Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

JK: Amkaba koo Waziri Ghasia

Discussion in 'Jukwaa la Siasa' started by Candid Scope, Mar 23, 2011.

  1. Candid Scope

    Candid Scope JF-Expert Member

    #1
    Mar 23, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    Rais Jakaya Kikwete, jana alimweka katika wakati mgumu Waziri wa Nchi, Ofisi ya Rais (Menejimenti ya Utumishi wa Umma), Hawa Ghasia, baada ya kukatisha mara kwa mara hotuba yake akitaka maelezo ya kina kuhusu masuala yanayohusiana na wizara yake hasa mabilioni yanayotafunwa kutokana na mishahara ya watumishi hewa.

    Rais Kikwete alianza kumhoji Waziri Ghasia kwanini mabilioni ya fedha ya watumishi hewa yanaliwa na wahusika hawachukuliwi hatua zozote na wanaendelea kuwa kazini. Alihoji swali hilo baada ya Waziri Ghasia kumweleza kuwa Sh. bilioni tisa zimeliwa katika wizara na idara mbalimbali na Taasisi ya Kuzuia na Kupambana na Rushwa (Takukuru) inaendelea na uchunguzi.
    Baada ya kauli hiyo, Kikwete aliingilia na kuhoji kwanini wahusika wasitafutwe wakarejesha fedha hizo na kisha wakafikishwa polisi ili waandaliwe mashtaka na kufikishwa mahakamani.

    Waziri Ghasia aliposimama na kumweleza Rais Kikwete kuwa polisi na Takukuru wanaendelea na uchunguzi wa sakata hilo, Kikwete aliingilia kati tena na kumweleza kuwa suala hilo liko ndani ya uwezo wa wizara yake hivyo hawapaswi kuitupia mzigo Takukuru. “Hawa watumishi hewa wako wizara zote kwanini hamuwatafuti, maana fedha za umma zinazidi kupotea, Waziri hili liko ndani ya uwezo wenu msiwaachie Takukuru, mkiwaachia hao uchunguzi unaweza kukaa miaka na miaka huku wahusika wakiendelea kutafuna fedha za umma, mnaweza kusema mnaendelea na uchunguzi mkakuta wale wezi mnaowatafuta wengine wamekufa, wengine wameshastaafu haitakuwa na maana…Ni heri tutumie fedha nyingi kwa ajili ya kuwatafuta hawa wezi,” alisema na kuongeza: “Lakini tukomeshe kabisa tatizo hili na hata mkitumia milioni 200 sioni tatizo cha maana nataka tukomeshe wizi huu, na kama hamna fedha za kufanya kazi hiyo semeni mimi nitawapa tu.” Aliiagiza Wizara hiyo kuwasaka watumishi walioiba Sh. bilioni 9 za watumishi hewa ili wazirejeshe na kisha wafikiswe mahakamani.

    Baada ya maelezo hayo ya Rais Kikwete, Waziri Ghasia alisimama na kuendelea kumweleza kuwa wizara yake imeanza mkakati wa kuwatafuta watu wanaolipwa mishahara ya watumishi hewa, lakini kabla hajafika mbali Rais Kikwete aliingilia tena kati na kumweleza kuwa watu hao wanafahamika kwa kuwa wako ndani ya utumishi wa umma. “Hawa watu mnawafahamu maana utakuta mwalimu kapelekwa mkoa fulani, lakini haendi, sasa hapo anatafutwa mtu wa kujifanya mwalimu na kuchukua mshahara wake, mtu anachukua jamaa yake au mkewe anamwambia ajaze fomu ili ajifanye ndiye yule mwalimu kwamba kisharipoti kazini sasa mshahara ukishaingia wanajuana wenyewe namna ya kulipana kati ya ofisa utumishi na yule aliyejifanya kuwa ndiye mwalimu,” alisema. “Waziri haya mambo yako ndani ya mamlaka yenu na hampaswi kukasimu mamlaka yenu, tafuteni kamateni watu hawa wachukulieni hatua za kinidhamu, kule Takukuru iwe baadaye kwa hatua zingine maana mkishawagundua wezi hawa hawapaswi kuendelea kuwa kazini.” Rais Kikwete alisema iwapo waziri huyo atawabana makatibu wakuu na wahasibu wakuu wa wizara wanaweza kuwataja watumushi wao wanaohusika na kuchukua mishahara ya watumishi hewa na kisha wawasimamishe kazi kwa hatua zaidi za kisheria.
    “Wizara zote na kwenye halmashauri wabaneni hawa watawatajia wezi hawa ila kama mnaona hamna mamlaka nao nipeni kazi hiyo mimi na Luhanjo (Katibu Mkuu Kiongozi) tutafanya kazi hiyo maana hakuna aliye juu yetu, tutapambana nao, hatuwezi kuacha fedha za umma zinaendelea kuliwa kama shamba la bibi,” alisema Kikwete.

    Waziri Ghasia aliendelea na hotuba yake akimweleza Rais Kikwete kuwa kumekuwa na tatizo la mrundikano wa watumishi wa umma kwenye ngazi moja bila kupanda vyeo hali iliyomfanya Kikwete kuingilia tena na kuhoji sababu ya kuwepo hali hiyo.
    “Kwanini mnaruhusu hali hii, mtumishi kupanda cheo ni haki yake si hisani, hao wanaohusika na kupandisha vyeo watumishi wakishindwa kufanya hivyo washughulikiwe, msiwachekee watumishi wazembe maana mnasababisha malalamiko kila kukicha, fuatilieni kujua watumishi gani hawajapandishwa vyeo na mjue kwanini, mkishajua penye tatizo yule aliyeshindwa kutimiza wajibu wake mwandikieni barua atoe maelezo kwanini kashindwa kutimiza wajibu wake, asipojibu ndani wiki moja basi mumpandishe cheo yule mtumishi aliyecheleweshewa kupandishwa na yule mtumishi aliyezembea kwa kuwa mmefanya kazi yake mumpe adhabu kama kumshusha cheo,” alisema. Kikwete alimweleza Waziri Ghasia kuwa kuna baadhi ya viongozi wanashindwa kupandisha watumishi vyeo kwa chuki tu.
    Katika hatua nyingine, Kikwete alithibitisha kuwa gharama za maisha zimezidi kuwa kubwa hivyo alimwagiza Waziri wa Fedha na Uchumi, Mustafa Mkulo, kuangalia uwezekano wa kuwaongezea mishahara watumishi wa umma ili kuwapunguzia makali ya maisha.

    TAMISEMI WANALEA WEZI
    Akiwa Wizara ya Tawala za Mikoa na Serikali za Mitaa (Tamisemi), Kikwete alisema baadhi ya watumishi wa wizara hiyo ndio wamekuwa wakilea wezi wa fedha za umma kwenye halmashauri nyingi.

    Alimwagiza waziri wa wizara hiyo, George Mkuchika, kuhakikisha wanafuatilia matumizi ya fedha za serikali zinazopelekwa kwenye halmashauri kuangalia kama zimetumika ipasavyo. “Huku fedha zinatafunwa sana, maana ripoti zinaandikwa vizuri ila mambo hayajafanyika, mimi mwenyewe kule nyumbani kwangu waliandika kuwa wamejenga madaraja mawili, lakini kila wakati napita hapo sijawahi kuona hilo daraja waliloandika kuwa limejengwa, kuna wakati Mkuu wa Wilaya ya Bagamoyo aliwahi kutaka kuchunguza matumizi ya fedha aliandamwa kuanzia kule wilayani hadi huku juu Tamisemi, sasa inaonekana ninyi mnalea wezi acheni kabisa tabia hiyo,” alisema Rais Kikwete.
    CHANZO: NIPASHE
     
  2. RAJ PATEL JR

    RAJ PATEL JR JF-Expert Member

    #2
    Mar 23, 2011
    Joined: Sep 8, 2010
    Messages: 745
    Likes Received: 1
    Trophy Points: 0
    Big up JK
     
  3. The Son of Man

    The Son of Man JF-Expert Member

    #3
    Mar 23, 2011
    Joined: Feb 9, 2010
    Messages: 10,941
    Likes Received: 345
    Trophy Points: 180
    Yetu macho, tatizo hayo maagizo huwa yanaishia hapo hapo kwani hatuoni hatua zozote kwa hao jamaa tangu zamani!
     
  4. lukindo

    lukindo JF-Expert Member

    #4
    Mar 23, 2011
    Joined: Mar 20, 2010
    Messages: 5,942
    Likes Received: 2,386
    Trophy Points: 280
    aisee, nyie acha tu tusimdharau babu!
     
  5. Kiranga

    Kiranga JF-Expert Member

    #5
    Mar 23, 2011
    Joined: Jan 29, 2009
    Messages: 34,583
    Likes Received: 5,623
    Trophy Points: 280
    Mchezo wa kuigizaa tu. Ina maana rais hana muda wa kupitia haya mambo na waziri mpaka aulize maswali wakati wa hotuba?

    Au ndiyo mambo ya theater tu, anataka watu wamuone mkali, waseme big up JK, kesho wasahau, mambo yanaendelea vile vile.

    Sasa kamuwajibisha nani? Kachukua hatua gani? Yaani rais analalamika kama mwananchi wa kawaida wakati ana nguvu zote za dola, huyu mtu anaelewa dhamana ya urais kweli?
     
  6. Candid Scope

    Candid Scope JF-Expert Member

    #6
    Mar 23, 2011
    Joined: Nov 8, 2010
    Messages: 11,892
    Likes Received: 49
    Trophy Points: 145
    Angemwajibisha waziri wake kwa kutokuwa makini katika wizara yake kingeeleweka
     
  7. s

    shadhuly Senior Member

    #7
    Mar 23, 2011
    Joined: Jan 8, 2011
    Messages: 135
    Likes Received: 13
    Trophy Points: 35
    matendo muhimu.sema naona kama mchezo wa kuigiza
     
  8. g

    guta Senior Member

    #8
    Mar 23, 2011
    Joined: Sep 24, 2010
    Messages: 178
    Likes Received: 3
    Trophy Points: 35
    Hi ni kama zile semina elekezi za wakati akiingia madarakani, yetu macho. Sisi tunataka kuona action sio blabla za matembezi ya wizarani.
     
  9. NewDawnTz

    NewDawnTz JF-Expert Member

    #9
    Mar 23, 2011
    Joined: Nov 15, 2010
    Messages: 1,675
    Likes Received: 2
    Trophy Points: 0
    Haya jamani toka 2006 mpaka leo yanaonekana kuwa deal..........maagizo yasiyotekelezwa tumeyazoea sasa na yanaota ubongoni mwetu kama makovu ya sugu vile........

    Hata hivyo anastahili pongezi kwa maagizo.....

    Naomba mnisaidie wanajamvi......Je mkulu alishafika wizarani kwa Ngeleja? Je alimuambia awawajibishe waliotuingiza kwenye mikataba bomu inayoligharimu taifa kama ile ya Dowans na Richmond na mingine ambayo inagharimu zaidi ya hizo billioni 9 zilizoliwa na wafanyakazi hewa (japo nahisi zimeliwa na watendaji wake na sio wafanyakazi hewa)?

    Kama hajapita, basi naomba mliokaribu nae mumuambie kama anataka tumuone wa maana na anamaanisha business akifika huko atoe agizo la kuwajibishwa kwao
     
  10. Mtumiabusara

    Mtumiabusara JF-Expert Member

    #10
    Mar 23, 2011
    Joined: Nov 18, 2009
    Messages: 473
    Likes Received: 0
    Trophy Points: 33
    Mheshimiwa Rais akiwa mkali hivi, nchi itatawalika na kusonga mbele. Ikiwezekana baada ya miezi 6 apitie tena hizo wizara kujua utekelezaji wake.
    Mtu akifanya vizuri lazima tu appreciate bila kujali itikadi ya kisiasa
     
  11. BabaDesi

    BabaDesi JF-Expert Member

    #11
    Mar 23, 2011
    Joined: Jun 30, 2007
    Messages: 2,792
    Likes Received: 25
    Trophy Points: 145
    Hakuna Lolote hapo. Yeye ndio angekuwa wa kwanza kuwachukulia hatua wale mafisadi waliokwiba pesa zetu halafu yeye akawasamehe na kuwaruhus warejeshe pesa hizo bila kuchukuliwa hatua!!!
     
  12. R

    Rutakyamilwa JF-Expert Member

    #12
    Mar 23, 2011
    Joined: Feb 27, 2009
    Messages: 954
    Likes Received: 566
    Trophy Points: 180
    Porojo tu, haya tangu nazaliwa nayasikia na yanaishia kwenye majukwa. Amesema yameisha. Wanaoiba ni marafiki, ndugu etc, nani amfunge paka kengere. Acha waibe, CHUKUA CHAKO MAPEMA. mbona akina RA wamechukua chao mapema. MSINIUE
     
  13. H

    Haika JF-Expert Member

    #13
    Mar 23, 2011
    Joined: Mar 3, 2008
    Messages: 2,241
    Likes Received: 20
    Trophy Points: 135
    I wish him luck. lakini lazzima awe na nguzu za kuwatoa wanaoharibu, hasa wa ngazi za juu
     
  14. Edson

    Edson JF-Expert Member

    #14
    Mar 23, 2011
    Joined: Mar 7, 2009
    Messages: 9,052
    Likes Received: 479
    Trophy Points: 180
    jana nilicheka sana...eti anasema.....'' ni nani anapaswa kuwapandisha watu vyeo?'' ghasia akajibu ni yule plae.....ni wewe? yaani unatakiwa ukiwa unafika ofisin computa yako inaflash tu majina ya wanaopaswa kupandishwa vyeo......computa mnazo jamani zitumieni vizuri''


    halafu jamani hivi hili swala la watumishi hewa ni mpaka atembelee wizara husika ndo ajue? hawa mawaziri huwa hawapeleki ripot?

     
  15. kilimasera

    kilimasera JF-Expert Member

    #15
    Mar 23, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    alitakiwa amuwajibishe hapohapo huyo ghasia hayo sio majibu yeye kama waziri anashindwaje kuwawajibisha watu waliokula fedha za umma eti anangoja takukuru wawathibitishe!!mie ndio maana nasema always tatizo ni system nzima ya CCM na serikali yao na sio kikwete peke yake!!!yaani CCM wanatakiwa wasafishe hizo takataka zote!
     
  16. AirTanzania

    AirTanzania JF-Expert Member

    #16
    Mar 23, 2011
    Joined: Mar 17, 2011
    Messages: 907
    Likes Received: 43
    Trophy Points: 45
    Kikwete anaumwa kiharusi mbona hawakamati Lowassa, Rosta aziz, karamagi, chenge na mramba kuwapeleka polisi maana hao ndio mafisadi papa. hana lolote kikwete
     
  17. Job K

    Job K JF-Expert Member

    #17
    Mar 23, 2011
    Joined: Oct 4, 2010
    Messages: 5,566
    Likes Received: 1,291
    Trophy Points: 280
    Hakuna cha kulisifia hapo!! Limeachia mabilioni yanaliwa ovyo ovyo tu leo ndo akomalie hizo zinazoliwa na watumishi, mbona ameshindwa kuchukua hatua katika mabilioni ya EPA mpaka leo hatujui kesi zimeishia wapi!! Hebu aache usanii hapa P*****f zake hana aibu!!!! Hata kama cup la babu limefanya mambo bado hatujaona, hebu awajibike zaidi.
     
  18. B

    Bukyanagandi JF-Expert Member

    #18
    Mar 23, 2011
    Joined: Jun 24, 2009
    Messages: 6,423
    Likes Received: 2,274
    Trophy Points: 280


    Here we go again! Been telling one and all that Jakaya is MEGA-SMART upstairs. Eh there has a pen finally dropped; he knows what he wants and how to go about it - smart Eh!
     
  19. i

    immasoft Member

    #19
    Mar 23, 2011
    Joined: Mar 2, 2011
    Messages: 92
    Likes Received: 4
    Trophy Points: 15
    anatafuta ile public popularity iliyopotea kwenye media
     
  20. The Finest

    The Finest JF-Expert Member

    #20
    Mar 23, 2011
    Joined: Jul 14, 2010
    Messages: 21,711
    Likes Received: 33
    Trophy Points: 145
    Kiranga thank you for summarizing ambapo na mimi nilikuwa nataka kujenga hoja yangu
     
Loading...