Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Halima Mdee atema cheche

Discussion in 'Habari na Hoja mchanganyiko' started by kilimasera, Apr 11, 2011.

  1. kilimasera

    kilimasera JF-Expert Member

    #1
    Apr 11, 2011
    Joined: Dec 2, 2009
    Messages: 3,072
    Likes Received: 12
    Trophy Points: 135
    Mbunge wa Jimbo la Kawe, Halima Mdee ametaka Mkuu wa Kituo cha Polisi cha Wazo na askari wake waondolewe hapo na kupelekwa watu wengine kwa madai kwamba wanalinda wahalifu na vigogo wanaomiliki mashamba makubwa katika eneo hilo na kusahau jukumu lao la kuwalinda wananchi na mali zao.
    Mdee alitoa kauli hiyo juzi jioni baada ya kupokea malalamiko ya wananchi wa Kata ya Wazo waliobomolewa nyumba zao na watu wanaodaiwa kuwa mabaunsa waliokodishwa kutoka Kinondoni jijini Dar es Salaam.
    Alisema kituo hicho kilichangia kutokea kwa mauaji wanaodaiwa kufikia 11 baada ya kutokea mapigano kati ya wananchi na mabaunsa hao katika tukio lililotokea Aprili 7, mwaka huu.
    Wakitoa malalamiko yao kwa Mbunge huyo, wananchi hao walisema siku ya tukio walitoa taarifa kwenye kituo cha Wazo lakini walijibiwa kwamba wao waende wauane na mtu atakayebakia ndiye aende kutoa taarifa kwao.
    Kutokana na majibu hayo wananchi walikata tamaa na kuamua kukaa kimya na mabaunsa hao walipoanza kuvunja ndipo walipoanza kuwafukuza kwa marungu, mikuki, mapanga, mashoka na zana zingine za jadi ambapo watu 11 hadi sasa wamedaiwa kupoteza maisha.
    Mbunge huyo juzi alizitembelea familia nane zilizobomolewa nyumba zao ambapo alisema mgogoro wa ardhi katika jimbo lake unachangiwa na vigogo wakubwa wa Serikali ambao wanamiliki mashamba makubwa lakini hawataki kuyaendeleza.
    Kutokana na matatizo yaliyowapata wananchi kwa kuvunjiwa, Mdee aliahidi kuzisaidia familia hizo ingawa alisema yeye pekee hataweza kumaliza matatizo ya msingi yanayowakumba wakazi hao.
    Alisema kama uchunguzi wa kina hautafanyika kwa lengo la kutatua migogoro ya ardhi katika jimbo lake kunaweza kujitokeza maafa makubwa kuliko haya ya sasa yaliyotokea.
    Wakati huo huo aliliomba jeshi la Polisi kumuachia mwenyekiti wa mtaa wa Mivumoni, Deodatus Kamugisha aliyekamatwa na kufunguliwa jalada la mauaji.
    Alisema Kamugisha hahusiki kwa kitu chochote na wala mtaa yalipotokea mauji hayo sio eneo lake na kwamba yeye angekuwa mtu wa kwanza kupongezwa kwani ndiye alikuwa wa kwanza kutoa taarifa kituo cha Kawe kwamba kuna mabaunsa wamevamia wananchi wa Nakasakwa na wanataka kuvunja nyumba.
    Aliongeza kuwa kitu cha kushangaza polisi waliamua kumkamata yeye na kumfungulia jalada la mauaji kitu ambacho kinashangaza watu wanaojua mgogoro wa eneo hilo na jinsi mauji hayo yalivyotokea. Mwenyekiti huyo kwa sasa anashikiliwa na polisi katika kituo cha Mabatini Kijitonyama tangu alipokamatwa juzi asubunhi akiwa nyumbani kwake.
    Wakati huo huo, Beatrice Shayo anaripoti kuwa kamanda wa Polisi Mkoa wa Kinondoni, Charles Kenyela amesema kuwa katika tukio hilo bado wanaendelea na upelelezi wao ili kubaini watu wengine waliohusika katika mauaji hayo.
    Kenyela alisema mpaka sasa wanawashikilia watuhumiwa 10 na kwamba idadi hiyo itaongezeka kuwa kubwa wakati wowote.
    “Tunaendelea na msako wetu na lazima tuwakamate wale wote waliohusika katika sakata zima ikiwemo waliosababisha mauaji na wale madalali wote na kwamba idadi ya watuhumiwa itaongezeka kuwa kubwa kutokana na tukio hilo ,” alisema Kamanda Kenyela.
    Kamanda Kenyella alisema majeruhi waliolazwa katika Hospitali ya Mwananyamala kwa sasa wamebaki watatu na wengine tayari wameruhusiwa.
     
  2. Maria Roza

    Maria Roza JF-Expert Member

    #2
    Apr 11, 2011
    Joined: Apr 1, 2009
    Messages: 6,750
    Likes Received: 26
    Trophy Points: 145
    kila la kheri dada Halima
     
  3. P

    Pascal Mayalla JF-Expert Member

    #3
    Apr 11, 2011
    Joined: Sep 22, 2008
    Messages: 20,561
    Likes Received: 6,190
    Trophy Points: 280
    Wana JF wenzangu, mimi ni intetested party kwenye mgogoro huu kwa sababu ni mmoja wa wamiliki wa mashamba eneo hilo.
    Japo siungi mkono kilichotokea, chanzo ni jamaa wanaojiita madalali huku wakikingiwa kifua na serikali ya mtaa kuruhusu wavamizi kuvamia maeneo ya watu na kujenga makazi yao. Just imagine una shamba lako siku ya siku mtu anajitokea alikotokea na kujenga shambani kwako huku serikali ya mtaa ikitazama!.

    Siungi mkono mmoja wa wamiliki hao kukodisha mabaunsa lakini pia siungi mkono serikali ya mtaa kuwakingia kifua wavamizi hao.

    Mgogoro huu ndio mtihani mkubwa kabisa wa mbunge wa Kawe Mhe. Halima Mdee ambaye amelikwaa jimbo hilo kwa kutumia kura za matumaini ya wavamizi hao kuwa atasimama nao mpaka mwisho huku akijua wazi they are simply wavamizi?.

    Serikali ya kijiji imewaacha wanakijiji wake kuuza mashamba kwa watu wachache, sasa maeneo ya kuuza yameisha, serikali ya mtaa ina wahamasisha wanakijiji hao kujitwalia tena maeneo yale yale waliyoyauza.

    Naamini kwa dhati kuwa Mhe. Mdee anakijua vizuri sana kinachoendelea, naomba asizidi kutoa false hopes kwa wavamizi hao kama shukrani kwa kura, ni bora sasa awaambie kampeni zimepita, yeye ni mbunge wao lakini its high time wafuate sheria, taratibu na kanuni. Rungu, panga na shoka sio miongoni mwa taratibu za umilikaji ardhi.
     
  4. kilimasera

    kilimasera JF-Expert Member

    #4
    Apr 11, 2011
    Joined: Dec 2, 2009
    Messages: 3,072
    Likes Received: 12
    Trophy Points: 135
    hivi wakati haya yanatokea mdee hakupigiwa simu?au alikua wapi muda huo?na pia hili suala alikua halijui toka zamani?mimi namuunga mkono kwa hawa wakubwa wa polisi ni lazima wawajibishwe haraka sana ila kuna mchezo utachezwa hapa ni kwamba serikali lazima itamkwamisha mdee ili aonekane ameshindwa kazi na sidhani kama watakubali mapendekezo haya ya mdee kwani imekua kawaida kwa serikali kuwakomoa wananchi kwasababu tu walichagua upinzani!hivyo inabidi kuwa makini sana tunapolifuatilia suala hili!lisiwe kisiasa zaidi!
     
  5. Juma Contena

    Juma Contena JF-Expert Member

    #5
    Apr 11, 2011
    Joined: May 21, 2009
    Messages: 1,195
    Likes Received: 8
    Trophy Points: 135
    Ukweli wenyewe ni kwamba jiji linapanuka kadri watu wanavyovyo miminika Dar, ukizingatia mji wenyewe ndio central to our economy its hard to stop the immigration. Inabidi city planners waje na mbimu mpya in my opinion its about time hawa wenye mashamba karibu na mjini wayauze kwa serikali na walipwe faida zao za mavuno ya miaka miwili au wapewe ardhi sehemu zingine with compensation.

    Serikali tena imege hayo mashamba kuwa viwanja; iuze hivyo viwanja kuweza ku recoup hela zao lakini ukweli wenyewe mashamba karibu na mji unao panuka ni matatizo.
     
Loading...