Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kamati ya Cheyo yawatimua viongozi wa Lindi

Discussion in 'Jukwaa la Siasa' started by Lilombe, May 28, 2011.

  1. L

    Lilombe JF-Expert Member

    #1
    May 28, 2011
    Joined: Apr 11, 2011
    Messages: 242
    Likes Received: 0
    Trophy Points: 0
    Mwenyekiti wa Kamati ya Kudumu ya Bunge ya Hesabu za Serikali (PAC), John Cheyo amekataa kusikiliza maelezo yoyote ya utetezi na kuwatimua viongozi wa Mkoa wa Lindi, baada ya kubaini ufisadi wa mamilioni ya fedha ndani ya Mkoa huo.
    Viongozi hao wa Mkoa wa Lindi walifika jijini Dar es Salaam kwa ajili ya kuhojiwa na kamati hiyo kuhusu mahesabu yao ya mwaka 2010/2011, lakini baada ya Cheyo kubaini uozo huo alikataa kuwapa nafasi ya hata ya kujitambulisha wala kuzungumza chochote.
    "Ndugu wajumbe hawa viongozi hakuna haja ya wao kujitambulisha badala yake tuanze moja kwa moja kuangalia hoja iliyoletwa mbele yetu," Cheyo alisikika akiwaambia wajumbe wa kamati yake.
    Baada ya kumaliza kutoa kauli hiyo ndipo alipoanza kuchambua kurasa mbalimbali za taarifa hiyo ya mahesabu ambapo kila alipopekua alizidi kushikwa na hasira jambo lililomfanya asitishe zoezi hilo na kuwataka viongozi watoke nje na kuondoka kurudi kwao Lindi.
    Cheyo muda mfupi baada ya kuanza kupitia kwa haraka haraka taarifa hiyo, alibaini kuna fedha nyingi zimetumika bila ya maelezo yoyote ya kina na kwamba kamati yake haiwezi kupoteza muda kwa ajili ya kujadili madudu kama hayo.
    Alitoa mfano kuwa kuna malipo ambayo yalifanywa kabla ya kupata taarifa ya malipo (Invoice) kitu ambacho ni kinyume na utaratibu wa serikali.
    Kamati hiyo ilipomuuliza Katibu Tawala wa Mkoa huo, Thomas Soum, kuwa ameshika wadhifa huo kwa gani, aliwajibu kuwa ni mwaka mwaka mmoja na kabla yake yeye alikuwepo, Claudia Bitegenye ambaye kwa sasa amehamishiwa Mkoa wa Manyara.
    Baada ya maelezo hayo, Cheyo aliahidi kumwandikia barua Mlipaji MKuu wa Serikali ili amuondolee, Bitegenye wadhifa wa kuwa Ofisa Masuhuli huko aliko pamoja na kumwuandikia Waziri anayehusika wa Makatibu Tawala ili amkate mshahara wake kwa asilimia 15.
    Aidha, Cheyo aliahidi kuwaita tena viongozi hao mkoani Dodoma ili watoe maelezo ya kina wakiwa na aliyekuwa Katibu Tawala wao Bitegenye kwa kuwa yeye ndiye atakuwa na majibu.
    Alimwagiza Soum kuwa mkali na kuhakikisha anasimamia masuala yote ya fedha ikiwemo manunuzi ya vitu mbalimbali ili mwaka wa fedha ujao wawe na hati safi.
    Kamati ilibaini zaidi ya Sh. milioni 200 katika Mkoa huo wa Lindi zimepotea kupitia malipo mbalimbali ambayo hayakuzingatia taratibu na Sheria za serikali.
    Kutokana na kuwekwa kiti moto’ na kutolewa jasho, viongozi hao wa Mkoa wa Lindi walijikuta wakiondoka bila hata kunywa chai licha ya kamati hiyo kuwakaribisha.
    Source: Gazeti la Nipashe, Mei 28, 2011

    Mheshimiwa Cheyo na Kamati yake BIG UP!






     
  2. T

    T.K JF-Expert Member

    #2
    May 28, 2011
    Joined: Nov 19, 2010
    Messages: 341
    Likes Received: 0
    Trophy Points: 33
    Okay wamegundua kuna wizi so what next?...kwanini asingekabidhi hiyo ripoti kwa TAKUKURU??..hii nchi ni kulkula tu, hata mchwa wana nafuu!!
     
  3. R

    Rweye JF-Expert Member

    #3
    May 28, 2011
    Joined: Mar 16, 2011
    Messages: 12,712
    Likes Received: 1,291
    Trophy Points: 280
    Kwa vile hawa wametafuna pesa ya umma wanastahili nao wafikishwe mahakamani maana kukatwa mshahara haitoshi,Cheyo njoo na Sikonge,Tabora viongozi wanatumbua tu
     
  4. FaizaFoxy

    FaizaFoxy JF-Expert Member

    #4
    May 28, 2011
    Joined: Apr 13, 2011
    Messages: 50,466
    Likes Received: 9,213
    Trophy Points: 280
    Washitakiwe, ushahidi si upo kinangojwa nini?
     
  5. Ndachuwa

    Ndachuwa JF-Expert Member

    #5
    May 28, 2011
    Joined: Mar 8, 2006
    Messages: 4,138
    Likes Received: 286
    Trophy Points: 180
    Hesabu za 2010/2011 zitafungwa na kukaguliwa baada ya September 2011
     
  6. Kombo

    Kombo JF-Expert Member

    #6
    May 28, 2011
    Joined: Oct 29, 2010
    Messages: 1,819
    Likes Received: 6
    Trophy Points: 0
    TAKUKURU? Are you serious? Wataalamu wa KUSHINDWA kesi? Bora hata kuchukua administrative actions against the suspects kama alivopendekeza Cheyo!
     
  7. Pukudu

    Pukudu JF-Expert Member

    #7
    May 28, 2011
    Joined: Jan 7, 2011
    Messages: 2,806
    Likes Received: 467
    Trophy Points: 180
    sio hapa Bongo labda tuzaliwe upya tuna kasumba ya kuogopana
     
Loading...