Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

JK asaini sheria za Bunge bila kuzisoma!

Discussion in 'Jukwaa la Siasa' started by Zak Malang, Apr 18, 2010.

  1. Zak Malang

    Zak Malang JF-Expert Member

    #1
    Apr 18, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Rais Kikwete aumbuka

    Na Saed Kubenea


    KUMBE Rais Jakaya Kikwete hakusoma sheria aliyosaini kwa mbwembe.
    Sasa baada ya kugundua kasoro zake anataka ikarabatiwe kwa njia ya
    kanuni, MwanaHALISI limeelezwa.

    Hilo liligundulika katika mkutano wa wajumbe wa Halmashauri Kuu
    (NEC) ya Chama Cha Mapinduzi (CCM), wenyeviti na makatibu wa wilaya
    uliomalizika wiki iliyopita mjini Dar es Salaam.

    Taarifa za ndani zinasema, bila aibu na hasa kwa ujasiri wa
    kiongozi mkuu wa nchi, Rais Kikwete alimuuliza Philip Marmo, waziri
    wa nchi, Ofisi ya Waziri Mkuu, maana ya baadhi ya vifungu katika
    sheria hiyo.

    Lakini katika hali ambayo haikutegemewa, Marmo alijibu kana kwamba
    anamkejeli rais, jambo ambalo lilistua wajumbe wa kikao hicho cha
    juu cha utekelezaji wa sera za chama.

    MwanaHALISI limeelezwa kwamba Rais Kikwete alistushwa na kifungu
    cha sheria kinachotaka mgombea kuwasilisha katika ofisi za msajili,
    taarifa ya fedha atakazotumia.

    Kifungu hicho kinatoa siku saba kabla ya siku ya mwisho ya NEC
    kutangaza majina ya wagombea.

    Kifungu kingine kinachodaiwa kumstua kinahusu idadi ya wajumbe wa
    kampeni. Kwa CCM, yenye hata vikundi vya ngoma na nyimbo kama ToT,
    kuweka timu ndogo kunaweza kupunguza shamrashamra na kuathiri
    kampeni.

    Kwa mujibu wa mtoa taarifa, ilikuwa baada ya rais kupitia maeneo
    hayo, alimuuliza Waziri Marmo iwapo kile alichokuwa akifafanua
    kimetokana na sheria iliyopitishwa.

    Naye Marmo, akiongea kwa sauti ya unyenyekevu alijibu, “…hiki
    ndicho ulichosaini.”

    Kwa kauli ya Marmo, Rais Kikwete alionekana kustuka na kusema, kama
    hali ni hivyo, basi sheria itakuwa imeingilia hata mchakato wa
    wagombea ndani ya vyama, kimeeleza chanzo chetu.

    Taarifa zinamnukuu rais akihoji kwa nini “sheria imekwenda mbali
    mno” na kuagiza papohapo kuwa wahusika waangalie ambapo sheria
    inaingiliana na watengeneze kanuni zitakazoleta nafuu.

    Rais amenukuliwa akimwagiza Waziri Mkuu Mizengo Pinda kutengeneza
    “kanuni vizuri” ili kuondoa mwingiliano unaoleta ugumu wa
    utekelezaji.

    Hoja ya maelekezo ya sheria mpya ya gharama za uchaguzi ilikuwa
    moja ya ajenda za kikao cha NEC, wenyeviti na makatibu wa CCM
    wilaya kutoka kote nchini.

    Tarehe 17 Machi mwaka huu, Rais Kikwete alisaini hadharani na kwa
    mbwembwe Sheria ya Gharama za Uchaguzi, ikulu Dar es Salaam ambapo
    hafla hiyo ilihudhuriwa na majaji, wabunge, viongozi wa serikali na
    vyama vya siasa, mabalozi na waandishi wa habari.

    Hata hivyo, sheria hii imekuwa ikilalamikiwa na vyama vya siasa na
    wanaharakati, kabla na baada ya kusainiwa kuwa itakuwa ya udhibiti
    kwa wenye msimamo tofauti na watawala.

    Aidha, siku tatu baada ya sheria hiyo kusainiwa, mbunge wa Karatu
    (CHADEMA), Dk. Willibrod Slaa alitupa kombora kwa kusema sheria
    aliyosaini rais ilikuwa na vipengele ambavyo havikujadiliwa bungeni
    na kwamba “viliingizwa kinyemela.”

    Ubishi wa Mwanasheria Mkuu wa serikali, Jaji Frederick Werema
    kwamba hakukuwa na chochote kilichofanywa kinyemela ndio umekuza
    hoja ya Dk. Slaa na kufanya achimbue zaidi kshfa hiyo.

    Katika kufukua, Dk. Slaa amekwenda hadi kwenye kumbukumbu za bunge
    (Hansard) na kuthibititisha kuwa Kifungu 7 (3) ambacho kimo katika
    sheria aliyosaini rais hakikujadiliwa bungeni na hivyo
    hakikurekodiwa katika hansard.

    Mtunga sheria huyo kutoka Karatu amesema pia kuwa chochote
    kilichojadiliwa bila kuamuliwa na bunge kilikuwa kinatarajiwa tu
    katika kanuni au fafanuzi za au ainisho za maneno na taratibu
    lakini siyo katika vifungu vya sheria.

    Katika majibu yake kwa kauli za Dk. Slaa, Jaji Werema alitetea
    serikali na kuthibitisha kuwa kifungu hicho kiliwekwa na waziri
    Marmo.

    Dk. Slaa amesema katika andishi maalum, “Hakuna mwenye mamlaka,
    hata rais hana mamlaka hayo, sembuse waziri.

    “Baada ya mjadala katika Kamti ya Bunge zima, maneno yakikubaliwa
    ndiyo hayo yanaingia kwenye sheria na serikali haina mamlaka ya
    kwenda kuyarekebisha inavyotaka. Ndiyo maana ya kusema ‘kifungu
    kimepitishwa,’ ” ameeleza Dk. Slaa.
    Akiweka msisitizo, Dk. Slaa anasema, “Kitendo cha kuchomeka
    kinyemela ni kitendo kibaya sana na kinapaswa kulaaniwa, kwa
    sababu, kwa utaratibu huu wataalam wanaweza kuipeleka nchi pabaya
    kwa kupenyeza jambo lolote wanalotaka wao hata kama halijajadiliwa
    au limekataliwa na Bunge.”

    Dk. Slaa anafafanua hatua ya serikali ya kuingiza mambo kinmyemela
    katika sheria kuwa ni kosa la jinai na kusema hata kifingu
    walichochomeka kinyemela kina madhara makubwa.

    Kifungu kilichoongezwa na serikali kinataka timu ya kampeni
    kukaguliwa na watendaji wa serikali ya CCM.

    “Kampeni ndiyo inayobeba mikakati na siri yote ya uchaguzi.
    Haiingii akilini kabisa kuwa serikali (pengine unayotaka kuiondoa
    kwenye uchaguzi ambayo ndio haki ya msingi ya kila mgombea) ndiyo
    inaweka mkono wake kwenye udhibiti wa mikakti hiyo,” anafafanua Dk.

    Slaa.

    Anasema kuweka kifungu kama hicho ni “wenda wazimu, kwa mtu yeyote
    aliyefikiria jambo hilo, au anaandika tu kutoka mezani na au hajui
    maana halisi na majukumu yake.”

    Kutokana na kuibuka kwa kashfa hii, serikali sasa imeamua sheria
    hiyo irejeshwe bungeni ili kufanyiwa marekebisho yanayostahili.
    Naye Dk. Slaa tayari ametoa pendekezo: “Namna pekee ya kuepukana na
    athari hiyo ni kwa serikali kukiri imefanya makosa, na ndio
    ustaarabu bila kutafuta visingizio.”

    Anasema serikali iwasilishe kwenye Mkutano wa 19 wa Bunge hili
    ulioanza jana, kitu kinachoitwa “Miscellaneous Amendment” –
    marekebisho ya sheria mbalimbali – na au ikichelewa sana katika
    Bunge la Bajeti.

    Wachunguzi wa mambo wanasema Rais Kikwete atakuwa amesikitishwa
    sana na hatua ya wasaidizi wake ya “kumchomekea” vitu ambavyo
    baadaye vinamomonyoa hadhi yake kama mkuu wa nchi.

    Miongoni mwa wanaotajwa kuwa wamempotosha au wameshindwa kumsaidia
    rais, ni pamoja na Jaji Werema ambaye ametetea uingizaji kinyemela
    kipengele ambacho hakikujadiliwa bungeni.

    Mwingine anayetajwa ni waziri Marmo ambaye ambaye nduye hasa
    ametajwa kubuni na kuingiza maneno ya kifungu kinacholaaniwa.

    Source: Mwamahalisi Issue No. 184
     
  2. Pape

    Pape JF-Expert Member

    #2
    Apr 18, 2010
    Joined: Dec 11, 2008
    Messages: 5,536
    Likes Received: 13
    Trophy Points: 0
    ndiyo siasa za bongo hizo...
     
  3. Zak Malang

    Zak Malang JF-Expert Member

    #3
    Apr 18, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Kikwete amevunja sheria yake

    Na Saed Kubenea

    CHAMA Cha Mapinduzi (CCM) kimeendelea kujihalalisha kwa fedha
    badala ya sera.

    Sasa kinahaha kutafuta mabilioni ya shilingi, siyo kwa ushindani,
    bali kwa shabaha ya kuzamisha vyama vingine.

    Ilikuwa Ijumaa wiki iliyopita, CCM ilipozindua mpango wa
    kuchangisha Sh. 40 bilioni kwa ajili ya kile ilichoita “kampeni za
    uchaguzi mkuu.”

    Lakini ni majuzi tu Rais Kikwete alisaini sheria ya matumizi ya
    fedha katika uchaguzi. Pamoja na kudhibiti matumizi ya fedha
    haramu, sheria hiyo ilikuwa na saaha nyingine kubwa.

    Roho ya sheria ambayo Kikwete alisaini kwa mbwembwe, ingawa tayari
    imebainika kuwa itarejeshwa bungeni, ni hii hapa:

    Sheria inalenga kupata “viongozi bila hila na jeuri ya fedha…”
    Maneno mengine katika sheria hii ni muhimu lakini haya tunayonukuu
    hapa ndiyo muhimu zaidi.

    Sasa CCM imeamua kuchangisha fedha; kwa njia ya simu na kwa
    kukusanya kutoka kwa walionazo. Ukumbwa wa kiwango cha fedha
    kinachochangishwa, hakika ni wa kutatanisha.

    Shilingi 40 bilioni (na zaidi) ni kiwango cha hila katika mazingira
    ya Tanzania, pale kinapotumika tu kwa kampeni za uchaguzi wa chama
    kimoja.

    Kiasi hicho cha fedha ni cha jeuri ya aina yake katika jamii ambamo
    umasikini ni sehemu ya maisha.

    Ni wazi basi kwamba viongozi watakaopatikana kwa hila na jeuri ya
    fedha, wataishi kwa hila na jeuri ya fedha juu ya vichwa vya
    masikini ambao watazuiwa kukohoa.

    Kwa CCM kuamua kuchangisha mabilioni hayo ya shilingi kwa matumizi
    katika uchaguzi, chama hiki kimebwaga moyo wa sheria inayokataza
    hila na jeuri ya fedha.

    Kimefanya hivyo makusudi. Kwanza kinataka kutishia vyama vingine
    kuwa “kiko juu” na hakina mshindani katika kuwa na fedha nyingi.
    Pili, kinatoa ishara kwa wafanyabiashara wakubwa nchini kwamba
    wakati wa kukichangia ndio huu na mchango sharti uwe mkubwa kuliko
    siku zote.

    Wafanyabiashara hawa wanajua vema kwa nini huwa wanachangishwa na
    wao kukubali kuchangia, kama hawana manufaa na “kelele za siasa.”
    Tatu, CCM ina mtaji mkubwa wa michango. Ni mwenyekiti wake
    aliyesamehe watuhumiwa wa ufisadi waliodaiwa kuchota mabilioni ya
    shilingi kutoka benki Kuu (BoT).

    Mwenyekiti wa CCM na Rais wa Jamhuri ya Muungano, Jakaya Kikwete
    hakutaja majina na watuhumiwa, kiasi walichodaiwa kuiba, kiasi
    walichorejesha na kiasi hicho kiko wapi.

    Ahadi yake ya kutowashitaki iwapo watarejesha fedha, ni mtaji
    mkubwa. Watuhumiwa hao ambao tayari wamethibitika kuwa mafisadi kwa
    kuwa wamekiri, wanatarajia kuchanga kiasi gani kwa njia ya
    shukrani?

    Nne, kuna wananchi mitaani ambao, katika vibanda vyao vya matembe,
    ajira zao zisizosalama, uchuuzi wao unaopigwa vita kila siku na
    matarajio ya kuvaa kijani kila uchaguzi, watachanga Sh. 300 au 500.
    Huwezi kubishana na hawa. Ndio waendelezaji wa kauli za kuwa “damu
    -damu” na CCM. Wakati mwingine husema wana damu ya kijani. Nao
    watachanga.

    Chama Cha Mapinduzi kinataka kitu kutoka kwa kila mtu; ili kipate
    fedha na hivyo kupata viongozi kwa hila na jeuri ya fedha.
    Na siyo kweli kwamba CCM itapata Sh. 40 bilioni tu. Kwa mkakati
    wake huu, itapata mabilioni mengi zaidi; labda mara mbili au mara
    tatu ya kiwango kinachotajwa hadharani.

    Tutasikia kelele kwamba kitu muhimu ni kuripoti umepata kiasi gani
    cha fedha na umezitumiaje katika uchaguzi. Hizi ni kauli za
    “danganya toto.”

    Kwa ubabe wa CCM na serikali yake; ule wa kukataa kutaja mafisadi
    waliothibitika; kukataa kusema waliiba kiasi gani na wamerudisha
    kiasi gani; na hatimaye kukaidi kuwapeleka mahakamani; nani
    atawalazimisha kutamka wamekusanya kiasi gani kwa mfumo wao
    wenyewe?

    Kwa ukaidi na ubabe wa CCM na serikali yake; ule wa kuweka viongozi
    wa siasa katika sheria ya matumizi ya fedha wakilenga kudhibiti
    upinzani ndani na nje ya chama chao; nani atalazimisha chama na
    serikali yake kuwa waadilifu?

    Katikati ya ahadi na mbinu za kukusanya mabilioni ya shilingi, ziko
    wapi mbwembwe za rais wakati wa kutia saini sheria ya kuzuia
    matumizi mabaya ya fedha katika uchaguzi?

    Uko wapi utukufu wa waliomsindikiza rais kusaini sheria ya kuzuia
    matumizi ya fedha haramu katika uchaguzi? Kwa maandalizi haya, CCM
    na serikali yake “hawajafuta” sheria aliyosaini rais?

    Sheria yenyewe ina matundu. Hakuna kipengele chochote katika sheria
    hii ambacho kinazuia mafisadi kuchangia chama.

    Hatujaona, katika kanuni zinazojadiliwa, kipengele chochote
    kinachowazuia mafisadi kuingiza fedha katika kampeni za vyama vya
    siasa.

    Kama vifungu hivi havimo na kama ukusanyaji fedha uko chini ya
    chama chenyewe ambako uwazi ni hadhithi za alinacha, basi mafisadi
    waliosetiriwa na kunusurishwa mahakama, wamepata fursa ya kutoa
    asante.

    Tayari ubabe wa CCM na serikali yake umeanza kudhihirika. Kwa
    mfano, wadau walipendekeza na kukubaliana kuwa kiwango cha juu cha
    fedha kwa mgombea ubunge kwa upande wa Zanzibar, kiwe Sh. 10
    milioni.

    Lakini CCM imepenyeza pendekezo ambalo tayari linaonekana
    kukubaliwa na Msajili wa Vyama vya Siasa, John Tendwa, kwamba
    mgombea ubunge Zanzibar atumie Sh. 40 milioni.

    Uamuzi wa Tendwa na CCM yake, haukujali ukubwa wa majimbo ya
    Zanzibar kama sheria inavyoagiza; wala idadi ya wapiga kura.
    Majimbo mengi ya Zanzibar ni madogo; yenye wapigakura wachache;
    pengine chini ya 10,000 na kijiografia ni madogo.

    Mahali pengine, viwango vilivyopenyezwa na CCM na kukubaliwa na
    Tendwa kwa majimbo ya Zanzibar, ni vikubwa kuliko vile vya Bara.
    Kwa staili hii, hata Tendwa mwenyewe amepoteza sifa ya uadilifu na
    ile ya kuwa msajili wa vyama vya siasa kwa sababu ya kukumbatia
    matakwa ya chama kimoja dhidi ya vingine.

    Na hii, inaufanya mchakato mzima wa kutunga sheria hadi kuisaini
    kuonekana hauna maana na hauzingatii maslahi ya taifa.

    Watanzania wengi wataendelea kujiuliza, kama Kikwete ana uwezo wa
    kuchangisha mabilioni yote hayo kwa uchaguzi wa kumwongezea miaka
    mitano ikulu, anashindwa nini kuchangisha mabilioni ya kuleta
    maisha bora aliyoahidi.

    Itakuwa vigumu kutetea Kikwete kwamba fedha anazokusanya
    hazitatumika kununua kura.

    Hii ni makala ya maoni binafsi katika Mwanahalisi toleo la sasa.
     
  4. Zak Malang

    Zak Malang JF-Expert Member

    #4
    Apr 18, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Cha kutisha ni kwamba tunaye tena for the next 5 yrs!!!!! I need to vomit!
     
  5. Zak Malang

    Zak Malang JF-Expert Member

    #5
    Apr 18, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Why not simply rule by Decrees?
     
  6. Zak Malang

    Zak Malang JF-Expert Member

    #6
    Apr 18, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Ndo maana mafisadi wanafanikiwa kumchomekea mavitu yao na kukupua mabilioni ya WaTz. Dump the man! This year!
     
  7. The Son of Man

    The Son of Man JF-Expert Member

    #7
    Apr 18, 2010
    Joined: Feb 9, 2010
    Messages: 10,934
    Likes Received: 343
    Trophy Points: 180
    Mmemsahau K'wete mzee wa emotions bila busara?
     
  8. Eliphaz the Temanite

    Eliphaz the Temanite JF-Expert Member

    #8
    Apr 18, 2010
    Joined: Jan 19, 2010
    Messages: 2,663
    Likes Received: 228
    Trophy Points: 160
    Hii ndio asili ya viongozi tulio nao! Hubuni mbinu na mikakati ya kubaki madarakani na sio kumtumikia mtanzania aliyewachagua! Huwezi amini nchi hii bado kuna shule za msingi na secondary ambapo wanafunzi hukaa chini na kuandikia kwenye miguu yao! Wakuu hawa hawaju kwamba mishahara wanayomplipa mfanyakazi ni aibu na ni fedheha kubwa. Kwa miaka mitano hakuna anayewajali wala kufikiri ni nini nanma ya kuwasaidia

    Lakini linapokuja suala la kubaki madarakani, hujifanya kuwageukia hao hao wananchi waliochoka na kuendelea kuwakamua just for their own gratification sake.Je Ubunifu kama huu usingeonekana wa manufaaa zaidi kama wananchi tungechangishwa kwa hiari zetu mathalani kwa ajili ya ujenzi wa hospital teule kwa ajili ya magongwa ya akina mama, magojwa ya moyo na kadhalika? Bil 40 yaweza kununua madawati mangapi na kulifanya suala la watoto wetu kukaa chini kuwa historia?
    Five yrs for Christ's sake leo ndio unakumbuka unahitaji kufanya marekebisho ya sheria ya madini! This is hypocrisy of an immesuarable scale!
     
  9. Tatu

    Tatu JF-Expert Member

    #9
    Apr 18, 2010
    Joined: Oct 6, 2006
    Messages: 1,077
    Likes Received: 33
    Trophy Points: 145
    Are you really surprised?

    This guy has no vision for the country. Our leaders has no vision for this country, (except 1 or 2). Few days after the law was signed he went back to initiate 40-50 billions fund raising. To me, that does not add up at all.

    I am sure he can read but not comprehend.
     
  10. B

    Babuyao JF-Expert Member

    #10
    Apr 18, 2010
    Joined: Jun 6, 2009
    Messages: 1,729
    Likes Received: 23
    Trophy Points: 135
    Yaani Tanzani wakati mwingine inafanana na ngalawa baharini isiyo na mpiga makasia. Yaani inajiendea tu na Mungu anailinda.
     
  11. RRONDO

    RRONDO JF-Expert Member

    #11
    Apr 18, 2010
    Joined: Jan 3, 2010
    Messages: 16,551
    Likes Received: 5,435
    Trophy Points: 280
    well,its not like im trying to be funny,lakini atasoma saa ngapi na muda wote yuko safarini?
     
  12. Kaa la Moto

    Kaa la Moto JF-Expert Member

    #12
    Apr 18, 2010
    Joined: Apr 24, 2008
    Messages: 7,535
    Likes Received: 74
    Trophy Points: 145
    Tanzania ina watu wa vichwa sana kama akina Dr Slaa. Lakini nadhani katiba yetu ina shida saaaaaaaana kiasi kwamba hata kiongozi mzuri anaweza kuwa kama Kikwete alivyo.
    Ni ajabu kwamba Marmo pamoja na kuchezea sheria zetu hatachukuliwa hatua si na bunge tu, bali hata boss wake na wananchi wa kwao huko Manyara sijui hawatajali kumuadhibu. Shame upon Marmo.
    Tunahitaji katiba mpya Tanzania iliyotungwa si kwa haraka, wala kwa maslahi ya mtu au chama chake, bali kwa taratibu na ikishirikisha watanzania wote. Hatutaki wanasiasa kuchezea nchi yetu. Nina hakika hawataishi miaka mingi kuanzia sasa lakini the country will be there for ever. Kwa nini tuachie wana wetu na wana wao matatizo ya kuja kukatana mapanga bila sababu ya msingi? Wasidhani wa kwao watapona!
     
  13. Anyisile Obheli

    Anyisile Obheli JF-Expert Member

    #13
    Apr 18, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    jk ni kipimo kizuri kwa watanzania kama je, ni timamu?

    kurudi kwake ikulu kunategemea idadi ya wapumbavu

    nchini, samahani situkani!!!!
     
  14. shugri

    shugri Member

    #14
    Apr 19, 2010
    Joined: Mar 22, 2010
    Messages: 67
    Likes Received: 0
    Trophy Points: 0
    Imagine the possibilty of tanzania without a president!
    IF the kind of leaders we choose are of this kind, then
    lets try a life without one? is it possible?

    One can not compare Dr SLaa and Kikwete they are two
    different people with different background, this is not to say
    slaa does not have his own faults? Politics of complaining
    if he is given power what will he complain about?

    Am serious questioning the possibility of TZ without president,
    IF Costa Ricca can survive without an army- as they have proved to
    so far- then Tanzania can survive with no president.
     
  15. Kigogo

    Kigogo JF-Expert Member

    #15
    Apr 19, 2010
    Joined: Dec 14, 2007
    Messages: 19,245
    Likes Received: 32
    Trophy Points: 145
    yaani unategeme JK akae na kusoma vitu hivi atapata muda saa ngapi...maana kutwa yuko bize anajibu message kwenye simu yake ya mkononi sasa hapo kuna rais au matapishi
     
  16. Zak Malang

    Zak Malang JF-Expert Member

    #16
    Apr 19, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    AO: Umenivunja mbavu ndugu yangu!!!!!!!!!!!
     
  17. Scientist

    Scientist JF-Expert Member

    #17
    Apr 20, 2010
    Joined: Feb 7, 2009
    Messages: 392
    Likes Received: 0
    Trophy Points: 0
    Muungwana hana muda wa kusoma ishu nyeti, yeye ni sms na mengineyo ya hovyohovyo...
     
  18. P

    Phillemon Mikael JF Gold Member

    #18
    Apr 20, 2010
    Joined: Nov 5, 2006
    Messages: 7,707
    Likes Received: 954
    Trophy Points: 280
    GOD forbid ..aliyewaambia jk anasomaga chochote zaidi ya sms,.....nani??? hata magazeti anaangalia vichwa vya habari tu..muda wa kusoma miswada yenye lugha za kisheria zisizovutia ataupata wapi...sembuse hata kusoma summary za mswada husika anazoandaliwa na washauri wake wa kisekta ikulu?...au hata kupata muda wa kuwasikiiliza washauri kwa makini na kuwapa maswali ya kiuchunguzi kabla ya kusaini chochote??

    Mungu bariki tu huko nje anakoenda anaweza akachomekewa kipengele cha kutuuza utumwani ndani ya nchi yetu na asikione!!!

    mtu asiyependa kujisomea hafai kabisa...atabaki kutuongoza kwa ramli siku zote....just imagine na zile mbwembwe zote za kusaini ile sheria .,kumbe alikuwa hajaisoma..haijapata kutokea Tanzania..

    NAPENDEKEZA PANEL YA MAJAJI IPITIE UPYA SHERIA ZOTE NA MIKATABA ALIYOSAINI KIKWETE ILI IRIDHIWE UPYA ...HILI NI MUHIMU HATA KWA WANASHERIA HUMU JITOLEENI KULIFANYA!!
     
  19. b

    bongo-mchecheto Member

    #19
    Apr 20, 2010
    Joined: Apr 20, 2010
    Messages: 6
    Likes Received: 0
    Trophy Points: 0
    hii ni noma wazee, duuh
     
  20. b

    bongo-mchecheto Member

    #20
    Apr 20, 2010
    Joined: Apr 20, 2010
    Messages: 6
    Likes Received: 0
    Trophy Points: 0
    it's unbelivable and this is the head of state
     
Loading...