Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Jk: Msikilize Simba wa Africa Robert Mgabe akilonga

Discussion in 'Jukwaa la Siasa' started by Mbaga Michael, May 22, 2012.

  1. Mbaga Michael

    Mbaga Michael Verified User

    #1
    May 22, 2012
    Joined: Nov 17, 2011
    Messages: 2,826
    Likes Received: 134
    Trophy Points: 160
    Mugabe: Kamwe sitamwamini
    Mzungu
    Asema wazungu kwao si Afrika
    “KAMWE sitamwamini Mzungu
    hata siku moja, mweupe pekee
    wa kumwamini ni yule aliyekufa,
    wazungu kwao si Afrika, Afrika ni
    ya Waafrika hivyo basi Zimbanwe
    ni ya Wazimbabwe”
    Huo ni usemi wa Rais wa
    Zimbabwe Robert Mugabe (84)
    ambao amekuwa akinukuliwa na
    vyombo vya habari akiutumia kila
    wakati kuonyesha msimamo
    wake kwamba hababaishwi na
    mataifa ya Magharibi na
    hayaamini kama mataifa hayo
    yana nia nzuri na bara la Afrika.
    Rais huyo amekuwa adui wa
    mataifa hayo kutokana na
    misimamo yake ya uongozi.
    Wanachokiona watu wa
    Magharibi ni kwamba rais
    Mugabe ni Mbale anayetumia
    madaraka vibaya kwa kutetea
    rasilimali za Wazimbabwe ili
    zisichuliwe na Mataifa hayo ya
    Magharibi.
    Kwa msimamo wa Mugabe ni
    dhahili kuwa Rais huyo
    amedhamilia kutetea rasilimali za
    nchi yake ili zisichukuliwe na
    Mataifa ya Ughaibuni ambapo pia
    amenukuliwa akisisitiza kwa
    kusema kuwa “Ardhi ni yetu na
    wala si ya Ughaibuni tumeichukua
    na kuwapa watu wanaostahili”.
    Rais huyo alisema hayo wakati
    alipoamru wazungu wapokonywe
    ardhi walikuwa wanaimiliki nchini
    Zimbabwe na wapewe wazawa
    wa nchi hiyo.
    Msimamo wake daima amekuwa
    akionyesha kwamba si sahihi kwa
    mtu Mweupe kumiliki ardhi ya
    bara la Afrika huku wazawa
    wakihangaika hawana hata
    sehemu ya kulima.
    Anachoamini Mugabe ni kwamba
    Afrika ni kwa ajili ya Waafrika,
    msimamo wa aina hiyo umekuwa
    ukimweka katika migogoro na
    mataifa ya Ulaya na Marekani.
    Mataifa mengi ya kiafrika
    kuwapata viongozi kama Rais
    Mugabe wenye kuzilinda rasilimali
    za nchi zao zisiendelee
    kuchukuliwa na Wazungu ni
    wachache mno.
    Labda Hayati Mwalimu Julius
    Kambarage Nyerere na mfumo wa
    Azimio la Arusha, yeye ndiye
    anaweza kuwa mfano wa kuigwa
    katika kutetea rasilimali za
    Wazalendo kwa kuazisha mfumo
    wa utawala wa Azimio la Arusha
    ambalo lilikuwa na misingi ya
    kuhakikisha Watanzania
    wanafanyakazi bila kutegemea
    misaada kutoka kwa Mataifa
    mengine, Mwalimu aliwahi
    kusema “Tanzania daima
    itajengwa na Watanzania
    wenyewe na haiwezi kujengwa
    kwa misaada ya Mataifa mengine”
    Katika bara África Rais Mugabe
    peke yake ndiye anayeonekana
    kulinda rasilimali za nchi yake kwa
    manufaa ya wazalendo wa nchi
    hiyo, ambapo ni ishara kubwa ya
    kuonyesha anataka kuikomboa
    nchi yake kutoka katika ukoloni
    wa kiunyonyaji uchumi "Ukoloni
    mamboleo" ambao Mataifa yote ya
    afrika yanauhusudu na kuupigia
    magoti ndio maana yanaendelea
    kunyonywa kila kukicha huku
    yakiendelea kuwa masikini ya
    kutupwa.
    Jambo la Zimbabwe kujikomboa
    kutoka katika unyonyaji huu ni
    jambo la kufurahia kwa sababu
    uhuru huo ni Zimbabwe peke
    yake ambayo imeupata kati ya
    nchi zote za Afrika.
    Kwa hiyo mabadiliko haya
    mnatakiwa mshangilie kwa kuwa
    uhuru wa nchi yenu umepatikana
    na mnatakiwa kuondoa fikra
    tegemezi mulizopandikizwa na
    wazungu na kuwapumbaza ili
    waendelee kuwanyonya rasilimali
    zenu, huku wenyewe Wazungu
    wakiendelea kiuchumi katika nchi
    zao na nyinyi munaendele kuwa
    na umaskini na fikra tegemezi.
    Wazimbabwe wanachotakiwa ni
    kufanya kazi kwa kutumia
    rasilimali zao katika kuhakikisha
    wanaondokana na umasikini
    kwani bahati kubwa waliyoipata
    ya kujikomboa kutoka kwa wezi
    wa mchana wazungu ni bahati
    kubwa mno.
    Afrika imefanywa kama kitega
    uchumi cha kuendeleza nchi za
    ughaibuni! Afrika imefanywa ndio
    sehemu ya kuchukua utajili na
    kuuhamishia katika Mataifa ya
    Ughaibuni! Afrika imefanywa
    kama mtaji wa kuendeleza
    uchumi wa nchi za Ughaibuni!
    rasilimali za afrika kama vile
    dhahabu, almas, ulanga, Tanzanite
    nk. zimekuwa mtaji wa
    kuendeleza na kukuza uchumi wa
    Wazungu. Kwa mtindo huu lini
    tutajikomboa kiuchumi?
    Mbona hawa wazungu wanaione
    sana Afrika? Tangia enzi za
    zamani wanaidhulumu bila hata
    kutuhurumia! Walitufanya
    watumwa wakatuuza kwa
    mataifa ya mbali. Hawakulidhika
    na hilo wakaamua kututawala bila
    ruhusa huku wakaendelea
    kutunyonya.
    Na baada ya kuondoka katika
    harakati za kudai uhuru wa
    bendera waliondoka huku
    wakiwa na kinyongo ndio maana
    tena wamekuja na njia nyingine
    ya kutunyonya ya ukoloni
    mamboleo.
    Tanzania inabidi tuwe makini
    sana katika mikataba na wazungu
    kwani mbele itakuwa tatizo
    kubwa sana maana watu
    waliotoa mikataba watakuwa
    wameshatoka katika sistimu na
    utamwambia nani?tena kwahiyo
    mikataba iangalie vigezo vya
    mikataba hii kwa bila hivyo
    baadae itakuja kuwa vita kubwa
    sana hapa Tanzania juu ya
    migogoro ya ardhi nadhani
    mifano tunayo kabisa.
     
Loading...