Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Duh CCM bwana eti aliingia JKT ana miaka 12

Discussion in 'Jukwaa la Siasa' started by Mvutakamba, Oct 13, 2009.

  1. M

    Mvutakamba Member

    #1
    Oct 13, 2009
    Joined: Jul 31, 2009
    Messages: 58
    Likes Received: 0
    Trophy Points: 0
    Katibu UVCCM apata wakati mgumu kesi ya Sendeka

    Na Mussa Juma, Arusha

    KATIBU wa Jumuiya ya Vijana ya Chama Cha Mapinduzi(UVCCM), Wilaya ya Monduli, Mathias Mihayo (43) ambaye ni Shahidi wa nne katika kesi shambulio na kutishia kwa silaha inayomkabili Mbunge wa Simanjiro Christopha Ole Sendeka(CCM) jana alipata wakati mgumu mahakamani baada ya kudai alijiunga na Jeshi la kujenga Taifa(JKT) akiwa na miaka 12.

    Akitoa ushahidi mbele ya Hakimu Mkazi wa Mkoa wa Arusha, James Kalehemaha katika kesi hiyo inayohudhuriwa na mamia ya watu, Shahidi huyo alisema ana umri wa miaka 43 na alijiunga na JKT mwaka 1978.

    Akihojiwa na mawakili wa utetezi, Mihayo alisema alizaliwa mwaka 1966 na alimaliza darasa la saba mwaka 1976 katika shule ya Msingi Solwa Mkoani Shinyanga na mwaka 1978 alijiunga na JKT kambi ya Makotopola mkoani Dodoma.

    Sehemu ya mahojiano baina ya Mawakili wa Utetezi, James Ngaro, Hezra Mwaluko na Mpaya Kamara na Shahidi huyo yalikuwa ni hivi.

    Wakili Ngalo, katika maelezo yako ya polisi ilieleza una miaka 43 ni kweli au siku kweli.

    Shahidi: Ni Kweli.

    Wakili Ngalo: Ni kweli kuwa kwa mahesabu ulizaliwa mwaka 1966.

    Shahidi: Ni Kweli.
    Wakili Ngalo: Je ni kweli mwaka 1978 ulijiunga na JKT.
    Shahidi: Ni kweli.

    Wakili Ngalo: Kwa hiyo ulijiunga na JKT ukiwa na miaka 12.
    Shahidi: Kwa mahesabu yako.

    Wakili Ngalo: Darasa la saba ulianza mwaka gani
    Shahidi: Mwaka 1970.

    Wakili Ngalo: Ni nani aliyeshauri James Millya Kwenda polisi kumshitaki Sendeka
    Shahidi: Ni Mkuu wa mkoa wa Singida Parceko Kone.
    Wakili Mwaluko: Kwa hiyo, Shahidi ulijiunga na JKT ukiwa na miaka 12.
    Shahidi: Kimya.
    Wakili Mwaluko: Hebu tupige mahesabu chukua kalamu na karatasi chukua mwaka 1966 na utoe mwaka 1978.

    Shahidi: Miaka 12.
    Wakili Mwaluko: Je kuna jeshi ambalo linapokea watoto wa umri huo
    Shahidi: Kimya.
    Wakili Kamara: Je ni kweli kuwa wewe hukuona wakati Sendeka akimpiga kibao Millya.
    Shahidi: Sikuona.
    Wakili Kamara: Ni kweli pia wewe hukuona wala kusikia kilichotokea kabla ya Millya kuanguka chini.
    Shahidi: Ni kweli.

    WakiliKamara: Ni Kweli kuwa ulikuwa hujui tukio la kupigwa Millya hadi Millya mwenyewe alipokueleza.
    Shahidi: Ni Kweli.

    Wakili Kamara: Katika maelezo uliyotoa hapa umesema baada ya kumuona Sendeka na bastola ulisemaje.

    Shahidi: Huwiii Sendeka anaua mkuu wa mkoa.

    Wakili Kamara: Je katika maelezo yako ya polisi hebu tusomee uliandika hivyo.
    Shahidi: Anasema niliandika Sendeka anaua.
    Wakili Kamara: Je baada ya kuyapitia hayo maelezo ulisema yamekosewa.
    Shahidi: hapana.

    Wakili Kamara: Unasema ulipogeuka wakati wa chakula ulimuona Sendeka amemuelekezea bastola Millya je nani alikuwa mbele yako.
    Shahidi: Sikumbuki.

    Wakili Kamara: Nani alikuwa nyuma yako

    Shahidi: Mimi ni mgeni wilayani Monduli, siwakumbuki kwa majina ila ambaye alikwenda kumwondoa Sendeka alikuwa na mbunge wa Ngorongoro, Saning’o Ole Telele.

    Katika kesi hiyo, Sendeka anatuhumiwa kumpiga kibao Millya ambaye ni Mwenyekiti wa UVCCM mkoa wa Arusha na kumtishia na bastola Januari 9 mwaka huu, Wilayani Monduli kitu ambacho ni kinyume sheria.

    Kesi hiyo inatarajiwa kuendelea leo kwa shahidi wa tano kutoa ushahidi wake ambapo, upande wa mashitaka unawakilisha na wanasheria wa serikali Michael Luena na Hashim Ngole.
     
  2. JoJiPoJi

    JoJiPoJi JF-Expert Member

    #2
    Oct 13, 2009
    Joined: Aug 8, 2009
    Messages: 1,950
    Likes Received: 252
    Trophy Points: 180
    du hii kali, kama JKT zamani walikuwa wanachukua watoto kujiunga na jeshi sioni sababu ya kulirudisha hilo jeshi, coz lina kandamiza haki za watoto
     
  3. Limbani

    Limbani JF-Expert Member

    #3
    Oct 13, 2009
    Joined: Apr 24, 2008
    Messages: 1,395
    Likes Received: 33
    Trophy Points: 145
    Cha kufurahisha ni kuwa kamaliza darasa la saba mwaka 1976 yaani akiwa na miaka 10 tu! Kweli huyu alikuwa Kipanga...
     
  4. Shishye

    Shishye JF-Expert Member

    #4
    Oct 13, 2009
    Joined: Feb 26, 2009
    Messages: 269
    Likes Received: 0
    Trophy Points: 0
    sio tu kipanga ila morphology yake nayo bab kubwa. Unajua zamani kipimo cha kuruhusu mtoto kuanza darasa la kwanza ni mkono wa kulia kufikia au kupita sikio la kushoto unapowekwa juu ya kichwa.Kabla ya miaka saba mazee huja qualify unless una bodi kubwa kiaina!
     
  5. Kite Munganga

    Kite Munganga JF-Expert Member

    #5
    Oct 13, 2009
    Joined: Nov 19, 2006
    Messages: 1,298
    Likes Received: 61
    Trophy Points: 145
    CCM ndivyo walivyo, nyie mnashangaa lakini kwa wao hawaoni ubaya wowote wala kichefuchefu hawana
     
  6. M

    Mwafrika JF-Expert Member

    #6
    Oct 13, 2009
    Joined: Nov 20, 2006
    Messages: 5,491
    Likes Received: 5
    Trophy Points: 0
    Alizaliwa 1966 na kuanza msingi 1970 .... ile ya yule jamaa wa mwanza ni cha mtoto
     
  7. MchunguZI

    MchunguZI JF-Expert Member

    #7
    Oct 13, 2009
    Joined: Jun 14, 2008
    Messages: 3,601
    Likes Received: 534
    Trophy Points: 280

    CVs za viongozi CCM zinastahili kuwekwa Ze komedi.

    Subiri uchaguzi uingie. mara hii nadhani woote watakuwa na Ph.Ds. zila za miezi 6.

    Wengine wanaitwa vijana wakiwa na miaka 60
    Wengine sasa hivi wako juu lakini hakuna dalili za mafanikio huko nyuma walikopitia.
     
  8. Kaa la Moto

    Kaa la Moto JF-Expert Member

    #8
    Oct 13, 2009
    Joined: Apr 24, 2008
    Messages: 7,536
    Likes Received: 74
    Trophy Points: 145
    Hii ndio shida ya ushahidi wa kupanga ambao waendesha mashitaka wa kibongo hujaribu kufanya ili wa win case.

    Haya ndio matokeo. Mtu hajui miaka hata aliyokwenda shule wala JKT kwa nini mahakama imuamini mtu kama huyu?
     
  9. Mbogela

    Mbogela JF-Expert Member

    #9
    Oct 13, 2009
    Joined: Jan 28, 2008
    Messages: 1,368
    Likes Received: 52
    Trophy Points: 145
    Sidhani kama hajui miaka aliyoenda shule wala JKT, kilichotokea hapo na kinachotokea kwa sehemu kubwa ya jamii yetu ni kuwa wakati mtu amefika umri fulani anapunguza miaka yake ili apate nafasi ya kazi au uongozi. Siwezi kushangaa huyu alipunguza miaka yake hiyi ili abaki kwenye uongozi wa UVCCM
     
  10. S

    Solomon David JF-Expert Member

    #10
    Oct 14, 2009
    Joined: Mar 1, 2009
    Messages: 1,149
    Likes Received: 1
    Trophy Points: 0
    hahahahaha,

    mambo mengine bwana, kwa hiyo jamaa kajipunguzia umri ili awe kiongozi wa vijana? Mbona Kikwete ana miaka karibu 60 lakini watu wanamwita eti ni kijana? Jamaa angepull ukikwete tu mambo yangekuwa poa.
     
  11. Kaa la Moto

    Kaa la Moto JF-Expert Member

    #11
    Oct 14, 2009
    Joined: Apr 24, 2008
    Messages: 7,536
    Likes Received: 74
    Trophy Points: 145
    Hata mimi nashangaa.
    Watu design hii hii utasikia eti kachaguliwa kamanda wa vijana wa wilaya au mkoa!
    Ni aibu tupu.
     
  12. Lunyungu

    Lunyungu JF-Expert Member

    #12
    Oct 14, 2009
    Joined: Aug 7, 2006
    Messages: 8,827
    Likes Received: 32
    Trophy Points: 135

    Unaweza kukuta baada ya Uchaguzi anakuwa Mkuu wa Wilaya . Angalia wakuu wa wilaya tulio nao leo .
     
  13. Scientist

    Scientist JF-Expert Member

    #13
    Oct 15, 2009
    Joined: Feb 7, 2009
    Messages: 392
    Likes Received: 0
    Trophy Points: 0
    Kazaliwa 1966, kamaliza la saba 1976!! alianza darasa la kwanza lini? alisoma madarasa mangapi? Jeshi lipi hilo linatoa ajira kwa watoto?? huyo ndio kiongozi wa VIJANA???!!! Kachemsha..kaaazi kwelikweli!!
     
Loading...