Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hakimu aburutwa kortini kwa rushwa

Discussion in 'Habari na Hoja mchanganyiko' started by bagwell, Sep 25, 2012.

  1. b

    bagwell Senior Member

    #1
    Sep 25, 2012
    Joined: Sep 19, 2012
    Messages: 113
    Likes Received: 0
    Trophy Points: 0
    HAKIMU Mkazi wa Mahakama ya Wilaya ya Ilala, Pamela Kalala amepandishwa kizimbani kwa tuhuma za kuomba na kupokea rushwa kutoka kwa mke wa mmoja wa washtakiwa aliokuwa akisikiliza kesi yao.

    Hakimu Kalala alipandishwa kizimbani katika Mahakama ya Hakimu Mkazi Kisutu jana asubuhi na kusomewa mashtaka matatu ya kuomba rushwa ya Sh3 milioni na kupokea rushwa ya Sh900,000 kwa nyakati tofauti.

    Mwendesha Mashtaka wa Taasisi ya Kuzuia na Kupambana na Rushwa (Takukuru), Allen Kasamala alidai mbele ya Hakimu Mkazi, Aloyce Katemana kuwa mshtakiwa alitenda makosa hayo kwa nyakati tofauti Februari, mwaka huu.
    Katika kosa la kwanza, Kasamala alidai kuwa mshtakiwa huyo aliomba rushwa ya Sh3 milioni kutoka kwa Josephine Omar ambaye ni mke wa mmoja wa washtakiwa katika kesi namba 703 ya mwaka 2008 inayohusu kujipatia fedha kwa njia zisizo halali.

    Kasamala alidai kuwa mshtakiwa alimwomba Josephine kiasi hicho cha rushwa ili kumshawishi ampendelee mumewe katika kutoa uamuzi wa kesi hiyo aliyokuwa akiisikiliza.

    Katika shtaka la pili, Kasamala alidai kuwa Februari, tarehe isiyofahamika, mshtakiwa alipokea rushwa ya Sh800,000 kutoka kwa Josephine na katika kosa la tatu, alidai kuwa Februari 6, mwaka huu mshtakiwa alipokea rushwa ya Sh100,000 kutoka kwa mwanamke huyo.

    Kasamala alidai kuwa mshtakiwa alitenda makosa hayo akiwa mwajiriwa wa Idara ya Mahakama kwa wadhifa wa Hakimu Mkazi.

    Alisema Kalala alitenda makosa hayo kinyume cha Kifungu cha 15 cha Sheria ya Taasisi ya Kuzuia na Kupambana na Rushwa namba 11 ya mwaka 2007.
    Hata hivyo, mshtakiwa alikana mashtaka yote na upande wa mashtaka ulidai kuwa upelelezi wa kesi hiyo bado haujakamilika.

    Hakimu Katemana alimwachia mtuhumiwa huyo kwa dhamana, baada ya kutimiza masharti ambayo ni pamoja na kusaini bondi ya Sh1 milioni na kuwa na mdhamini mmoja anayefanya kazi katika taasisi inayotambulika, ambaye pia alisaini bondi ya Sh1 milioni.

    Hakimu Katemana aliahirisha kesi hiyo hadi Oktoba 23, kwa ajili ya kutajwa.

    Mahakimu na rushwa
    Kalala anakuwa hakimu wa nne kupandishwa kizimbani katika Mahakama ya Kisutu kwa tuhuma za rushwa, katika kipindi cha miaka mitano.

    Desemba mwaka 2007, aliyekuwa Hakimu Mkazi wa Mahakama ya Wilaya ya Temeke, Jamila Nzota alipandishwa kizimbani katika Mahakama hiyo akituhumiwa kupokea rushwa ya Sh700,000.

    Nzota alikuwa akikabiliwa na tuhuma za kuomba rushwa hiyo kutoka kwa Mollel, aliyekuwa Mwakilishi wa Kampuni ya Amanarth Enterprises Ltd iliyokuwa na kesi ya madai namba 33/207 mbele yake, ili amsaidie.

    Katika kesi hiyo, Hakimu Mkazi wa Mahakama ya Kisutu, Hanzron Mwankenja (mstaafu kwa sasa), alimhukumu Nzota kwenda jela miaka kumi na moja kuanzia Mei 22, 2009, baada ya kupatikana na hatia katika makosa manne yaliyokuwa yakimkabili.

    Hata hivyo, Hakimu Mwankenja alisema mshtakiwa atatumikia adhabu zote kwa pamoja, hivyo alitumikia kifungo cha miaka mitatu jela.

    Nzota hakuridhika na hukumu hiyo na kupitia kwa Wakili wake, Majura Magafu alikata rufaa Mahakama Kuu Kanda ya Dar es Salaam, lakini katika hukumu iliyotolewa na Jaji Emilian Mushi, Aprili 30, 2010, alishindwa tena.
    Wengine ni aliyekuwa Hakimu Mkazi wa Mahakama ya Hakimu Mkazi Kisutu, Adolf Mahai, (2007) na Hakimu wa Mahakama ya Mwanzo Ukonga, Ndovela Kihenga, (Juni 2011).
     
  2. baba junior

    baba junior Senior Member

    #2
    Sep 25, 2012
    Joined: Sep 21, 2012
    Messages: 144
    Likes Received: 0
    Trophy Points: 33
    imeandikwa,hakimu mkaz mahakama ya ilala,pamela kalala apandishwa kizmban kwa tuhuma za kuomba na kupokea rushwa.cha kushangaza eti februari,tarehe isiyofahamika mshtakiwa alipokea rushwa ya sh 800000/=then tar 6 alipokea tena sh 100000.swali,je ni ushaid hafifu au uandish dhaifu kusema tar isiyofahamika m2 fulan kapokea rushwa?
     
  3. Baba V

    Baba V JF-Expert Member

    #3
    Sep 25, 2012
    Joined: Dec 29, 2010
    Messages: 19,493
    Likes Received: 105
    Trophy Points: 160
    Na wewe unarudia kosa lile lile la uandishi dhaifu, m2 ndo nini?
     
  4. baba junior

    baba junior Senior Member

    #4
    Sep 25, 2012
    Joined: Sep 21, 2012
    Messages: 144
    Likes Received: 0
    Trophy Points: 33
    Nimeabbriviate Baba V
    V.
     
  5. Lokissa

    Lokissa JF-Expert Member

    #5
    Sep 25, 2012
    Joined: Nov 20, 2010
    Messages: 6,981
    Likes Received: 77
    Trophy Points: 145
    [​IMG]
    hakimu Kalala


    sidhani kama kuna kesi ya msingi hapa tayari hati ya mashtaka ina mashaka
    itakuwa ngumu kwa upande wa mashtaka kuthibitisha haya pasipo kuacha mashaka
    walitakiwa kupeleleza kwanza wajiridhishe kisha ndio wampeleke mahakamani.
     
  6. Pdidy

    Pdidy JF-Expert Member

    #6
    Sep 25, 2012
    Joined: Nov 22, 2007
    Messages: 25,555
    Likes Received: 1,610
    Trophy Points: 280
    Hakimu wa mahakama ya wilaya ya ilala pamelala kalala amepandishwa kizimbani kwa tuhuma za kuomba na kupokea rushwa kutoka kwa mke wa mmoja wa washtakiwa aliekuwa akisikiliza kesi yake
    hakimu huyu ameshtakiwa kw akuomba million 3 na kukabidhiwa laki tisa kwa nyakati tofauti huku akitegewa bila kujijua ...kwa mara ya kwanza mshtakiwa aliomba million 3 kutoka kwa josephine omar ambae ni mke wammoja wa washitakiwa kesi namba 7003 ya mwaka 2008 inayohusu kujipatia fedha kwa njia zisizo halali

    mshitakiwa hakimu pamela aliomba hela ili ampendelee mumewe katika kesi hiyo aweze kumaliza mapema vinginevyo kesi ni nzito na itamzungusha sana na kuchukua muda wake kushinda mahakamani kila siku.....baada ya hapo ndipo josephine alipojipanga na mumewe na mtu aliekuwa kama shahidi wakampelekea laki 8, feb 6 akapokea laki 1, kwa habari zaidi nunua mwananchi vinginevyo wafanyakazi waatakosa mshahara

    tuudi kwenye mada kamili
    hivi huyu jaji mkuu anahisi kesi kucheleshwa ni tatizo la pesa ??kama anavyosema kila siku
    nahisi hapo juu tunaweza kujua na kupata src ya hali halisi ya mahakamani kwa nini kesi aziiishi kwa kweli ..inasikitisha sana sana ..na kutia aibu nitamuweka hapa hadharani lunch time kama ni ndugu yako umwambie akome kutunyanyasa kama amepewa majukumu atumie kihalali na si kutafuta utajiri picha na habari zaidi saa nane mchana
     
  7. Rohombaya

    Rohombaya JF-Expert Member

    #7
    Sep 25, 2012
    Joined: Jul 4, 2011
    Messages: 5,864
    Likes Received: 1,204
    Trophy Points: 280
    Aibu sana pale vyombo vya kutafutia haki vinapohusishwa na rushwa. Twende wapi sasa kudai haki zetu?
     
  8. L

    La Voz Member

    #8
    Sep 25, 2012
    Joined: May 27, 2011
    Messages: 74
    Likes Received: 0
    Trophy Points: 0
    kama haelewi m2 ni nini atwambie baba v ndo nini.
     
  9. baba junior

    baba junior Senior Member

    #9
    Sep 25, 2012
    Joined: Sep 21, 2012
    Messages: 144
    Likes Received: 0
    Trophy Points: 33
    ajabu, hajajibu.!
     
  10. Lokissa

    Lokissa JF-Expert Member

    #10
    Sep 25, 2012
    Joined: Nov 20, 2010
    Messages: 6,981
    Likes Received: 77
    Trophy Points: 145
    sio mahakama peke yake kila idara imeoza.
    PCCB nao wanaongoza kwa kuomba na kupokea rushwa
    na ndio hao hao wanaochunguza na kupeleka mashtaka ya rushwa mahakamani.
    fanya kautafiti kama wamjua mtu wa takukuru wana mali za kutisha na maisha yao halingani na mishahara yao
    mahakimu nao ndio usiseme. wabunge nao wanakashfa za rushwa, mawaziri na mikataba feki
    sijui tukimbilie wapi. polisi ndio usiseme. landa Nyerere peke yake ndie alikuwa msafi
     
Loading...