Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hali yachafuka gazeti la MAJIRA na BUSINESS TIMES LTD

Discussion in 'Habari na Hoja mchanganyiko' started by wakuwaza, Oct 27, 2011.

  1. w

    wakuwaza JF-Expert Member

    #1
    Oct 27, 2011
    Joined: Apr 16, 2011
    Messages: 299
    Likes Received: 21
    Trophy Points: 35
    Hali imezidi kuwa mbaya katika kampuni ya Business Times Ltd inayochapisha magazeti ya Majira, Spoti Starehe na Business Times baada ya menejimenti ya kampuni hiyo kuwaita polisi kwa ajili ya kuwadhibiti wafanyakazi walioitisha mgomo.

    Wafanyakazi hao waliitisha mgomo kuanzia jana saa 7 mchana wakidai kupatiwa malimbikizo yao ya mishahara ambayo hawajalipwa tangu Mei mwaka huu. Taarifa za ndani kutoka katika kampuni hiyo zinasema baadhi ya waliogoma tayari wamesimamishwa kazi. Waliosimamishwa ni pamoja na Mhariri wa Habari wa gazeti la Majira, Regnald Miruko na Mpiga Picha Mkuu, Emmanuel Kwitema.

    Polisi walioingia na silaha katika ofisi za kampuni hiyo wameletwa kudhibiti hali iwapo vurugu itatokea. Inaelekea kuwa hali si shwari kutokana na ukata mkubwa unaodaiwa kuikumba kampuni hiyo inayoendeshwa kifamilia zaidi kuliko kitaaluma. Viongozi wa kampuni hiyo ni Rashidi Mbuguni (Baba) ambaye ni Mkurugenzi, Aga Mbuguni (mtoto) ambaye ni Meneja Mkuu na Imma Mbuguni (mtoto) ambaye ni Mhariri Mtendaji. Hata hivyo, inasemekana kuwa pamoja na kwamba Mhariri Mtendaji siyo mwandishi kitaaluma na kwamba hajawahi kuandika habari yoyote, kampuni hiyo ilimkabidhi dhamana ya kuwa juu ya wahariri wote.

    Wasiwasi uliotanda ni iwapo wafanyakazi watapata haki zao wanazodai baada ya kufanya kazi kwa miezi kadhaa bila malipo. Wasiwasi mwingine ni madai ya baadhi ya wafanyakazi yanayosema kwamba kuna malipo ya NSSF ambayo hayajalipwa na kampuni hiyo kwa muda mrefu.

    Kampuni iliyosifika sana katika miaka ya 1990 na mwanzoni mwa miaka ya 2000 sasa imefikia hali mbaya kiasi cha kushindwa kuwalipa wafanyakazi wake. Inasemekana pia kwamba hata wanaoacha au kuachishwa kazi wengi wao hawajalipwa tangu walipoondoka katika kampuni hiyo. Huenda hali ikawa mbaya zaidi katika siku zijazo kutokana na tetesi kwamba inewezekana kampuni hiyo ikatangazwa kuwa imefilisika.

    Katika kuhakikisha kuwa mgomo huo unadhoofika, menejimenti ilitumia mbinu ya kuwagawa wafanyakazi hao na 'kuwashikisha' wengine ambao walikuwa tayari kuendelea na kazi.
     
  2. ntamaholo

    ntamaholo JF-Expert Member

    #2
    Oct 27, 2011
    Joined: Aug 30, 2011
    Messages: 8,438
    Likes Received: 893
    Trophy Points: 280
    Hao akina mbuguni baba na watoto wake, wanahusika vipi katika siasa na uchumi hapa bongo. Wengi hatuwafahamu kabisa
     
  3. SHUPAZA

    SHUPAZA JF-Expert Member

    #3
    Oct 27, 2011
    Joined: Aug 4, 2009
    Messages: 549
    Likes Received: 3
    Trophy Points: 35
    Hivi hii ndio BUSINESS PRINTERS ?
     
  4. WA-UKENYENGE

    WA-UKENYENGE JF-Expert Member

    #4
    Oct 27, 2011
    Joined: Oct 1, 2011
    Messages: 2,896
    Likes Received: 214
    Trophy Points: 160
    Hao Majira habari zao ziko kichama zaidi, ndo maana wamefilika!! Huwezi kusurvive kwenye business kama hutaki kufuata ethics za kazi yako, pamoja na kupewa akili bado hawakuona nini cha kufanya!!
     
  5. m

    mtihuu New Member

    #5
    Oct 27, 2011
    Joined: Oct 27, 2011
    Messages: 1
    Likes Received: 0
    Trophy Points: 0
    NIMESOMA KWA MASIKITIKO MAKUBWA HALI INAYOTOKEA KATIKA KAMPUNI YA BUSINESS TIMES, AMBAYO NI MOJA YA KAMPUNI KONGWE ZA MAGAZETI HAPA NCHINI . INASIKITISHA KWAMBA KAMPUNI HII SASA INAPUKUTIKA DUNIA IKISHUHUDIA. HII YOTE NI MATOKEO YA UONGOZI WA UBABAISHAJI MKUBWA WA KIFAMILIA UNAOENDESHWA NA MKURUGENZI AMBAYE PIA NI MMOJA WA WAASISI, RASHID MBUGUNI NA WANAE (YUPO MMOJA ANAITWA IMMA HUYU HAJUI HATA "a,b,c,d' ZA UANDISHI, KATIKA HALI YA KUSIKITISHA, ETI NDIYE BABA YAKE AKAONA ANAFAA KUWA MHARIRI MTENDAJI WA GAZETI LA MAJIRA NA KUSIMAMIA PIA IDARA YA MATANGAZO.

    WINGINE ANAITWA AGA -HUYU KWANZA BABA YAKE ALIMFANYA MENEJA MKUU WA KAMPUNI YA BUSINESS TIMES, MZIGO AMBAO NI MZITO MNO KWAKE, MBALI YA MADARAKA HAYO BABA AKAMFANYA TENA MHARIRI WA GAZETI MAMA LA BUSINESS TIMES, HUYU KAMA MWENZAKE, HAJUI CHOCHOTE KUHUSU MAGAZETI) . RASHID MBUGUNI SIJUI NI KWA KULOGWA AU KUFILISIKA BUSARA, AMEONA HAWA NDIO WENYE UWEZO WA KULETA MAFANIKIO MAKUBWA KWENYE KAMPUNI. NASHUKURU MUNGU NAIFAHAMU VIZURI KAMPUNI HII , NILIFANYA KAZI ENZI ZA MAREHEMU NYAULAWA (MWENYEZI MUNGU AMREHEMU) INGAWA SIKUWA MWANDISHI.

    YALIKUWEPO MAFANIKIO MAKUBWA SAAANA YANAYODHIHIRISHA KWAMBA HUYU NDIYE ALIYEKUWA KICHWA NA HAZINA YA KAMPUNI HIYO (THINKER TANKER). HUYU RASHID MBUGUNI LEO HUENDA ALIKUWA KENGE ALIYEZAMIA MSAFARA WA MAMBA , UKWELI NDIO HUU TUNAUONA LEO, KAMPUNI INAMFIA MIKONONI ANASHINDWA KUWALIPA WAFANYAKAZI WACHACHE ALIOBAKI NAO NA KUTAKA AHURUMIWE KILA SIKU KWA KIGEZO KUWA ETI HALI YA KAMPUNI NI NGUMU. HIVI MKURUGENZI HUYU HAZINDUKI NA KUONA KUWA HALI NGUMU NI MATOKEO YA UBABAISHAJI WA KUWAPA WATOTO MADARAKA WASIYOYAWEZA KWENYE KAMPUNI KUBWA KAMA HIYO!!!

    LEO HII NASIKIA AMEWAFUKUZA BAADHI YA WAFANYAKAZI ETI KWASABABU WAMETAKA WALIPWE MISHAHARA YAO YA MIEZI KADHAA AMBAYO AMEKUWA AKIPIGA DANADANA.HUU NI UNYAMA NA UKATILI WA AJABU!!! AMBAO HATA SERIKALI KUPITIA WIZARA ZAKE ZA KAZI NA AJIRA, HABARI NA UTAMADUNI KUPITIA IDARA YA HABARI MAELEZO, WANAPASWA KUINGILIA KATI KUWAOKOA WAFANYAKAZI HAO WANAONYANYASWA NA MWEKEZAJI HUYU MZAWA ALIYEPOTEZA MWELEKEO KWA KUAMINI KUWA KAMPUNI KAMA HIYO INGEWEZA KUENDESHWA KIFAMILIA NA KUPATA MAFANIKIO.

    MCHAWI WA MATATIZO YA BUSINESS TIMES LIMITED SI MWINGINE BALI FIKRA POTOFU ZA RASHID MBUGUNI KUAMINI KUWA WANAWE WANAUWEZO WA KULETA MAFANIKIO KWA KUENDESHA KAMPUNI HIYO BILA KUWA NA FANI STAHIKI. ANGUKO LA RASHID MBUGUNI NA WANAWE LILIANZA KUONEKANA MAPEMA SANA BAADA TU YA THINKER TANKER MAREHEMU NYAULAWA KUINGIA KWENYE SIASA ( HUYU ALISHINDA NAFASI YA UBUNGE MBEYA VIJIJINI MWAKA 2005).

    HAPA NDIPO RASHID MBUGUNI ALIINGIA NA FALSAFA NYINGI ZA KUSADIKIKA AMBAZO HATA UKIMPA BAN-KI MOON NA MTANGULIZI WAKE KOFFI ANNAN HAWAWEZI KUZITEKELEZA . AKAHAMISHA VIKAO TOKA OFISI NA KUANZA KUKAA NYUMBANI KWAO NA KUPANGA MIPANGO YA KAMPUNI . WAKIJA OFISINI TAYARI WANAKUWA NA MAAMUZI YAO, WANAFANYA KAMA VIINI KACHO KUITA WENGINE KUTIA MUHURI.

    AZINGIRA HAYA YALIKERA WATU WENGI, NILIAMBIWA KUNA MLOLONGO MREFU WA WAHARIRI, WAANDISHI NA WAFANYAKAZI WENGINE, WALISHTUKIA MAPEMA, WAKAONDOKA .RASHID NA WANAE WALIJIONA WAMESIMAMA, KUMBE WALISHAANGUKA MUDA MREFU NA KAMPUNI HIYO, MATOKEO YA USALITI, YALIANZA KUONEKANA KWA KUSHINDWA KULIPA MISHAHARA NA GHARAMA ZINGINE.

    KAMPUNI IKAANZA KUINGIA KWENYE MADENI. AJABU NI KWAMBA HADI HALI INAFIKIA HAPO RASHID ALIAMINI KWAMBA HAKUNA WATU WENYE AKILI NA UWEZO MKUBWA WA KUOKOA KAMPUNI KAMA MWANAWE AGA NA IMMA! HAKUTAMBUA KUWA HAO NDIO ANGUKO LAKE KUU. ILIFIKA WAKATI REDIO TIMES ILIYOKUA IKIONGOZWA NA MTOTO WA MAREHEMU NYAULAWA ILIJITENGA, WAKAONDOKA PALE KARIAKOO NA KWENDA KAWE( WANA MAFANIKIO MAKUBWA NA WANAZIDI KUPAA SIKU HADI SIKU). TATIZO LA RASHID MBUGUNI NA WANAWE NAWEZA KUSEMA NI KUDHARAU TAALUMA YA HABARI.

    KUNDI HILI AMBALO LIMEPEWA JINA LA ''MAPACHA WATATU'' LILIONA KUWA UANDISHI SI KAZI INAYOHITAJI MTU MWENYE TAALUMA HIYO, MTU YEYOTE ANAYEWEZA KUSOMA NA KUANDIKA ANAWEZA KUENDESHA GAZETI TENA KWA UFANISI, HAWAKUAMINI KWAMBA TAALUMA YA HABARI NI KAMA ULIVYO UDAKTARI, UFAMASIA, UANASHERIA NA ZINGINE NYINGI.

    HIKI NDICHO KILICHOMFANYA AWEKE WANAWE . HALI INAPOFIKIA HAPA, RASHID MBUGUNI NA WANAWE HAWAKUMBUKIA KWAMBA WAMEIVUNJA KAMPUNI HII KWA MIKONO YAO NA VIKAO VYA NYUMBANI. LEO HII ETI WANAPELEKA POLISI KUdHIBITI WAfanyakazi WANAODAI HAKI YAO YA MSINGI , KULIPWA MISHAHARA !!!! HAPANA ,HUU NI UNYAMA WA KUTISHA. SI BORA BADALA YA KULIPA POLISI WAWANUNULIE WAFANYAKAZI MAJI YA KUNYWA, KAMA HALI HII NGUMU INGESABABISHWA NA MAMBO YA MSINGI AMBAYO WAFANYAKAZI HAO WANAYAELEWA ISUNGELETA TAABU.

    II SI MARA YA KWANZA KAMPUNI HII KUTETEREKA KWENYE ULIPAJI MISHAHARA ( INGAWA HAIKUFIKIA MIEZI MINGI KAMA SASA) WAFANYAKAZI WALIELEZWA NA WAKAELEWA: WALIELEWA KWA SABABU MOJA KUBWA, WALIKUWA NA IMANI NA MARUBANI WAO KUANZIA MKURUGENZI NYAULAWA HADI WAHARIRI NA WAANDISHI, JAMBO HILO NI GUMU KUELEWEKA SASA KWANI SI JAMBO LA AJABU KAMPUNI KUSHINDWA KULIPA MSHAHARA KUTOKANA NA KUONGOZWA NA WATU WASIO NA TAALUMA HUSIKA. MFANO UTASIKITIKA VIPI UKIPELEKA WACHEZA NDOMBOLO AU MDUNDIKO KWENYE TIMU YA SOKA YA TAIFA HALAFU MFUNGWE 10-0 NA TIMU PINZANI???

    NI LAZIMA UTAFUNGWA KWA KUWA HAO SI WACHEZA MPIRA LAKINI KAMA UTACHAGUA TIMU BORA INAYOKUBALIKA MKIFUNGWA GOLI HIZO WATU WATASIKITIKA SANA KWANI NI WATU WENYE SIFA ,UJUZI NA WALIOWAAMINI , WATAONA AJABU. MIMI NASEMA RASHID MBUGUNI NA WANAWE WAWALIPE HAKI YAO WAFANYAKAZI HAO. HATA KAMA WAMEWAFUKUZA HOJA HAPA NI KWAMBA, WAWAPE KILE WANACHODAI AMBAYO NI HAKI KABISA KABISA KABISA YA MSINGI! PILI MKURUGENZI HUYU NA WANAWE WATAMBUE KWAMBA WATABANWA NA MKONO WA SHERIA NA MAMBO YATAKUWA MAGUMU ZAIDI KWAO, KUTOKANA NA MGOMO HUO AMBAO TUNASIKIA UMEFUATA TARATIBU ZOTE NA KANUNI ZA NCHI, WASIJE WAKAJIKUTA WAKIWATAJIRISHA WAFANYAKAZI HAO KWA KUWALIPA FIDIA YA MAMILIONI YA FEDHA.

    METHALI KUBWA AMBAYO RASHIDI MBUGUNI NA WANAWE WANAPASWA KUIKUMBUKA KATIKA KIPINDI HIKI KIGUMU CHA MATATIZO YA KUJITAKIA NI KWAMBA "MPANDA FADHAA HUVUNA MAJUTO," HAYA YOTE WANAYOJUITIA LEO NA KUONA KAMA WAFANYAKAZI WANAWAONEA, NI MATOKEO YA KUENDESHA KAMPUNI KUBWA KAMA BUSINESS TIMES KIFAMILIA NA KUJIONA KUWA WAO PEKEE NDIO WENYE MAONO NA MWELEKEO SAHIHI KWA KILA JAMBO HILO NI KOSA KUBWA SANA SANA SANA NA LIMEANGUSHA KAMPUNI NYINGI DUNIANI. KILA BINADAMU KWENYE DUNIA HII YENYE WATU BILIONI 7 ,ANA VIPAWA VYAKE AMBAVYO NI BORA KULIKO MWINGINE. KUJIONA KWAMBA WEWE PEKEE NDIO MWENYE MAONO NI MAKOSA MAKUBWA.

    NDIYO YAMEIFIKISHA KAMPUNI HII LEO KUSHINDWA KULIPA WAFANYAKAZI WAKE WAKATI KILA SIKU GAZETI LINATOKA NA MATANGAZO YAKE. KWA KAWAIDA NI VIGUMU SAANA BINADAMU KUTAMBUA NA KUKIRI UDHAIFU WAKE ILA UKIMWOMBA MUNGU AKUONESHE UDHAIFU WAKO ATAKUFUNULIA. RASHID MBUGUNI AKAKESHE MSIKITINI AMWOMBE MUNGU WAKE AMFUNULIE NAMNA UONGOZI WA KIFAMILIA ULIVYOIVURUGA KAMPUNI HIYO, AKIFUNULIWA ACHUKUE HATUA HARAKA, MUNGU ATAMSAIDIA ATAINUKA KWANI KUJIKWAA SI KUANGUKA BALI NI KWENDA MBELE.
     
  6. Bu'yaka

    Bu'yaka JF-Expert Member

    #6
    Oct 27, 2011
    Joined: Jul 29, 2010
    Messages: 524
    Likes Received: 99
    Trophy Points: 45
    Hivi shares za marehemu Mh. Richard Nyaulawa zilienda wapi, mbona Mbuguni's ndio wame take over peke yao?

    By the way, nilidhani Mhariri Mtendaji lazima awe mwandishi wa habari by law.
     
  7. Mwita Maranya

    Mwita Maranya JF-Expert Member

    #7
    Oct 27, 2011
    Joined: Jul 1, 2008
    Messages: 10,564
    Likes Received: 66
    Trophy Points: 145
    Duuuuuu!! pamoja na kwamba umejoin kwenye forum leo, bila shaka kwa lengo la kutapika hii nyongo lakini kwa jinsi usivyoweka vituo, inakuwa ngumu kukusoma. Hasirab za kukosa mshahara kwa miezi mitano, poleeeee!!
     
  8. Puppy

    Puppy JF-Expert Member

    #8
    Oct 27, 2011
    Joined: Oct 6, 2011
    Messages: 1,885
    Likes Received: 191
    Trophy Points: 160
    Kwa yeyote mwenye muda na pesa nenda atafute Novel Moja(ni kama muongozo hivi) iitwayo "The 5th Estate" utaona uMafia Au organised crime yeyote inavyo-operate.

    Me sifahamu sana menejiment ya Busines Times lakni kwa akili yangu ndogo naamini kuna watu walioko nyuma ya kuanguka kwa hii kampuni. Tena kwa manufaa yao binafsi.
    Angalia siasa za tanganyika zinavyoenda.
     
Loading...