Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Huzuni - Uongozi gozi gozi

Discussion in 'Jukwaa la Siasa' started by Kiranga, Apr 24, 2012.

  1. Kiranga

    Kiranga JF-Expert Member

    #1
    Apr 24, 2012
    Joined: Jan 29, 2009
    Messages: 34,583
    Likes Received: 5,624
    Trophy Points: 280
    Huzuni
    Viongozi watukejeli kwa uhuni
    Huzuni
    Hotuba zimejaa habari za kubuni
    Huzuni
    Watunyonya vibaya kuliko kunguni
    Huzuni
    Ashakum, kidole cha ********
    Huzuni


    Muda umefika, kuanzisha vita ka Peron, Evita
    Kwenye mada kukita, bila kusita ka Samwel Sitta
    Katika pitapita, hasira zazidisha ndita
    Napanda kijeshi ka vile Brigedia Mbita
    Haya machungu, huwezi msingizia mungu au mzungu
    Unaweza kukufuru kwa nini umezaliwa hili fungu
    Viongozi wetu butu kuliko Mobutu
    Wakati tunamuhitaji Tutu mtukutu aso kutu
    Nani kawaweka? Au hii ndoa ya mkeka?
    Siamini masikio na macho, wote vibweka!
    Kama hamna anayedinda, wote makinda ya Makinda
    Kikwete kiwete, Shein kasheheni, Pinda kapinda
    Salim ka-Salim, Mwandosya katutosa
    Warioba kala roba
    Mijizi inatamba Yarabi toba!
    Malecela kwenye machela kaanza kurithisha mikoba
    Mgosi kawa bosi wa mafiosi anatuzidishia mkosi
    Nani kiongozi, nani gozigozi
    Nani brazameni wa mapozi na nani anayajua yetu machozi
    Nani mchapakazi nani jambakazi
    Na nani atinga mjengoni kwa shoo za mavazi
    Nani anapanda ngazi ka Cinderellah
    Huku akitafuta utukufu na mahela, beef na Rockerfellers
    Nani ana nia ka Ngoliga bila kuiga
    Nani bubu ka kashonwa kwa masharubu
    Nani aweza majaribu ka ya Ayubu
    Ni wachache sana wataweza vuka hatakama Atacama
    Wakitazama zama bila hofu ya kuzama bila pama
    Au bahari ya mchanga uso fahari wa Kalahari
    Bongo bunge bange, bajeti mdumange
    Nchi inapiga U-Turn ka blog ya Mange
    Kwa viwango vya maua ya Okavango nashika bango
    Hili ni jambo la jando, watoto kaeni chonjo
    Tofautisha upofu, makengeza na chongo
    Bongo fyongo, mpaka Ikulu uongo
    Bado kidogo puto litapasuka kwa usongo
    Hamna chanya, mambo hasi ka udongo
    Wanafikiri ukubwa haukutoka kwenye udogo
    Machela, wanahamisha Jolly Club bila tabu
    Masela, hatuwezi sema twakosa sababu
    Kuwashikisha adabu mujarab kiajabu
    ...
     
  2. C

    Chief JF-Expert Member

    #2
    Apr 24, 2012
    Joined: Jun 5, 2006
    Messages: 1,318
    Likes Received: 96
    Trophy Points: 145
    Du! Hiyo mistari mikali sana naona uwauzie jamaa wa Bongo flava. Itakuwa No. 1 hit instantly!!!

    Kwa kweli hiyo ni njia ya uhakika ya kuondokana na uovu na umafia huu uliokithiri. Huwa wananishangaza sana raia wa nchi za kiarabu, kwani for whatever reasons, wananchi wakiamua huamua kweli bila ya kujali utawala uliopo au maisha yao. Nawa-admire sana hawa watu. I wish we were like them. Huu uhuni usingeendelea.
     
Loading...