Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Historia ya Hayati Luteni Jenerali Silas Mayunga Mti Mkavu (1940-2011)

Discussion in 'Jukwaa la Historia' started by Karata, Aug 6, 2011.

  1. K

    Karata JF-Expert Member

    #1
    Aug 6, 2011
    Joined: May 1, 2011
    Messages: 309
    Likes Received: 17
    Trophy Points: 35
    Genn.JPG
    Hayati Luteni Jenerali Mayunga Mti Mkavu

    Wakuu taarifa za uhakika nilizopata kutoka nchini India kuwa mpiganaji wetu shupavu na kiongozi mwadirifu, Meja Gerenali Silas Mayunga (Kushoto pichani akiwa na Gen. Musuguri) hatuko naye tena, amefariki leo katika hospitali ya Apollo New Delhi, India ambako alikuwa amelazwa tangu mwezi, Julai 2011.

    Generali Mayunga atakumbukwa kwa mengi kwa jinsi alivyotumikia Taifa letu kwa utumishi uliotukuka, atakumbukwa daima kwa jinsi alivyoongoza mapambano ya vita vya Kagera kumng'oa Nduli Idd Amin.

    M/Mungu ailaze roho yake mahali pema.


    KATIKA KUMBUKUMBU :MJUWE KAMANDA LUTENI JENERALI MAYUNGA

    MUSUGURI (KULIA) NA SILAS MAYUNGA.JPG
    Musuguri (Kulia) akiwa na Silas Mayunga.Picha hii ilipigwa kipindi walipowasili nchini kutoka Vita vya Kagera

    Itakumbukwa Novemba mosi, 1978, majeshi ya aliyekuwa Rais wa Uganda, Idi Amin yalivamia Mkoa wa Kagera. Uvamizi huo ulimsukuma Mwalimu Nyerere kuashiria ushindi kabla vita kuanza.

    Nyerere aliashiria ushindi kabla vita kuanza akisema; "sababu ya kumpiga tunayo, nia ya kumpiga tunayo na uwezo wa kumpiga tunao." Hakika, kauli hii ilihitaji si tu risasi za kutosha, mizinga au makombora na silaha za kila aina kuisimamia, bali mashujaa wa mstari wa mbele vitani.

    Miongoni mwa wapiganaji waliotwikwa dhima hiyo nzito ni pamoja na Luteni Jenerali Silas Mayunga, sambamba na wapiganaji wote wa Jeshi la Wananchi wa Tanzania (JWTZ) na Watanzania kwa ujumla, waliotoa ng'ombe hata kuku kulisha wapiganaji uwanja wa mapambano.

    Mstari wa mbele katika uwanja wa vita, Luteni Jenerali Silas Mayunga na wenzake, kazi ilikuwa moja tu-kufa au kupona ili kulinda si tu hadhi ya Tanzania, heshima ya wapenda haki duniani.

    Ni vita hii ya Kagera ndiyo inayotajwa kumtambulisha zaidi Luteni Jenerali Mayunga ndani ya JWTZ na Jeshi la Uganda. Vita hiyo ilimpambanua ni mpiganaji wa aina gani akiwa mstari wa mbele.

    MAYUNGA;Safari yake kijeshi imegusa nchi za Israel na Canada, akihitimu mafunzo ya kijeshi Julai 26, mwaka 1963 nchini Israeli na miaka 10 baadaye (1973), akafuzu kozi ya unadhimu na ukamanda wa jeshi nchini Canada. Kozi ya Ukamanda wa Juu wa Jeshi alihitimu mwaka 1974 nchini.

    Juni 21, mwaka 1995, ni siku ambayo Mayunga alijiwekea rekodi binafsi ya kushika cheo cha juu jeshini, akipandishwa cheo kuwa Luteni Jenerali na miezi sita baadaye (Desemba 31, 1995) alistaafu.
    Mti mkavu akiwa jeshini

    Mayunga ni kamanda kiongozi. Amekuwa Mkurugenzi wa Mafunzo makao makuu ya jeshi, Kamanda wa Brigedi ya 202 ya Tabora, na Kamanda wa Divisheni za 20 na 30 za Jeshi la Wananchi wa Tanzania (JWTZ).

    Huwezi kuzungumzia Operesheni Chakaza wakati wa vita dhidi ya majeshi ya Idi Amin bila kumtaja kiongozi wa operesheni hiyo ambaye ni Luteni Jenerali Mayunga.

    Katika Operesheni Chakaza, Mayunga ndiye aliyekuwa Kamanda wa Brigedi ya 206. Ndani ya Jeshi la Uganda Mayunga ana historia muhimu. Amekuwa Kamanda wa Kikosi Maalumu cha JWTZ nchini Uganda kati ya 1979 na 1980.

    Lakini ukiondoa pilikapilika za kijeshi, Mayunga amekuwa Mkuu wa Mkoa Singida mwaka 1977 – 1978, Balozi wa Tanzania nchini Nigeria mwaka 1989 hadi 1998 na Balozi wa Tanzania katika Jamhuri ya Kidemokrasia Kongo (DRC) 1998 na 2002, alipostaafu.

    Mwili Mayunga.png
    Mwili wa Lt. Gen Silas Mayunga ukiwa kwenye Jeneza.
    kikwete.JPG
    Rais Kikwete na Mama Salma Kikwete wakiweka Shada kwenye kaburi la Lt. Gen Mayunga

    Luteni Jenerali Silas Mayunga, alifariki Agosti 5, 2011 nchini India,hakufa kwa risasi, mizinga wala milipuko yoyote pengine kama familia yake ilivyohofia kipindi yupo vitani bali alikufa akiwa kitandani wakati wa matibabu.

    Ewe Kamanda Mayunga tunakulia ,tunasikitika kwa kifo, lakini tunafurahi umetimiza wajibu.

     
  2. Steve Dii

    Steve Dii JF-Expert Member

    #2
    Aug 6, 2011
    Joined: Jun 25, 2007
    Messages: 6,414
    Likes Received: 40
    Trophy Points: 145
    R.I.P Lt General Mayunga.

    Steve Dii

     
  3. Mwita25

    Mwita25 JF-Expert Member

    #3
    Aug 6, 2011
    Joined: Apr 15, 2011
    Messages: 3,840
    Likes Received: 4
    Trophy Points: 0
    RIP, naomba sababu za kifo chake.
     
  4. Ben Saanane

    Ben Saanane Verified User

    #4
    Aug 6, 2011
    Joined: Jan 18, 2007
    Messages: 14,605
    Likes Received: 3,507
    Trophy Points: 280
    Mungu amlaze peponi shujaa wetu.....Mashujaa kama hawakumbukwi,Mafisadi ndiyo wanaotukuzwa tu hata wakijiuzulu bado kutokana na ujinga watu wengine hulia hadi kuzimia!
     
  5. Chimunguru

    Chimunguru JF-Expert Member

    #5
    Aug 6, 2011
    Joined: May 3, 2009
    Messages: 9,816
    Likes Received: 177
    Trophy Points: 160
    dah !!! Mungu ailaze roho ya marehemu mahali pema peponi. tutakukumbuka daima mti mkavu!!!
     
  6. K

    Karata JF-Expert Member

    #6
    Aug 6, 2011
    Joined: May 1, 2011
    Messages: 309
    Likes Received: 17
    Trophy Points: 35
    Alikuwa anasumbuliwa na maradhi ya saratani ya koo mkuu.
     
  7. Saharavoice

    Saharavoice JF-Expert Member

    #7
    Aug 6, 2011
    Joined: Aug 30, 2007
    Messages: 2,543
    Likes Received: 32
    Trophy Points: 145
    Oh, RIP Mayunga
     
  8. R

    Rweye JF-Expert Member

    #8
    Aug 6, 2011
    Joined: Mar 16, 2011
    Messages: 12,710
    Likes Received: 1,289
    Trophy Points: 280
    Kifo ni sehemu ya maisha ya mwanadamu wakati mwingine tukubali kuwa kifo ni kazi ya Muumba wala haiitaji sababu

    Naikumbuka sana sanamu yake pale mjini Bukoba maarufu kama viwanja vya Mayunga,may God rest his soul in peace,Amen!!
     
  9. Bridger

    Bridger Content Manager Staff Member

    #9
    Aug 6, 2011
    Joined: Apr 2, 2010
    Messages: 776
    Likes Received: 22
    Trophy Points: 35
    Mungu ailaze roho yake mahali pema Peponi
    Poleni sana wafiwa.
     
  10. Humphnicky

    Humphnicky JF-Expert Member

    #10
    Aug 6, 2011
    Joined: Dec 1, 2010
    Messages: 1,510
    Likes Received: 203
    Trophy Points: 160
    Rest in peace my sweet TANZANIA
     
  11. M

    Msharika JF-Expert Member

    #11
    Aug 6, 2011
    Joined: May 15, 2009
    Messages: 934
    Likes Received: 2
    Trophy Points: 35
    Rest in peace our commenda in chief
     
  12. Ngongo

    Ngongo JF-Expert Member

    #12
    Aug 6, 2011
    Joined: Sep 20, 2008
    Messages: 11,828
    Likes Received: 2,978
    Trophy Points: 280
    RIP Major General Mayunga.Daima mchango wako utakumbukwa hasa vita vya Uganda.Naomba kuweka rekodi sawa nikotayari kusahihishwa Mayunga alikuwa na cheo cha Major General si Luten General.
     
  13. Kibunango

    Kibunango JF-Expert Member

    #13
    Aug 6, 2011
    Joined: Aug 29, 2006
    Messages: 7,558
    Likes Received: 122
    Trophy Points: 160
    RIP Major Gen Mayunga
     
  14. K

    Karata JF-Expert Member

    #14
    Aug 6, 2011
    Joined: May 1, 2011
    Messages: 309
    Likes Received: 17
    Trophy Points: 35
    Asante Mkuu kwa masahihisho
     
  15. Emanuel Makofia

    Emanuel Makofia JF-Expert Member

    #15
    Aug 6, 2011
    Joined: Jan 5, 2010
    Messages: 3,817
    Likes Received: 2
    Trophy Points: 135
    r.i.p "captain"
     
  16. a

    atemo Member

    #16
    Aug 6, 2011
    Joined: Jun 13, 2011
    Messages: 6
    Likes Received: 0
    Trophy Points: 0
    Mungu aiweke mahali pema peponi marehemu. Kwa kweli ni mfano wa kuigwa katika kullitetea taifa na uongozi bora uliotukuka
     
  17. Mzito Kabwela

    Mzito Kabwela JF-Expert Member

    #17
    Aug 6, 2011
    Joined: Nov 28, 2009
    Messages: 17,172
    Likes Received: 1,329
    Trophy Points: 280
    Mkuu tunashukuru kwa taarifa..... Dodosa basi na ile Trilioni 3 kama ni kweli au ilikuwa ni changamsha baraza maana jamaa aliyeiwasilisha mwanzoni katoka nduki hata hatujui ukweli wake
     
  18. b

    baba koku JF-Expert Member

    #18
    Aug 6, 2011
    Joined: Jan 5, 2011
    Messages: 323
    Likes Received: 13
    Trophy Points: 35
    Nami nimemkumbuka jinsi viongozi wa majeshi yetu walivyokuwa na nidhamu na nidhamu hiyo kuisambaza hata kwa askari jambo lililopelekea kushinda vita. Pia pale mjini BKB kuna sanamu inayofanana na yeye ambayo wenyeji wanaita oluwanja lwa mayunga.
     
  19. Sikonge

    Sikonge JF-Expert Member

    #19
    Aug 6, 2011
    Joined: Jan 19, 2008
    Messages: 11,397
    Likes Received: 189
    Trophy Points: 160
    RIP Mti Mkavu (Hauchimbwi dawa).

    Kama Mwanajeshi alikuwa juu sana ila alipoingia kwenye Siasa na kuwa Mkuuwa Mkoa, nafikiri ilimshinda (nisahihisheni kama nimekosea).
     
  20. K

    Karata JF-Expert Member

    #20
    Aug 6, 2011
    Joined: May 1, 2011
    Messages: 309
    Likes Received: 17
    Trophy Points: 35
    Mkuu mbona unachanganya habari tena! tuko kwenye masikitiko ya kuondokewa na mgpiganaji wetu shupavu, tafadhari husitibue hali ya hewa Mkuu.
     
Loading...