Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dogo akaja mikono mitupu!

Discussion in 'Mahusiano, mapenzi, urafiki' started by Mtambuzi, Jan 24, 2012.

  1. Mtambuzi

    Mtambuzi Platinum Member

    #1
    Jan 24, 2012
    Joined: Oct 29, 2008
    Messages: 8,572
    Likes Received: 681
    Trophy Points: 280
    Ndio nilikuwa nimetia timu jijini Dar kwa mara ya pili mnamo mwaka 1989 baada ya mara kwanza kuja na kuchafua hali ya hewa nikiwa kwa kaka yangu na kupigwa patresheni kijijini. Safari hii nilifikia kwa mjomba angu ili kuona kama mjomba ataweza kunisaidia kuendelea na masomo ya kidato cha sita. Basi, nikawa nakaa kwa mjomba maeneo ya Temeke kata ya 14 nikiwa sina shughuli maalum ya kufanya. Hapo jirani na kwa mjomba kulikuwa na mzee mmoja Mshihiri mwenye duka.

    Mzee huyo alikuwa na mtoto wa kiume aliyekuwa na umri wa miaka 12 wakati huo, ambaye alikuwa anasoma darasa la tano. Huyu mtoto alinizoea sana na mwisho akaniomba niwe namfundisha. Lakini fundishwa yake ilikuwa ya ajabu, kwani alichokuwa anataka ni kufanyiwa homework wanazopewa shuleni basi. Kila nikimfanyia homework akawa ananipa kitu kidogo kama shilingi 200 au 300. Nikawa mzee nimepata kibarua. Nikiona imepita wiki hajaleta homework namuuliza kulikoni, kama walimu wana malaria au vipi. Iliendelea hivyo mwisho nikawa namwambia anipe hela hata kama simfanyii homework.

    Nilimwambia kwamba nasubiri kwenda Chuo Kikuu na kumwahidi kwamba, nikimaliza Chuo Kikuu nitakuwa Mbunge wa Temeke na kwa sababu yeye atakuwa mkubwa wakati huo, nilimwambia nitampa ukuu wa wilaya. Kwa sababu ya utoto na somo la Siasa halikuwa likipanda alikubali. Akaanza kuiba fedha nyingi dukani kwao na kuniletea. Dhambi eh, wakati mwingine! Nikiwa hapo Temeke nikaanza uhusiano na binti mmoja. Naye binti nikamwambia nasubiri kwenda Chuo Kikuu na kwamba, mambo yangu ni mazuri, vijihela vya chipsi kuku havinisumbui. Huyu binti aliniamini kwa sababu yule bwana mdogo wakati huo homework zilikuwa zimeongezeka na mshiko nao ukawa umeongezeka.Siku moja yule binti alinifuata akaniambia ana hamu sana ya chipsi na bia. Mzee mzima nilikuwa na kama shilingi mia tu mfukoni. Ilibidi nimwambie yule binti asubiri.

    Nilikwenda hapo dukani kwao dogo na bahati nilimkuta. Nilimpiga signo na kumwita kando. Nilimwambia nina shida ya kufa na kupona, anitafutie shilingi 1,000. Dogo aliahidi kwamba, baada ya dakika ishirini angeniwezesha. Aliniambia baba yake akienda kuswali Insha tu, atashughulikia chapchap shida ya mwalimu wake wa tuisheni ya homework, yaani mimi.
    Nilimwambia naenda kumsubiri baa ambayo anaijua, kwani tulikuwa tukienda hapo mara kadhaa kunywa soda. Nilimuuliza kama ana uhakika atapata, akasema niondoe hofu kabisa, ni lazima apate, basi nilimpitia demu wangu tukaenda pale baa. Nilipofika pale baa niliagiza bia kwa ‘mtoto' na chipsi. Kwa sababu wahudumu walikuwa kidogo wananijua hawakunidai kabla. Tukawa tunapiga darasa na ‘mtoto' huku akijinoma chipsi, kuku na bia. ‘Mtoto' akamaliza msosi na bia, ikaagizwa bia ya pili, dogo hatokei.

    Wasiwasi ukanishika, niliona ni vyema nifuatilie.
    Ile nasimama, nikamwona dogo akiwa na baba yake na kaka yake fulani mnoko sana na Polisi aliyevaa sare. Nilihisi kama vile sipumui na sina mwili. Kabla sijapata muda wa kujiuliza, nilimsikia dogo akisema, ‘ni huyu hapa, huwa nampa kila siku.' Nilijua kila kitu kimekwenda ndivyo sivyo. Dogo alikuwa menaswa kwenye jaribio lake la kunasua ile elfu. Pale nilikuwa mtuhumiwa namba moja wa kumghilibu mtoto kujipatia mali, halafu hapo mezani chipsi, kuku na bia mbili zinahitaji kulipiwa. ‘Afande mchukue bwana, tapeli mkubwa.' Yule kaka yake dogo alisema. ‘Bwana uko chini ya ulinzi kwa tuhuma za kumtuma mtoto kufanya uhalifu wa wizi dukani. Naomba tufuatane kwenda kituoni.' Alisema yule Polisi.

    Wahudumu wa baa nao walikuwa wamefika wakitaka kulipwa chapaa zao. Nilimtazama yule demu wangu ambaye siku zote huwa anakunywa na kula chipsi kuku bila kujua kwamba, ni Juhudi za mfadhili dogo.
    ‘Tunamdai afande, tunaomba atulipe kwanza.' Mhudumu mmoja alisema. Nilijiuliza ni wakati gani radi huwa zinapiga bila mawingu ya mvua. Ni kwa nini isiwe wakati kama ule? ‘Lipa bwana twende zetu.' Afande alifoka. Nilijifanya kupekua mifukoni na kusema, ‘nimezisahau nyumbani.' Baba yake dogo alisema, ‘hujasahau chochote, ulikuwa ukisubiri kuletewa, ule na hawara yako. Mimi niwatafutie, nyie mbugie, tena bia! Hapana hiyo haikubaliki.'

    Najua mnatamani kujua kilichotokea baadaye.(Umbeya tu!) Kwa taarifa yenu sikupelekwa Keko wala Ukonga, mambo yaliisha kimya kimya. Na kijijini sikurudishwa, nilipelekwa shule na baadae chuo na leo niko hapa JF.
     
  2. Mtambuzi

    Mtambuzi Platinum Member

    #2
    Jan 24, 2012
    Joined: Oct 29, 2008
    Messages: 8,572
    Likes Received: 681
    Trophy Points: 280
    Hapa leo sitanii, hawa wanangu King'asti, Cantalisia na na yule mwingine mwenye maneno mengi kama Chiriku..............Husninyo, mkisema lolote kwenye uzi huu, mtanitambua, ni bora msionekane kwenye anga hii................Nitawachapaaaa..........................LOL

    Wallahi Sitanii, si mnanijua!
     
  3. Cantalisia

    Cantalisia JF-Expert Member

    #3
    Jan 24, 2012
    Joined: Sep 26, 2011
    Messages: 5,226
    Likes Received: 7
    Trophy Points: 135
    Kwaa kwaaa,kwiiiii,hahahahahahaha!uwiii mie mbavu zangu lol!shikamoo baba!
     
  4. Tony Almeda

    Tony Almeda JF-Expert Member

    #4
    Jan 24, 2012
    Joined: Sep 18, 2011
    Messages: 397
    Likes Received: 1
    Trophy Points: 0
    Du! mkuu hapa ulipatikana, naona ulikuwa mdogooo!?
     
  5. Poriposha

    Poriposha JF-Expert Member

    #5
    Jan 24, 2012
    Joined: Oct 23, 2011
    Messages: 306
    Likes Received: 3
    Trophy Points: 0
    Ungeanza na kusema "Hadithi Hadithi hapo zamani 1989 palikuwa na mwalimu na mtoto mmoja ......" ningeelewa vizuri
     
  6. Horseshoe Arch

    Horseshoe Arch JF-Expert Member

    #6
    Jan 24, 2012
    Joined: Aug 10, 2009
    Messages: 9,275
    Likes Received: 2,435
    Trophy Points: 280
    So funny,Mtambuzi napenda kichwa chako!
     
  7. FirstLady1

    FirstLady1 JF-Expert Member

    #7
    Jan 24, 2012
    Joined: Jul 29, 2009
    Messages: 16,200
    Likes Received: 104
    Trophy Points: 160
    Mtambuzi hivi hii ni true story heheheheheheh.. kweli umetoka mbali sana
     
  8. HorsePower

    HorsePower JF-Expert Member

    #8
    Jan 24, 2012
    Joined: Aug 22, 2008
    Messages: 3,617
    Likes Received: 28
    Trophy Points: 145
    Mtambuzi unatisha, usanii uliuanza mbali sana, sipate picha jinsi unvyopiga deal hapo ofisini kwako na kuzipiga ten percent za kodi za walalahoi! Loh!:A S embarassed:
     
  9. arabianfalcon

    arabianfalcon JF-Expert Member

    #9
    Jan 24, 2012
    Joined: Oct 19, 2010
    Messages: 2,293
    Likes Received: 5
    Trophy Points: 0
    hahahha unko hii tamu!!!
     
  10. Michael Scofield

    Michael Scofield JF-Expert Member

    #10
    Jan 24, 2012
    Joined: Jul 30, 2011
    Messages: 1,213
    Likes Received: 3
    Trophy Points: 135
    Mkuu haukupigiwa mahesabu ya hasara zilizopatikana, tangu uwe mwalimu wa dogo?
     
  11. Michael Scofield

    Michael Scofield JF-Expert Member

    #11
    Jan 24, 2012
    Joined: Jul 30, 2011
    Messages: 1,213
    Likes Received: 3
    Trophy Points: 135
    Utapelekwaje keko na wewe Mh, Mbunge?
     
  12. Graph Theory

    Graph Theory JF-Expert Member

    #12
    Jan 24, 2012
    Joined: Jul 2, 2011
    Messages: 3,448
    Likes Received: 413
    Trophy Points: 180
    So funny hii sijui inafaa jukwaa la jokes.
     
  13. Losambo

    Losambo JF-Expert Member

    #13
    Jan 24, 2012
    Joined: Nov 8, 2011
    Messages: 2,625
    Likes Received: 8
    Trophy Points: 0
    Kwikwi kwikwi kwikwi kwikwi kwikwi kwikwi kwikwi heeeeeeeeeeeeeeeeeeeeeeh. Mtambuzi umenivunja mbavu zangu, yaani wewe chiboko. Nakumbuka siku moja nilikuwa kwenye dala dala bubu toka Ubungo - Posta. Daladala bubu ni zile ambazo mtu ana Noah yake yuko peke yake anafika Ubungo kisha anatangaza Posta 1,000.00 n.k

    Kidogo nikazama JF nikakutana nauzi wa Mtambuzi. Yaani kwenye gari nilionekana kama kituko kwa jinsi nilivyokuwa nakenua meno bila watu kujua nini chanzo, kumbe Mtambuzi. Uzi wenyewe ulikuwa ule ulioenda kuzika Songea.
     
  14. Judgement

    Judgement JF-Expert Member

    #14
    Jan 24, 2012
    Joined: Nov 13, 2011
    Messages: 10,359
    Likes Received: 43
    Trophy Points: 145
    Huyu Baba yenu mbona mkali hivi ? Atapata wajukuu kweli huyu ! Hawa si ndiyo ma'baba wanaokaba hadi penati !
     
  15. n

    ngwana ongwa doi Member

    #15
    Jan 24, 2012
    Joined: Dec 26, 2011
    Messages: 75
    Likes Received: 1
    Trophy Points: 0
    tehe! tehe! baba Ngina kumbe wewe ndo mwasisi wa uchakachuaji? yaani ulikuwa unachakachua homework za dogo? kisa hawala mkono uende kinywani,mbona hawa hukuwafanyia kareti za kichina na kuwalilia kama paka upate heshima?
     
  16. Mtambuzi

    Mtambuzi Platinum Member

    #16
    Jan 24, 2012
    Joined: Oct 29, 2008
    Messages: 8,572
    Likes Received: 681
    Trophy Points: 280
    Hii maneno ni kweli kabisa, si ya kupeleka jukwaa la jockes............................Hebu acha masihara wewe..........!
     
  17. Mtambuzi

    Mtambuzi Platinum Member

    #17
    Jan 24, 2012
    Joined: Oct 29, 2008
    Messages: 8,572
    Likes Received: 681
    Trophy Points: 280
    Ule uzi wa Mazishi Songea ulikuwa ni kiboko mzee, yaani mzee mzima nikakalishwa kwenye kigoda kutambikiwa kwa sababu ya unzinzi! ile sitakuja kuisahau..............LOL
    Lakini hii ya leo umeionaje.................... nilifedhehekaje!?
     
  18. Cantalisia

    Cantalisia JF-Expert Member

    #18
    Jan 24, 2012
    Joined: Sep 26, 2011
    Messages: 5,226
    Likes Received: 7
    Trophy Points: 135
    Hahahahaha!
    Wala hana ukali wowote huyu,
    Dawa yake ni kumpelekea mchumba Baunsa tu anatulia mwenyewe!
    Anaijua vizuri shuhuli ya mabaunsa lol!
     
  19. Mtambuzi

    Mtambuzi Platinum Member

    #19
    Jan 24, 2012
    Joined: Oct 29, 2008
    Messages: 8,572
    Likes Received: 681
    Trophy Points: 280
    Watoto wa aina hii usipokuwa NUNDA watakugeuza Kalagabhaho
     
  20. Judgement

    Judgement JF-Expert Member

    #20
    Jan 24, 2012
    Joined: Nov 13, 2011
    Messages: 10,359
    Likes Received: 43
    Trophy Points: 145
    Lakini kuna ukweli ! Manaake nasikia mitoto hii inayozaliwa " Jakaya yuko madarakani" mmh ! Ikikukuta unafanya mambo faragha kama ni ma*i yakalie!
     
Loading...