Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

JK Kukutana Na CHADEMA: Tafsiri Yangu

Discussion in 'Jukwaa la Siasa' started by maggid, Nov 25, 2011.

  1. m

    maggid Verified User

    #1
    Nov 25, 2011
    Joined: Dec 3, 2006
    Messages: 970
    Likes Received: 103
    Trophy Points: 60
    Ndugu zangu,

    WATANZANIA sasa tunakwenda kama mbuzi waliokata kamba. Ukiwafuatilia kwa karibu mbuzi waliokata kamba utawaona wanavyoteseka. Tofauti na mwanadamu, mbuzi wamekosa busara na hekima. Mbuzi waliokata kamba husambaratika na kujiendea bila malengo. Hufika mahali hushindwa kuelewa walikotoka na wanakokwenda.


    Yumkini mbuzi waliokata kamba hufika wakiwa wamechoka sana, mwisho wa safari ambayo hawakuipanga wala kuitarajia. Nahofia, tukiendelea kwenda kama mbuzi waliokata kamba, WaTanzania tutafika mwaka 2015 tukiwa tumechoka sana. Tutangulize sasa busara na hekima. WaTanzania tuna lazima ya kujipanga upya ili tuijenge nchi yetu tuliyozaliwa.


    Juzi hapa kule Dodoma Mwenyekiti wa CCM, Jakaya Kikwete alikaririwa akiyasema haya kwenye NEC ya Chama chake;
    “Jamani hapa tunajenga chama, watu wanasubiri kusikia tukimaliza kikao chetu kwa ugomvi, naomba tumalize kwa amani na twendeni tukajenge chama chetu”. ( Mwananchi, Nov 25, 2011)

    Hayo ni ya ndani ya CCM. WataTanzania wengi kwa sasa wanajua kuna mvutano wa kisiasa katika ya CCM na Chadema. Na WaTanzania hawa wenye kupenda amani na utulivu wangependa kumwona Rais wao Kikwete akikaa meza moja na Chadema. Wanywe chai na kuongea kama WaTanzania. Na pengine Rais ayatamke yenye kufanana na ya Dodoma:


    “Jamani ndugu zangu wa Chadema, hapa tunajenga nchi yetu, watu wanasubiri kusikia tukimaliza kikao chetu kwa ugomvi, naomba tumalize kwa amani na twendeni tukajenge nchi yetu.”


    Naam, WaTanzania wengi wangependa pia kumsikia Rais wao Kikwete akiyatamka hayo pale atakapoombwa na kukubali kukutana na wawakilishi wa Jukwaa La Katiba na makundi mengine yenye mawazo tofauti ya namna ya kuendesha mchakato wa kupata Katiba yetu Mpya.


    Hata hivyo, WaTanzania wasingependa, kwa staili hii kuona mjadala wa Katiba unahamia Ikulu na kwa kujadiliwa na makundi teule wakiwa na Rais. Kinachotakiwa ni kutafutwa haraka muafaka ili muswaada huo ulio sasa katika lugha ya Kiswahili urudishwe tena bungeni. Hujadiliwe kwa mara ya kwanza, tutoke huko Bungeni tukiwa na muafaka wa Kitaifa na kutafuta namna ya kwenda mbele.


    Ni kwa njia hii ya mazungumzo na kuupata muafaka wa kitaifa ndipo tutaepuka wingi huu wa manung’uniko ambao kimsingi hutazaa Katiba ya manung’uniko, itakayotupelekea kwenye uchaguzi wa manung’uniko , utakaozaa matokeo ya manung’uniko. Hivyo basi, tutakuwa tumeandaa Katiba ya kutuletea vurugu katika nchi yetu.


    Maana, katika kuongezeka kwa hali ya kukata tamaa na hata kupoteza imani yao kwa CCM na Serikali yao, WaTanzania wengi kwa sasa wanaiona Katiba Mpya kuwa ni Tumaini Jipya. Tutafanya makosa makubwa kuwaburuza WaTanzania katika mchakato huu wa Katiba.


    Kwa kuitikia kwa haraka na kwa furaha maombi ya Chadema, Rais wetu Kikwete ameonyesha busara na hekima kubwa ya kiuongozi. Hii ni fursa njema katika kufikia muafaka wa Kitaifa. Itasaidia kurudisha imani ya wananchi katika hofu waliyonayo juu ya hatma ya nchi yao. Itasaidia kurudisha imani ya wawekezaji pia. Hivyo basi, inahusu uchumi.


    Kuna wakati gari la wagonjwa lilionekana likiingia Ikulu ya Mandela. Taarifa ile ikasambaa haraka na thamani ya Rand, sarafu ya Afrika Kusini ikashuka. Na katika uchumi wa soko mara zote, soko kitabia hushtuka hata kwa hisia tu. Kwamba Rais Mandela mgonjwa soko linahisi haraka kuwa huenda kifo chake kitapelekea machafuko. Ikulu ya Mandela ilipotoa taarifa rasmi kuwa Mzee yuko salama kabisa, basi, soko likawa limetulizwa na Rand nayo ikapanda thamani yake.


    Ndio maana ya kuandika, kuwa mazungumzo ya Rais Kikwete na Chadema yanaweza pia kurudisha imani ya wawekezaji tunaowategemea kwa uchumi wetu. Hivyo basi, yumkini picha tu itakayomwonyesha Rais Kikwete akiwa na Freeman Mbowe au Dr Slaa kwenye mazungumzo ya Ikulu na yatakayokuwa yametoa matokeo chanya, yaweza kuchangia kwenye kuimarisha thamani ya shilingi yetu inayoporomoka kwa kasi.


    Mimi naamini, kuwa mazungumzo ya Rais Kikwete na Chadema yakiangazia kwa DHATI kwenye maslahi ya nchi yetu, basi, utakuwa ni mwanzo wa ushindi wa WaTanzania wote. Maana, mazungumzo yatakayozingatia kwa DHATI maslahi ya nchi yetu yatampelekea Rais wetu kusitisha uamuzi wake wa kusaini muswaada wa Sheria ya Mchakato wa Katiba, kitu ambacho hata mimi ningeombwa mawazo yangu, ningeshauri hivyo, kwa maslahi ya Tanzania.


    Na kwa hakika, Rais Kikwete akionyesha subira na utayari wa kupisha njia ya majadiliano na hatimaye kufikiwa muafaka wa Kitaifa wa namna ya kwenda mbele, basi, katika mambo atakayokumbukwa nayo hata baada ya Urais wake, hilo litakuwa jambo kubwa kabisa na jema atakalokumbukwa kuwatendea WaTanzania.


    Tunajua, kuwa katika uitikio huu wa Rais Kikwete kukutana na Chadema, kuna wenzake ‘ wahafidhina’ ndani ya CCM wasiofurahishwa na hatua hii. Wameanza kazi ya kuweka magogo kwenye barabara ya kwenda kwenye muafaka wa kitaifa kuhusu Katiba. Historia ni mwalimu mzuri, hayo yalitokea Zanzibar pia wakati wa mgogoro wa CCM na CUF.


    Tumeona, badala ya kumpongeza Rais na kumuunga mkono, zinatia mashaka, kauli hizi za Kamati Kuu ya CCM ‘ kumwagiza’ Rais Kikwete awajumuishe pia wapinzani wengine kwenye meza hiyo ya mazungumzi ilihali wakijua kuwa ni Chadema walioonyesha heshima ya kumwandikia barua Rais kukutana kuongea nae. Hivyo basi, Chadema wametambua uwepo na umuhimu wa Kikwete kama Rais wa Jamhuri ya Muungano wa Tanzania.


    Ndio, Wahafidhina hao ndani ya CCM ambao miongoni mwao fikra zao haziko kwenye Tanzania ya miaka 50 ijayo bali ziko kwenye mikakati ya Urais wa 2015, wanajua pia, kuwa Augustino Mrema Wa TLP na Hamad Rashid wa CUF licha tu vyama vyao havikuomba kukutana na Rais, pale bungeni walisimama ‘ kuwazodoa’ Chadema na kuunga mkono kwa asilimia mia moja muswaada ule wa sheria ya Katiba. Sasa waheshimiwa hawa, Mrema na Hamad, kwenye meza ya mazungumzo pale Ikulu ya Magogoni wakakae upande gani?


    Wahenga wetu walisema; yalopita si ndwele, tugange yajayo. Ni wakati sasa wa kuitumia fursa iliyojitokeza ili tuutafute muafaka wa Kitaifa. Ndio, twende mbele kama taifa hata kama tunatofautiana kifikra. Tuanze sasa kuachana na dhana ya kuongozwa na ilani za vyama. Tutengeze kwa pamoja Ajenda ya Taifa. Ajenda ya Taifa ni Ndoto Ya Taifa. Katiba Mpya itakayowashirikisha WaTanzania katika hatua zote itatusaidia kuifikia ndoto hiyo. Inawezekana.


    Mungu Ibariki Afrika,

    Mungu Ibariki Tanzania.
    Maggid Mjengwa,
    Dar es Salaam.
    Ijumaa, Novemba 25, 2011
    MJENGWA - Picha, Habari & Matangazo
     
  2. Safety last

    Safety last JF-Expert Member

    #2
    Nov 25, 2011
    Joined: Mar 24, 2011
    Messages: 4,193
    Likes Received: 76
    Trophy Points: 145
    Obrigado mjengwa
     
  3. Matola

    Matola JF-Expert Member

    #3
    Nov 25, 2011
    Joined: Oct 18, 2010
    Messages: 30,705
    Likes Received: 4,546
    Trophy Points: 280
    Uchambuzi makini, lakini hata mimi huwa najiuliza hivi hata mimi huwa najiuliza sifa kuu ya kuwa kwenye kamati kuu ya CCM ni sharti uwe na akili mgando?

    Maana haiingi akilini CHADEMA wao ndio wametumia busara zao kumwomba rais wakutane, halafu wanatokea wehu wengine wanataka kulazimisha rais akutane na watu ambae hawana haja ya kukutana nae na kimsingi wao hawana manung'uniko yoyote na muswada ule wa katiba, hapa ndipo pasi na shaka yoyte naamini kwamba CCM ina maajenti wake kwenye upinzani, na hii ndio sababu hata neno kambi rasmi ya upinzani liliwekewa mizengwe ili kuwafurahisha mahawala zao CUF.
     
  4. l

    luhwege Member

    #4
    Nov 25, 2011
    Joined: Sep 17, 2010
    Messages: 90
    Likes Received: 2
    Trophy Points: 0
    Ukweli wote umeusema asiyesikia la mkuu huvunjika guu sauti ya wengi ni sauti ya mungu CCM hajui hilo asante mkuu tunakuomba uendelee kujitoa
     
  5. jino kwa jino

    jino kwa jino JF-Expert Member

    #5
    Nov 25, 2011
    Joined: Nov 3, 2010
    Messages: 769
    Likes Received: 3
    Trophy Points: 0
    huwezi kuwa kwenye kamati kuu ya ccm au mshauri wa jk ukawana akili timam, wengi wanaomshauri wanafikiri kwa kutumia tumbo
     
  6. S

    SHIMBONONI Senior Member

    #6
    Nov 25, 2011
    Joined: Sep 17, 2011
    Messages: 110
    Likes Received: 18
    Trophy Points: 35
    Bravo Bro Mjengwa. Huu ni Uchambuzi yakinifu wenye msaada muhimu kwa Watawala wa Tanzania.
     
  7. HAZOLE

    HAZOLE JF-Expert Member

    #7
    Nov 25, 2011
    Joined: Feb 25, 2011
    Messages: 1,314
    Likes Received: 43
    Trophy Points: 145
    cdm kukutana na raisi ndo mwisho wa mabishano ya katiba.
    watalalamika na raisi atawaambia ukweli.
    tunajenga nyumba moja, kwanini tugombanie fito??
     
Loading...