa letu.

    MWAKILISHI WA WANANCHI ANAPOKUWA NA TAMAA YA PESA A.K.A POSHO - HUYU HAFAI KUWA KIONGOZI.
     
  4. RedDevil

    RedDevil JF-Expert Member

    #4
    Jul 4, 2011
    Joined: Apr 30, 2009
    Messages: 1,893
    Likes Received: 298
    Trophy Points: 180
    Kuna watu wanatafuta umaarufu kupitia hii wizara, ata the same hii wizara imefanywa mtaji wa kisiasa kila mwenye kuweza anafanya anavyotaka. Am tired with blah blah za hii nchi. Tuamkeni jamani!!
     
  5. Barubaru

    Barubaru JF-Expert Member

    #5
    Jul 4, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Makubwa haya.

    yaani mpaka wawakilishi wa wananchi wanahongwa.

    PCCB huko Tanzania / Tanganyka fanyeni kazi Yenu
     
  6. Kimilidzo

    Kimilidzo JF-Expert Member

    #6
    Jul 4, 2011
    Joined: Jan 3, 2011
    Messages: 1,344
    Likes Received: 29
    Trophy Points: 135
    Atafanyaje wakati akitoka tu nje ya viwanja vya bunge wananchi wanamzunguka wanataka awatatulie matatizo yao. ni bora aongeze kipato kupitia rushwa zinazojileta kama hizo. Pinda si kahalalisha uombaomba wa watanzania....
     
  7. Keren_Happuch

    Keren_Happuch JF-Expert Member

    #7
    Jul 4, 2011
    Joined: Jan 14, 2011
    Messages: 1,880
    Likes Received: 9
    Trophy Points: 135
    Kwa jinsi wabunge wetu wanavyopenda pesa, inawezekana kabisa hii habari ikawa ya kweli!
     
  8. Elinasi

    Elinasi Member

    #8
    Jul 4, 2011
    Joined: Sep 3, 2010
    Messages: 64
    Likes Received: 1
    Trophy Points: 13
    MAOFISA WA JUU WATUHUMIWA KUIHONGA KAMATI YA MAKAMBAMwandishi Wetu
    WIZARA ya Nishati na Madini imeingia katika kashfa nzito ambapo baadhi ya maofisa wa wizara hiyo wanatuhumiwa kuwahonga baadhi ya wabunge katika Kamati ya Bunge ya Nishati na Madini kwa kile kinachodaiwa kutaka bajeti ya wizara hiyo kupita kwa urahisi, Mwananchi limebaini.
    Habari zilizopatikana kutoka Dodoma na Dar es Salaam zimedokeza kuwa taarifa za uovu huo tayari zimefikishwa mezani kwa Waziri Mkuu, Mizengo Pinda ambaye amesema atalishughulikia baada ya kuwa amewasiliana na Waziri wa Nishati na Madini, William Ngeleja.
    Kwa mujibu wa habari hizo suala hilo pia tayari limefikishwa kwa Spika wa Bunge, Anne Makinda na kwamba kamati ya uongozi ya bunge anayoiongoza pia imearifiwa kuhusu suala hilo.
    Kashfa hiyo imeikumba wizara hiyo katika kipindi kigumu ambacho nchi iko gizani huku wizara hiyo ikilaumiwa kutokana na uhaba wa nishati ya umeme kiasi cha Waziri Ngeleja kutangaza mgawo wa saa 10 wakati wa mchana na saa sita wakati wa usiku "ni janga la kitaifa".
    Habari zaidi zinasema miongoni mwa mambo muhimu ambayo kamati hiyo ilikuwa ikitaka maelezo ni mapendekezo ya wizara hiyo kutaka kujenga jeno la makao yake makuu jijini Dar es Salaam kinyume cha ilani ya CCM ambayo inaweka wazi kwamba hakutakuwa na ujenzi wa makao makuu ya wizara jijini humo katika kipindi cha miaka mitano ijayo.
    Habari zilizolifikia Mwananchi zilidai kwamba, Mwenyekiti wa Kamati ya Nishati na Madini ya Bunge, January Makamba ndiye aliyewasilisha malalamiko kwa Pinda na Makinda baada ya kubaini 'ulegevu' miongoni mwa wajumbe wa kamati yake wakati wa mchakato wa kujadili mapendekezo ya bajeti ya Wizara hiyo na kwamba mapema alikuwa ameishapokea taarifa kuhusu baadhi ya wajumbe wake kuhongwa.
    "Mwenyekiti (January) alipewa taarifa za wajumbe wawili wa kamati yake ambao walikataa hongo hiyo, na baada ya kufanya uchunguzi alibaini kwamba kuna kila dalili kwamba baadhi ya wabunge katika kamati yake walikuwa wamebadili msimamo katika baadhi ya mambo," kilieleza chanzo chetu mjini Dodoma.
    Habari zaidi zilidai kuwa kufuatia hali hiyo, January aliitisha kikao cha wabunge ambao ni wajumbe wa kamati yake na kugeuka mbogo, huku akiweka bayana kuchukizwa kwake na taarifa za wajumbe wake kuhongwa na kwamba alikwenda mbali zaidi akitishia kujiuzulu nafasi ya uenyekiti ili kutoa nafasi kwa wabunge hao kuchagua mwenyekiti mwingine ambaye atakuwa tayari kuvumilia uovu huo.
    "Yule kijana (January) alikasirika sana, alichukizwa kweli kweli na hali hiyo kwa sababu ni kama wajumbe waliopokea hizo bahasha walikuwa wakimzunguka kwani tayari walikuwa wanajua nini wanachopaswa kufanya ili kuziokoa sekta za nishati na madini,"kilieleza chanzo hicho.
    Kadhalika suala hilo la hongo lilijadiliwa katika kikao cha pamoja baina ya wajumbe wa kamati hiyo na viongozi wa Wizara ya Nishati na Madini, ambapo Waziri Ngeleja na Naibu wake, Adam Malima waliomba radhi kutokana na tukio hilo, hivyo kamati hiyo kuagiza maofisa wa wizara waliohusika wachukuliwe hatua.
    "Ni kama Ngeleja na Malima walimalizana na kamati, si unajua maana ni kama January alikuwa peke yake, kama kulikuwa na wanaomsapoti (wanaomuunga mkono) walikuwa ni wachache, hivyo kama waziri na naibu wake waliomba radhi hakukuwa jinsi zaidi ya kumalizana nao," zilidai taarifa hizo na kuongeza:
    "Hata hivyo Mwenyekiti na baadhi ya wajumbe walimwagiza Ngeleja na Malima kuwachukulia hatua maofisa waliohusika na ugawaji wa fedha hizo kwa baadhi ya wabunge".
    Kauli za viongozi
    Mwananchi liliwasiliana na January ili kufahamu undani wa suala hilo, lakini mbunge huyo wa Bumbuli hakukanusha wala kukubali kuhusu baadhi ya wajumbe wake kupokea rushwa.
    "Nani kakwambia bwana, mimi siwezi kuzungumza lolote, mambo ya kamati jamani si yote tunayoweza kuweka wazi, lakini siku hizi hatufanyi vikao bila kuwaruhusu waandishi wa habari, kama hayo yangetokea si yangeonekana wakati huo?,"alihoji January.
    Waziri Ngeleja kama ilivyo kwa January naye hakukubali wala kukanusha kuwepo kwa tuhuma hizo na badala yake alisisitiza kwamba anayeweza kuzizungumzia ni mwenyekiti wa kamati akimaanisha January.
    "Unasikia, kama jambo limetokea kwenye kamati mimi sina mamlaka ya kulizungumzia hata kidogo maana nitakuwa navunja kanuni, kama wengine nilivyowaambia maana naona leo wengi wananitafuta kwa habari hii, mpigieni mwenyekiti wa kamati yeye ana mamlaka, mimi kwangu no comment (siwezi kusema chochote),"alisema Ngeleja kwa simu.
    Spika wa Bunge, Makinda kwa upande wake pia alikanusha kupokea taarifa hizo. "Mimi ndiyo nazisikia kutoka kwako, pengine kama zimeletwa kwa barua sijaiona, lakini sifahamu kitu kama hicho," alisema Makinda alipozungumza kwa simu na Mwananchi.
    Kwa upande wake Naibu Spika Job Ndugai alisema kuwa hana taarifa hizo kwa kuwa yeye alikuwa nje ya nchi kikazi. "Ndugu yangu, pengine ukimpata Spika anaweza kukusaidia, mimi nimerudi jioni hii (jana jioni) ndio naingia hapa Dodoma najiandaa kwa ajili ya kesho,"alisema Ndugai.

    Source Mwananchi new paper, 04th July 2011
     
  9. CAMARADERIE

    CAMARADERIE JF-Expert Member

    #9
    Jul 4, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Magamba Stars
     
  10. tz1

    tz1 JF-Expert Member

    #10
    Jul 4, 2011
    Joined: Mar 19, 2011
    Messages: 2,100
    Likes Received: 17
    Trophy Points: 135
    Hakuna cha ajabu hapo
     
  11. Nyange

    Nyange JF-Expert Member

    #11
    Jul 4, 2011
    Joined: Mar 25, 2010
    Messages: 1,928
    Likes Received: 6
    Trophy Points: 135
    Maumivu nchi inayoyapata kutoka na blanda za ngeleja, kwa maslahi yake, linakula kizazi cha sasa na kijacho. Kwanini kijana huyu ngeleja aslambwe viboko? Sekta inayotegemea umeme, uzalishaji umekuwa wa ghari mno kiasi kwamba cost per unit imepanda sana kiasi kwamba nchi iko kwenye shida.

    Fikiria tangu mwaka 2002mpaka sasa 2011 bado jibu la serikali kwamba inalishughulikia hili tatizo la umeme! Je sisi ni kondoo???????????
    Mi jajiuliza
    1. Hakuna pesa ya kutosha ku- deal na issue hii ya umeme ili soln ipatikane?
    2. Je shirika halina planning officer yaani kujua miez flani maji yatapungua na juhudi gani zichuliwe ili kuhakikisha kila kitu kinakaa sawa?
    3. Au ni janja ya wale wanao deal na kuuza generators , na solar energy ili wauze kwa wingi ka kupata profit wahusika wa wizara wanahongwa?
    4. Mi siridhiki na wizara ya nishati inavyo operate, na kulichukulia kukatika kwa umeme ni jambo la kawaida.
    5. Binadamu gani asiye jisikia vibaya kwa mwenzake anavyo pata hasara? Vyombo vyote vinavyo tumia umeme, na vyakula vyetu, vimeharibika, kisa deal ya ngeleja awe tajiri kama Lowasa kwa gharama za watanzania?
    6. Mungu nisamehe kwasababu nina hasira.
     
  12. ismathew

    ismathew JF-Expert Member

    #12
    Jul 4, 2011
    Joined: May 18, 2011
    Messages: 254
    Likes Received: 0
    Trophy Points: 0
    wasisumbue wananchi, wanataka kuzuia ufisisadi na uozo wao usionekane. katika hilo ndio wamezidi kuonyesha ni mafisadi na amna
    kipya wanachofanya kuondoa janga na hadha ya umeme kwa watanzania.Na wameonyesha jinsi gani wanavyozivuruga pesa za
    walipa kodi bila ya huruma kwa ajili ya maslahi yao binafsi, kwa kwa kutaka kuwapa matumaini watanzania kwa bajeti yao ya
    udanganyifu. Na kuomba samahani kwa hilo ni waziri mwenye dhamana kujiuzuru pamoja na watendaji wake wote.
     
  13. Foundation

    Foundation JF-Expert Member

    #13
    Jul 4, 2011
    Joined: Nov 25, 2010
    Messages: 1,324
    Likes Received: 86
    Trophy Points: 145
    Kama Hao Wabunge walipita kwa Tisheti na Kanga, watafanya nini jipya
     
  14. k

    kagamba kadogo Senior Member

    #14
    Jul 4, 2011
    Joined: Apr 24, 2011
    Messages: 178
    Likes Received: 0
    Trophy Points: 0
    Ndo zetuuuuu
     
  15. U

    Ulimakafu JF-Expert Member

    #15
    Jul 4, 2011
    Joined: Mar 18, 2011
    Messages: 16,532
    Likes Received: 250
    Trophy Points: 180
    Bahasha kwao ni halali tu.Tutafanyaje nchi itamia auto pilot.
     
  16. k

    kiloni JF-Expert Member

    #16
    Jul 4, 2011
    Joined: Oct 28, 2010
    Messages: 576
    Likes Received: 1
    Trophy Points: 0
    Kumbe hoja ya zito ina mashiko: "Baraza la mawaziri lilivamiwa na ma-lobysts."

    Sishangai kwa kamati zinazoundwa na majambazi wengi wa magamba!!!
    Nchi yetu imekwishauzwa zamaniii!!!!!!!
     
  17. S

    Sobangeja Senior Member

    #17
    Jul 4, 2011
    Joined: Apr 10, 2011
    Messages: 166
    Likes Received: 2
    Trophy Points: 35
    Matatizo sana hii nchi!!!!!!!
     
  18. Jidundufila

    Jidundufila Member

    #18
    Jul 4, 2011
    Joined: Nov 2, 2010
    Messages: 86
    Likes Received: 0
    Trophy Points: 13
    Ningependa kujua mnyika nae alichukua? Maana nimiongoni mwa wanakamati
     
  19. Kamakabuzi

    Kamakabuzi JF-Expert Member

    #19
    Jul 4, 2011
    Joined: Dec 3, 2007
    Messages: 1,347
    Likes Received: 6
    Trophy Points: 135
    Pole sana ndugu fuso; unaishi nchi gani wewe?
    Ebu jaribu kufuatilia ni wakati gani wabunge wa ccm huitwa kwenye vikao vya kamati ya wabunge wa ccm; then read between the lines!!
     
  20. Emanuel Makofia

    Emanuel Makofia JF-Expert Member

    #20
    Jul 4, 2011
    Joined: Jan 5, 2010
    Messages: 3,817
    Likes Received: 2
    Trophy Points: 135

    Hapana ni uwezo mdogo wa kufikiri na kuamua!!
     
Loading...