Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Kama ni ndoto, mbona haiishi?

Discussion in 'Mahusiano, mapenzi, urafiki' started by MESTOD, Mar 15, 2011.

  1. MESTOD

    MESTOD JF-Expert Member

    #1
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Ni saa sita na dk hamsini na moja usiku. Nimejiegesha kupata usingzi wa mang'amung'amu baada ya uchovu na mawazo mengi, simu nimeishika. Mara simu ina vibrate na kutoa mlio. Nashituka na kuona screen imeandika 'wife calling.....' 'Hallow', naitika. 'Wewe, umelala?', unanijibu. 'Hapana, nimejiegesha si unajua usingizi hauji?' (kwani nakumbuka mara ya mwisho nimeangalia saa ilikuwa saa sita na nusu), nakujibu na unanambia unajua. Unaanza kunambia njaa inakuuma sana na hauna nguvu, huna nguvu na hata manesi unawaita hawaji. Nafarijika kuona atleast unapata apettite ya kula na nakusihi uvumilie na kukuambia si unajua manesi wetu walivyo hasa hapo muhimbili? Nakusihi umuombe jirani yako ambaye kidogo ana nguvu akusaidie.

    Unanambia huna nguvu nami nakuambia najua sababu toka umeanza kuumwa ni zaidi ya mwezi huli vizuri na ukila unatapika chakula chote. Unanambia kesho uje saa kumi na mbili kuninywesha uji. Nakuambia usijali mpenzi, nitakuja. Mara unanambia kata simu nguvu inaisha piga baadaye kidogo. Nakata bila kujibu lolote na nahisi kuchanganyikiwa. Naangalia call duration tumeongea kama dk 1.01. Nakaa kama dk kumi napiga tena. unapokea na kunishukuru kwa kukusaidia, nikakuambia usijali mama, Mungu atakuponya. Bado unasisitiza kuhusu kuwahi kukunywesha uji kesho nakuambua sawa, mara unanambia kata simu nguvu imeisha nakata simu. Naangalia call duration, tumeongea dk 2.02.

    Nakaa macho na mara ya mwisho naangalia saa ni saa tisa unusu usiku. Nikiwa usingizini naota nikisema 'Mungu mponye, Mungu mponye....' huku machozi yanatoka. Nashituka na kuona ninatoa machozi kweli. Naangalia saa na kujiuliza ni nini hii? Ni saa kumi na dk 35. Naamua kuamka na kujiandaa ili nije kukunywesha uji. Natoka nyumbani saa kumi na moja unusu. Nikiwa mzunguko wa uhuru kariakoo, kaka yako anapiga simu ananambia, 'mzee, dada ameshatucha, amefariki aisee'. Nahisi kuchanganyikiwa, mbele sioni. Nafika sewahaji namba 10. Naona nesi anampa vitu vyako kaka kwenye mfuko wa plastic wa kijani. Naenda kitandani naona umefunikwa gubi gubi na wamezungushia mashuka ya kijani. Duh, kijani tena. Namkuta jirani yako, ananambia, pole kaka, muone huyo hapo. Nafunua shuka, nashika paji la uso, umeshapoa mpenzi umekuwa wa baridi. Nashika paji la uso wako, machozi yangu yanaanguka juu ya paji la uso wako. Nakuuliza 'd, huu ndo uji uliosema niwahi kukunywesha? Zile shukrani kumbe ndo Muumba alikuwa anakuita?' nakufunika na kutoka.

    Jirani yako ananambia, 'kaka mwache mwenzio apumzike kwani alikuwa anaishi kwa mateso sana'. Namuuliza 'ilikuwaje usiku wa leo'? Akanambia aliongea na simu kama mara mbili hivi baadaye alisema, "MUNGU NAOMBA UNICHUKUE, LAKINI KABLA HUJANICHUKUWA NISAMEHE DHAMBI ZANGU ZOTE". Akanambia ulirudia mara nyingi na baadaye kati ya saa kumi na saa kumi na moja ukatulia.

    Mpenzi, yote yaliyotokea hata siamini, ni kama ndoto, kwamba haupo nami.
    Lakini kama ni ndoto, mbona siamki? Inamaana ndoto hii naota tuu, toka January mpenzi? Kama ni ndoto mbona naenda kazini? Ishu zinazotokea mbona naziona na kuzisikia? Mabomu Gongo la Mboto, Babu Loliondo na kero zingine?

    Maisha kwangu sasa ni taabu sana ni kama jana tuu, matukio yote yametokea. Sikuamini pale uliposhushwa kwenye nyumba yako nyingine na ya milele, mrembo wangu. Nakukumbuka sana mpenzi. Comitment zako za dhati, uaminifu, ucheshi, my dia. RIP MY SWEET MAMAA!
     
  2. Dena Amsi

    Dena Amsi JF-Expert Member

    #2
    Mar 15, 2011
    Joined: Aug 17, 2010
    Messages: 13,139
    Likes Received: 206
    Trophy Points: 160
    Uandishi nao unaimpress mtu kusoma.

    Hapa ni kizunguzungu tupu
     
  3. pangalashaba

    pangalashaba JF-Expert Member

    #3
    Mar 15, 2011
    Joined: Jan 10, 2011
    Messages: 682
    Likes Received: 112
    Trophy Points: 60
    ndefu sana bwana. kweli mbona haiishi. tunapiga kazi huku tunapata threads muda mfupi.
     
  4. njiwa

    njiwa JF-Expert Member

    #4
    Mar 15, 2011
    Joined: Apr 16, 2009
    Messages: 10,085
    Likes Received: 1,109
    Trophy Points: 280
    kweli kabisa...
     
  5. Jidu

    Jidu JF-Expert Member

    #5
    Mar 15, 2011
    Joined: Mar 9, 2011
    Messages: 1,055
    Likes Received: 111
    Trophy Points: 160
    Pole sana mkuu!hii imenigusa sana!
     
  6. SMU

    SMU JF-Expert Member

    #6
    Mar 15, 2011
    Joined: Feb 14, 2008
    Messages: 7,004
    Likes Received: 855
    Trophy Points: 280
    Mestod, hii ni hadithi ama ni kweli yamekutokea (samahani nakuuliza hivi!)?
     
  7. sweetdada

    sweetdada JF-Expert Member

    #7
    Mar 15, 2011
    Joined: Feb 17, 2011
    Messages: 539
    Likes Received: 14
    Trophy Points: 35
    Duuh!!pole kaka!

    Mi hapa hadi machozi yanatoka..Mungu alimpenda zaidi.Let her R.I.P
     
  8. P

    Pomole JF-Expert Member

    #8
    Mar 15, 2011
    Joined: Jan 31, 2011
    Messages: 258
    Likes Received: 0
    Trophy Points: 0
    sijaisoma kwa kuwa ni ndefu ila nimeona wengi wanakupa pole!!!Basi bwana POLE.duuh
     
  9. MESTOD

    MESTOD JF-Expert Member

    #9
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Yah, ni kweli. I lost her on 18th, and buried her on 21st Jan. Hii ni sehemu ndogo sana ya mwisho, ila ni mengi yalitokea hadi namzika na hadi leo siamini kama kweli kafariki. Ni kweli kabisa.
     
  10. Dena Amsi

    Dena Amsi JF-Expert Member

    #10
    Mar 15, 2011
    Joined: Aug 17, 2010
    Messages: 13,139
    Likes Received: 206
    Trophy Points: 160
    Pole sana japokuwa sijasoma. Umemzika mkeo kumbe pole sana duuuuhhh inauma mno
     
  11. MESTOD

    MESTOD JF-Expert Member

    #11
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Mkuu ningewza ningeifupisha. Lakini nashindwa na hapa nimeisummarise sana. Ila kama huna muda ipotezee. But ni kweli yamenitokea.
     
  12. Keren_Happuch

    Keren_Happuch JF-Expert Member

    #12
    Mar 15, 2011
    Joined: Jan 14, 2011
    Messages: 1,880
    Likes Received: 9
    Trophy Points: 135
    Jamani Mestod, ...niliposoma nilifikiri umetengeneza hadithi! Jamani....inaumiza mnoo!! Pole sana mkuu. Mungu akutie nguvu, akufariji na akuponye! Naelewa sio rahisi, ni Mungu tu ndo aweza kukuponya! POLE SANA!
     
  13. MESTOD

    MESTOD JF-Expert Member

    #13
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Thanks. She was my wife to be. Harusi ilikuwa iwe June this year na tuliisha anza maandalizi.
     
  14. birungi

    birungi JF-Expert Member

    #14
    Mar 15, 2011
    Joined: Oct 6, 2010
    Messages: 388
    Likes Received: 1
    Trophy Points: 35
    POLE SANA,nimeisoma imeniuma sana,na hata hapa ninapoandika nimejifuta machozi.
    hii ipo,tena kwa mtu aliekukaa moyoni,inakua ngumu sana kuamini na bado unaona ni ndoto.
    hiyo ni kazi ya mungu nasi tunaelekea huko.imeniuma sana nimefanya imagination kama imenitokea mimi.POLE SANA.
     
  15. MESTOD

    MESTOD JF-Expert Member

    #15
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Thanks
     
  16. NILHAM RASHED

    NILHAM RASHED JF-Expert Member

    #16
    Mar 15, 2011
    Joined: Nov 29, 2010
    Messages: 1,629
    Likes Received: 1
    Trophy Points: 0
    pole my dear,,,, watakiwa kusema ina lillah waina ilayhy raj-uun,,,, kwani kila mmoja atarejea alipotoka,,, wewe ulimpenda lakini allah kampenda zaid,,,kinachotakiwa n kusahau yaliopita na kuangalia yajayo usikae ukajikumbusha na kujitia mawazo yatakuumiza,,,inshaAllah utafarijika na kumpata atakae kuliwaza.... pole kwa hilo,,mbele ni yake nyuma yetu inshaAllah..,
     
  17. Negrodemus

    Negrodemus JF Gold Member

    #17
    Mar 15, 2011
    Joined: Dec 30, 2010
    Messages: 2,020
    Likes Received: 30
    Trophy Points: 145
    kama makala hiv ndef ka nini ila pole na cjui pole ya nini coz weng wamekupa pole
     
  18. Mtende

    Mtende JF-Expert Member

    #18
    Mar 15, 2011
    Joined: Sep 27, 2010
    Messages: 3,983
    Likes Received: 234
    Trophy Points: 160
    pole sana,mungu akutie nguvu,nimeumia sana mimi binafsi,mungu akusaidie na akuongoze,pole sana jamani uuuwi i cant even explain how i feel,pole sana
     
  19. Dena Amsi

    Dena Amsi JF-Expert Member

    #19
    Mar 15, 2011
    Joined: Aug 17, 2010
    Messages: 13,139
    Likes Received: 206
    Trophy Points: 160
    My Godness???!!! Du pole sana Mestod Mungu akupe faraja na nguvu. Mungu kampenda zaidi yetu Pole sana my Dear

    Mie ilinishinda kusoma bana hukuweka hata paragraph nikaona kizunguzungu kumbe ni kitu cha maana na kinauma kiasi hiki siku nyingine weka angalau tuweze kusoma.
     
  20. MESTOD

    MESTOD JF-Expert Member

    #20
    Mar 15, 2011
    Joined: Nov 12, 2010
    Messages: 4,587
    Likes Received: 58
    Trophy Points: 145
    Ok, wakati naandika nilikuwa naishiwa hata nguvu ya kuendelea, lakini sababu niliishaamua kuitoa sikuweza kuacha. Kwa hiyo, kilichokuwa hewani ni kuandika na siyo mpangilio. Sorry for that.
     
Loading...