Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hadithi ya bwana mtaro mchafu

Discussion in 'Jokes/Utani + Udaku/Gossips' started by MziziMkavu, Jun 12, 2010.

  1. MziziMkavu

    MziziMkavu JF-Expert Member

    #1
    Jun 12, 2010
    Joined: Feb 3, 2009
    Messages: 38,530
    Likes Received: 2,801
    Trophy Points: 280
    Wakiwa mtaroni, walimwambia bwana wa mtaro,
    Mtaroni ni pachafu
    Tuwezeshe tuiondoe harufu

    Baba wa mtaro, kwa sauti ya ukali huku akipandwa na mori wa kikwere akang'aka,
    Uwezo sina
    Msitake kunipima

    Wakiwa na ushahidi na uhakika wa madai yao, wakamwambia bwana mkuu wa mtaro,
    tunajua kuna reki
    tupe tupigane jeki

    Akiwa amejawa na jazba na akirusha vidole juu, tena akishabikiwa na sauti za wapambe na wengine waliojichokea na wenye nyuso zisizo na matumaini ya kesho, bwana mkuu wa mtaro akasema
    Hilo haliwezekani
    Kama hamtaki ondokeni

    Halafu kwa hasira akaongeza,
    Mwanitafuta lawama?
    Nitaishusha zahama
    Na yeye atayegoma
    Atakiona kiama

    Wana wa mtaro kwa unyonge lakini wakiwa na ujasiri mioyoni mwao wakaamua kupambana. Hawakutaka kupambana na bwana mkuu wa mtaro bali na unyonge wao. Ndiposa yule mmoja akitumia mbinu na akili zake akauparamia ukuta uliojenga ukingo wa mtaro na huku akisaidiwa na ujasiri wake, akajivuta mpaka nje.

    Ndiposa aliyemo mtaroni akalia kilio hicho kilichosikiwa na LeBron akisema...

    Si unaona hatuna pa kukanyaga?..
    Kwetu katika dimbwi la uchafu na umasikini,
    Tumaini letu ni mkono uliouelekeza kwetu,
    Ukituacha wadogo zako tutafia mtaroni,
    Hata maji ya mafuriko yajapo hayatotuacha ulipotuona mara ya mwisho..
    Tafadhali usituache mtaroni..

    Usichoke kutupa mkono wako wenye nguvu..
    Ulionona kutokana na hali ya huko ulipo,
    Japo nawe ulikuwepo tulipo,
    Kujaribu kwako kumekufikisha hapo,
    Nasi tnajaribu kila uchwao,
    Lakini hatujapata suluisho,
    Tafadhali usituache mtaroni.

    Japo vina havijazingatiwa,
    Naamini washairi watashawishiwa,
    Ujumbe kwa kipelu utafikishwa,
    Wa mtaroni tutaokolewa,
    Nasi tutakuwa nae majaaliwa.
    Tafadhali usituache mtaroni ​
     
  2. Njaa

    Njaa JF-Expert Member

    #2
    Jun 12, 2010
    Joined: Dec 6, 2009
    Messages: 894
    Likes Received: 132
    Trophy Points: 60
    Mkuu hiyo lugha, is not a joke! thanks I managed a bit, ila sijacheka ingawa nimepata ujumbe
     
Loading...