Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

JK aahidi kutuma wataalamu wa kilimo na wakulima wa zao la nanasi Ghana

Discussion in 'Jukwaa la Siasa' started by nngu007, Aug 13, 2012.

  1. nngu007

    nngu007 JF-Expert Member

    #1
    Aug 13, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    [h=2][/h]JUMATATU, AGOSTI 13, 2012 06:26 NA MWANDISHI WETU, ACCRA

    Rais Jakaya Kikwete, amesema Tanzania itatuma wataalamu wa kilimo na wakulima wa zao la nanasi nchini, kwenda Ghana kujifunza ukulima wa kilimo cha kisasa cha aina mpya ya nanasi ambayo ndiyo yenye soko duniani.

    Rais Kikwete aliyasema juzi, wakati alipotembelea mashamba mawili makubwa ya kilimo cha kisasa cha mananasi aina ya MD-2, ambayo ndiyo inauzwa zaidi duniani, katika siku yake ya tatu ya ziara ya siku nne nchini Ghana.

    Rais Kikwete, aliamua kutembelea mashamba hayo ya Koranco Farms katika Kijiji cha Obotweri na lile la Bomart Farms, lililoko Kijiji cha Dobro, eneo la Nsawan, yote mawili yakiwa kiasi cha kilomita 150 kutoka mjini Accra, ili kujionea mwenyewe kilimo cha aina mpya ya mananasi iitwayo MD-2, ambayo iliingizwa Ghana kutoka nchi ya Costa Rica, kiasi cha miaka 30 iliyopita.

    Mananasi aina ya MD-2 , ndiyo yanayouzwa duniani na mbegu aina hiyo ya mananasi haipo Tanzania, ambayo wakulima wake, wanaendelea kulima na kupanda aina ya asili ya mananasi ambayo hayana soko duniani.

    Ziara hiyo, Rais Kikwete ambaye alisindikizwa na Waziri wa Chakula na Kilimo wa Ghana, Kwesi Ahwoi ilianzia shamba la Koranco Farms ambalo lilikuwa shamba la kwanza Ghana kulima mananasi aina ya MD-2.

    Kwenye shamba hilo, Rais Kikwete ameambiwa kuwa yeye ni Rais wa pili wa Tanzania kutembelea shamba hilo, kufuatia ziara ya Baba wa Taifa, Mwalimu Julius Nyerere, wakati wa ziara yake Ghana miaka ya 1980.

    Kwenye shamba hilo, lililoanzishwa miaka 30 iliyopita na lenye ukumbwa wa ekari 800, Rais alitembelea shamba lenyewe na kiwanda ambacho vyote vinakadiriwa kuwa na thamani ya dola za Kimarekani milioni 20.

    Mkurugenzi Mtendaji wa shamba hilo, Emmanuel Koranteng amemweleza Rais Kikwete kuwa, shamba hilo linaajiri wafanyakazi 50, inapandwa kiasi cha miche 60,000 katika eka moja na mananasi yake yanauzwa katika nchi wanachama wa Umoja wa Ulaya (EU).

    Kwenye shamba la Bomarts, Rais Kikwete ameelezwa na Mtendaji Mkuu wa shamba hilo, Anthony Botchway kuwa, shamba hili lilianzishwa miaka 27 iliyopita na kuwa mananasi aina ya MD-2 yamekuwa maarufu zaidi kuliko aina nyingine duniani.

    Amesema kuwa nchi ya Costa Rica inajipatia pato la kiasi cha dola za Marekani milioni 600, kwa kusafirisha na kuuza mananasi aina hiyo nje ya nchi hiyo.

    Rais Kikwete ambaye alikuwa katika ziara ya siku nne nchini Ghana, ambako pia ameshiriki mazishi ya aliyekuwa Rais wa nchi hiyo, Hayati John Evans Atta Mills, anaondoka huko kesho kurejea nyumbani.

     
  2. nngu007

    nngu007 JF-Expert Member

    #2
    Aug 13, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145

    Ghana walijifunzia wapi? Kwanini tusiwapeleke huko GHANA walipojifunzia? kama ni kwenye SOKO la DUNIA? kwanini

    Sisi tunakwenda au tunapenda second-hand? kila kitu cheap; na hakidumu... MBONA VIATU VYAKE na SUIT sio SECOND

    HAND? Sababu toka GHANA walipofundisha kitu kipya kimegundulika sasa tukiwapelewa watu wetu huko watapata utaalamu mpya...
     
  3. P

    Precise Pangolin JF-Expert Member

    #3
    Aug 13, 2012
    Joined: Jan 4, 2012
    Messages: 11,318
    Likes Received: 417
    Trophy Points: 180
    Tuna madini, Gas na mengineyo mengi yeye anashughulika na vitu ambavyo tunaweza kununua kwa kutumia pesa ya madini na Gas kama waarabu asituletee udhaifu wake hapa
     
  4. Sangarara

    Sangarara JF-Expert Member

    #4
    Aug 13, 2012
    Joined: Sep 29, 2011
    Messages: 12,634
    Likes Received: 37
    Trophy Points: 145
    Huyu mzee atakuwa hajapona Kifafa. Bado anatoa ahadi tu.
     
  5. S

    SURUMA JF-Expert Member

    #5
    Aug 13, 2012
    Joined: Mar 22, 2011
    Messages: 2,895
    Likes Received: 104
    Trophy Points: 160
    Mfamaji haishi kutapatapa...Wahenga hawakuwa wajinga kututengenezea msemo huu! Tafakari!
     
  6. Sabayi

    Sabayi JF-Expert Member

    #6
    Aug 13, 2012
    Joined: Dec 4, 2010
    Messages: 2,320
    Likes Received: 20
    Trophy Points: 135
    Modes tumovuzishie hii thread kwenye ujasiriamali kule huku itachafuliwa sasa hivi na vijana wa Nape
     
  7. Tetty

    Tetty JF-Expert Member

    #7
    Aug 13, 2012
    Joined: Jan 6, 2012
    Messages: 13,443
    Likes Received: 2,626
    Trophy Points: 280
    Nadhani rais wetu hajui kwamba kuna mananasi mazuri sana yapo Tanzania.Labda hajawahi kufika Mkuranga kuna mananasi yanaitwa mpingo.Tunachohitaji watanzania ni namna ya kuzalisha kisasa na kupata mikopo ya muda mrefu ya kuwekeza.
    Labda ningemuomba siku moja badala ya kwenda nchi za watu afanye utalii maeneo ya Mkuranga ajionee mwenyewe.Tuna mananasi mzuri na ni matamu sana lakini hatuna soko.Hatuhitaji ya kutoka Ghana.
     
  8. MWEEN

    MWEEN JF-Expert Member

    #8
    Aug 13, 2012
    Joined: Feb 6, 2010
    Messages: 456
    Likes Received: 13
    Trophy Points: 35
    My dear President JK,

    You can do your country a favour by funding your excellent researchers to produce even better varieties from the local sources rather than "copy & paste" technologies. In the long term, it will be sustainable. Wasomi wa nchi hii wanakuona kituko kwa ulimbukeni wako. Please, spare us the embarrassment.

    Bahati mbaya sana kila ikija bajeti sehemu ya kubana matumizi ni kupunguza pesa za utafiti. Na hata pale zinapopangwa, mgawo hautoki treasury.
     
  9. mtotowamjini

    mtotowamjini JF-Expert Member

    #9
    Aug 13, 2012
    Joined: Apr 23, 2012
    Messages: 4,540
    Likes Received: 3
    Trophy Points: 0
    anahaidi mpaka lini? toka 2005 anahaidi...Yesu atarudi kabla hizo ahadi zake hazijatekelezwa...tushachoka na ahadi...
     
  10. Sangarara

    Sangarara JF-Expert Member

    #10
    Aug 13, 2012
    Joined: Sep 29, 2011
    Messages: 12,634
    Likes Received: 37
    Trophy Points: 145
    Mnafiki sana huyu mzee. Hapa Dar es Salaamu tunakula mananasi kutoka Bagamoyo, Badala ya kufanya research namna ya kuboresha kilimo cha mananasi bagamoyo yeye anakwenda kuangalizia ghana, basi aende na kwenye machimbo ya dhahabu sasa. Yaani yeye mwenyewe haamini kama kinachofanyika nyumbani kwake ni sahihi anatuongoza vipi sasa? hivi ni lazima kila kinachofanyika hapa kiwe blended na namna ingine kutoka nje?
     
  11. Oxlade-Chamberlain

    Oxlade-Chamberlain JF-Expert Member

    #11
    Aug 13, 2012
    Joined: May 26, 2009
    Messages: 7,868
    Likes Received: 30
    Trophy Points: 145
    Mananasi yetu matamu sana yanaishia kuoza mashambani kwa vile hayana soko la huakika. Badala ya kuanza kuangaika na MD2, serikali ingewasaidia wakulima na kuekeza zaidi kwa njia za kisasa na kutafuta soko la nje.

    Maembe yetu pia matamu sana, sema hatuko serious serikali imefocus zaidi kwenye kuomba omba.

    Tuna vitu vingi sana sema jembe la mkono linatuangusha na serikali haijali wakulima.

    Wakulima wanaitaji msaada mkubwa kutoka serikalini
     
  12. Lyimo

    Lyimo JF-Expert Member

    #12
    Aug 13, 2012
    Joined: Mar 7, 2006
    Messages: 3,809
    Likes Received: 7
    Trophy Points: 135
    Ninavyofahamu mimi SUA wapo wataaamu wazuri sana wa mambo ya Vipando. Na wanauwezo wa kuzalisha mbegu nyingi na kwaharaka huku ikidhibitiwa viwango. Tatizo si kwamba wakulima wetu hawapendi kulima kilimo cha kisasa, tatizo ni soko. Kama watalima ukulima huu wa kisasa kwa kutegemea soko la ndani, basi gharama ya uzalishaji itakuwa kubwa kulingana na bei za soko letu la ndani. Hapa Tanzania kuna mizengwe mikubwa ya kupata kibali cha kwenda kuuzia huko, sasa kwa mazao kama mananasi ambayo shelf life yake si kubwa. Ukianza kuhangaikia kibali zaidi ya miezi sita na maranyingine usipate hicho kibali, basi ujue imekula kwako. Ila cha kushangaza zaidi, ni vigumu kwa wakulima wetu kupata hivi vibali, ila wafanyabiashara wa vitu mbalimbali wanavipata faster. Hivyo kama mpango huu utaletwa, bado unaweza usimnufaishe mkulima zaidi ya mfanyabiashara. Rejea hekaheka za KILIMO KWANZA uone nani mfaidika.
     
  13. Oxlade-Chamberlain

    Oxlade-Chamberlain JF-Expert Member

    #13
    Aug 13, 2012
    Joined: May 26, 2009
    Messages: 7,868
    Likes Received: 30
    Trophy Points: 145
    Serikali yetu inashangaza sana.

    Yeye anasafiri kila siku baada kutafuta soko la bidhaa zetu anaangaika kuomba misaada na kuuza nchi.
     
  14. Oxlade-Chamberlain

    Oxlade-Chamberlain JF-Expert Member

    #14
    Aug 13, 2012
    Joined: May 26, 2009
    Messages: 7,868
    Likes Received: 30
    Trophy Points: 145
    Tatizo ndio linakuja hapo.

    Wafanyabiashara wengi wakubwa ndio hawa viongozi wetu. Kwahio kila kitu kikitokea wanatumia njia ya kumnyonya mtu wa chini. Mwisho wa siku wote tunakosa wao wanakimbilia kwenye ufisadi.

    Serikali ikiamua ku-invest kwenye kilimo na kutafuta soko la nje sio mbaya pia kwani italetea taifa mapato na kutoa ajira na wakati huo huo wakawa wananunua kwa wakulima wengine pia kwa bei inayofaa.
     
  15. M

    MTK JF-Expert Member

    #15
    Aug 13, 2012
    Joined: Apr 19, 2012
    Messages: 5,819
    Likes Received: 1,546
    Trophy Points: 280
    The last time I checked JK alikuwa pia ameahidi kuleta wacuba wa kutokomeza malaria since his infamous trip ya "kubembea" to that Salsa Island; hatujaona follow up?
    when a leader falls into the trap of being excited at each and everything that crosses ones sights ujue kuna shida hapo; nothing gets done! mtawasubiri sana hao wataalamu wa mananasi na by the time JK leaves office sijui ataulizwa nani maana uongozi wa Tanzania hauna policy continuity ni wa kupokezana vijiti tu then mtu mpya naanza mambo yake kwa slogan zake na mbwembwe zake na kamati za ufundi za kwake pia; distinct and exclusive of the last!
     
  16. N

    Ndinani JF-Expert Member

    #16
    Aug 13, 2012
    Joined: Aug 29, 2010
    Messages: 5,105
    Likes Received: 506
    Trophy Points: 280
    Jakaya mwenyewe ni mkulima wa mananasi pale Kiwangwa sasa hayo anayosema kayaona huko Ghana yanayouzika nchi za nje ni mananasi ya aina gani? Tatizo tulilokuwa nalo katika kuuza matunda yetu nchi za nje sio aina ya matunda bali ni utaalam wa preservation na packaging. Nina uhakika kabisa kuwa mananasi ya Kiwangwa yakiwapackaged vizuri yatapata soko nchi za nje. Asitupotezee kodi zetu za kuwalipa waalimu mishahara mizuri kwa kuwapeleka ndugu zake huko Ghana kwenda kutalii kwenye mashamba ya mananasi!!
     
  17. Oxlade-Chamberlain

    Oxlade-Chamberlain JF-Expert Member

    #17
    Aug 13, 2012
    Joined: May 26, 2009
    Messages: 7,868
    Likes Received: 30
    Trophy Points: 145
    Anasema ni aina ya MD-2 ndio ya kisasa na yana soko nje.

    Angeonja na kutuambia kwamba ni matamu kuliko ya hapa nyumbani.

    Zile safari zake zote tumeingia hasara kubwa sana.
     
  18. Wachovu

    Wachovu JF-Expert Member

    #18
    Aug 13, 2012
    Joined: Jun 25, 2012
    Messages: 896
    Likes Received: 177
    Trophy Points: 60
    Huyu mzee hana akili kweli kweli anashinda anarandaranda hajuihata kinachotokea kwenye nchi yake. Mananasi nayo ni ya kupeleka watu Ghana kujifunza ?
    Tunayo mengi mpaka yanaoza kwa kukosa soko , hawa wazee sijui vipi ? hamnazo kabisa
    Kwanikunakitu gani anashangaashangaaa !!!!!!!!!!!!!!!!

    Njoo Mkuranga ukajionee vipu wewe bwana dhaifu , kutwa kiguu barabarani usituletee za kuleta
     
  19. r

    rodrick alexander JF-Expert Member

    #19
    Aug 13, 2012
    Joined: Feb 12, 2012
    Messages: 3,301
    Likes Received: 755
    Trophy Points: 280
    Nimesoma o level shule ya kilimo tulikuwa tunafundishwa kilimo cha aina nyingi kuanzia mboga mboga,matunda hadi Nafaka.Tuna vyuo vingi vya kilimo kutaja vichache ni Uyole,Tengeru pia tuna chuo kikuu cha kilimo.
    Sidhani kama kilimo cha mananasi cha Ghana kitatofautiana na cha huko tofauti iliyoko ni mbegu tu ila taratibu kwa kiasi kikubwa zitakuwa zile zile labda kujua aina ya udongo na hali ya hewa inayohitajika kwa aina hiyo ya mananasi.
    Bado hatujaweza kuvitumia vizuri vyuo vyetu upande wa utafiti ndio maana kila rais anapotoka nje ya nchi anabaki kushangaa naamini iwapo tutawekeza kwenye utafiti tunaweza kufanya vizuri zaidi.
    Hatujajua kama hayo mananasi ni ya asili au gmo maana tunaweza kuyakimbilia kumbe tunakaribisha tatizo jingine.
    Tuna mananasi mazuri sana hapa nchini na bahati nzuri sehemu alikotoka rais(bagamoyo) ndiko wanalima manansi kwa wingi lakini bado hajajua kuwa wakulima wanahitaji soko la uhakika na ili wawe na soko la uhakika inabidi tuwe na viwanda vya kutengeneza juice kwa wingi.Hivyo badala ya kuuza mananasi nje tunatakiwe tuuze juice kwani tukiuza fresh wao wanakuja tena kutuuzia juice kwa bei mbaya.
    Tukiwa na viwanda tutaongeza ajira na pato kwa taifa na yote yanawezekana.
    Mwisho Rais aelewe msiba umeisha anatakiwa kufanya kazi aliyoomba asikimbie matatizo yaliyoko huku wenzake wote walioenda kwenye msiba wamesharudi
     
  20. b

    bagamoyo JF-Expert Member

    #20
    Aug 13, 2012
    Joined: Jan 14, 2010
    Messages: 3,083
    Likes Received: 732
    Trophy Points: 280


    Video kwa hisani ya Tangibovu wa youtube

    Nadhani mawazo ya wana-Jamiiforums kuwawezesha wakulima wetu kupata taarifa ya namna ya kufungasha mazao yetu kwa viwango vya soko la nje ya nchi (kimataifa) basi wizara za mambo ya nje , biashara, serikali za mitaa, kilimo na maofisa ugani wataifanyia kazi kwa kasi zaidi ya kasi za Mh. Mwakyembe na Mh. John Magufuli.

    Huu si wakati wa kujifunza ni wakati wa kutenda.
     
    Last edited by a moderator: Jan 4, 2016
Loading...