Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Elewa kwanini CHADEMA walifanya walichofanya

Discussion in 'Jukwaa la Siasa' started by anti-fisadi, Nov 20, 2010.

  1. anti-fisadi

    anti-fisadi JF-Expert Member

    #1
    Nov 20, 2010
    Joined: Nov 20, 2010
    Messages: 369
    Likes Received: 1
    Trophy Points: 35
    Wabunge wetu wa CHADEMA wamechukua uamuzi mgumu sana, uamuzi ambao unataka ujasiri na uthubutu wa vitendo. Ni lazima tuelewe kuwa mgogoro uliopo siyo na JK kama JK, la hasha bali na mfumo uliomuingiza madarakani safari hii, mfumo ambao tunautuhumu kuwa haukuwa huru na wa haki. Uamuzi huu haukuwa wa chuki binafsi au kisirani dhidi ya JK kama JK, bali dhidi ya mfumo ulioundwa na kulelewa na CCM na ambao umetuonesha kuwa hauwezi na haupaswi kulelewa kwa muda mwingine wowote ujao.Kuanzia wakati wa kutangaza matokeo tulitoa malalamiko yetu kwa Tume ya Uchaguzi ili waweze kuyafanyia kazi ili mshindi apatikane katika mazingira ya haki na uwazi. Tume haikusikiliza na ikaendelea na mfumo wake mbovu wa kutangaza matokeo bila kujali malalamiko yetu. Tukazungumza hadharani juu ya kutopatana kwa matokeo ya uchaguzi yanayotangazwa na tume na yale yaliyoko majimboni na kuomba tume wasitishe ili waangalie ushahidi tulio nao, tume haikusikiliza na matokeo yake wakamtangaza JK kuwa Rais licha ya kwamba matokeo majimboni yalikuwa yanaashiria vinginevyo.Ni muhimu kutambua kuwa ni rahisi kukubali matokeo ya Ubunge kwa sababu yanarasimishwa majimboni na yanaweza kupingwa mahakamani. Katika urais kimsingi ukiangalia Katiba utaona kuwa haijalishi nani kashinda kwenye kura, bali nani katangazwa mshindi. Tunachotuhumu sisi ni kuwa matokeo ya Uchaguzi yangetangazwa kama ilivyoahidiwa na Tume mwezi Machi yangeonesha wazi mshindi ni tofauti na yule aliyetangazwa. Lakini wao tume wakijua kuwa mara wakishatangaza hakuna mahakama inayoweza kuhoji wakafanya hila na haraka ya kutangaza matokeo ya Urais kwa kumtangaza JK kuwa ni Rais.Kama toka siku ya kwanza tulitoa malalamiko na zikapita siku tano bila kujibiwa wala kusikilizwa na baadaye tunatakiwa tukubali tu kwa vile "keshatangazwa" katika dhamira safi tunaweza vipi kufanya hivyo? Ugomvi wetu wa kisiasa (na siyo chuki wala uhasama binafsi) hauko zaidi na JK bali natume iliyomtangaza. Na kwa vile yeye mwenyewe haoni matatizo katika tume au mfumo wetu wa uchaguzi tunaona kuwa aidha alitoa baraka zake au alikubali kunufaishwa na mfumo huo mbovu.Hivyo, wabunge wetu kutoka nje ni kutuma ishara mbili: Kwanza, tunapinga mfumo wa kichakachuaji wa tume ya Uchaguzi uliomtangaza JK kuwa Rais, na pili kwa vile Tume imeshindwa kutuonesha uwazi wa ushindi wa Kikwete tunashindwa kukubali kama ni mshindi halali. Ni mpaka pale uchanguzi huru wa kura utakapoonesha kuwa JK kashinda kihalali ndipo tutakuwa tayari kumtambua ukiondoa uwezekano mwingine wa kuelewana.Tukumbuke kuwa, kama uchaguzi huu ungeendeshwa katika hali ya uwazi, haki na ufanisi tusingefika hapa. CHADEMA siyo wa kulaumiwa katika hili wala wabunge wetu wasibebeshwe mzigo kwa hili; watu waliotufikisha hapa ni Serikali ya CCM na vyombo vyake ikiwemo Tume ya Uchaguzi. Wangeonesha weledi na kutokupendelea kwa wazi tusingefikia mahali pa kutulazimisha kuchukua hatua hizi ambazo kwa kila kipimo ni za wastani sana ukilinganisha na hatua ambazo tungeweza kuzichukua.Nawasihi tuwaunge mkono wabunge wetu na uongozi wetu kwa kuwatia moyo kwani uamuzi waliouchukua ni uamuzi wa kijasiri lakini ulioweka historia katika Tanzania kuwa hatuwezi tena kusukumwa na kuburuzwa kwa kutumia nguvu ya taasisi au cheo cha mtu. Tuwatie shime na tusimame nao katika wakati huu wa kihistoria.

    source: www......fb..
     
  2. Kibunango

    Kibunango JF-Expert Member

    #2
    Nov 20, 2010
    Joined: Aug 29, 2006
    Messages: 7,558
    Likes Received: 122
    Trophy Points: 160
    Kajifunze kuandika kwanza!
     
  3. VoiceOfReason

    VoiceOfReason JF-Expert Member

    #3
    Nov 20, 2010
    Joined: Nov 4, 2010
    Messages: 5,235
    Likes Received: 17
    Trophy Points: 0
    Hii sio jinsi ya sisi watanzania tunavyowakaribisha wageni "I thought being here since 2006" utakuwa mwongozo mzuri kwa new users wa JF. Sio fresh Bro.
     
  4. Marunda

    Marunda Senior Member

    #4
    Nov 20, 2010
    Joined: Mar 3, 2010
    Messages: 114
    Likes Received: 0
    Trophy Points: 33
    Nadhani maelezo yamekugusa. Uwezi dharau mawazo ya binadamu mwenzako:A S-alert1:
     
  5. Kibunango

    Kibunango JF-Expert Member

    #5
    Nov 20, 2010
    Joined: Aug 29, 2006
    Messages: 7,558
    Likes Received: 122
    Trophy Points: 160
    Awali ya yote sio jukumu langu kukaribisha wageni, zaidi kuna eneo(ukumbi) maalumu kwa wageni kujitambulisha na kukaribishwa. Bandiko lake linaweza kuwa limebeba ujumbe mzuri, ila mpangilio wa uandishi wake unatia kinyaa.

    Ni vema akajifunza kutumia njia sahihi za kuandika, aidha anaweza kujifunza kutoka katika mabandiko kadhaa hapa hapa kwenye ukumbi wa siasa.
     
  6. anti-fisadi

    anti-fisadi JF-Expert Member

    #6
    Nov 20, 2010
    Joined: Nov 20, 2010
    Messages: 369
    Likes Received: 1
    Trophy Points: 35
    wenye akili na wataelewa nilichoandika,sijaandika kwa ajili ya wasio na uwezo wa kufikiri na walio biased kisiasa! Watanzania wameamka, na kila mzalendo au mwanaharakati anaeingalia tz 2015-2020 itakuaje lazima ataelewa kwanini kinafanyika hivi na sio ccm watakavyo! nchi haiwezi kuendeshwa na vichwa vya watu wawili? Tunahitaji mabadiliko ya kikatiba.
    inakuaje znz waweze na sio bara? CHADEMA is there to represent us...
     
Loading...