Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Je, kuna haja ya kufanyia vikao vya Bunge Dar...

Discussion in 'Jukwaa la Siasa' started by BAK, Jul 29, 2008.

  1. BAK

    BAK JF-Expert Member

    #1
    Jul 29, 2008
    Joined: Feb 11, 2007
    Messages: 50,047
    Likes Received: 9,738
    Trophy Points: 280
    ili kupunguza ajali kama hizi zilizofuatana na zilizotuchukulia wapendwa wetu? Kikazi nilikuwa nasafiri sana kwa mabasi na wakati mwingine na magari madogo. Siku zote nilikuwa na wasiwasi mkubwa sana ninapokuwa safarini hasa ukitilia wingi wa ajali za barabarani Tanzania na kulikuwa na kosakosa nyingi sana, Mungu ashukuriwe. Je, mnafikiri umefika wakati wa kurudisha vikao vya bunge Dar au tuendelee kupoteza tuwapendao? Je kama vikao vikirudishwa Dar, jengo la Bunge liligharimu mabilioni ya pesa litatumika kwa shughuli gani?

    Kifo cha Wangwe chatisha!

    2008-07-29 14:21:06
    Na Waandishi Wetu, Dodoma na Dar


    Ajali iliyotokea jana mjini Dodoma na kumuua Mbunge wa Tarime Mheshimiwa Chacha Wangwe (CHADEMA), imeibua vitisho vya aina yake kwa baadhi ya wabunge ambao husafiri kwa magari yao hadi Mjini Dodoma kwa ajili ya shughuli mbalimbali za Kibunge.

    Wakizungumza na mwandishi wa Alasiri kwa nyakati tofauti mjini Dodoma, baadhi ya wabunge wamesema kutokea kwa ajali hiyo ambayo imekuja siku chache tu baada ya ajali nyingine iliyoua watu wawili akiwemo mtoto wa Mbunge Saverina Mwijage aliyekuwa ametoka kutambulishwa ndani ya Ukumbi wa Bunge, kumewapa hofu kubwa kuwa pengine, nao wako hatarini.

    ``Kwakweli ajali hii imetutisha... ni kifo cha ghafla mno na kwakweli, binafsi nimeingiwa na hofu kubwa juu ya ajali hizi zinazopoteza wapendwa wetu kila kukicha,`` amesema Mbunge mmoja wa kambi ya upinzani.

    Naye mbunge mmoja wa chama tawala CCM, amesema kama walivyo wabunge wengine wote, naye amesikitishwa mno na kifo hicho.

    Aidha, akasema namna mwenzao huyo alivyokumbwa na ajali mbaya, imempa hofu kubwa moyoni.

    ``Ni ajali mbaya sana... namna gari lilivyoharibika, ni wazi kwamba haikuwa ajali ndogo.

    Binafsi, kwa moyo wa kibinadamu, najikuta nami nikiingiwa na woga kwa sababu kila siku huwa safarini wakati wa utendaji wa kazi zetu hizi za kuwawakilisha wananchi,`` akasema mbunge huyo wa CCM.

    Mheshimiwa Wangwe alifariki dunia jana baada ya gari yake aliyokuwa akiliendesha mwenyewe aina ya Toyota Corolla, namba za usajili T 865 AMR kupata ajali katika eneo la Pandambili wilayani Kongwa, mkoa wa Dodoma.

    Kwa mujibu wa Kamanda wa Polisi mkoani Dodoma, Omary Mganga, marehemu Wangwe alifariki dunia papohapo, mishale ya saa 2:15 usiku, huku mwenzie aliyekuwa akisafiri naye, Bw. Deus Mallya, akinusurika na ndie aliyefikisha taarifa hizo polisi.

    Gari hilo liliparamia mti na kupinduka mara kadhaa kabla ya kusababisha kifo cha Mheshimiwa Wangwe.

    Kwa mujibu wa Spika Samuel Sitta, marehemu Wangwe alimuaga kuwa anakwenda kuwahi mazishi ya mwanasiasa `veterani` Bhoke Munanka, ambaye mwili wake unatarajiwa kuagwa leo Jijini Dar es Salaam kabla ya kuzikwa.

    Aidha, leo asubuhi, Spika Sitta ametoa tamko rasmi la kifo cha mheshimiwa Wangwe na kulifanya Bunge lizizime kwa majonzi makubwa.

    Wakati akitoa taarifa hizo za huzuni, yeye binafsi (Spika Sitta) alishindwa kujizua na kuonekana wazi namna alivyoguswa kiasi cha kumwaga chozi, hali ambayo pia iliwakuta waheshimiwa wabunge wengi ndani ya ukumbi wa Bunge.

    Katika kutoa tamko la kuthibitisha kifo hicho cha Mhe. Wangwe, Spika Sitta pia akatangaza kusitishwa kwa shughuli za Bunge hadi baadaye mchana ili aweze kutoa maelezo zaidi ya taratibu zitakazofuata.

    Akieleza zaidi, Spika Sitta amesema majeruhi aliyesalimika katika ajali hiyo, Bw. Mallya, ambaye ni mfanyabiashara Jijini Dar es Salaam, amelazwa katika Hospitali ya Mkoa wa Dodoma na tayari Ofisi ya Spika imeishakwenda kumuona na kuwasiliana naye.

    Aidha, baada ya kutangaza hayo bungeni, mheshimiwa Sitta alitoa pole kwa familia ya marehemu, wananchi wa wilayani Tarime hususan wapigakura wake, Chama chake, waheshimiwa wabunge na watu wote walioguswa na msiba huo.

    Katika kuahirisha shughuli za Bunge, Spika akatumia kanuni ya Bunge ya 149 aliyoinukuu kuwa: ``Endapo mbunge atafariki wakati shughuli za Bunge zikiendelea, Spika analazimika kuahirisha shughuli za bunge siku hiyo.``

    Taarifa nyingine zinasema kuwa, mwili wa marehemu Wangwe utaagwa leo mjini Dodoma kabla ya taratibu nyingine, ikiwa ni pamoja na kuusafirisha kwenda Tarime zitafuatia.

    Kwa upande wake Katibu Mkuu wa CHADEMA, Dk. Wilbrod Slaa amesema chama chake kitatoa taarifa ya mipango ya mazishi baadaye leo baada ya tamko la Spika bungeni kuhusiana na kifo hicho.

    Naye Mwenyekiti wa UDP Mheshimiwa Jaoh Cheyo amesema kifo hicho ni pengo kuwa sio tu kwa chama cheke cha CHADEMA, bali pia kwa kambi nzima ya upinzani.

    SOURCE: Alasiri
     
  2. NaimaOmari

    NaimaOmari JF-Expert Member

    #2
    Jul 29, 2008
    Joined: Sep 25, 2007
    Messages: 807
    Likes Received: 14
    Trophy Points: 0
    No .. viendelee kuwa dom .. maana infrastructure hairuhusu ... au watengeneza fly over brigdes .... maana barabara zote zitafungwa sisi walala hoi tutashindwa kufanya shughuli zetu ...

    Wakienda tu airport .. au kuwa na ziara kidogo tu ... basi tunakanyaga kwa miguu mpaka majumbani kwetu ... usafiri unakuwa shida maana foleni haisemeki

    Ukisikia kafa mtu basi Mungu ndivyo alivyopanga ... tuacheni bwana ..
     
  3. Kaa la Moto

    Kaa la Moto JF-Expert Member

    #3
    Jul 29, 2008
    Joined: Apr 24, 2008
    Messages: 7,535
    Likes Received: 74
    Trophy Points: 145
    Vibaki huko huko Dom na watakaoendelea kufanya ufisadi wafe waishe kije kizazi kipya safi! Maana mahala pengine Mungu anajaribu kuwapunguza wengine ili wasiendelee kuharibu kanchi ketu.
    Ole wao wanaodhani ni utani kwa kuishi wakifisadi nchi yetu. Watakipata.
     
  4. T

    Tujisenti JF-Expert Member

    #4
    Jul 30, 2008
    Joined: May 21, 2008
    Messages: 329
    Likes Received: 0
    Trophy Points: 33
    Sioni sababu ya kufanya vikao Dodoma kama mpango wa kuhamia Dodoma haupo_Ofisi za serikali zote zinajengwa Dar!! Kweli ni hatari hasa barabara ya Dodoma- Morogoro. Ni gharama pia ku shuttle between Dodoma na Dar wakati wa vikao.
     
  5. Gaijin

    Gaijin JF-Expert Member

    #5
    Jul 30, 2008
    Joined: Aug 21, 2007
    Messages: 11,849
    Likes Received: 17
    Trophy Points: 0
    bunge hata likifanywa dar , nafikiri wabunge watatakiwa kufanya safari mara nyingi za kwenda na kurudi majimboni kwao.

    kwa maana hiyo suala la ajali kama lipo litaendelea kubaki pale pale vikao vya bunge vikifanyika dodoma au dar.
     
  6. Lambardi

    Lambardi JF-Expert Member

    #6
    Jul 30, 2008
    Joined: Feb 7, 2008
    Messages: 7,547
    Likes Received: 2,059
    Trophy Points: 280
    ..........Ila ninavyojua wengi wao hasa wanawake huwa wana madereva ambayo nafikiria ni njia nzuri pia..maana wana mambo mengi...na majukumu memngi pia...na hawana uzoefu(wengi wao)kuendesha safari ndefu na hasa usiku.....
     
  7. M

    Malila JF-Expert Member

    #7
    Jul 30, 2008
    Joined: Dec 22, 2007
    Messages: 4,204
    Likes Received: 320
    Trophy Points: 180
    Hivi ajali za akina pangu pakavu huko maporini kwetu mbona hatusemi? Mabasi yanabinuka kila siku na kumaliza walalahoi kibao kila siku,je na wao tuwahamishie Dar?

    Ni mipango ya Mungu,hata Dar kila siku ajali zipo.
     
Loading...