Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Eti kutoka 80% hadi kuzomewa inakuwaje?

Discussion in 'Habari na Hoja mchanganyiko' started by Lunyungu, Nov 1, 2007.

  1. Lunyungu

    Lunyungu JF-Expert Member

    #1
    Nov 1, 2007
    Joined: Aug 7, 2006
    Messages: 8,827
    Likes Received: 54
    Trophy Points: 135
    USEMI wa Rais Jakaya Kikwete, alipochukua uongozi wa
    nchi, kwamba anakusudia kuendesha uongozi wake
    akijenga katika yale yaliyofanywa na mtangulizi wake,
    Rais mstaafu Benjamin Mkapa, unaweza kuwa na tafsiri
    nyingi sana. Wakati alipotoa msemo huo, (utabakia kuwa
    msemo mpaka utekelezaji wa yaliyoahidiwa utakapoanza
    kuonekana), wengi waliufasiri chini ya matumaini yao
    juu yake na kuuona kama sehemu ya ahadi ya maisha bora
    kwa kila Mtanzania.

    Wakati huo watu tayari walikuwa wameshayapima kwa
    undani yale yaliyofanywa na mtangulizi wake. Hivyo
    matumaini ya watu wengi yalikwenda kwenye muendelezo
    wa hayo na ndiyo maana watu walimuamini sana Kikwete
    alipoahidi kuwaletea kila mmoja wao maisha bora.

    Na watu walifahamu nini kuhusu mtangulizi wa Kikwete?
    Walikuwa wakimfahamu Mkapa kama mtu ambaye alitumia
    muda wake wa uongozi kujenga uchumi wa Tanzania.
    Walimfahamu hivyo kutokana na yale yaliyofanyika
    ambayo yalikuwa yanaonekana dhahiri. Haikuhitajika
    kuwa na darubini au hadubini kuyajua hayo.

    Katika kipindi cha miaka kumi ya kuwepo kwake
    madarakani, jambo kubwa na la msingi ambalo Mkapa
    alilifanya ni kufanikiwa kuutengamanisha uchumi mkuu
    (macro-economy) .

    Huu ulikuwa ni msingi ambao ulimjengea sifa ndani na
    nje ya nchi. Hapa nchini, hivi sasa, sifa hii ya
    Mkapa, pamoja na nyingine nyingi, zimeanza kupata
    tafsiri nyingine baada ya upande wa pili wa shilingi
    ya mambo aliyoyafanya Mkapa akiwa madarakani, kuanza
    kuwekwa wazi.

    Tumesikia upande mmoja tu unaotoa tuhuma hizo,
    hatujasikia Mkapa mwenyewe anasema nini. Na haiyumkini
    kuwa tutamsikia akisema. Lakini hata kama tunapaswa
    kufanya uamuzi kuhusu tulichokisikia na ushahidi wake,
    na kuamua kuwa Mkapa aliyafanya yote anayotuhumiwa
    kuyafanya, haitafuta sifa zake, ikiwamo hii ya
    kuujenga uchumi mkuu.

    Pamoja na mabaya yake yote (na kwa hakika anayo mabaya
    kwa sababu yeye ni binadamu tu), sifa hiyo itaendelea
    kuwepo na kudumu, hata kama baadhi ya watu
    hawatakubaliana na hilo.

    Nalichukulia hili la kujenga uchumi mkuu kama msingi
    wa yote aliyoyafanya Mkapa, kwa sababu hilo ndilo
    jambo ambalo lilikuwa na mwelekeo wa kuleta maisha
    bora kwa kila Mtanzania. Na kwa watu wa kawaida, iwapo
    watapata mahitaji yao muhimu, mambo mengine wala
    hayatawasumbua sana.

    Iwapo mtu ana uhakika wa mlo kila siku, anapata uwezo
    wa kulipia ada watoto wake, anaweza kuipatia familia
    mahitaji yake yote muhimu na mwisho wa siku kuweza
    kuweka akiba, hata kama Mkapa aliiba mamilioni
    mangapi, hayatamuathiri sana kisaikolojia.

    Ila itamuuma sana iwapo maisha yake yatakuwa ya shaka.
    Kila mara, anapokuwa na uhitaji wa kitu fulani alafu
    akakosa uwezo wa kukipata, mawazo yake yatamfanya
    aamini kuwa wizi uliofanywa na Mkapa ndio
    unaomsababishia leo hii akikose kitu hicho.

    Na ukiangalia alipofikia Mkapa katika kuujenga uchumi,
    aliwafikisha Watanzania mahali pa kuleta matumaini. Na
    ninarudia kusema kuwa ndiyo maana Kikwete alipoahidi
    kuleta maisha bora kwa kila Mtanzania akijenga katika
    yale aliyoyakuta, watu walimuamini sana. Walimuamini
    kwa sababu waliyaona hayo ambayo yamejengwa na Kikwete
    kuyakuta. Waliona kuwa ilibakia kazi ndogo tu ya
    kuufanya uchumi mkubwa uujenge uchumi mdogo
    (micro-economy) , ambao kimsingi ndio unaomjaza mtu
    mafedha mfukoni.

    Na kwa jinsi ilivyokuwa, uwezo wa uchumi mkuu wakati
    Mkapa anaondoka madarakani, ulionyesha dhahiri kuwa
    kazi ya kuujenga uchumi mdogo ni rahisi kwa kiasi
    fulani kwa sababu misingi ilikuwa imeshajengwa.

    Mfumuko wa bei ulikuwa umeshuka kutoka tarakimu mbili
    na ulikuwa ukizidi kushuka. Hii ilimaanisha kuwa uwezo
    wa mtu kununua (purchasing power) ulikuwa ukiongezeka.

    Akiba ya fedha za kigeni nchini ilikuwa ya kuridhisha,
    iliyotoa uhakika wa uchumi wa nchi kuhimili misukosuko
    ya muda mfupi na wa kati iwapo itabidi.

    Makusanyo ya kodi yalikuwa yakiongezeka kila mwezi na
    kwa hakika kila mwisho wa mwaka, Mamlaka ya Mapato
    nchini (TRA) ilikuwa ikitangaza kuvuka malengo
    iliyojiwekea.

    Hii inamaanisha kuwa nchi ilikuwa na uwezo wa kulipia
    zaidi ya sehemu ya bajeti ambayo ilijipangia kulipia
    na mapato ya ndani, ndiyo maana kila mwaka asilimia ya
    utegemezi katika bajeti ilikuwa ikipungua.

    Thamani ya sarafu yetu ilikuwa inajizatiti. Ni kweli
    kuwa ilikuwa ikishuka, lakini si kwa kasi ambacho
    tunaishuhudia hivi sasa. Hii ilionyesha kuwa mambo
    hayakuwa mabaya sana.

    Lakini leo hii, takriban miaka miwili baada ya Kikwete
    kuingia madarakani tupo wapi? Mfumko wa bei unaelekea
    kwenye tarakimu mbili, kule ambako Mkapa alitutoa.
    Hapa mtu unaweza kujiuliza ni jinsi gani Kikwete
    anajenga uongozi wake katika yale aliyoyafanya Mkapa.

    Ushahidi kwamba mfumko wa bei unapanda, unatolewa na
    Benki Kuu kila mwezi. Lakini hata katika maisha ya
    kawaida, hili linaonekana. Bei za bidhaa zimepaa kiasi
    kwamba watu wameanza kujiuliza maswali mengi
    yanayokosa majibu.

    Mtafaruku kuhusu bei ya saruji wala bado haujatulia.
    Bei za vyakula zinabadilika kwa kasi kuliko kinyonga
    anavyoweza kubadili rangi zake. Kibaya zaidi ni kuwa
    mabadiliko hayo yanahusisha si tu kupanda, bali
    kupanda kwa tofauti kubwa mno. Leo si ajabu ukakuta
    bidhaa ikiwa imepanda bei mara mbili ya uliyoiona
    jana.

    Lakini serikali imekuwa haiishiwi na visingizio na
    kutoa matumaini kwa kutumia takwimu. Tulitarajia kuwa
    hali ingekuwa mbaya mwaka jana baada ya msukosuko
    uliotokana na kukosekana kwa umeme. Lakini wakati wa
    tatizo hilo, serikali yenyewe iliwatoa Watanzania
    wasiwasi na kuwaeleza kuwa kila kitu kilikuwa
    kimedhibitiwa ipasavyo.

    Na kama kawadia yao wakatumia takwimu, zilizoonyesha
    kupanda kwa makusanyo ya kodi ya kila mwezi
    kuhalalisha kauli yao kuwa kila kitu kipo sawa.
    Hamkujua kuwa kutoyumba kwa uchumi wa nchi kulitokana
    na misingi ya kuweka akiba ya kutosha fedha za kigeni
    kulikofanywa na Mkapa.

    Leo hii uchumi wa nchi upo matatizoni. Hakuna kiongozi
    wa serikali au chama anayetaka kukiri hili hadharani.
    Wengi wanauchukulia uchumi kama sehemu ya siasa
    wanazopiga majukwaani. Na ndiyo maana tunaumia na
    tutaendelea kuumia iwapo viongozi wetu wataacha kuuona
    uchumi kama siasa.

    Ndio wanauona uchumi kama siasa. Hii inatokana na
    jinsi wanavyotukoga. Haiwezekani mtu apange safari,
    akiwa ametinga magwanda ya kijani kibichi na nyeusi,
    akitumia gari la serikali, alafu anasema kuwa
    anaelezea uzuri wa bajeti huku hotuba yake ikianza na
    salamu za kidumu chama.

    Uchumi haujui chama, unajua mipangilio na mambo
    kimahesabu. Ni utaalamu wa kimahesabu, si ujuzi wa
    kupiga domo jukwaani. Wanaweza kuwa mabingwa wa
    kuelezea uzuri wa bajeti kwa lugha tamu,
    zinazonakshiwa na vikorombwezo na vichekesho, lakini
    kama hesabu za kiuchumi hazijakaa sawa, kesho yake
    itajionyesha wazi kwa mfumko wa bei kupanda.

    Hayo maneno matamu hayawezi kuifanya thamani ya
    shilingi isishuke. Thamani ya shilingi itaendelea
    kushuka na tofauti kati ya riba ya kuweka na kukopa
    kupanuka iwapo tutaishia kutoa maneno matamu jukwaani
    bila kuchukua hatua za kuidhibiti hali hiyo.

    Iwapo watafanya mambo yanayotakiwa kudhibiti viashiria
    vya uchumi, wala hawatahitaji wajuzi wa kutunga
    mashairi ili kuwashawishi watu. Kila kitu kitaonekana
    dhahiri; hali ya mambo itabadilika, maisha yatazidi
    kuwa bora na hapo hata wasipowaambia Watanzania
    lolote, watafahamu kwa kweli serikali yao ipo kazini.

    Miaka miwili iliyopita, asilimia 80 ya Watanzania
    waliichagua serikali hii ya Chama Cha Mapinduzi (CCM)
    iliyopo madarakani. Huu ni ushindi ambao hadi hii leo
    bado umewalevya baadhi ya watu ndani ya CCM, kiasi
    kwamba hawaachi kuutajataja kana kwamba shida za
    Watanzania zitamalizwa na asilimia 80.

    Hivi hawa viongozi wameshawahi kujiuliza kwa nini hao
    asilimia 80 waliowachagua juzi tu, leo wanaanza
    kuwazomea majukwaani? Yanatokea haya mara nyingi sana,
    na yanapaswa kuwa somo kwa viongozi wetu.

    Lakini wao inaelekea wameamua wasiyaone. Inatisha sana
    kuwa wanaozomewa ni wao, lakini wakitoka hapo
    wanakanusha kuwa hawakuzomewa! Hivi ni kuwa wamelewa
    sana madaraka kiasi kwamba kelele za kuzomewa wao
    wanaziona kama za kushangiliwa? Siamini.

    Kuzomea huku ni aina fulani ya wananchi kutoa hasira
    zao. Na namna yao ya kueleza manung’uniko yao. Lengo
    lao ni kutaka kilio chao kisikiwe na viongozi. Lakini
    viongozi wasiposikia kuzomea huko, na hata kufikia
    hatua ya kukanusha kuwa hawakuzomewa, wananchi watajua
    kuwa salamu zao hazijafika.

    Watatafuta njia na mbinu nyingine ya kufikisha kilio
    chao. Na huu ndio utabiri ambao CCM siku zote imekuwa
    wakiambiwa lakini hawataki kuamini. Kwamba ipo siku,
    wananchi ambao wanajihisi kudharauliwa kwa kiasi cha
    juu na viongozi wao, ambao wakiwafikishia ujumbe na
    kilio chao hawakisikii, wataamua kutafuta njia na
    mbinu nyingine ya kufikisha kilio chao. Watafanya
    nini? Ni vigumu kujua sasa.

    Lakini ni dhahiri kuwa chaguo la watakachokifanya
    litakuwa si kuwakumbatia viongozi wasiowasikia.
     
  2. M

    Mwafrika wa Kike JF-Expert Member

    #2
    Nov 12, 2007
    Joined: Jul 5, 2007
    Messages: 5,195
    Likes Received: 7
    Trophy Points: 0
    Hii asilimia 80 ndio inawapa watu wengine kiburi cha ajabu bila kukumbuka kuwa Mwinyi alipata kura zaidi ya hapo!
     
  3. Nikifufukammekwisha

    Nikifufukammekwisha JF-Expert Member

    #3
    Nov 12, 2007
    Joined: Aug 17, 2007
    Messages: 260
    Likes Received: 1
    Trophy Points: 0
    Jibu ni kwamba wazomeaji wameshtuka kwamba walichagua "BOMU"
     
  4. Nyani Ngabu

    Nyani Ngabu Platinum Member

    #4
    Nov 12, 2007
    Joined: May 15, 2006
    Messages: 65,210
    Likes Received: 16,213
    Trophy Points: 280
    ...Lakini si Mwinyi alikuwa mgombea pekee.....
     
  5. M

    Mwafrika wa Kike JF-Expert Member

    #5
    Nov 12, 2007
    Joined: Jul 5, 2007
    Messages: 5,195
    Likes Received: 7
    Trophy Points: 0
    Yes Ngabu ni kweli Mwinyi alikuwa peke yake lakini "akapata kura zaidi ya asilimia 80". Kitu kinachomaanisha kuwa Mwinyi "alipigiwa" kura na percentage kubwa ya wapiga kura zaidi ya percentage ya "waliompigia" kura Kikwete.

    Emphasis kwenye quotation marks! Hii inaonyesha kuwa Mwinyi "alipendwa" na wapiga kura kwa percentage kubwa kuliko ya Kikwete!
     
  6. Bowbow

    Bowbow JF-Expert Member

    #6
    Nov 12, 2007
    Joined: Oct 20, 2007
    Messages: 545
    Likes Received: 2
    Trophy Points: 0
    Lunyungu,
    Nashkuru kwa Ushairi wako mzuri, lakini kuna mengi ya kujiuliza.

    Uchumi (macro economy) umesema wakati wa BWM ulikua mzuri,
    1. Tanzania kupitia Bureau of statistic ambayo ndio inakusanya data kama sio zote basi 80% for micro and Macro econmic projection hawa relaible sources of data. Nenda leo NBS waombe data price trends ya consumer goods, agricultural, industrial n.k uone kama wanazo hata BoT wenyewe hawana, Swali ni kwamba wanafanyaje calculation of Inflation, Economic Growth?

    Kama kigezo cha kukua kwa uchumi ni kungezeka kwa mapato, Je mashirika ya serikali yaliuzwa na PSRC yaliingizia fedha nyingi sana serikali which may be sources of increase in revenue collection. Kukua kwa uchumi(economic Growth) is a necessary but not sufficient condition for Economic development maana kuna Suala la Income distribution, naamini utakubaliana na mimi hiki ndio kipindi income gap imekuwa kubwa zaidi, Can you call it maendeleo?

    Kumekuwa na uuuzaji mkubwa wa migodi ya madini ambayo hata wewe umekuwa ukipiga kelele kila kukicha, hivi vyote vimeongeza pato la taifa kwa wakati huo sasa hivi Kikwete hana vya kuuza ndio maana nasikia kauza Serengeti walau aanzee na yeye kufidia hilo gap. Kama export ziliongezeka wakati wa mkapa y not this Time?

    BWM hakutunga macroeconomic policies, wala Kikwete hajatunga macroenomic policies ni wachumi hao hao wa mkapa ambao bado wapo kwenye wizara na institution husika wakiendelea na sera hizo husika. naomba niishie hapa kwa sasa

    Hoja hujibiwa kwa hoja
     
  7. KadaMpinzani

    KadaMpinzani JF-Expert Member

    #7
    Nov 12, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    sasa hapa cha ajabu ni nini haswa ? mshasema 80% mbona hamfikirii hiyo 10% ?? hao ten pasenti ndio waliokuwa wakifanya huo upuuzi ! na sio wale wa 80% !!
     
  8. Idimi

    Idimi JF-Expert Member

    #8
    Nov 12, 2007
    Joined: Mar 18, 2007
    Messages: 8,618
    Likes Received: 816
    Trophy Points: 280
    Bowbow,
    Bado kuna watu wanasherekea ushindi wa 80% mpaka leo, na kujiamini kuwa wanakubalika, kwa hiyo sishangai sana ukimuuliza mtu kuwa 'Mbona mambo hayaendi kama tulivyoahidiwa'?. Atakujibu, ina maana wewe humuamini muungwana? Ina maana huna uhakika kuwa tulishinda kwa tsunami?
    Lakini ukiuliza 'tangible results' za ushindi huo utapata majibu ya kushangaza sana.
    Wanaozomea sasa ndio wale walioahidiwa kile kisichoonekana. Ikumbukwe kuwa wazomeaji hawali takwimu. Kwam,ba uchumi unakua inatakiwa ionekane katika mfumo wa maisha ya mtu wa kawaida kabisa, sio katika vitabu. Sasa mtu kama hana uhakika wa milo mitatu kwa siku, atajisifuje kuwa uchumi wa nchi yake unakua? Tanzania yenye neema si ya miaka kumi ya awamu hii, ni awamu kadhaa zijazo baada ya hii.
    Jaribu kuchokoza maswali hayo kwa badhi ya wana JF hapa.
     
  9. Icadon

    Icadon JF-Expert Member

    #9
    Nov 12, 2007
    Joined: Mar 21, 2007
    Messages: 3,588
    Likes Received: 7
    Trophy Points: 0
    Mwinyi ata kama angejipigia kura mwenyewe nyingine zote zingeharibika bado angeshinda kwa ushindi mkubwa(funny stuff isn't it?)
     
  10. Nyani Ngabu

    Nyani Ngabu Platinum Member

    #10
    Nov 12, 2007
    Joined: May 15, 2006
    Messages: 65,210
    Likes Received: 16,213
    Trophy Points: 280
    Funny,stupid, and dumb at the same time...
     
  11. Bongolander

    Bongolander JF-Expert Member

    #11
    Nov 13, 2007
    Joined: Jul 10, 2007
    Messages: 4,880
    Likes Received: 23
    Trophy Points: 135
    Heshima kwako mkuu BOWBOW
    Ukumbuke kuwa magari yote yametengenezwa kwa kutimia principle sawa, lakini tofauti ya madereva ndiyo inafanya mengine yanende kwa kasi mengine yasiende kwa kasi, mengine yaanguke na mengine yasianguke, mengine yadumu na mengine yasidumu. Sera karibu zote za Uchumi ziko kwenye biblia ya uchumi aliyoiandika Smith (Material wealth), kikwete hajatunga hata moja na wala BWM hakutunga hata moja, isipokuwa alichagua zinazofaa mazingira ya Tanzania nakuweza kuzitekeleza. Lazima tukubaliane kuwa BWM aliunda timu nzuri ya wasomi, watekelezaji na wasimiamiaji wa sera za uchumi, ndio maana Tanzania iliondoka kutoka kwenye uchumi wa ovyo na kuwa na uchumi walau unaoneleweka. Nilimsikia siku moja kwenye hotuba yake akisema anapenda kuona mfumuko wa bei Tanzania unakuwa kwenye asilimia 4, na alijitahidi kufanya hivyo. Wakati wa kipindi chake hakukuwa na mfumuko wa bei wa kutisha.
    Lakini angalia timu aliyounda JK sasa hivi, wamo wale waliokuwa wabovu wakati wa Ben, na aeongeza kina Karamagi, na kuwapa Wizara nyeti watu kama kina Meghji, unaweza kushangaa ni kwanini amefanya hivyo, lakini huwezi kushangaa kuona mambo yanaenda ovyo kwa sababu make up ya cabinet inaonesha kuwa hayo niya kutegemea kabisa.
     
  12. Manda

    Manda JF-Expert Member

    #12
    Nov 13, 2007
    Joined: Sep 24, 2007
    Messages: 2,072
    Likes Received: 4
    Trophy Points: 135
    BRAZA LUNYUNGU,UR THREAD WAS FANTASTIC, AM A KEEN FOLLOWER WA MAMBO YANAYOENDELEA NCHINI KWETU EVEN THOUGH NIPO KAMPALA KIMASOMO.DESPITE THE FACT THAT WATU WANAMTUHUMU KWA UFISADI BEN LAKINI TO BE HONEST THE MAN STILL REMAIN NI MTU WA VITENDO NA SIO MANENO SANA, KAMA ULIVOKIRI YEYE KAMA BINADAM HAKOSI MAPUNGUFU TENA PENGINE NAFIKIRI KUWA WATU WANAYASEMA SANA AS FAR AS DURING HIS REGIME HAKUWA KTK GOOD TERMS NA WADAU WAKUU WA KUWAPASHA HABARI WANANCHI i.e WAANDISHI WA HABARI, HENCE THERE FORE NADHANI UTAJUA WHAT FOLLOWS MKUU AKITOKA MADARAKANI.
    MKUU WETU WA KAYA IS TOO MUCH POLITICAL,NA SINS HAKIKA SANA NA HOW MUCH POTENTIAL IS HE!,LEAVE ALONE THAT,MISTAKE NAMBA TWO NI POTENTIAL YA WASAIDIZI WAKE, HOW MUCH ABLED THEY ARE?,MI NADHANI KUWA NA CABINET, NA WASHAURI WA SALIENT SECTORS BORA NI CATALYST NA KU ACHIEVE DVLPT, ASA KAMA UNAKUWA NA MSHAURI WA MAMBO YA KIUCHUMI AMBAYE HANA EXPERIENCE YA KAZI ATA ZAIDI YA MIAKA KUMI, WHAT DO YOU EXPECT KWA NCHI MASKINI KAMA TZ? UNATEGEMEA NINI KAMA MKUU WETU ANAHAMISHA FOREIGN KA ILIVO NA KUIWEKA STATE?DESPITE THE FACT ATA WAWE NA POTENTIAL KIASI GANI,USWAIBA KTK MATAZ OF STATE WAPI NA WAPI?
    TO BE HONEST HALI NI MBAYA KAMA ULIVO BAINISHA NA MWENYE MACHO HAAMBIWI TAZAMA,U KANT IMAGINE WITHIN MIAKA MITATU PESA YETU VERSUS HELA YA UGANDA INAZIDI KUDROP TU.. FOR ALMOST 0.6,HUWAGA NAWAZA IVI AWA WAUNGWANA NA MATATATIZO YAO YOTEEEEEEEE, VITA, NJAA, UFISADI.NK INAKUAJE WANATUSHINDA SISI INHALI TUNA ALMOST KILA SEKTA TUMEWAZIDI, KUANZIA VIWANDA, MADINI,MBUGHA ZA WANYAMA,ETC?JIBU TNALO WENYEWE WA TZ..
    THE WAY FORWARD;NICOLLO MACHIAVELLI ITALIAN PHILOSOPHER ALIOSEMA..... IS BETTER TO DEAL WITH THE DEVIL YOU KNOW THAN THE ANGEL YOU DONT KNOW.....WAUNGWANA NA WEB KA HIZI NI MHIMU SANA KTK KUISADIA NCHI YETU,IDARA NA TAASISI MBALIMBALI ZA KISERIKALI[INCL..NGOs] LAZIMA WA PLAY PART YAO FANTASTICALLY,AWA WAKUU WETU AMBAO WANACHOMA MAFUTA YA WANANCHI KWENYE MASHANGINGI KILA UCHWAO LAZIMA WASOME[REF;MAKALA YA ULIMWENGU],SIO KUISHIA KUSOMA IJUMAA WIKIENDA[KAMA LIPO BADO],KUKAA N AQULIFICATIONS BILA KUJISHUGHILISHA NI SAWA LA MVINYO WA ZAMANI KTK CHUPA MPYA, THTS WHY WAKISEMA HIVI WEWE TAWILE TUU AS FAR AS YOU ARE UNABLE TO IDENTIFY WHAT TO DO AND WHAT NOT TO DO...
    THANX KAKA LUNYUNGU FOR YOUR BRILLIANT THREAD!..MWENYE MACHO.............
     
  13. Ben Saanane

    Ben Saanane Verified User

    #13
    Nov 13, 2007
    Joined: Jan 18, 2007
    Messages: 14,605
    Likes Received: 3,509
    Trophy Points: 280
     
Loading...