Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Gari la manispaa lakamatwa na meno ya tembo

Discussion in 'Jukwaa la Siasa' started by COMPLICATOR2011, Jul 21, 2011.

  1. COMPLICATOR2011

    COMPLICATOR2011 JF-Expert Member

    #1
    Jul 21, 2011
    Joined: Jul 13, 2011
    Messages: 255
    Likes Received: 0
    Trophy Points: 0
    ASKARI wa Hifadhi ya Taifa ya Katavi wilayani Mpanda Mkoa wa Rukwa, wanalishikilia gari la Manispaa ya Kigoma Ujiji, baada ya kulikamata likiwa na meno matatu ya tembo yenye uzito wa kilo tisa.

    Dereva wa gari hilo alilitelekeza na kutokomea kusikojulikana.

    Thamani ya nyara hizo za Serikali haikuweza kupatikana mara moja. Gari hilo aina ya Land Cruiser namba DFP 4383 mali ya Manispaa ya Ujiji mkoani Kigoma, lilikamatwa juzi saa 5:46 asubuhi katika Mtaa wa Kotazi katika Halmashauri ya Mji wa Mpanda.

    Kwa mujibu wa chanzo chetu cha habari, askari wa Hifadhi walimkamata mtuhumiwa, Elias Chambati (25) mkazi wa Mkoa wa Kigoma akiwa ndani ya gari hiyo ambaye anatuhumiwa kuhusika na tukio hilo akishirikiana na dereva wa gari hilo.

    Chanzo hicho kinadai kuwa Chambati alikamatwa kutokana na taarifa walizokuwa nazo askari wa Katavi na uchunguzi walioufanya wa kumfuatilia nyendo zake za kujihusisha na biashara ya meno ya tembo.

    Kutokana na taarifa hiyo, walimfuatilia siku hiyo ya tukio kuanzia kwenye nyumba ya kulala wageni aliyokuwa amefikia, Family chumba namba sita iliyopo katika Mtaa wa Mjimwema mjini Mpanda ambako walimfuatilia hadi walipomkamata akiwa ndani ya gari hilo.

    Kwa mujibu wa mtoa taarifa, Chambati alikamatwa akiwa ndani ya gari hiyo na askari hao wa Hifadhi ya Katavi ambapo dereva wa gari hilo alifanikiwa kukimbia na kutokomea kusikojulikana.

    Inadaiwa kuwa baada ya dereva kukimbia, askari wa hifadhi walifanya upekuzi katika gari ambapo walikuta meno matatu ya tembo yenye uzito wa kilo tisa ambayo thamani yake haijajulikana yakiwa yamefichwa chini ya viti vya gari hilo.

    Baada ya kumkamata, askari hao wa Hifadhi ya Katavi, walifanya mawasiliano na uongozi wa Manispaa ya Ujiji Kigoma ili kupata msaada wa kumtambua dereva ambaye Chambati alikataa kumtaja.

    Uongozi huo wa Manispaa ya Ujiji Kigoma ulimtaja dereva huyo kuwa ni Masoud Yassin ambaye ni mtumishi wa Hospitali ya Mkoa wa Kigoma.

    Kamanda wa Polisi Mkoa wa Rukwa, Isunto Mantage, amethibitisha kukamatwa kwa mtuhumiwa huyo.

    Alisema gari hilo lililotelekezwa limechukuliwa na kupelekwa kuhifadhiwa katika Ofisi ya Hifadhi ya Katavi, na Polisi kwa kushirikiana na askari wa Hifadhi wanamsaka dereva aliyekimbia.
     
  2. k

    kasimba123 JF-Expert Member

    #2
    Jul 21, 2011
    Joined: Apr 18, 2010
    Messages: 1,160
    Likes Received: 63
    Trophy Points: 145
    hehe uandishi mwingine
     
  3. T

    Triple DDD Senior Member

    #3
    Jul 21, 2011
    Joined: Jan 19, 2011
    Messages: 151
    Likes Received: 1
    Trophy Points: 0
    Maisha magumu maliasili lazima ziishe, ili kujazia mishahara na ukali wa maisha.

    Hapa kila mtu atatafsiri kula kwa aina yake, Kina Rostam hawatangazwi na mkapa na wengineo
    ila hawa ndg wanaojisaidia ili waishi watatangazwa ile mbaya kila kona.
     
  4. Lunyungu

    Lunyungu JF-Expert Member

    #4
    Jul 21, 2011
    Joined: Aug 7, 2006
    Messages: 8,827
    Likes Received: 29
    Trophy Points: 135
    Kesi hii itaenda haraka mno lakinin ile ya KIA na twiga unaweza kusikia mashitaka hayajakaa vyema hivyo wameachiwa jamani Tanzania ni ya ajabusana .Tutege masikio .
     
  5. Mungi

    Mungi JF Gold Member

    #5
    Jul 21, 2011
    Joined: Sep 23, 2010
    Messages: 16,944
    Likes Received: 352
    Trophy Points: 180
    Wakuu nataka kujua bei ya kila jino la tembo. Mpaka mwaka uishe wengi washakuwa vibogoyo.
     
  6. COMPLICATOR2011

    COMPLICATOR2011 JF-Expert Member

    #6
    Jul 21, 2011
    Joined: Jul 13, 2011
    Messages: 255
    Likes Received: 0
    Trophy Points: 0
    Wanayapima kwa kg
     
  7. Mpui Lyazumbi

    Mpui Lyazumbi JF-Expert Member

    #7
    Jul 21, 2011
    Joined: Sep 1, 2010
    Messages: 1,824
    Likes Received: 120
    Trophy Points: 160
    Nadhani wamedhulumiana...
     
Loading...