Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Gari la Manispaa lakamatwa na meno ya tembo

Discussion in 'Habari na Hoja mchanganyiko' started by COMPLICATOR2011, Jul 21, 2011.

  1. COMPLICATOR2011

    COMPLICATOR2011 JF-Expert Member

    #1
    Jul 21, 2011
    Joined: Jul 13, 2011
    Messages: 255
    Likes Received: 0
    Trophy Points: 0
    ASKARI wa Hifadhi ya Taifa ya Katavi wilayani Mpanda Mkoa wa Rukwa, wanalishikilia gari la Manispaa ya Kigoma Ujiji, baada ya kulikamata likiwa na meno matatu ya tembo yenye uzito wa kilo tisa.

    Dereva wa gari hilo alilitelekeza na kutokomea kusikojulikana.

    Thamani ya nyara hizo za Serikali haikuweza kupatikana mara moja. Gari hilo aina ya Land Cruiser namba DFP 4383 mali ya Manispaa ya Ujiji mkoani Kigoma, lilikamatwa juzi saa 5:46 asubuhi katika Mtaa wa Kotazi katika Halmashauri ya Mji wa Mpanda.

    Kwa mujibu wa chanzo chetu cha habari, askari wa Hifadhi walimkamata mtuhumiwa, Elias Chambati (25) mkazi wa Mkoa wa Kigoma akiwa ndani ya gari hiyo ambaye anatuhumiwa kuhusika na tukio hilo akishirikiana na dereva wa gari hilo.

    Chanzo hicho kinadai kuwa Chambati alikamatwa kutokana na taarifa walizokuwa nazo askari wa Katavi na uchunguzi walioufanya wa kumfuatilia nyendo zake za kujihusisha na biashara ya meno ya tembo.

    Kutokana na taarifa hiyo, walimfuatilia siku hiyo ya tukio kuanzia kwenye nyumba ya kulala wageni aliyokuwa amefikia, Family chumba namba sita iliyopo katika Mtaa wa Mjimwema mjini Mpanda ambako walimfuatilia hadi walipomkamata akiwa ndani ya gari hilo.

    Kwa mujibu wa mtoa taarifa, Chambati alikamatwa akiwa ndani ya gari hiyo na askari hao wa Hifadhi ya Katavi ambapo dereva wa gari hilo alifanikiwa kukimbia na kutokomea kusikojulikana.

    Inadaiwa kuwa baada ya dereva kukimbia, askari wa hifadhi walifanya upekuzi katika gari ambapo walikuta meno matatu ya tembo yenye uzito wa kilo tisa ambayo thamani yake haijajulikana yakiwa yamefichwa chini ya viti vya gari hilo.

    Baada ya kumkamata, askari hao wa Hifadhi ya Katavi, walifanya mawasiliano na uongozi wa Manispaa ya Ujiji Kigoma ili kupata msaada wa kumtambua dereva ambaye Chambati alikataa kumtaja.

    Uongozi huo wa Manispaa ya Ujiji Kigoma ulimtaja dereva huyo kuwa ni Masoud Yassin ambaye ni mtumishi wa Hospitali ya Mkoa wa Kigoma.

    Kamanda wa Polisi Mkoa wa Rukwa, Isunto Mantage, amethibitisha kukamatwa kwa mtuhumiwa huyo.

    Alisema gari hilo lililotelekezwa limechukuliwa na kupelekwa kuhifadhiwa katika Ofisi ya Hifadhi ya Katavi, na Polisi kwa kushirikiana na askari wa Hifadhi wanamsaka dereva aliyekimbia.

    my take, SERIKALI HII UFISADI NI KILA KONA
     
  2. Edward Teller

    Edward Teller JF-Expert Member

    #2
    Jul 21, 2011
    Joined: Oct 31, 2010
    Messages: 3,768
    Likes Received: 50
    Trophy Points: 145
    sasa huyu alishikwa na meno 3 ndo anaweza kusumbuliwa sana-wakati wengine wanaoiba tones of tones wala hawaulizwi
     
  3. COMPLICATOR2011

    COMPLICATOR2011 JF-Expert Member

    #3
    Jul 21, 2011
    Joined: Jul 13, 2011
    Messages: 255
    Likes Received: 0
    Trophy Points: 0
    Mkuu hata mbuyu ulianza kama mchicha
     
Loading...