Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

JK sasa avalia njuga mimba mashuleni!!!!

Discussion in 'Jukwaa la Siasa' started by Mr. Zero, Jul 21, 2008.

  1. Mr. Zero

    Mr. Zero JF-Expert Member

    #1
    Jul 21, 2008
    Joined: Jun 5, 2007
    Messages: 7,802
    Likes Received: 1,061
    Trophy Points: 280
    JK avalia njuga mimba mashuleni

    2008-07-21 08:39:53
    Na Lulu George,PST, Muheza


    Rais Jakaya Kikwete, amelitaka Jeshi la Polisi, kutumia vipimo vya kutambua vinasaba (DNA) ili kuwabana wanaowapa mimba wanafunzi.

    Alisema matumizi ya DNA yataharakisha taratibu za kiupelelezi na kupata ushahidi ili kuwanasa wale wanaowapa mimba wanafunzi na baadaye kuwakana.

    Aliitoa agizo hilo mwishoni mwa wiki wilayani Muheza wakati alipokuwa akipokea taarifa ya maendeleo ya wilaya hiyo kufuatia siku tisa ya kukagua shughuli za maendeleo mkoani Tanga.

    Rais Kikwete alisema tatizo la mimba kwa wanafunzi linakuwa kubwa kwenye maeneo mengi hapa nchini ambapo wahusika hushindwa kuchukuliwa hatua za kisheria kwa kutokukutwa na hatia.

    Alisema hatua hiyo inatokana na mfumo hafifu unaochukua muda mrefu katika ukusanyaji wa vilelezo vya ushahidi.

    Kufuatia hali hiyo Rais amezitaka mahakama kutoa ushirikiano kwa serikali katika kukabiliana na tatizo hilo kwa kuharakisha usikilizaji wa kesi pamoja na utoaji hukumu kwa watakaobainika kuhusika na vitendo hivyo.

    ``Ndugu zangu tatizo hili ni kubwa lakini hii inatokana na watuhumiwa kutochukuliwa hatua za kisheria, kumbe maabara za DNA tunazo kwa nini hatuzitumii wahusika wanaachiwa kwa sababu tu ya kukosekana kwa ushahidi..naomba sasa kila mtumishi wa serikali kwa wakati wake awajibike ipasavyo,``alisisitiza Rais Kikwete.

    Awali akiwasilisha taarifa yake kwa Rais, Mkuu wa Wilaya ya Muheza Bi. Zainab Kondo, alisema kuanzia Januari hadi sasa watoto 49 wamepata ujauzito na hivyo kukatishwa masomo.

    Bi.Zainab alifafanua kwamba 36 kati yao ni wa shule za msingi ambapo 13 ni wa sekondari zilizopo wilayani humo.

    Alisema kufuatia hali hiyo kesi 26 kwa kipindi cha mwaka 2007 hadi 2008 zimefikishwa mahakamani na moja tu kati ya hizo ndiyo iliyotolewa hukumu.

    Wakati huo huo Mke wa Rais, Mama Salma Kikwete, amewataka wanawake kuwatunza watoto wa kike wasipate mimba kwani wanaweza kuambukizwa Ukimwi.

    Mama Kikwete alisema wanawake wana wajibu mkubwa wa kuwalinda watoto wao ili waweze kuepukana na vishawishi ambavyo vimechangia kwa kiasi kikubwa watoto wa kike nchini kurudi nyuma kimaendeleo kwa kutotimiza malengo yao.

    ``Wakina mama wenzangu tunawajibika kuwalinda watoto wetu na kuhakikisha wanatimiza malengo iwapo hawatapata elimu ya kutosha ni dhahiri kuwa wataendelea kubaki nyuma katika suala zima la kuharakisha maendeleo na dhana ya kuondokana na mfumo dume itaendelea kuwa ndoto kwa wanawake wengi hapa nchini``,alisisitiza Mama Kikwete.

    Tangu Rais Kikwete aanze ziara yake mkoani hapo Julai 14 mwaka huu,Wilaya ya Muheza imetajwa kuongoza katika tatizo la mimba kwa wanafunzi kwa mujibu wa taarifa zinazoendeleo kutolewa kwenye wilaya mbalimbali mkoani hapa.

    SOURCE: Nipashe
     
  2. Kevo

    Kevo JF-Expert Member

    #2
    Jul 21, 2008
    Joined: Jun 12, 2008
    Messages: 1,333
    Likes Received: 10
    Trophy Points: 0
    Atavalia njuga mangapi?ana kilele nyingi lakini hatuoni vitendo.Amejaa pororjo tuu.
    Mr President incase you didnt know,tumekuchoka and incase you have forgotten am herer to remind you that actions speak louder than words.
     
  3. Njowepo

    Njowepo JF-Expert Member

    #3
    Jul 21, 2008
    Joined: Feb 26, 2008
    Messages: 9,160
    Likes Received: 287
    Trophy Points: 180
    Raisi badala ya kudeal na macro affairs za nchi anaanza kukomaa na micro affairs.
    Kama ni kweli he has lost his direction
     
  4. K

    KakindoMaster JF-Expert Member

    #4
    Jul 21, 2008
    Joined: Dec 5, 2006
    Messages: 1,260
    Likes Received: 3
    Trophy Points: 135
    Tatizo linalosababisha Mimba Mashuleni ni lipi?

    Je Umasikini uliopita kiasi katika jamii zetu pamoja na sheria zilizopitwa na wakati?.

    Je yote yako kwenye uwezo wa watendaji wetu?

    Je RAIS amevalia njuga tatizo ambalo hajui chanzo chake?

    Je hawa watoto wanajua kwanini wanasoma?

    Je nani anatakiwa kuwaelimisha watoto maana ya kupata elimu?
     
  5. R

    Rwabugiri JF-Expert Member

    #5
    Jul 21, 2008
    Joined: Jul 10, 2007
    Messages: 2,777
    Likes Received: 5
    Trophy Points: 135
    Hapo na anapo onyesha usanii wake, yaani hiyo kazi nayo ni ya kufaywa na Raisi? hapo kazi ya waziri wa Jinsia na watoto itakuwa ipi?

    Ama kweli.. labda anatafuta pa kutokea baada ya hotuba za kila mwisho wa mwezi kugeuka shubili!
     
  6. Selous

    Selous JF-Expert Member

    #6
    Jul 21, 2008
    Joined: Jan 13, 2008
    Messages: 1,305
    Likes Received: 10
    Trophy Points: 135
    Kakosa la kusema
     
  7. Kitila Mkumbo

    Kitila Mkumbo Verified User

    #7
    Jul 21, 2008
    Joined: Feb 25, 2006
    Messages: 3,344
    Likes Received: 41
    Trophy Points: 145
    Wewe, mimba kwa wanafunzi ni topical national issue kwa kiongozi anayeangalia mbali. Rais yupo sawa kuvalia njuga lakini sina uhakika kama njia anayojaribu kutumia kama ni sawa.
     
  8. BabaH

    BabaH JF-Expert Member

    #8
    Jul 21, 2008
    Joined: Jan 25, 2008
    Messages: 704
    Likes Received: 1
    Trophy Points: 35
    Poor Kikwete
    Fanya kazi yako kama Rais acha kufanya vitu ambavyo sio kazi yako
    Unaacha kufalia njuga Mafisadi unaenda kwenye Mimba??

    kweli umekosa muelekeo wewe
     
  9. M

    Mwanafunzi Member

    #9
    Jul 21, 2008
    Joined: Dec 5, 2007
    Messages: 31
    Likes Received: 0
    Trophy Points: 0
    "[...Awali akiwasilisha taarifa yake kwa Rais, Mkuu wa Wilaya ya Muheza Bi. Zainab Kondo, alisema kuanzia Januari hadi sasa watoto 49 wamepata ujauzito na hivyo kukatishwa masomo....]"

    Hivi ni kwa nini bado mpaka sasa wasichana wakipata mimba wanakatishwa masomo ? Sioni sababu yoyote ya kumfanya msichana huyo asiendelee na masomo, kisa kazaa. Inakuwa kama adhabu mara mbili, wakati bwana mhusika kama mwanafunzi, basi anaendelea na masomo yake bila taabu na kufanikisha maisha yake mbele ya safari. Tuamke Tanzania na kwenda na wakati.
     
  10. BAK

    BAK JF-Expert Member

    #10
    Jul 21, 2008
    Joined: Feb 11, 2007
    Messages: 49,850
    Likes Received: 9,405
    Trophy Points: 280
    Tatizo la mimba ni national issue, lakini uzito wake kamwe hauwezi kulinganishwa na ufisadi unaofanywa ndani ya nchi yetu. Huku ni kubaraguza tu, kutaka kuzungumzia issue nyingine nyingine lakini ile ambayo Watanzania wengi tunataka kumsikia akitoa kauli yake anaendelea kuwa bubu!!
     
  11. Kevo

    Kevo JF-Expert Member

    #11
    Jul 21, 2008
    Joined: Jun 12, 2008
    Messages: 1,333
    Likes Received: 10
    Trophy Points: 0
    Kaona kazi zake haziwazi sasa anacheza mipira ya watu.
     
  12. Mwiba

    Mwiba JF-Expert Member

    #12
    Jul 21, 2008
    Joined: Oct 23, 2007
    Messages: 7,604
    Likes Received: 188
    Trophy Points: 160
    Wa Mwanzo amtafute Mahita na kumfanyia hayo madudu ,lakini kukimbilia mashule ni kutafuta kupota wazimu maana kondomu zinagaiwa bure na elimu ya ngono nayo inafundishwa na kufundisha namna ya kudunga mimba sasa Mh.anaamrisha mambo mepya kwamba fanyeni mfanyavyo lakini hakuna kuzalishana.Tunaweza kusema sasa nanihii ni free ila kosa ni kudungishana mimba.Huyu Muungwana hajui hata anazungumza kitu gani ,si angelitamka tu kama kweli anataka kuwalinda watoto washule kuwa mapenzi na mtoto wa shule ni kosa la jinai.
     
  13. A

    Asha Abdala JF-Expert Member

    #13
    Jul 21, 2008
    Joined: Mar 21, 2007
    Messages: 1,135
    Likes Received: 2
    Trophy Points: 0
    Jamani kila siku amelivalia njuga, amelivalia njuga. Sasa hizo njuga si zitakuwa zimejaa mpaka zinamfanya ashindwe kutembea. Mara ya kwanza kumsikia akilivalia njuga suala hili ni mwaka 2006 huko huko Tanga, alafu akaenda Lowassa tena tanga naye akalivalia njuga. Halafu Kikwete na Lowassa wote wakaenda kusini tena kulivalia njuga. Tena wakati mwingine wakasema wamelivalia njuga na kutaka wahusika wakamatwe. Kila siku wanasema wanalivalia njuga, maneno matupu kuliko vitendo

    Basi Kikwete sasa ni "Mzee wa Kulivalia Njuga", maana amevalia njuga kila kitu, madawa ya kulevya, ufisadi nk

    Asha
     
  14. A

    Asha Abdala JF-Expert Member

    #14
    Jul 21, 2008
    Joined: Mar 21, 2007
    Messages: 1,135
    Likes Received: 2
    Trophy Points: 0
    Halafu yule mkuu wa wilaya aliyetajwa kumpa mtoto wa shule mimba naye ameshavaliwa njuga tayari? sasa imefika wakati wa kuwataja wote ili wavaliwe njuga.

    Sasa tutoe orodha wa kuvaliwa njuga! I am for DNA Test now...

    Asha
     
  15. A

    Asha Abdala JF-Expert Member

    #15
    Jul 21, 2008
    Joined: Mar 21, 2007
    Messages: 1,135
    Likes Received: 2
    Trophy Points: 0
    Hapa Rais wetu alikuwa anahutubia taifa kuhusu mimba hizo hizo, hii ilikuwa mwaka 2007 http://www.freemedia.co.tz/daima/2007/6/7/habari21.php

    Asha
     
  16. A

    Asha Abdala JF-Expert Member

    #16
    Jul 21, 2008
    Joined: Mar 21, 2007
    Messages: 1,135
    Likes Received: 2
    Trophy Points: 0
    Waziri Mkuu naye alishustushwa sana na mimba hizo, toka mwaka 2006 alishasema wakamatwe. Sasa kama ingetekelezwa wangekuwa jela wanasubiriwa kupimwa DNA lakini ahaaaa wapi

    http://www.habaritanzania.com/articles/1693/1/Mimba,-ndoa-za-wanafunzi-zamtisha-waziri-mkuu

    Kwa hiyo ni vyema hao jamaa zetu wakafunga midomo yao kama hawawezi kuchukua hatua.

    Utafikiri wanaguswa vile kumbe wanasema sema wapate kura za wanawake na vijana wa kike. Waonekane wanajali, kumbe nyuma ya mlango nao wanabeba vitoto vya shule

    Asha
     
  17. Mr. Zero

    Mr. Zero JF-Expert Member

    #17
    Jul 21, 2008
    Joined: Jun 5, 2007
    Messages: 7,802
    Likes Received: 1,061
    Trophy Points: 280

    Kwani unafikiri serikeli ya JK wana jipya. Hawajui wanachokifanya ndiyo sababu wanang'ang'ania mambo kama hayo. Tatizo la JK alikuwa Katibu wa wilaya kwa muda mrefu sana. Hivyo such politics ndiyo anaziwezea, hili la urais tumechichomekea wenyewe. Pamoja na Mkapa kumweka wizara ya Nje kwa miaka kumi ili improve naona jamaa bado yuko palepale hajabadilika.
     
  18. Field Marshall ES

    Field Marshall ES JF-Expert Member

    #18
    Jul 21, 2008
    Joined: Apr 27, 2006
    Messages: 12,659
    Likes Received: 39
    Trophy Points: 0
    Hii ndio huwa tunaita a pure nonesense!
     
  19. Mzee Mwanakijiji

    Mzee Mwanakijiji Platinum Member

    #19
    Jul 21, 2008
    Joined: Mar 10, 2006
    Messages: 30,382
    Likes Received: 2,435
    Trophy Points: 280
    mazingaombwe... tatizo la mimba kwa wanafunzi halianzi kutatuliwa na Polisi! Linaanzia kwenye familia na kuta za nyumba zetu. Unless tuanzishe Polisi wa Maadili ambao watawafuata watoto wetu kila wanapokwenda na kuona wanazungumza na nani? Vinginevyo, tatizo hili ni la familia kwanza kabisa na ni kuanzia kwenye familia ndiko tutaweza kulikabili.

    Halafu kwanini anasema "Kumbe maabara za DNA tunazo"..

    a. Alifahamishwa lini kuwa tuna maabara za DNA kwa sababu neno "Kumbe" linaashiria ndio amegundua tu kuwa tunazo.

    b. Kwanini anasema "tunazo" kana kwamba tunazo nyingi? Kwa ufahamu wangu chombo hicho ni kimoja tu tena kwa mkemia mkuu. Ama tunazo maabara nyingine zinazofanya DNA testing?
     
  20. A

    August JF-Expert Member

    #20
    Jul 21, 2008
    Joined: Jun 18, 2007
    Messages: 3,661
    Likes Received: 204
    Trophy Points: 160
    Tatizo analotakiwa kuli valia njugu ni sababu zinazoletaeleza wanafunzi kujiingiza katika suala hilo, na ukikuta kama huko kwetu Lindi, Singida, Tabora na kwa ujumla vijijimni , ni sababu za kiuchumi na kutokuwa na Shughuli mbadala abazo zitawaepesha au kupunguza muda wa kudungana mimba.
    Nitatoa kisa Kimoja
    Kuna siku nilikutana na kijana moja anapelekwa polisi kisa kapiga kuku wa jirani ambaye aliingia kwao kula Mboga mboga, hivyo akawa anaomba pesa za kulipa fidia na kuwapa Polisi, Mimi nikamwambia Badala ya kutumia nguvu zake kupiga kuku wa jirani na kupelekwa polisi ambako nako wanamtoa hela ni vizuri akatumia nguvu hizo kuweka senyenge ambayo itazui kuku wa jirani kuingia kwao kwani itakuwa na two positive effects, ya maendeleo hapo kwao na kuzui huo uharibifu wa kuku.
    Vivyo hivyo JK akijikita na Maendeleo huko Vijijini kutakuwa na Multiple effects ya kukuza uchumi, kulenda maendeleo na elimu pia.
     
Loading...