Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hundi 6,000 za wastaafu zaharibika

Discussion in 'Habari na Hoja mchanganyiko' started by Fidel80, Jul 26, 2008.

  1. Fidel80

    Fidel80 JF-Expert Member

    #1
    Jul 26, 2008
    Joined: May 3, 2008
    Messages: 21,983
    Likes Received: 49
    Trophy Points: 145
    Na Mashaka Mgeta, Dodoma


    Zaidi ya hundi 6,000 za malipo ya wastaafu wa iliyokuwa Jumuiya ya Afrika Mashariki, zimeharibika na nyingine kadhaa kurejeshwa Hazina, baada ya wahusika wake kutopatikana.

    Hali hiyo, imeelezwa bungeni na Waziri Mkuu, Bw. Mizengo Pinda, huku kukiwa na matukio ya wastaafu hao, kushinikiza kwa njia mbalimbali, ikiwemo `kukesha` nje ya Ikulu wakidai kulipwa mafao hayo.

    Bw. Pinda, alikuwa akijibu swali la Kiongozi wa Kambi ya Upinzani bungeni, aliyetaka kujua msimamo wa serikali kuhusu malipo hayo.

    Alisema, serikali imefanikiwa kuwalipa wastaafu hao kwa sehemu kubwa, hivyo anapowaona `wanakesha` Ikulu, hajui wanachokifanya.

    Bw. Pinda, alisema amemwagiza Waziri wa Fedha, Bw. Mustafa Mkulo, kuchapisha magazetini majina ya wastaafu waliolipwa na namba za hundi zao.

    Waziri Mkuu, alisema kama kuna wastaafu ambao hawajalipwa, wanastahili kwenda kumuona Waziri wa Fedha, aliyeahidi kulitatua tatizo hilo, ili serikali imbane (Waziri) ikiwa atashindwa kulitekeleza.

    Aidha, Bw. Pinda, alisema matumizi ya magari yanayotumia gesi, yatasaidia kupunguza gharama za usafiri na usafirishaji zinazochangiwa na kupanda kwa bei ya mafuta.

    Alisema hayo wakati akijibu swali la Mbunge wa Viti Maalum (CHADEMA), Bi. Mhonga Ruhwanya, aliyetaka kujua mkakati wa serikali katika kukabiliana na kupanda kwa bei ya mafuta na upungufu wa chakula.

    Aidha, Bi. Ruhwanya, alipendekeza kuwepo marekebisho ya sera ya kodi, ili kuwezesha kiwango cha msamaha kinachotolewa, kuwekezwa katika ruzuku ya mafuta, ili kupunguza gharama za maisha.

    Bw. Pinda, aliwataka Wabunge wasikate tamaa kuhusu azma ya serikali, kusambaza maji kwa asilimia 90 mijini na asilimia 65 vijijini.

    Alikuwa akijibu swali la Mbunge wa Kigoma Mjini (CCM), Bw. Peter Serukamba, aliyetaka kujua ikiwa hatua hiyo iliyoelezewa pia katika Ilani ya uchaguzi ya CCM 2005, itafikiwa.

    Bw. Pinda, alikiri kuwa tatizo la maji ni kubwa, lakini kwa kuwa bado kuna bajeti mbili zitakazosomwa kabla ya Uchaguzi Mkuu wa mwaka 2010, hakuna sababu ya kukata tamaa.

    Alisema serikali inakusudia kutenga kiasi kikubwa cha fedha kwa sekta ya maji katika bajeti ijayo.


    SOURCE: Nipashe
     
  2. Mpaka Kieleweke

    Mpaka Kieleweke JF-Expert Member

    #2
    Jul 26, 2008
    Joined: Feb 27, 2007
    Messages: 4,130
    Likes Received: 41
    Trophy Points: 145
    Zimeharibika ama zimepelekwa kwenye account maalum za watu maalum? hivi kweli hao wazee hawaonekani sasa na wale waliotia timu pale Ikulu ni maruhani?
     
  3. Fidel80

    Fidel80 JF-Expert Member

    #3
    Jul 26, 2008
    Joined: May 3, 2008
    Messages: 21,983
    Likes Received: 49
    Trophy Points: 145
    Hapa mkuu maswali mengi kuliko majibu ndo Siri Kali hiyo mkuu.
     
  4. Baba Sangara

    Baba Sangara JF-Expert Member

    #4
    Jul 26, 2008
    Joined: Dec 16, 2007
    Messages: 224
    Likes Received: 2
    Trophy Points: 35
    tokea lini "pension" inaharibika?
     
  5. Mwiba

    Mwiba JF-Expert Member

    #5
    Jul 26, 2008
    Joined: Oct 23, 2007
    Messages: 7,604
    Likes Received: 189
    Trophy Points: 160
    Hayo ni malipo hewa kwenye orodha hewa ila nina wasi wasi yameogopwa kutolewa na kupokewa.Maana hali ya Nchi kwa muda hii inamatatizo ya kutoa na kupokea ,wanangojea mambu yake sawa utaona zinarejeshwa tena kwa kasi na ari mpya.
     
  6. Gaijin

    Gaijin JF-Expert Member

    #6
    Jul 26, 2008
    Joined: Aug 21, 2007
    Messages: 11,849
    Likes Received: 17
    Trophy Points: 0
    pesa imeshaliwa ......mimi mzee wangu hajalipwa mpaka leo...na sio hawamjui alipo, maana kila leo anapeleka madai na hapati jibu
     
Loading...