Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Eti Ikulu imesema kuwa yaliyosemwa na Dk Ulimboka ni upuuzi

Discussion in 'Habari na Hoja mchanganyiko' started by kinyongo, Oct 19, 2012.

  1. k

    kinyongo Member

    #1
    Oct 19, 2012
    Joined: Oct 13, 2012
    Messages: 39
    Likes Received: 3
    Trophy Points: 0
    SIKU moja baada ya Mwenyekiti wa Jumuiya ya Madaktari Nchini, Dkt. Stephen Ulimboka, kusisitiza kwamba alitekwa na mtu anayefanya kazi Ikulu, Ramadhan Ighondu, Ikulu imehamanika na kujitetea kwamba madai hayo ni ya kipuuzi.

    *Tafadhali bofya hapa kurejea kuisoma nakala ya taarifa kamili aliyoitoa Dkt. Ulimboka.

    Jana Mkurugenzi wa Mawasiliano Ikulu, Salva Rweyemamu, alisisitiza: “Ikulu iliishajibu. Tulisema haihusiki, na Rais Jakaya Kikwete amepata kuzungumza juu ya jambo hili mara nyingi.”

    Rweyemamu, bila ya kufafanua zaidi alisema, “Naomba uninukuu; haya madai ni upuuzi… hiki kitu kilishajibiwa.”

    Alipoulizwa kama anamfahamu Ramadhan Ighondu, Rweyemamu akisisitiza kuwa Ikulu haihusiki naye.

    Mwandishi akamwuliza Rweyemamu ni hatua gani ambazo Ikulu itamchukulia Ighondu kama mfanyakazi wao.

    Swali hilo lilionekana kumkera Rweyemamu aliyejibu kwa ukali, “Kama Ikulu haihusiki, hatuna cha kufanya juu ya jambo hilo; mnakaa mnalea maneno ya kipuuzi… Ikulu imwajibishe kuhusu nini? Haihusiki!”

    Alipobanwa zaidi alisema kama kuna watu wanasema hivyo waende wakaripoti polisi.

    Kauli ya jana ya Rweyemamu ni ya pili kutolewa na Ikulu kuhusu Dkt. Ulimboka. Mara ya kwanza, ilipotolewa na Rais Jakaya Kikwete alipokutana na baadhi ya wahariri wa vyombo mbalimbali vya habari, akasema, “Dk. Ulimboka ana nini mpaka Ikulu imteke? Tumteke ili iweje?”

    Kikwete alikwenda mbali zaidi na kusema hata Dk. Ulimboka mwenyewe alipokwenda Ikulu akiwa na viongozi wenzake alinyamaza kimya tu na kwamba waliokuwa wakizungumza ni wengine.

    Hata hivyo, kwa kuwa Ikulu imesema haihusiki, na Dk. Ulimboka mwenyewe ametamka kwamba anamjua aliyemtesa, na kwamba anafanya kazi Ikulu, ni juu ya umma kuamua nani anasema ukweli.

    Wakati Ikulu ikisema hayo, Jeshi la Polisi ambalo lilimtia mbaroni raia wa Kenya na kumpeleka mahakamani kujibu tuhuma za kumteka na kumtesa daktari huyo, nalo limesita kubainisha kama litamkamata na kumhoji Ighondu, ambaye ametajwa rasmi na shahidi wa kwanza halisi katika suala hili, Dkt. Ulimboka.

    Maofisa wa jeshi hilo wametupiana mpira kila mmoja akidai hahusiki na suala hilo.

    Kwa upande wa polisi, Kamanda wa Polisi Kanda Maalum ya Dar es Salaam, Suleiman Kova, alijitetea akisema suala hilo liko kwa mkubwa wake wa kazi, Mkurugenzi wa Makosa ya Jinai (DCI), Robert Maanumba, na kwamba atafutwe kwa ajili ya kulitolea ufafanuzi, “Gazeti lenu juzi nililisifia sana nikalitolea mfano mzuri; watu hawawezi kutuchezea tu na kutishia mamlaka iliyopo kama hakuna sheria. Lazima kila mmoja afuate sheria. Hilo suala liko kwa DCI na sisi polisi tuna nidhamu ya kazi. Suala likiwa kwa mkubwa wako huwezi kulizungumzia. Tambua faili lipo kwao na mimi sina uwezo wa kulizungumzia,” alisema.

    Alipobanwa zaidi kuwa Dkt. Ulimboka ameshamtaja aliyemtesa na kwamba yuko tayari kuwapa ushirikiano na kutoa ushahidi mbele ya tume huru, Kova alisema, “Hivi wewe unanitafuta nini? Nimekwambia sina uwezo nalo; au hutaki ushirikiano na mimi? Hilo swali lako ni sawa na kumuuliza kipofu pale unapaonaje!?”

    Naye DCI Manumba alipopigiwa simu, alijibu kwa kifupi akisema aulizwe msemaji wa jeshi hilo. Akakata simu.

    Msemaji wa jeshi hilo, Advera Senso, alipoulizwa alisema suala hilo liko kwenye uchunguzi, hivyo hawezi kulitolea ufafanuzi. Senso alipobanwa zaidi, alisisitiza, “Tafadhali, sina maelezo zaidi ya hayo. Kukiwa na kitu kipya tutaandaa.”
     
  2. Myocardial Stunning

    Myocardial Stunning Member

    #2
    Oct 19, 2012
    Joined: Oct 19, 2012
    Messages: 15
    Likes Received: 0
    Trophy Points: 0
    ulimboka ni upepo tu ushapita.... hana jipya! amesababisha vifo vya watanzania wengi kwa ule uchochezi wake.... nashangaa ponda wamemkamata kwa uchochezi jhuyu ulimboka yupo mtaani ..

     
  3. meningitis

    meningitis JF-Expert Member

    #3
    Oct 19, 2012
    Joined: Nov 17, 2010
    Messages: 7,326
    Likes Received: 142
    Trophy Points: 160
    upuuzi ni upi ?kwamba ramadhani ighondu sio mfanyakazi wao?
    wamtumie ighondu akazime maasi ya waislam sasa.
     
  4. bysange

    bysange JF-Expert Member

    #4
    Oct 19, 2012
    Joined: Jan 11, 2011
    Messages: 4,320
    Likes Received: 40
    Trophy Points: 145
    Shiiiii!wanaunda Tume ya kuchunguza uwezo wa akili wa ulimboka,coz ya kipigo.
     
  5. measkron

    measkron JF-Expert Member

    #5
    Oct 19, 2012
    Joined: Apr 11, 2011
    Messages: 3,598
    Likes Received: 190
    Trophy Points: 160
    Mkuu meningitis, hawa ndo wakupewa Insulin 100 IU akikatiza EMD for any complaint tuwapoteze kabisa... Liwalo na liwe!!!
     
    Last edited by a moderator: Jan 4, 2016
  6. PhD

    PhD JF-Expert Member

    #6
    Oct 19, 2012
    Joined: Jul 15, 2009
    Messages: 3,798
    Likes Received: 746
    Trophy Points: 280
    Miongoni mwa vihele hele wa kwanza kupelekwa ICC ni huyu mwandishi mchumia tumbo Salva Rweyemamu, majibu anayotoa huwezi amini yanatoka IKULU na ameendelea kukumbatiwa pale
     
  7. nngu007

    nngu007 JF-Expert Member

    #7
    Oct 19, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145


    Unataka IKULU Iwake MOTO? Sasa hivi wako NDANI WAKIDADISI Jinsi ya Kutoa Tamko kwa Wananchi wa Tanganyika & Zanzibar kuhusu MATATIZO yanayoikabili NCHI YETU; Halafu kwenye hiyo HABARI au TAMKo Wanatakiwa Wongee LUGHA Safi na Murua kufurahisha MABALOZI wa NCHI TAJIRI na Pia Wafanyakazi wa KIGENI

    Sasa Halafu Unawataka Wawake MOTO walijibu Suala la Dr. na Imeshajulikana it is an ANIMAL within the ADMIN??? Of Course they will brush it OFF for now...
     
  8. taffu69

    taffu69 JF-Expert Member

    #8
    Oct 19, 2012
    Joined: Feb 26, 2007
    Messages: 2,090
    Likes Received: 0
    Trophy Points: 135
    ''Join Date : 19th October 2012''
    Location : Ligament Of Treitz
    Posts : 12
    Rep Power : 303
     
  9. kibogo

    kibogo JF-Expert Member

    #9
    Oct 19, 2012
    Joined: Apr 1, 2012
    Messages: 9,220
    Likes Received: 473
    Trophy Points: 180
    Ndugu mbona unakurupuka kutoa maelezo yasiyo na kichwa wala miguu, hivi unaweza kufananisha suala la mgomo wa madaktari na suala la kina Shehk Ponda kweli?
     
  10. b

    bob giza JF-Expert Member

    #10
    Oct 19, 2012
    Joined: Apr 29, 2010
    Messages: 265
    Likes Received: 0
    Trophy Points: 0
    nasikia jamaa wanakusubiri hospitali, ukiumwa hata kichwa tuu utajua....
     
  11. ethicx

    ethicx JF-Expert Member

    #11
    Oct 19, 2012
    Joined: Apr 4, 2012
    Messages: 314
    Likes Received: 10
    Trophy Points: 35
    naona akili yako ina funyo, hivi mtu anaefanya uchochezi na anayesababisha vifo vya watu unafikiri nani wakufunguliwa mashtaka? Km wew ni mtumzima mwenye akili basi unam matatzo sio bure.
     
  12. moto2012

    moto2012 JF-Expert Member

    #12
    Oct 19, 2012
    Joined: Jul 3, 2012
    Messages: 1,994
    Likes Received: 104
    Trophy Points: 160
    Myocardial stunning acha akili za kuambiwa hizo!
     
  13. ethicx

    ethicx JF-Expert Member

    #13
    Oct 19, 2012
    Joined: Apr 4, 2012
    Messages: 314
    Likes Received: 10
    Trophy Points: 35
    naona akili yako ina funyo, hivi mtu anaefanya uchochezi na anayesababisha vifo vya watu unafikiri nani wakufunguliwa mashtaka? Km wew ni mtumzima mwenye akili basi unam matatzo sio bure.
     
  14. Mwanahisa

    Mwanahisa JF-Expert Member

    #14
    Oct 19, 2012
    Joined: Jun 29, 2012
    Messages: 1,396
    Likes Received: 6
    Trophy Points: 135
    Sio kila mtu anapenda hizi Soap Opera za wenyeviti wa jumuia.
    Uli mwenyekiti wa jumuya, Ponda mwenyekiti wa jumuiya.......mwendelezo wa tamthilia zisizo na msisimko wa kimaendeleo.
     
  15. E

    ESAM JF-Expert Member

    #15
    Oct 19, 2012
    Joined: Mar 15, 2011
    Messages: 959
    Likes Received: 20
    Trophy Points: 35
    Wakati mwingine huwa akili za Salva Rweyemamu sijui huwa zinafanya kazi kweli au ni kulewa cheo? Yaani mtu anadai atendewe haki yake wewe unaita upuuzi, hata bila aibu. Si angeongea tu lugha nzuri tu. Huyu mhaya kweli kalewa cheo alicho nacho.
     
  16. mzamifu

    mzamifu JF-Expert Member

    #16
    Oct 19, 2012
    Joined: Mar 10, 2010
    Messages: 2,920
    Likes Received: 454
    Trophy Points: 180
    hivi hakuna uwezekano wa kumstaki huyo afisa wa ikulu?
     
  17. T

    Ti Go Senior Member

    #17
    Oct 19, 2012
    Joined: Jun 28, 2012
    Messages: 156
    Likes Received: 38
    Trophy Points: 45
    Nadhani bosi wake (SALVA) angejua kuwa siyo mtetezi wake mzuri angemfuta kazi haraka iwezekanavyo. Wakati anachagua alifikiri atakuwa msemaji mzuri kumbe hovyo. majibu yake yanatia kichefuchefu
     
  18. L

    Lwesye JF-Expert Member

    #18
    Oct 19, 2012
    Joined: Sep 29, 2012
    Messages: 5,293
    Likes Received: 8
    Trophy Points: 0
    Una laana ya kuzaliwa unajifanya kipofu huyu KIkwete mshangaa makasri ya wenzake mbona humsemi fedha zote za hazina yeye anatumia kuzurula dunia nzima eti kumbembea badala ya kununua dawa na vifaa mahospitalini na kuboresha sekta ya afya huyo ndio wa kutiwa ndani bila kesi
     
  19. Myocardial Stunning

    Myocardial Stunning Member

    #19
    Oct 20, 2012
    Joined: Oct 19, 2012
    Messages: 15
    Likes Received: 0
    Trophy Points: 0
    mgomo wa madactari lilikuwa zito zaidi walikufa kina mama.. watoto.. na maskini... !! ulimboka mikononi ana damu ya watanzania.. kwa uchochezi alio fanya! ...
     
  20. B

    Buluki Member

    #20
    Oct 20, 2012
    Joined: Jul 4, 2012
    Messages: 16
    Likes Received: 0
    Trophy Points: 0
    Uko sahihi kaka maana kazi aliyoifanya ponda na huyu kaifanya ila hawamgusi.....dah serikali hii ina mambo!
     
Loading...