Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Jela miaka mitatu, kisa kanikataa!

Discussion in 'Mahusiano, mapenzi, urafiki' started by Mtambuzi, Aug 30, 2011.

  1. Mtambuzi

    Mtambuzi Platinum Member

    #1
    Aug 30, 2011
    Joined: Oct 29, 2008
    Messages: 8,571
    Likes Received: 681
    Trophy Points: 280
    Kwa kifupi sana ni hivi. Mwaka 1975 nikiwa mwalimu kijana bado, nilifanya jambo ambalo kwa wakati ule wala halikunisumbua ingawa lilikuwa baya sana. Bila shaka, wale wanaokumbuka mfumo wa elimu wa wakati ule wanajua kuhusu wanafunzi waliokuwa wanaitwa maripita ambao walikuwa ni wale wanaoanguka mtihani wa darasa la saba shule fulani na kwenda kudurusu darasa hilo kwenye shule nyingine.

    Serikali ilikuwa inakataa kabisa wanafunzi kukariri tena darasa la saba au la nyuma yake baada ya kuanguka mtihani. Nikiwa shuleni kule Mbeya mwanafunzi mmoja ambaye baba yake alikuwa na urafiki na mkuu wa shule niliyokuwa nafundisha alikuja kudurusu darasa. Siku alipokuwa anakuja kuripoti, nilikuwepo mimi ofisini kama mwalimu mkuu msaidizi. Kijana huyo aliletwa na dada yake ambaye alikuwa anafanya kazi hospitali ya mkoa. Nilimpokea kijana yule nikijua kwamba anarudia shule.

    Baadaya kumpokea na kujua dada yake anapofanyia kazi, niliona nami ningepata. Kama mkuu wa shule alipata fedha kupitia Yule kijana kudurusu darasa, nilijua na mimi ningepata rushwa ya mwili. Nilimwandikisha kijana huku nikisema kwamba, kudurusu darasa ni mbaya
    sana. Yule dada wa kijana alisema ni kweli, lakini ni suala la kusaidiana.

    Nilitania kwakusema, “nasi tukija kuomba msaada hospitalini itabidi tusaidiwe.” Yule dada alisema hakuna tabu. Basi kijana alianza masomo darasa la saba nami nilianza kumfuatilia dada yake kule hospitali ya mkoa. Nilifuatilia kwa miezi miwili bila mafanikio zaidi ya ahadi tu.

    Nilijua kwamba, Yule muuguzi, dada wa yule kijana alikuwa anataka tu kuvuta muda ili mdogo wake amalize masomo ili anitolee nje. Ilibidi nimwambie kwamba, kama asiponikubalia ombi langu, mdogo wake ni lazima angeanguka mtihani kwani ningekwenda kuchongea mkoani kuhusu kudurusu kwake.

    Yule dada aliniambia, kama hilo ndilo lengo langu, ni vizuri nikalifanya. Kuanzia hapo sikufuatilia tena na nilipania kumchongea Yule mdogo wake, jambo ambalo sikujua kwamba, lingemdhuru na bosi wangu, yaani mwalimu mkuu. Ni kweli nilikwenda mkoani na kutoa taarifa kisiri kwa wanaohusika.

    Ukweli ni kwamba kijana Yule ambaye alikuwa na uwezo sana darasani alishindwa baada ya jina lake kukatwa na mkuu wa shule kushushwa cheo. Nilifurahi sana baada ya matokeo hayo. Nilikwenda kule Hospitalini kumjulisha Yule dada mtu kwamba mimi ndiye niliyemwangusha mdogo wake.

    Yule dada alilia nikiwa hapohapo, huku moyo wangu ukiwa umeridhika. Jioni ya siku ile ile, Yule kijana alikuja nyumbani kwangu hapo shuleni na kuniuliza ni kwa nini nimemfanyia roho mbaya . Nilimwambia amuulize dada yake na kumsisitiza kwamba sio mimi bali ni sheria za
    nchi.Yule kijana aliondoka huku akisema, Mungu ndiye anayejua kulipa au kutoa hukumu kwa haki . Nilicheka na kumwambia aende akafie mbali. “Dada yako ni ndege mjanja amenasa kwenye tundu bovu” Nilimpigia kelele. Aligeuka na kunitazama kwa muda, halafu aliondoka. Nadhani angekuwa na nguvu angeweza kunipiga ngumi nyingi sana, lakini hakuwa
    na ubavu.

    Miaka ilipita na nikawa nimesahau kabisa jambo lile. Ilikuwa ni miaka 25 baadae, mwaka 2000 ni kwamba mwaka 1995 niliacha kazi ya ualimu na kurudi kwetu Iringa. Nilianzisha biashara na kuwa mfanyabiashara. Mwaka huo 2000 nilipata matatizo ambayo yalinifikisha mahakamani.

    Kesi iliendelea kwa mwezi mmoja, kabla ya kutolewa hukumu. Haikuwa kesi kubwa, wala ambayo ingenitisha kwa kweli, Haya hukumu yake kwa mujibu wa wanasheria ambao niliwauliza, hakimu alikuwa anaruhusiwa kutoa faini au kifungo cha nje. Sijui walinidanganya kunipa moyo au vipi.

    Lakini siku ya hukumu hakimu alinihukumu kwenda jela miaka Mitatu adhabu ya juu kabisa ya kosa langu. Nilibabaika sana na wala sikuamini kama nimehukumiwa kwenda jela. Wakati nikipelekwa kufungiwa selo Yule hakimu aliyenihukumu alinijia na kuniambia.

    “Siyo mimi, bali sheria za nchi. Nadhani safari hii dada yangu sio ndege mjanja tena.” Ilinichukua muda, lakini polepole akili ilizibuka wakati nikiwa jela mwezi wa pili, ambapo nilikumbuka lile tukio la mwaka 1975. Sijui nilihisi nini, lakini niliumia sana. Sipendi kukumbuka nilivyoishi kwa huzuni kule jela, nikijutia ufedhuli ule nilioufanya kwa kijana yule wakati ule.


    Baada ya kumaliza kifungo changu, bado nikiwa na harufu ya jela nilikwenda nyumbani kwa hakimu yule na kubisha hodi. Alifungua mlango na kunikaribisha ndani kwake bila kinyongo. Nilimsalimia na kumwambia moja kwa moja . “Naomba radhi kwa yale niliyokufanyia wakati ule….”

    Yule hakimu alinikata kalma na kusema, “hukufanya lolote baya, ilikuwa ni sheria kweli. Kama ambavyo nami nimetimiza sheria za nchi. Wala huna haja ya kuomba radhi, labda tu kwa sababu, wewe ulikuwa unalipa kisasi baada ya dada yangu kukukataa, wakati mimi sikutimiza wajibu wangu kwa kinyongo.”

    Niliinuka na kutoka nje, nikielekea kwangu. Maisha yalikuwa ndiyo kwanza yanaanza na uzee umeingia . Kisa kujisahau.
     
  2. Nemo

    Nemo JF-Expert Member

    #2
    Aug 30, 2011
    Joined: Feb 22, 2011
    Messages: 561
    Likes Received: 96
    Trophy Points: 45
    Du pole mkuu....................ama kweli hichi kisa chako kina dhihirisha ile methali ya "Aliye juu mngoje..............................."
     
  3. Vin Diesel

    Vin Diesel JF Gold Member

    #3
    Aug 30, 2011
    Joined: Mar 1, 2011
    Messages: 8,147
    Likes Received: 329
    Trophy Points: 180
    Aliesema malipo ni hapa hapa duniani hakukosea...
     
  4. Mtalingolo

    Mtalingolo JF-Expert Member

    #4
    Aug 30, 2011
    Joined: Aug 4, 2011
    Messages: 2,168
    Likes Received: 3
    Trophy Points: 135
    Duuh ni hadithi au story ya kweli? Pole sana kweli mla ndizi husahau, lakini mla maganda kamwe haji kusahau..
     
  5. King'asti

    King'asti JF-Expert Member

    #5
    Aug 30, 2011
    Joined: Nov 26, 2009
    Messages: 27,045
    Likes Received: 1,240
    Trophy Points: 280
    afadhali umetukumbusha. yaani huwa tunajisahau na kujiona miungu watu. usidharau mkubwa wala mdogo,at least do domething to help the other person. hongera kwa kulipa na kutambua gharama ya ulichokifanya
     
  6. Mtambuzi

    Mtambuzi Platinum Member

    #6
    Aug 30, 2011
    Joined: Oct 29, 2008
    Messages: 8,571
    Likes Received: 681
    Trophy Points: 280
    Duh, hakinihusu mimi bana.....lakini ni kisa cha kweli kilimpata rafiki yangu, mie ni msimuliaji tu....
     
  7. Kaunga

    Kaunga JF-Expert Member

    #7
    Aug 30, 2011
    Joined: Nov 28, 2010
    Messages: 12,582
    Likes Received: 706
    Trophy Points: 280
    <br />
    <br />

    Nami nilihisi hivyo; ungekuwa weye ungesimulia as if imempata jamaa fulani!
     
  8. Shantel

    Shantel JF-Expert Member

    #8
    Aug 31, 2011
    Joined: Feb 7, 2011
    Messages: 2,024
    Likes Received: 15
    Trophy Points: 0
    kuna mwalimu mmoja pia wa chuo kimoja kipo town huko alim disco mwanafunzi sababu tu alimkataa
    badae akaenda kusoma nje ya nchi, aliporudi alimkuta yule mwnafunzi yuko tra, mwanafunzi alihakikisha mwalimu anashindwa
    kutoa mizigo yake yote
     
  9. Yericko Nyerere

    Yericko Nyerere Verified User

    #9
    Aug 31, 2011
    Joined: Dec 22, 2010
    Messages: 15,225
    Likes Received: 1,378
    Trophy Points: 280
    Pole mkuu hili nifundisho kuu kwa wazayuni wa tz!
     
  10. Rutashubanyuma

    Rutashubanyuma JF-Expert Member

    #10
    Aug 31, 2011
    Joined: Sep 24, 2010
    Messages: 61,342
    Likes Received: 476
    Trophy Points: 180
    mwosha huoshwa tu...........................hakuna ujanja hapo...................
     
  11. henrygees

    henrygees Senior Member

    #11
    Aug 31, 2011
    Joined: Sep 8, 2010
    Messages: 120
    Likes Received: 7
    Trophy Points: 35
    be good to people when you are going up coz you may might them when you are going down

    lucky dube
     
  12. pascaldaudi

    pascaldaudi JF-Expert Member

    #12
    Aug 31, 2011
    Joined: Mar 25, 2009
    Messages: 534
    Likes Received: 2
    Trophy Points: 0
    E bwana mbavu sina!!!
     
  13. Bujibuji

    Bujibuji JF-Expert Member

    #13
    Aug 31, 2011
    Joined: Feb 4, 2009
    Messages: 26,997
    Likes Received: 5,125
    Trophy Points: 280
    Fundisho kubwa sana
     
  14. Mr Rocky

    Mr Rocky JF-Expert Member

    #14
    Aug 31, 2011
    Joined: Oct 10, 2007
    Messages: 15,056
    Likes Received: 324
    Trophy Points: 180
    Duh kweli malipo ni hapa hapa duniani
     
  15. nnunu

    nnunu JF-Expert Member

    #15
    Sep 1, 2011
    Joined: Mar 4, 2011
    Messages: 656
    Likes Received: 5
    Trophy Points: 0
    &lt;br /&gt;<br />
    &lt;br /&gt;<br />
    <br />
    <br />

    Ni kweli , pia ni vizuri kumwombea maisha marefu yule aliyekufanyia ubaya ili siku moja aje ajifunze kitu kutokana na ubaya wake. WATU WENGI {SIYO WOTE} WANAONA UFAHARI KUWANYANYASA WENZAO KWA KUTUMIA MADARAKA / UWEZO WALIONAO PASIPO KUGUSWA NA MATESO / MAUMIVU YA WAFANYIWAO UBAYA HUO.
     
  16. TUNTEMEKE

    TUNTEMEKE JF-Expert Member

    #16
    Sep 1, 2011
    Joined: Jun 15, 2009
    Messages: 4,577
    Likes Received: 4
    Trophy Points: 0
    thanx ni fundisho ili
     
  17. Elia

    Elia JF-Expert Member

    #17
    Sep 1, 2011
    Joined: Dec 30, 2009
    Messages: 3,444
    Likes Received: 3
    Trophy Points: 135
    Malipo duniani na inawezekana ndio kwanza ameanza kulipa bado haja maliza..... Asante kutukumbusha CHEO NI DHAMANA
     
  18. M

    Mwanaweja JF-Expert Member

    #18
    Sep 1, 2011
    Joined: Feb 8, 2011
    Messages: 3,577
    Likes Received: 4
    Trophy Points: 135
    hili somo mkuu mwenye akili timamu atapatafundisho lakini akina wale ndio hivyo tena shukrani mkuu
     
  19. Kimbweka

    Kimbweka JF-Expert Member

    #19
    Sep 1, 2011
    Joined: Jul 16, 2009
    Messages: 8,610
    Likes Received: 31
    Trophy Points: 145
    Huu utunzi wa hadithi utakufikisha mbali sana, hongera kwa utunzi
     
  20. St. Paka Mweusi

    St. Paka Mweusi JF-Expert Member

    #20
    Sep 1, 2011
    Joined: Sep 3, 2010
    Messages: 5,869
    Likes Received: 43
    Trophy Points: 145
    MH...!!! What a coincidence.......
     
Loading...