Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dr. Slaa: Mchakato wa katiba mpya kuanza ndani ya miezi minne nikipewa madaraka

Discussion in 'Jukwaa la Siasa' started by Luteni, Aug 8, 2010.

  1. Luteni

    Luteni JF-Expert Member

    #1
    Aug 8, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    Maelfu ya wakazi wa jiji la Dar es Salaam jana walijitokeza kumlaki mgombea Urais kwa tiketi ya Chama Cha Demokrasia na Maendeleo (Chadema), Dk. Wilibroad Slaa, ambaye wakati akihutubia wananchi pamoja na mambo mengine, ameahidi kuanza mchakato wa utengenezaji wa katiba mpya ndani ya miezi minne kama atapewa dhamana ya kuongoza nchi.

    Dk. Slaa ambaye hadi jana asubuhi alikuwa ameshadhaminiwa na Watanzania 1,397,757 kutoka mikoa 20 Tanzania Bara na Visiwani, alikuwa akitokea Zanzibar alikokwenda kutafuta wadhamini, akiwa ameambatana na viongozi wakuu wa chama hicho akiwemo Mwenyekiti wake, Freeman Mbowe, ambapo aliwasili katika Uwanja wa Ndege wa Mwalimu Nyerere majira ya saa 6:50 mchana na baadaye kuhutubia umati mkubwa wa wananchi waliojitokeza kumsikiliza katika viwanja vya Jangwani.

    Wakati akitoa hutuba, Dk. Slaa alisema kero nyingi zinazoikabili nchi kwa sasa zinatokana na Katiba ya nchi kuwa na kasoro nyingi na kwamba iwapo itaandikwa upya kwa kuzingatia matakwa ya wananchi wengi, itasaidia kutatua kero hizo.

    "Siku hizi kila mahali ni foleni, ukienda polisi ni foleni, mahakamani, benki, barabarani kote ni foleni huku chai ya 'wakubwa' kwa mwaka inagharimu zaidi ya bilioni 30, wabunge wanapandishiwa mishahara kila siku na kulipwa posho kubwa wakati mwananchi wa kawaida akiteseka kwenye lindi la umaskini, hizi ni kero zinazohitaji ufumbuzi wa haraka," alisema Dk. Slaa na kushangiliwa.

    Dk. Salaa, ambaye alihutubia kwa takribani dakika 40 kuanzia saa 12:03 jioni, alisema Tanzania inahitaji viongozi watakaoweza kupanga matumizi sahihi ya rasilimali zilizopo ili zinufaishe umma badala ya kuwanufaisha wachache huku wengi wakiumia.

    Kwa wakati wote ambao Dk. Slaa alikuwa akihutubia wananchi walikuwa wakimshangilia kwa kumwita 'Rais, Rais' jambo lililokuwa likimlazimu kukatisha hotuba yake kila mara.

    Awali, Mbowe alisema Chadema kinamuunga mkono Maalim Seif Hamad Sharif ambaye anawania Urais kwa tiketi ya Chama Cha Wananchi (CUF) visiwani Zanzibar.

    Alisema kuwa chama hicho hakitasimamisha mgombea urais kwa upande wa Zanzibar na kwamba wafuasi wake watampa kura za urais Maalim Seif. Hata hivyo, alisema Chadema kitasimamisha wagombea wa ubunge na uwakilishi visiwani humo ili kuweka nguvu ya upinzani ndani ya Baraza la Wawakilishi.

    Hata hivyo, alisema Chadema haiungi mkono uundwaji wa serikali ya umoja wa kitaifa visiwani Zanzibar kwa maelezo kwamba uundwaji wake hautamaliza siasa za chuki visiwani humo.

    Kwa upande wa Bara, alisema chama hicho kimeshindwa kuungana na vyama vingine kwa kuwa baadhi ya vyama vya siasa vimekuwa vikifanya mzaha kwa kushabikia CCM.
    Alisema katika uchaguzi wa mwaka huu, Chadema kitapambana ipasavyo ili kuhakikisha kinapata ushindi na kueleza kwamba wamechoshwa na wizi wa kura aliosema umekuwa ukifanywa na Chama Cha Mapinduzi.

    "Chadema tumeamua kumuunga mkono Maalim Seif kule Zanzibar lakini tutasimamisha wagombea ubunge na uwakilishi wa Baraza. Kwa upande wa Bara, nadhani wote mnafahamu kwamba tunavyama 17 vya siasa, vya kweli na vya mzaha. Hatuwezi kuungana na vyama vinavyocheza ngoma ya CCM," alisema na kuongeza "Haki ya Mungu, ama zao ama zetu...lugha ya kusema tumeibiwa kura mwaka huu tutaiacha. Chadema tunapenda amani lakini mwaka huu ikibidi na sisi tutaiba kura, tumechoka."

    Makamu Mwenyekiti wa Chadema Bara, Said Arf, alisema afya ya Dk. Slaa ni imara na kwamba anaweza kufanyakazi bila tatizo lolote hivyo kuwaomba wananchi wamchague kuwa rais wakati wa uchaguzi. Alionya kwamba chama hicho hakiwezi kugawanywa na propaganda ya udini ambayo imeanza kunadiwa na wapinzani wao wa kisiasa wanaodai kwamba Dk. Slaa ni chaguo la Kanisa Katoliki.

    Wakili wa maarufu nchini, Mabere Marando, ambaye ni miongoni mwa mawakili wanaowatetea watuhumiwa wa wizi wa EPA, alisema washtakiwa waliofikishwa mahakamani ni matawi na kwamba CCM haitaweza kuwakamata watuhumiwa wakubwa.

    Alisema kuwa watuhumiwa waliofikishwa mahakamani kwa tuhuma za wizi wa EPA ni watu wadogo, lakini vigogo waliohusika hawajachukuliwa hatua yoyote na kwamba ushahidi anao.

    Hata hivyo, akisoma dua ya kufungua mkutano huo, Sheikh Said Mwaipopo, alisababisha wananchi kushangilia katikati ya swala alipomwomba Mungu awadhalilishe wezi wote wa rasilimali za nchi.

    Aidha, msafara wa Dk. Slaa ambao uliwasili uwanja wa ndege wa zamani majira ya saa 6:50 mchana, ulikuwa ukisimama kila wakati njiani wakati ukielekea Jangwani, kutokana na magari ya wananchi kuingilia jambo lililoibua mgogoro baina ya vijana wa usalama wa Chadema na askari wa usalama barabarani, katika mataa ya Tazara.
     
  2. Buchanan

    Buchanan JF Diamond Member

    #2
    Aug 25, 2010
    Joined: May 19, 2009
    Messages: 13,088
    Likes Received: 236
    Trophy Points: 160
    Tumeshuhudia kwamba mtu anapopata umaarufu fulani huwa akiingia madarakani anachomekea vitu ambavyo ni vigumu watu wakivishtukia mapema!

    1. Rais Mwinyi alikuwa chaguo la Nyerere na kwa wakati huo alionekana ni "kijana," kwa hiyo ali-take advantage ya kuchomekea masuala ya OIC ambayo yalikuja kushtukiwa baadaye hata hivyo.

    2. Kikwete alipata umaarufu mkubwa sana, hata baadhi ya viongozi wa dini wakawita kuwa ni "chaguo la Mungu," aka-take advantage hiyo kuchomekea mambo ya Mahakama ya Kadhi kwenye Ilani ya Uchaguzi, 2005. Baada ya kushtukiwa akadai eti sio yeye aliyeitunga Ilani hiyo na hatimaye kuwaruhusu Waislamu waunde Mahakama za Kadhi wenyewe badala ya kuingiliwa na Serikali!

    3. Maalim Seif alipozungumza na Rais Karume na kuleta matumaini mapya ya kuwaunganisha Wazanzibari, watu wa mataifa mbalimbali pamoja na wa hapa nchini waliwasifu sana. Hao wazee bila kujali kwamba kuna kitu kinaitwa "Muungano" wakachomekea suala la "Zanzibar ni miongoni jwa nchi mbili" huku wakijua kwamba kufanya hivyo ni kuvunja Katiba ya Jamhuri ya Muungano wa Tanzania, 1977 ambayo Karume mwenyewe aliapa kuilinda! Mpaka sasa "kuchomekea huko" hatujaelewa kunaashiria nini? Labda ndio mwisho wa Muungano wetu kama baadhi ya watu walivyodai! Au kwa maneno mengine, JK ameachiwa nchi ambayo haipo kisheria!

    4. Kwa mantiki hiyo ni vema kujua ni mambo gani ambayo Dkt Slaa kama taingia Ikulu atayafanya ili ajifunge kwa maneno yake! Asidai kwa ujumla wake tu kwamba "Nitabadili Katiba ndani ya siku 100!" That is not enough!

    5. Dkt Slaa atupatie rasimu ya Katiba atakayoitunga ili tujue mapema! Tutakuja kuwekewa mambo ya akina Kadhi ndani ya Katiba yetu kwa shinikizo la baadhi ya watu!

    6. It is the time now! Show us the draft, Dkt Slaa!
     
  3. Ruge Opinion

    Ruge Opinion JF-Expert Member

    #3
    Aug 26, 2010
    Joined: Mar 22, 2006
    Messages: 1,483
    Likes Received: 109
    Trophy Points: 160
    Buchannan, Katiba hatungwi na rais! Hayo yote uliyoyaorodhesha si mambo yaliyoletwa na marais uliowataja bali ni matukio yaliyotokea katika urais wao. Hivi ni vitu viwili tofauti. Dr. Slaa hawezi kukupa rasmu ya Katiba yake kwa kuwa haipo. Ana mapendendekezo yake ambayo amekwisha kuyaweka wazi. (Soma Gazeti la Raia Mwema la wiki hii). Hayo pamoja na ya wadau wengine ndiyo yataingizwa katika Rasmu ya Katiba (kama CCM itakuwa imeondoka) na kupitishwa na wananchi kupitia Bunge au Baraza la Katiba (Consituent Assembly). Ikibidi kabla ya hapo inaweza kuitishwa kura ya maoni (referendum) kuhusu haja ya kuwa na Katiba mpya au la. Kama una maswali kwa Dr. Slaa basi yawe kuhusu sera zake binafsi au za CHADEMA.
     
  4. Jile79

    Jile79 JF-Expert Member

    #4
    Aug 26, 2010
    Joined: May 28, 2009
    Messages: 8,759
    Likes Received: 110
    Trophy Points: 160
    naamini dr.slaa angekuwa mtunga katiba lazima kitu cha kwanza angeshauri mahakama ya kadhi na oic
     
  5. Buchanan

    Buchanan JF Diamond Member

    #5
    Aug 28, 2010
    Joined: May 19, 2009
    Messages: 13,088
    Likes Received: 236
    Trophy Points: 160
    Ok, nashukuru nitapitia gazeti hilo!
     
  6. Buchanan

    Buchanan JF Diamond Member

    #6
    Aug 28, 2010
    Joined: May 19, 2009
    Messages: 13,088
    Likes Received: 236
    Trophy Points: 160
    Kwani bila OIC na Mahakama za Kadhi binadamu hawezi kuishi mpaka unadai kwamba eti KITU CHA KWANZA?
     
  7. M

    MJENGA JF-Expert Member

    #7
    Nov 21, 2012
    Joined: Nov 18, 2012
    Messages: 364
    Likes Received: 20
    Trophy Points: 35
    Hebu wana J.F tuijadili kauli ya Dr Slaa kuwa angechaguliwa kuwa Rais wa TZ angetupatia katiba mpya ndani ya siku 100 za kuwepo kwake Ikulu. Je, kauli hii ina ukweli wowote kwa kuzingatia mchakato mzima wa upatikanaji wa katiba mpya.
     
  8. Z

    Zero One Two JF-Expert Member

    #8
    Nov 21, 2012
    Joined: Sep 16, 2007
    Messages: 9,394
    Likes Received: 15
    Trophy Points: 0
    Ndio inaukweli! hii ya sasa watu wanatajirikia hapo na miela ya hiyo tume ya katiba.... ulaji ndio maana wanajikokota kumaliza mapema.
     
  9. z

    zamlock JF-Expert Member

    #9
    Nov 21, 2012
    Joined: Dec 25, 2010
    Messages: 3,822
    Likes Received: 22
    Trophy Points: 135
    hv ulikuwepo kipindi cha uchaguzi na ukasikia alicho kuwa anakizungumza dk slaa? Au unakurupuka tu na aujui unacho andika hapa jf na ukizingatia hili jukwaa linatembelewa na watu makini, kajipange upya alafu ulete topic yako hapa kwenye jukwaa
     
  10. F

    FredKavishe Verified User

    #10
    Nov 21, 2012
    Joined: Dec 4, 2010
    Messages: 1,067
    Likes Received: 3
    Trophy Points: 135
    Alisema mchakato wa katiba ungeanza ndani ya siku 100
     
  11. kapotolo

    kapotolo JF-Expert Member

    #11
    Nov 21, 2012
    Joined: Sep 19, 2010
    Messages: 3,708
    Likes Received: 48
    Trophy Points: 145
    Alisema mchakato ungeanza ndani ya siku 100, sio katiba ndani ya siku 100, badilisha huo upotoshaji ndio tuchangie.
     
  12. K

    KARIBUTKY Member

    #12
    Nov 21, 2012
    Joined: Oct 17, 2012
    Messages: 18
    Likes Received: 0
    Trophy Points: 0
    mchakato sio kuwa na katiba mpya bana mbona unapotosha...
     
  13. C

    Concrete JF-Expert Member

    #13
    Nov 21, 2012
    Joined: Mar 12, 2011
    Messages: 3,608
    Likes Received: 11
    Trophy Points: 0
    Jifunze kusikiliza vizuri kabla ya kusema chochote, acha kuishi kwa kuamini propaganda.

    Dr. Slaa alisema
    ''ATAHAKIKISHA MCHAKATO WA KUANDIKWA KATIBA UNAANZA NDANI YA SIKU 100 TOKA AMEINGIA IKULU''
    Na wala hakusema katiba mpya itapatikana ndani ya siku 100
     
  14. h

    hajoma Member

    #14
    Nov 21, 2012
    Joined: Jul 21, 2009
    Messages: 87
    Likes Received: 6
    Trophy Points: 15
    Hakusema hivyo...ndugu Majanikv umesema vizuri, alisema ataanza mchakato wa kuandika katiba mpya ndani ya siku 100 kama unahitaji nikutumie maelezo mengine( full nondo ) niambie maana kila kitu alichokuwa anakisema wakati wa kampeni nimekihifadhi kwa komputa yangu
     
  15. KIJOME

    KIJOME JF-Expert Member

    #15
    Nov 21, 2012
    Joined: Jun 7, 2012
    Messages: 3,074
    Likes Received: 9
    Trophy Points: 135
    Jamani wana Great Thinkers tumevamiwa na virus dhidi ya viongozi wetu na chama chetu kwa ujumla,hivi wewe habibi mchange nyakarungu mmetumwa na nani kwa unafiki huu??Ni lini dokta alisema atawapa katiba mpya ndani ya siku 100??Kama wewe sio kipofu kuanzia machoni mpaka masaburini mwako basi wewe ni shetani wa mguu mmoja!!!!UKWELI NDIO HUU!!!TUTAANZISHA MCHAKATO WA KATIBA MPYA NDANI YA SIKU 100 TUTAKAPOINGIA MADARAKANI!!!-acha unafiki wako utavalishwa shanga humu ndani...
     
  16. Z

    Zero One Two JF-Expert Member

    #16
    Nov 21, 2012
    Joined: Sep 16, 2007
    Messages: 9,394
    Likes Received: 15
    Trophy Points: 0
    Chaumbea kaja mpe chai na bakuli,Apate kuungua akayaseme vizuri
     
  17. Kimbunga

    Kimbunga Platinum Member

    #17
    Nov 21, 2012
    Joined: Oct 4, 2007
    Messages: 12,349
    Likes Received: 1,038
    Trophy Points: 280
    Yale yale ya "Tuko kwenye mchakato". Nadhani angekuwa firm kwa kusema angetupatia Katiba Mpya ndani ya kipindi fulani; uwe mwaka ama miaka miwili lakini eti Mchakato ungeanza baada ya siku 100 bila kutaja ungeisha lini ilikuwa kama danganya toto vile.
     
  18. M

    MJENGA JF-Expert Member

    #18
    Nov 21, 2012
    Joined: Nov 18, 2012
    Messages: 364
    Likes Received: 20
    Trophy Points: 35
    Povu la nini. Weka ushahidi kutetea hoja yako ikwezekana video siyo pooooovu hadi kwenye masaburi.
     
  19. Ruttashobolwa

    Ruttashobolwa JF-Expert Member

    #19
    Nov 21, 2012
    Joined: Feb 22, 2012
    Messages: 38,878
    Likes Received: 5,297
    Trophy Points: 280
    *Unajua matatizo yakuchukua maneno unayo yataka wewe?

    *Unajua matatizo ya kusikiliza unapo pataka wewe?

     
  20. J

    JokaKuu Platinum Member

    #20
    Nov 21, 2012
    Joined: Jul 31, 2006
    Messages: 10,787
    Likes Received: 995
    Trophy Points: 280
    ..too much money and time is wasted ktk mchakato.

    ..Issa Shivji na Mark Bomani wangeweza kuandika katiba mpya in 100 days.

    ..sasa hivi wanakwenda kuongea na wananchi ambao hawana uelewa wowote ule na masuala ya katiba.

    ..mapesa wanayofuja yangeweza kujenga vyuo kadhaa vya VETA wenetu wakasoma humo.
     
Loading...