Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kamanda James Kombe apata mrithi

Discussion in 'Habari na Hoja mchanganyiko' started by Halisi, Mar 9, 2010.

  1. Halisi

    Halisi JF-Expert Member

    #1
    Mar 9, 2010
    Joined: Jan 16, 2007
    Messages: 2,810
    Likes Received: 66
    Trophy Points: 145
    http://www.dar411.com/2009/images/uploads/img240x250

    IGP MWEMA ATEUA KAMANDA MPYA
    KIKOSI CHA USALAMA BARABARANI
    Na Mohammed Mhina, wa Jeshi la Polisi

    DAR ES SALAAM JUMANNE MACHI 09, 2010. Mkuu wa Jeshi la Polisi nchini Inspekta Jenerali Saidi Mwema, amefanya ya mabadiliko ya Uongozi kwenye Jeshi hilo yakihusisha Kikosi cha Usalama Barabarani na maafisa wa vitengo mbalimbali kikiwemo Kitengo cha Habari cha Jeshi la Polisi.

    Msemaji Mkuu wa Jeshi la Polisi nchini Kamishna Msaidizi Abdallah Mssika, amesema leo kuwa katika mabadiliko hayo Mkuu wa Jeshi la Polisi amemteua Kamishna Msaidizi wa Polisi Mohammed Mpinga, kuwa kamanda Mpya wa Kikosi cha Usalama Barabarani nchini badala ya Kamishna Msaidizi Mwandamizi wa Polisi James Kombe, ambaye anastaafu kwa mujibu wa Sheria.

    Kamanda Mssika amesema kuwa nafasi ya Kamanda Mpinga, inachukuliwa na Mkuu wa Usalama Barabarani mkoa wa Pwani Mrakibu Mwandamizi wa Polisi Johansen Kahatano. Kabla ya Uteuzi huo, Kamanda Mpinga alikua ni Afisa Mnadhimu wa Kikosi cha Usalama barabarani nchini.

    Katika mabadiliko hayo Mkuu wa Jeshi la Polisi amemteua Mrakibu Msaidizi wa Polisi Advera Senso, kuwa Msemaji Msaidizi wa Jeshi la Polisi badala ya Mrakibu Suzan Kaganda, ambaye amehamishiwa Kanda Maalum ya Dar es Salaam kuwa msaidizi wa kitengo cha masuala ya Operesheni.

    Wengine waliohamishwa ni Afisa Mnadhimu mkoa wa Tanga ACP Simon Mgawe, kwenda Makao Makuu ya Jeshi la Polisi, Mkuu wa Usalama barabarani mkoa wa Kigoma SSP Salehe Mbaga, kwenda kuwa Mkuu mpya wa Usalama barabarani mkoa wa Pwani.

    Kamanda Mssika amesema kuwa, Mkuu wa Upelelezi wa Kikosi cha Reli Mrakibu wa Polisi Adolphina Kapufi, sasa anakuwa Afisa Mnadhimu wa mkoa wa Tanga ambapo nafasi yake inachukuliwa na SP Sebastian Mbutta, kutoka Upelelezi Singida.

    Amesema SP Robert Masanja, ambaye ni Mkufunzi Chuo cha Polisi CCP Moshi sasa anakuwa Mkuu wa Polisi Wilaya ya Songea mkoani Ruvuma. Awali nafasi hiyo ilikuwa ikikaimiwa na ASP marco Joshua ambaye sasa anahamishiwa ofisi ya Kamanda wa Polisi mkoani Ruvuma.

    Kamanda Mssika amewataja maafisa wengine waliohamishwa kuwa ni ASP Anthony Masonzu, kutoka Kikosi cha Usalama Barabarani Makao Makuu Jijini Dar es Salaam kwenda Makao Makuu ya Jeshi la Polisi ambapo Mkuu wa Usalama Barabarani Kituo cha Kigoma Mrakibu Msaidizi wa Polisi William Mkonda yeye ameteuliwa kukaimu nafasi ya Mkuu wa Usalama Barabarani Mkoa wa Kigoma.

    Kamanda Mssika amesema kuwa mabadiliko hayo ni ya kawaida na yanalenga zaidi katika kuboresho ufanisi katika kutoa huduma za Polisi kwa Jamii.
     

    Attached Files:

  2. nguvumali

    nguvumali JF Bronze Member

    #2
    Mar 9, 2010
    Joined: Sep 3, 2009
    Messages: 4,793
    Likes Received: 15
    Trophy Points: 135

    hapa Kamanda mwema amecheza, asante ,
    kama alikua kwenye akili yangu , kuwa matatizo ya usafiri na usafirishaji DSM CHANZO NI HUYU, hakuwa nauwezo , alikua mtafuta sifa, mara nyingi nilikua namuona pale mataa ya salenda , akiongoza magari, kwangu hakuwa kiongozi makini na mahiri.​
     
  3. N

    Nanu JF-Expert Member

    #3
    Mar 9, 2010
    Joined: May 29, 2009
    Messages: 1,224
    Likes Received: 2
    Trophy Points: 135
    Tunategemea pia tuone mabadiliko ya ma-RPC wa Arusha, Manyara, na Dar es Salaam katika kuongeza ufanisi. (Manyara-polisi wananyanyasa wananchi huko Hanang, Arusha-ujambazi umeshika kasi inaonekana kama vile polisi wamezidiwa, Dar es Salaam-ujambazi umeibuka upya licha ya Kova kuwepo kwenye TV mara kwa mara kuonyesha anafanya kazi hali bado kuna watu wanapoteza maisha kutwa kwa ujambazi)
     
  4. mayenga

    mayenga JF-Expert Member

    #4
    Mar 9, 2010
    Joined: Sep 6, 2009
    Messages: 3,412
    Likes Received: 204
    Trophy Points: 160
    Ni vema,labda mabadiliko yatakuwepo!
     
  5. nguvumali

    nguvumali JF Bronze Member

    #5
    Mar 9, 2010
    Joined: Sep 3, 2009
    Messages: 4,793
    Likes Received: 15
    Trophy Points: 135
    sasa zawadi nyingine kwangu ni kumuondoa huyu jamaa , mkuu wa polisi kanda maalumu ya DSM.
     
  6. RayB

    RayB JF-Expert Member

    #6
    Mar 9, 2010
    Joined: Nov 27, 2009
    Messages: 2,755
    Likes Received: 81
    Trophy Points: 145
    Umsimsfie IGP, umemabiwa jamaa anastaafu kwa mujibu wa sheria tu na wala sio anabadilishwa. Halafu kuongoza magari si ndo alikuwa mchapa kazi au?
     
  7. senator

    senator JF-Expert Member

    #7
    Mar 9, 2010
    Joined: Aug 9, 2007
    Messages: 1,927
    Likes Received: 0
    Trophy Points: 133
    Kweli kabisa sioni sababu kwann kamanda Sele anaendelea kubaki dar hapa...tunataka mtu mchapakazi hapa anaweza kuwepeleka puta Majambazi haswa sio kusumbuana na vijambazi vidogo na kesi zakupandikiza za JMuro
     
  8. Mahesabu

    Mahesabu JF-Expert Member

    #8
    Mar 9, 2010
    Joined: Jan 27, 2008
    Messages: 4,605
    Likes Received: 279
    Trophy Points: 180
    Watanzania wenzangu mtu afanyapo vyema hupongezwa.......HATA HILI TWASHINDWA KUPONGEZA...?Tutabaki laumu tu mpaka lini?Mbona wakati wa yule aliyepita ulikuwa ukisikia "matusi" kwenye radio zao..huku wao wenyewe wakimwaga sifa kwa TIBA...? utawasikia wakitoa lawama na manung'uniko yao kwenye redio wakimtoa kamanda TIBA....!Na juu ya hili Mkulu wa geshi hili apongezwe
     
Loading...