Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Haya kama maajabu vile

Discussion in 'Habari na Hoja mchanganyiko' started by Bubu Msemaovyo, Dec 18, 2007.

  1. Bubu Msemaovyo

    Bubu Msemaovyo JF-Expert Member

    #1
    Dec 18, 2007
    Joined: May 9, 2007
    Messages: 3,436
    Likes Received: 17
    Trophy Points: 135
    Watanzania tumekuwa wepesi sana wa kuiga mambo mbali mbali toka sehemu nyingine aidha kwasababu tumeona katika picha au kusikia hebu soma hii taarifa huwezi kuamini kama imetokia Tanzania. Mbona mazuri ya huko tunakoiga mabaya hatuyaigi???

    Aliyemchinja mdaawa wake kutinga Mahakama Kuu

    http://www.freemedia.co.tz/daima/2007/12/17/habari33.php


    na Anthony Komanya, Shinyanga



    MTU mmoja anayedaiwa kumchinja kwa panga na kuondoka na kichwa cha mdaawa wake hadi mahakamani, atafikishwa mbele ya Mahakama Kuu kujibu tuhuma za mauaji, imefahamika.
    Akisoma maelezo ya awali, wakili wa upande wa mashitaka, Robert Mkoba, aliiambia Mahakama Kuu mjini Shinyanga kuwa mtuhumiwa Ndito Sukumawiki, alimkatakata na kumchinja kwa panga, akitenganisha kichwa na kiwiliwili mdaawa wake, aliyemshinda kwenye kesi ya madai ya nyumba ya thamani ya sh 60,000, Yusuf Charles.

    Wakili Mkoba alisema tukio hilo lilitokea nyumbani kwa marehemu Machi 5, mwaka 2002 majira ya saa 5:00 usiku katika Kijiji cha Kimali wilayani Meatu, Mkoa wa Shinyanga.

    Mkoba aliendelea kudai kuwa, baada ya kumkata kichwa, Sukumawiki, aliondoka na kichwa cha marehemu hadi kwenye Mahakama ya Mwanzo ya Kimali, ambako aliendelea kufanya vitendo vya kinyama.

    Akiwa mahakamani huko, alisema mshitakiwa alipaka milango, madirisha na sakafu kwa damu inayosadikiwa kuwa ya marehemu, kwa kuandika herufi 'n.d.s' hapa na pale mahakamani humo.

    Ilidaiwa kuwa, akiwa anaendelea na vitendo hivyo vya kinyama, mshitakiwa alikurupushwa na mlinzi wa mahakama hiyo na kutoroka hadi alipokamatwa siku nyingi baadaye.

    Ilidaiwa kuwa katika maelezo ya ungamo la awali mbele ya mlinzi wa amani wa Mahakama ya Mwanzo Kimali, mshitakiwa alikiri kufanya mauaji hayo ya kinyama.

    Hata hivyo, wakati akisomewa maelezo ya awali, mtuhumiwa huyo alikana kutenda kosa hilo mbele ya Jaji Alice Chinguwile na hivyo kesi yake kupangwa kusikilizwa katika kikao kijacho.
     
  2. Mnhenwa Ndege

    Mnhenwa Ndege JF-Expert Member

    #2
    Dec 18, 2007
    Joined: Dec 5, 2007
    Messages: 243
    Likes Received: 0
    Trophy Points: 0
    jamani mbona kesi imechukuwa muda mrefu wakati the facts are clear yani tangia 2002 mpaka 2007!!!!!!!!
     
  3. Bundewe

    Bundewe JF-Expert Member

    #3
    Jul 7, 2011
    Joined: Jun 14, 2011
    Messages: 401
    Likes Received: 1
    Trophy Points: 35
    Hii kweli inatisha! Yaani 60,000 zamtoa mwenzio roho??
     
Loading...